У абласным цэнтры тэмпература сягнула 30 градусаў. На сённяшні дзень абвясцілі жоўты ўзровень небяспекі. Спёка крыху спадзе 12 чэрвеня.
Пасля прахалоднай і дажджлівай вясны пачатак чэрвеня магілёўцы сустрэлі з радасцю.
Многія рушылі на пляжы, балазе, паводле афіцыйнай інфармацыі, яны гатовыя прыняць ахвотнікаў акунуцца.
Тыя хто такой магчымасці пазбаўленыя абураюцца, што ў грамадскім транспарце не дзейныя кандыцыянеры, а на працоўных месцах іх наагул няма. Ратуюцца вентылятарамі.
Дзецям прасцей, іх ратуюць фантаны ў горадзе. Яны апанаваныя дзятвой.
А што з забруджаннем? Паводле Белгідрамету ў Магілёве зафіксавана перавышэнне нарматыву якасці ў 1,6 раза па цвёрдых часцінах. Астатнія параметры ў норме.
Тым часам, у 21 раёне вобласці ўведзеныя абмежаванні наведвання лясоў. Пажарная небяспека.
– У маі 2005 года на Сусветнай асамблеі міністры ў ахове здароўя прынялі заяву аб падтрымцы добраахвотнага донарства крыві. Яны пастанавілі штогод адзначаць Сусветны дзень донара крыві 14 чэрвеня.
– Сённяшні дзень донары і персанал станцыяў пералівання крыві адзначаюць пад пад дэвізам «Донарства крыві – акт салідарнасці. Станьма донарам і выратума жыццё».
Важнасць донарства неаспрэчная.
– Траціна чалавецтва хоць раз у жыцці мела патрэбу ў донарскай крыві. Бальшыня хірургічных аперацыяў не абыходзяцца без такога патрэбнага кампаненту. Важна, каб у лякарні ўвесь час былі не зніжальныя запасы кампанентаў крыві і лекавых сродкаў, з якіх яны атрымліваюцца.
bsut.by
– У Беларусі больш за 100 тысяч донараў крыві на 9 349 645 насельніцтва. У Польшчы, да прыкладу, 570 077 донараў на 38 179 800 грамадзянаў.
– Донарам можа быць не кожны, а толькі здаровы чалавек ад 18 да 60 гадоў.
– Кожны раз, калі донар здае кроў, ён старанна абследуюцца, што выключае прычыненне шкоды здароўю самога донара і рызыка перадачы інфекцыяў пацыенту.
Адначасова тое з’яўляецца матывацыяй донару весці здаровую выяву жыцця.
– Па дадзеных аховы здароўя донар, які рэгулярна здае кроў, жыве ў сярэднім на 5 гадоў даўжэй, паколькі амалоджваецца арганізм. Кожная данацыя – гэта пачуццё самасцвярджэння і маральнага задавальнення, павышэння стрэсаўстойлівасці. Нездарма гавораць здаровы як донар.
– Больш за 67 тысяч беларускіх донараў узнагароджаныя знакам «Ганаровы донар Рэспублікі Беларусі». Каб стаць ганаровым донарам трэба:
– бясплатна здаць кроў не менш за 20 данацыяў(разоў);
– бясплатна здаць плазму, трамбацыты не менш за 40 данацыяў;
– за ўзнагароджанне здаць кроў не менш за 40 данацыяў;
– за ўзнагароджанне здаць плазму, трамбацыты не менш за 80 данацыяў.
bsut.by
Ганаровы донар мае:
– на пазачарговае абслугоўванне ў дзяржаўных установах аховы здароўя;
– па выхадзе на пенсію аказанне медычнай дапамогі ў ведамасных арганізацыях аховы здароўя, у якіх яны абслугоўваліся да выхаду на пенсію;
– на працоўны водпуск у летні або іншы зручны час;
– на першачарговае набыццё білетаў на чыгуначны, паветраны, водны, аўтамабільны транспарт;
– на павышэнне пенсіі па дасягненні агульнаўстаноўленага пенсіённага ўзросту ў адпаведнасці з заканадаўствам Рэспублікі Беларусь аб пенсіённым забеспячэнні.
– Да 2007 году ганаровыя донары маглі разлічваць на зубапратэзаванне, санаторна-курортнае лячэнне, 50-адсоткавую аплата кошту лекаў і 40-адсоткавую прыбаўка да пенсіі.
Тады Палата прадстаўнікоў ухваліла Закон аб адмене бальшыні льготаў, у тым ліку студэнтам, пенсіянерам ды ліквідатарам Чарнобыльскае катастрофы. Супраць прагаласавала толькі «дэпутатка» Вольга Абрамава. 28 траўня гэты Закон ухваліў «савет рэспублікі». Гэты закон пазбавіў льгот і прэферэнцыяў і донараў.
Пра гэта паведаміла інтэрнэт-выданне «Медуза», спасылаючыся на расійскі інфармацыйны рэсурс «Коммерсант». Ён у сваю чаргу абапіраецца на заяву прафсаюзу аўтазаводу.
У прастоі прадпрыемства прабудзе з 14 па 17 июня. Аўтазавод не можа аднавіць працу ў штатным рэжыме з канца красавіка.
8 чэрвеня акцыянернае таварыства «АВТОВАЗ» заявіла, што аднавіла выраб аўтамабіляў. Паводле яго з канвееру сышлі першыя LADA Granta Classic. Заяўлялася, што гэтая мадэль стане стане даступным новым легкавым аўтамабілем.
Медуза дадае, што лініі, на якіх збіраюць аўтамабілі на платформах Niva і B0, першапачаткова распрацаванай кампаніяй Renault, працу не аднаўлялі.
Пакетам у 67,69% акцый канцэрна «АВТОВАЗ» валодала група Renault. У сярэдзіне мая гэты пакет, як і іншыя расійскія актывы Renault, перайшлі ў дзяржную ўласнасць.
Загадка «пахаванага ў чатырох месцах» Канстанціна Шалыгіна, указанага на пліце, даўно хвалюе краязнаўцаў.
Група актывістаў, якія нядаўна аднавілі помнік нашчадка легендарнага Даўспрунка, зноўку правяла аднаўленчыя работы на могілках. Гэтым разам працы вяліся на месцы пахавання Генрыеты Шалыгінай, што памерла ў 1854 годзе.
Помнік быў завалены прыблізна ў другой палове ХХ стагоддзя, верагодна, вандаламі. Пад яго цэнтральнай плітой знайшоўся гранёны шклянка з ёмістасцю ад адэкалону.
Працы ўскладняліся вялікай вагой помніка – толькі адна заваленая частка важыла больш за адну тону.
Гэты помнік, як і яшчэ два – на Машэкаўскіх могілках і ў вёсцы Старая Вадва – лічыцца даўняй загадкай для гісторыкаў. На ўсіх трох надмагіллях указаны два чалавекі. Той, хто пахаваны на гэтым месцы – а гэта маці, бацька і сястра Канстанціна Шалыгіна. І іх родны чалавек – сын і брат, адпаведна – Канстанцін Іванавіч Шалыгін, доктар медыцыны і тайны саветнік. Прычым на эпітафіі адзначаецца, што сам Канстанцін Шалыгін памёр і пахаваны на востраве Куба, у Гаване.
Вядома, што знакаміты магілёўскі краязнавец Іеранім Філіповіч нават адпраўляў запыт у кубінскае пасольства з просьбай паспрыяць у тым, каб адшукаць месца пахавання самаго тайнага саветніка. Ніякага адказу, наколькі вядома, з Кубы не паступіла.
Загадка «чалавека, пахаванага ў чатырох месцах» раскрываецца, верагодна, вельмі проста. Усе ўказаныя яго родныя памерлі раней, чым ён. Відаць, Канстанцін Шалыгін перад сваёй смерцю распарадзіўся, каб кожнаму з іх паставілі велічны помнік, не забыўшы ўказаць і яго асобу.
Прычына, чаму маці і бацька Шалыгіна былі пахаваны на розных могілках крыецца ў тым, што бацькі былі ў разводзе. На эпітафіі ўказана, што ў другім шлюбе маці насіла прозвішча, Асташковіч.
О том, что цены на эти товары снижены говорит глава Министерства антимонопольного регулирования Алексей Богданов.
По его словам субъектам хозяйствования Министерство пытается объяснить про недопустимость спекулятивного роста цен. Если это не помогает, используются инструменты ценового и антимонопольного регулирования
Глава ведомства в интервью изданию Sb.by признаёт, что в 2022 году из-за роста внешних цен, ослабления белорусского рубля, ограничения ввоза отмечался существенный рост цен на непродовольственные товары
По его словам предпринятые Министерством меры дают эффект. Розничная цена в апреле по сравнению с розничной ценой в марте на наиболее популярные наименования моторного масла снизилась до 55 процентов, на масляные фильтры – до 50 процентов, на шины – до 19 процентов.
На телевизоры максимальное снижение розничной цены составило до 26 процентов, на холодильники – до 19 процентов, на стиральные машины – до 21 процента.
“Бизнес слышит регулятора, – отмечает чиновник, – и, в случае завышения цен, отматывает их обратно”.
Аўтар ідэі грамадзянін ЗША, але асоба яго невядомая… Міжнароднае прызнанне гэта дата атрымала, калі ў 1958 годзе яе прызнана Арганізацыяй Абʼяднаных Нацый.
Задуманы гэты дзень, каб разам з сябрамі, арганізаваць вечарынкі, паўдзельнічаць у спартыўных імпрэзах, ці проста пазваніць прыяцелю і нагадаць яму пра сябе.
mirkosmosa.ru
9 чэрвеня 1595 года нарадзіўся Уладзіслаў IV Ваза (1595-1648).
Кароль польскі і вялікі князь Вялікага Княства Літоўскага (1632-1648), тытулярны цар маскоўскі (1610-1634) і кароль шведскі (1632-1648).
Пераняў сталец у цяжкі для краіны час, калі была ўжо страчаная Лівонія, праваслаўная грамадскасць расколатая Берасцейскай уніяй. Ён перамог Расію ў Смаленскай вайне і паводле Палянаўскага міру 1634 адваяваў Смаленск і прымусіў маскоўцаў адмовіцца ад прэтэнзіяў на землі Рэчы Паспалітай.
Для міру і спакою, Уладзіслаў адмовіўся ад тытулу маскоўскага цара і прэтэнзіяў на маскоўскі трон, пазней – і на шведскі.
wikimedia.org
9 чэрвеня 1661 года Магілёву нададзены герб, які вядомы сучасным магілёўцам.
Падчас трынаццацігадовай вайны ў 1654 годзе гараджане здалі горад маскоўцам. 1 лютага 1661 году паўсталі супраць іх, знішчылі гарнізон.
Кароль і вялікі князь Ян Казімір ураўнаваў у правах Магілёў з Вільняй, надаў новы герб «у блакітным полі тры сярэбраныя гарадскія вежы, у адчыненай сярэдняй браме – рыцар з узнятым мячом, а над ім герб –«Пагоня». Магдэбургскаму Магілёву бракавала мураванай ратушы – і такая з’явілася ў 1681 годзе на гандлёвай плошчы (першая была драўлянай, на вуліцы Ветранай).
wikimedia.org
9 чэрвеня 1881 года нарадзіўся Іван Луцкевіч (1881-1919).
Беларускі палітычны і грамадскі дзеяч, публіцыст, краязнавец, археолаг, збіральнік старажытнасцяў.
Адзін з заснавальнікаў Беларускай сацыялістычнай грамады і газеты «Наша ніва».
На фармаванне асобы Луцкевіча паўплывалі і публікацыі з гісторыі Беларусі, а таксама працы мовазнаўцаў, фалькларыстаў і этнографаў, якіх нямала было ў 1890-х.
Сябра Віленскай беларускай рады і Рады Беларускай Народнай Рэспублікі. Арганізатар беларускага культурнага жыцця ў Вільні. Брат беларускага дзеяча Антона Луцкевіча.
З пачаткам 1-й сусветнай вайны Луцкевіч браў удзел у выпрацоўцы тактыкі беларускага руху ў новых умовах. Ён разам з іншымі дзеячамі ўхіліўся ад эвакуацыі і не даў расійскім уладам вывезці яго калекцыі.
У 1921-1944 гг. у Вільні працаваў Беларускі музей імя Івана Луцкевіча (зачынены савецкімі ўладамі), з 2001 г. працуе аб’яднанне «Беларускі музей імя Івана Луцкевіча». У Мінску, у парку імя Янкі Купалы ўсталяваны памятны знак у гонар братоў Луцкевічаў.
wikimedia.org
9 чэрвеня 1958 года нарадзіўся Алесь Камоцкі.
Беларускі паэт, бард. Удзельнік гуртоў «Близнецы», «Zartipo». Аўтар 9 альбомаў, у т.л. «З бацькоўскай кружэлкі» – пераклады папулярных песень савецкіх часоў на беларускую мову, удзельнік многіх супольных праектаў, у т.л. «Віно дажджоў» на творы У. Караткевіча, «Бывайце здаровы! Bella Ciao» – італьянскія песні па-беларуску, беларускія па-італьянску, «Тузін. Перазагрузка»(2009, 2011).
polskieradio.pl
9 чэрвеня 1960 года гарадскі пасёлак Шацілкі стаў цэнтрам Парыцкага раёну Гомельскай вобласці.
29 ліпеня 1961 года Шацілкі перайменаваны ў горад Светлагорск, Парыцкі раён стаў Светлагорскім. Новая назва, як палічыла камуністычнае кіраўніцтва, сімвалізуе светлае жыццё савецкага Палесся.
ekskursii.by
9 чэрвеня 2011 года памёр Павел Місько. Нарадзіўся ў 1931 годзе.
Беларускі пісьменнік, празаік, паэт, публіцыст.
Працаваў у многіх газетах, узначальваў аддзелы рэдакцый штотыднёвіка «Літаратура і мастацтва», часопісу «Полымя», намеснікам галоўнага рэдактара выдавецтва «Мастацкая літаратура». Аўтар шматлікіх кніг, зборнікаў апавяданняў і аповесцяў, раманаў, сатыры і гумару, кніг твораў для дзяцей. Творчасці Паўла Місько ўласцівыя ўвага да бытавой стыхіі народнага жыцця, шчырыя адносіны да чалавека працы, жывое шматфарбнае народнае слова. Пераклаў на беларускую мову паэму М. Гогаля «Мёртвыя душы», казку П. Яршова «Канёк-гарбунок», творы Я. Носава, К. Чукоўскага і інш., перакладаў таксама з украінскай, польскай і балгарскай моў.
Расійскія караблі, заблакаваўшы доступ Украіны да Чорнага мора, спынілі марскі экспарт асноўных прадуктаў харчавання, ад зерне да кураціны і пагоршыўшы тым самым глабальны харчовы крызіс. Блізу 450 замежных маракоў застаюцца на больш чым 80 судах у закратых украінскіх партах.
Спробы зноў адкрыць парты не даць плёну, і няма ніякіх прагрэсу ў высілках Турцыі, якая выступае пасярэднікам, піша інфармацыйнае агенцтва УНІАН.
Пасол Украіны ў Турцыі Василий Боднар у інтэрв’ю УНІАН адзначае, што расіяне павінны разблакаваць украінскія парты, але з іх боку такіх дзеянняў няма.
Тым часам, Масква адмаўляе адказнасць за зрыў паставак, вінавацячы Ўкраіну ў адмове абясшкоджваць міны, што бароняць яе гавані ад атак Расіі.
УНІАН, спасылаючыся на дарадцу Міжнароднай марской арганізацыі Пітэра Адамса, адзначае, што абясшкоджванне марскіх мін ля асноўных партоў Украіны можа заняць месяцы.
«Нават, калі парты захочуць адкрыць заўтра, то спатрэбіцца пэўны час, каб каб караблі маглі ўвайсці, ці выйсці. На поўнае абясшкоджванне марскіх мін у партовых раёнах спатрэбіцца некалькі месяцаў», – лічыць эксперт.
Па ягоным словам блізу 450 замежных маракоў застаюцца на больш чым 80 судах у заблакаваных украінскіх партах. Траціна замежнікаў з Філіпаў, нямала з Турцыі, Сірыі ды Азербайджану.
Большая частка Чорнага мора, адзначае эксперт, вярнулася амаль да нармальнага ўзроўню суднаходства, за выключэннем паўночнага захаду і Азоўскага мора, дзе працуюць пераважна расійскія караблі.
У праўладнай арганізацыі лічаць, што санкцыі парушаюць права беларусаў на працу, таму структура ААН, якая займаецца пытаннямі рэгулявання працоўных адносінаў, мае адрэагаваць на гэта.
Міжнародная арганізацыя працы (МАП) – спецыялізаванае агенцтва сістэмы ААН, якое ставіць за мэту прасоўванне прынцыпаў сацыяльнай справядлівасці, міжнародна прызнаных правоў чалавека і правоў у сферы працы. Створаная ў 1919 годзе. Арганізацыя стала першым спецыялізаваным агенцтвам ААН у 1946 годзе.
У тлумачэнні сваёй пазыцыі старшыня Федэрацыі прафсаюзаў Міхаіл Арда не называе прычынаў, чаму супраць Беларусі былі ўведзеныя санкцыі. Але, як вынікае з інтэрв’ю, якое падае газета «Маяк Прыдняпроўя», прафсаюзніка абурае чаму Міжнародная арганізацыя працы маўчыць, калі «Еўропа робіць усё, каб нашы прадпрыемствы закрываліся».
Ён лічыць, што заходнія краіны спрабуюць маніпуляваць» гэтай арганізацыяй і зрабіць яе саўдзельніцай дзеянняў супраць працоўных Беларусі.
МІхаіл Арда заяўляе, што «Еўрапейскі саюз публічна ўзяў на сябе абавязкі не прымаць рашэннем, якія бы пазбаўлялі людзей права на працу, або стваралі няроўныя ўмовы для працоўных».
«Што мы бачым на практыцы, – тлумачыць ён – Без суда і следства Еўропа больш за два гады робіць усё, каб нашы прадпрыемствы закрыліся, і, адпаведна, каб беларусы засталіся без працы і без заробка. То, бок краіны Еўропы наўпрост парушаюць тое, пад чым самі падпісаліся».
Санкцыі Еўрапейскія краіны супраць Беларусі цягам апошніх двух год уводзіліся за гвалт у адносінах да ўдзельнікаў пратэстаў, якія былі не згодныя з вынікамі прэзідэнцкіх выбараў. За прымусовую пасадку самалёта кампаніі Ryanair у траўні 2021 году, а таксама іміграцыйны крызіс. Нагодай для апошніх санкцыйных абмежаванняў стала падтрымка Беларуссю расійскай вайны вайны ва Украіне.
На думку Міхаіл Арда Міжнародная арганізацыя працы мае ўжыць захады, каб спыніць «незаконныя дзеянні, якія пазбаўляюць людзей даходаў і працы».
Ён настойвае, што Захад вядзе незаконную санкцыю вайну супраць Беларусі.
Заўтра ў Магілёўскай вобласці абмяжуюць продаж спіртнога.
У сувязі з выпускнымі баламі школьнікаў 10 верасня моцны алкаголь ў крамах прадавацца не будзе пачынаючы з 00.00 і да 24.00. Слабаалкагольныя напоі і піва не трапляюць пад абмежаванне.
Падобныя меры ўводзяцца рашэннем мясцовых органаў улады, таму не ва ўсіх раёнах Беларусі яны аднолькавыя.
У Кармянскім раёне Гомельскай вобласці, напрыклад, забарона на продаж алкаголю у 2022 годзе ўводзіцца сем разоў.
Акрамя “дзіцячых” дзён 30 мая, 1 і 10 червеня, 1 верасня, абмежаванні запланаваны таксама на 11 ліпеня ў сувязі з Днём прафілактыкі алкагалізма, у Дзень псіхічнага здароўя 10 кастрычніка і 15 снежня ў сувязі з Днём прафілактыкі траўматызма.
Цікавы аб’ект архітэктурнай і навукова-тэхнічнай спадчыны захоўваецца (пакуль што) у Магілёве на вуліцы Вагоннай. Гэта частка будынка былога паравога млына пачатку ХХ стагоддзя.
Яго мясцовыя жыхары і краязнаўцы называюць «Млын Папенгута», але, ніхто цяпер дакладна не скажа, кім быў яго ўладальнік.
З гістарычных крыніц і дакументаў вядома, што ў Магілёве ў 1899-1901 гадах служыў камандзірам 161-га палка Павел Оскаравіч Папенгут.
Мясцовыя «экскурсаводы» – суседскія жыхаркі – паказалі нам рэльсу, укапаную пры доме для прывязвання коней, а таксама жорны з самога млына, што ляжаць у траве побач.
Будынак – у занядбаным стане, частка – страчана, на ягонай аснове побач збудаваны сучасны дом з сілікатных блокаў. Млын некалькі разоў гарэў за апошнія гады, частка даху страчана, месцамі – абсыпалася цэгла…
