Спецыялісты Магілёўскага абласнога цэнтра гігіены, эпідэміялогіі і грамадскага здароўя выявілі ў Магілёве і Бабруйску прадукцыю з павышаным утрыманнем бактэрый. Так, бургеры з рыбнага фарша «MOONSTERY DINNO», якія прадаваліся ў магазіне “Белмаркет” па вуліцы Чалюскінцаў, 136 у Магілёве, паказалі перавышэнне нарматываў па стафілакоку.
У бабруйскай краме “Разумны выбар” па вуліцы 50 год ВЛКСМ былі выяўленыя вострыя прыправы “Хмелі-сунэлі” з цвіллю.
Фота ілюстрацыйнае
Пачаўся капітальны рамонт галоўнага корпуса Магілёўскага дзяржаўнага каледжа мастацтваў. Пра аварыйны стан некаторых элементаў яго фасаду mogilev.media пісалі яшчэ два гады таму. Паглядзіце, у якім стане нашы карэспандэнты заснялі ў свой час балкон каледжа, што навісае над шматлюднай Камсамольскай вуліцай.
Будынак каледжа мастацтваў – гэта помнік архітэктуры. У канцы ХІХ – пачатку ХХ стагоддзяў тут размяшчалася гасцініца “Брыстоль” з рэстаранам. Падчас знаходжаньня ў Магілёве Стаўкі ў гады Першай Сусветнай вайны, у гатэлі жылі прадстаўнікі саюзных дзяржаў.
Капітальны рамонт корпуса будзе праходзіць да лістапада гэтага года. На гэты час прыпынак тралейбусаў будзе перанесены на вуліцу Першамайскую – піша Тэлеграм-канал “Магілёў – мой горад”.
Загалоўнае фота: “Магілёў – мой горад”.
Дзяўчына нарадзілася ў Чавусах, але разам з бацькамі яна часта наведвала абласны цэнтр, адзначала тут святы. Калі вучылася ў Магілёве на дызайнера ў каледжы мастацтваў, у яе ўзнікла думка скласці сваё захапленне Магілёвам у асобнае выданне. “Да Магілёва ў мяне любоў з дзяцінства, як і да малявання” – прызнаецца дзяўчына.
Самыя цікавыя і захапляльныя месцы ў Магілёве Злата Цітова выбірала сама. У Магілёве ў першакурсніцы не было знаёмых, якіх яна магла папрасіць параіць, у якія цікавыя месцы схадзіць, таму ўсю інфармацыю здабывала самастойна.
– За чатыры гады жыцця ў Магілёве я сабрала шмат вельмі цікавых месцаў, дзе любяць бавіць вольны час магілёўцы – адпачываць, шпацыраваць, піць каву. І калі вы туды пойдзеце, сапраўды абыякавымі не застанецеся, таму што ў Магілёве вельмі імкнуцца зрабіць добрае ўражанне. Нездарма мяне гэты горад да гэтага часу радуе і здзіўляе. Некаторыя развароты я прысвячала нават барам, таму не скажу, на які кніга разлічана ўзрост, але дакладна ведаю, што яна і для магілёўца падыдзе, і для турыста.
Адметная рыса выдання – яна практычна без фотаздымкаў, а ўсе малюнкі Магілёва Злата Цітова зрабіла сама. І атрымалася ў яе шыкоўна.
У сваім Інстаграме дзяўчына папрасіла напісаць ёй, калі хтосьці захоча набыць гэты даведнік для сябе. Справа ў тым, што першапачаткова кніжка была выдадзеная ўсяго ў двух экзэмплярах. Але цяпер, пасля хвалі папулярнасці, Злата Цітова вырашыла выдаць яе большым накладам. Плюс, акрамя кнігі, яна таксама выпускае атмасферныя магілёўскія сцікеры. Больш выяваў можна знайсці на старонцы дзяўчыны ў Інстаграм.
Фота: “Камерцыйны кур’ер”
У Магілёве завяршылі пракладку дарогі-дублёра, што злучае вуліцу Касманаўтаў і Мінскую шашу. Год таму, 12 верасня была запушчаная другая частка дарогі – пісалі mogilev.media. Новы ўчастак трасы, які ідзе ад вёскі Гарадшчына да вуліцы Грунвальдскай і аркі 750-годдзя Магілёва, атрымаў назву “праспект 17 верасня”, хоць яшчэ ў красавіку былі планы даць яму назву “праспект Адзінства”.
17 верасня ў гісторыі Магілёва – гэта своеасаблівая дата. У першую чаргу яна звязаная з тым, што наш горад згубіў шанец стаць сталіцай. Як цудоўна вядома, у гэты дзень у 1939 годзе Чырвоная армія ўступіла ў Другую Сусветную вайну ў якасці саюзніцы гітлераўскай Германіі. Частка тэрыторыі Польшчы была далучаная да Савецкай Беларусі. Дзяржаўная мяжа перасунулася на захад і ў выніку быў спынены працэс пераносу сталіцы Беларусі з Мінска ў Магілёў.
Фота з адкрытых крыніц.
Першы “Вераснёўскі фэст” прайшоў у палацы Булгакаў у Жылічах Кіраўскага раёна адразу пасля рэканструкцыі ў мінулым, 2023 годзе – пісалі mogilev.media. Падчас леташняга святкавання заяўлялася, што фэст стане традыцыйным, і кожны год будзе праводзіцца ў апошнюю суботу верасня. Гэтае абяцанне, аднак, было парушанае адразу – сёлета “Вераснёўскі фэст” пройдзе ў перадапошнюю суботу месяца.
Вашай увазе праграма фестываля:
Звярніце ўвагу, што ад того, якую праграму ў якой зоне абярэ наведвальнік, залежыць уваходная плата.
Фота архіўнае
Шиномонтаж по улице Симонова, 15 в Могилеве – единственное место не только в областном центре, но, кажется, и во всем регионе, где можно в любое время суток получить услуги, связанные с простым ремонтом автомобиля. Небольшая монтажка находится на окраине гаражного массива по улице Симонова, сразу за общежитием продовольственного университета №1. Кстати, именно жильцы общежития больше других оставляют гневные комментарии по поводу круглосуточной работы заведения.
Есть и другие комментарии в сети. “Наглый и хамоватый парень, 24/7 с сигаретой в зубах. – пишет про основного сотрудника предприятия один из пользователь на Google Maps – «Тыкает» всем подряд, так ещё и работу выполняет некачественно.” А вот, кстати, и он сам.
Другие посетители более благосклонны, отмечают, что ремонт и качественный, и недорогой. Но главное преимущество точки – она действительно работает круглосуточно.
Правда, комментаторы отмечают, что до могилевского шиномонтажника бывает трудно достучаться ночью. “Звоните мне – с юмором отвечает владелец бизнеса, чей контактный телефон указан в данных сервиса – я достучусь.”
Ближайший подобный пункт нам удалось найти только в Борисове. Есть еще автомойка с шиномонтажем и СТО в деревне Фойно под Могилевом, в данных которых прописано, что они функционируют круглосуточно. Но насколько мы смогли разобраться, ночью здесь работает только зона отдыха для проезжающих, а мойка и техобслуживание закрываются в 20.00.
Фото пользователей Google Maps
Пра смерць інспектара спецыяльнага ўзвода батальёна ДПС ДАІ УУС Магілёўскага аблвыканкама Мікіты Ісачкова паведаміла ведамасная газета “На страже”. Выданне “Люстэрка” разабралася, што менавіта ён быў ахвярай смяротнага ДТЗ на вуліцы Лазарэнкі, калі п’яны кіроўца мікрааўтобуса збіў байкера і спрабаваў уцячы з месца здарэння.
Нагадаем, што смяротная аварыя адбылася ў Магілёве блізка да восьмай гадзіны вечару 7 верасня на вуліцы Лазарэнкі, каля школы №4. Паварочваючы на вуліцу Бурдэнкі, кіроўца мікрааўтобуса не заўважыў сустрэчнага матацыкліста і не аддаў яму перавагі. У выніку сутыкнення байкер загінуў на месцы, а кіроўца чырвонага аўтамабіля Ford выскачыў з кабіны і стаў уцякаць. Пазней яго затрымалі.
Гэтая гісторыя атрымала працяг. Хоць у публікацыі газеты “На страже” нічога не гаворыцца пра абставіны гібелі інспектара ДАІ, а ў матэрыялах пра аварыю няма імя ахвяры, журналісты “Люстэрка” супаставілі дадзеныя і высветлілі, што гаворка ідзе пра аднаго і таго ж чалавека.
Як вядома, у выніку аварыі загінуў 27-гадовы кіроўца матацыкла Yamaha. Навіну аб гэтым апублікаваў адзін магілёўскі паблік, а ў каментарах адзін з карыстальнікаў Укантакце з нікам Аляксандр Ісачкоў напісаў, што ў ДТЗ загінуў яго сын. Імя па бацьку загінулага інспектара было Аляксандравіч.
Вядома, што Мікіта Ісачкоў нарадзіўся ў Дрыбіне. У 2014 годзе ён стаў курсантам факультэта міліцыі Магілёўскага інстытута МУС. Пасля размеркавання адправіўся служыць у родны горад, у Дрыбінскі РАУС, на пасаду інспектара дарожна-патрульнай службы. Пасля 2021 года ён перайшоў на службу ў ДАІ Магілёва. На фота ён з жонкай.
Фота: “Наша ніва”
У мікрараёне Маладзёжны ў Бабруйску (яшчэ яго называюць Сёмым) ужо некалькі гадоў ідзе будаўніцтва новых дамоў. Звычайна дворыкі новабудоўляў тут выглядаюць прыстойна – можна пабачыць вулічныя трэнажоры, міні-комплекс для баскетбола і нават мангал. Так выглядаюць усе дворыкі, акрамя аднаго – піша bobr.by.
Дом №24 за пафасным адрасам – вуліца Народнага адзінства – быў пабудаваны 31 снежня 2022 года для пажарных, ваенных, міліцыянтаў і супрацоўнікаў пракуратуры. Гэта арэндныя кватэры, а ёсць таксама вялікі працэнт звычайных уласнікаў.
Ужо з першых месяцаў на двары дома будаўнікі суседніх высотак сталі звальваць будаўнічае смецце. Больш за год жыхары чакалі элементарнага добраўпарадкавання тратуарных дарожак.
Пад восень 2024 года тратуарную плітку нарэшце паклалі, аднак адна з праблем так і засталася невярашанай – дзіцячая пляцоўка, якой проста не было. Нядаўна тут паставілі адзінокую карусель-качалку, пару турнікоў і на гэтым усё.
Як сцвярджаюць жыхары дома, на ўнутранай тэрыторыі планавалася пляцоўка для міні-фубола, гульнявая зона для малых і спортпляцоўка для дарослых. Яны сцвярджаюць, што так было паказана ў плане-рэндэры ўладкавання пляцоўкі, цяпер выдаленым з інтэрнэту. А на справе ж у двары распасціраецца шырокая попельна-шэрая пустка, траціну якой займае сціплая пляцоўка для малышні. Спецыяльнага пакрыцця няма. Там і тут валяецца нявыкарыстаная тратуарная плітка – з ёй і гуляюць дзеці гэтага дома.
Часам дзеці будуюць сабе з будаўнічага смецця эфектныя і небяспечныя «домікі», з якіх іх потым выцягваюць уласныя бацькі.
Паколькі ў гэтым месцы была звалка будаўнічага смецця з суседніх пляцовак, то з пылу час ад часу вылазіць бітае шкло. Яго звычайна прыбіраюць самі жыхары.
Газон у дварах шматпавярховак расце дрэнна, толькі дзе-нідзе вымахалі кусцікі лебяды. На пляцоўцы, прызначанай для дзяцей з дому па адрасе вул. Народнага адзінства, 24, не вырасла нават лебяда.
У сухое надвор’е тут пыл, у мокрае – бруд, скардзяцца жыхары дома.
Фота: bobr.by
Гарадская ініцыятыва “Экабабры” ладзіць у Бабруйску бясплатны кірмаш. Ён будзе праходзіць сёння з 18.00 да 20.00 і заўтра 14 верасня з 9.00 да 17.00 у актавым зале індустрыяльна-будаўнічага каледжа па вуліцы Гагарына, 42.
Галоўны прынцып мерапрыемства – экалагічны падыход да спажывання рэчаў.
Можна будзе прынесці, альбо бясплатна забраць:
Усе рэчы павінны быць чыстымі, цэлымі, каб іх было прыемна браць у рукі, папярэджваюць арганізатары.
Фота: bobr.by
У лютым 2021 года экс-начальніцу ўпраўлення культуры Магілёўскага гарвыканкама Ірыну Жабараву асудзілі да пяці гадоў зняволення і штрафа ў 500 базавых велічынь за шматразовае атрыманне хабару на агульную суму ў 31 000 рублёў. Прыблізна год таму яна была вызваленая датэрмінова, агулам адбыўшы ў вязніцы каля 3,5 гадоў.
Як стала вядома mogilev.media, Ірына Жабарава зараз працягвае працаваць у сферы культуры ў сістэме Магілёўскага гарвыкакама. Крыніцы паведамляюць, што яна займае пасаду, звязаную з кадрамі, у Музеі гісторыі Магілёва, размешчаным у гарадской ратушы.
Фота: Старонка Ірыны Жабаравай у Instagram, mogilev.media
