Tag: ремонт

Усе магілёўскія школы гатовыя да навучальнага году, запэўніваюць чыноўнікі

Навіна ад

На рамонт магілёўскіх школ з бюджэту было выдзелена 5,3 мільёны рублёў. Амаль столькі ж узялі на яго з заробленага навучальнымі ўстановамі і спонсараў – 4,5 мільёны рублёў.

Заяўляецца, што школы забяспечаныя ўсім неабходным для «якаснага адукацыйнага і выхаваўчага працэсаў». Усе яны атрымалі сертыфікаты гатоўнасці.

Паводле кіраўніцы гарадскога цэнтру забеспячэння дзейнасці бюджэтных арганізацый Іны Нізаўцовай, на рамонт школ было выдзелена больш за 5,3 мільёны рублёў, з іх на капітальны рамонт – больш за 3 млн. Яшчэ больш за 4,5 мільёны рублёў атрымана за кошт пазабюджэтных сродкаў і спонсарскай дапамогі.

Капітальны рамонт правялі ў дзвюх школах – № 5 і № 13. Упарадкаваныя прылеглыя тэрыторыі і спартыўныя аб’екты, паведаміў «Веснік Магілёва», спасылаючыся на чыноўніцу.

Сёлета ў школу пойдуць больш за 41 тысячу вучняў. З іх больш за 4,5 тысяч – першакласнікі. Установы агульнай сярэдняй адукацыі папоўніліся 111 маладымі спецыялістамі.

фота: mogilev-region.gov.by

Услед за пляцоўкамі для забаваў чыноўнікі пачалі адкрываць шараговыя паштовыя аддзяленні

Навіна ад

Адно з іх пасля рамонту з помпай адкрылі ў магілёўскім мікрараёне «Юбілейны». На ўрачыстасць з’ехалася кіраўніцтва адміністрацыі Ленінскага раёну на чале з старшынём Аляксеем Багайчуком.

Мясцовае аддзяленне пошты рамантавалі з год. Тутэйшы люд нецярпліва чакаў, пакуль працы завершацца, а на адкрыццё паслухаць прамовы чыноўнікаў прыйшло меней за два дзясяткі чалавек.

Кіраўнікі раёну расхвалілі абноўленую пошту. Гаварылі пра дбанне аб камфорце наведнікаў. Не абышлося без пераразання чырвонай стужкі.

«У абноўленым памяшканні цалкам зменены план размяшчэння аддзялення, дзякуючы чаму кліенцкая зала стала больш прасторнай. Устаноўлены новая мэбля, кандыцыянер, плацежна-даведачны тэрмінал, а таксама абноўлена камп’ютарная тэхніка», – адзначана ў тэлеграм-канале газеты «Магілёўскія Ведамасці».

На відэа зафіксаваная поўная зала наведнікаў паштовага аддзялення. Чэргі да апэратараў у ім былі і да рамонту.

Сёлета ў рэгіёне ўсё, што звязана з сканчэннем рамонту, ці будаўніцтвам пераўтвараецца чыноўнікамі ў пафаснае адкрыццё. На імпрэзу зʼязджаецца высокае начальства, якое падкрэслівае, якія высілкі прыкладалі для таго, каб аб’ект сацыяльнай інфраструктуры стаў даступным для насельніцтва.

З афіцыйных паведамленняў вынікае, што найбольш упадабаным для службоўцаў зʼяўляецца адкрыццё пляцовак для забаваў. 

Такая завядзёнка выйшла за межы абласнога цэнтру і сягнула глыбінкі. Днямі спартовую пляцоўку адкрылі ў Круглым. На ўрачыстасць прыехаў кіраўнік раёну, пісаў Магілёў.media. На фотаздымках звычайную пляцоўку з гульнявымі сектарамі падсыпалі пяском. Канструкцыяў для забаваў, як у Магілёве, бачна на ёй не было.

Цяпер святкаванні ахопліваюць іншыя аб’екты сацыяльнай інфраструктуры, як напрыклад, у Магілёве выйшла з паштовым аддзяленнем.

фотаздымкі з рэсурсаў: mogilevnewsby, krugloe.by

 

У Клімавічах на пяць месяцаў закрыюць мост у цэнтры гораду, для пешаходаў наладзяць пантон

Навіна ад

Абяцаюць, што за рамонт маста цераз раку возьмуцца з гэтага тыдня.

Знаходзіцца пераправа на цэнтральнай вуліцы райцэнтру вуліцы Леніна. Каля праблемнага ўчастка дарогі для пешаходаў разгорнуць пантон, а для транспарту прадугледжаны аб’езд, піша  мясцовая раёнка «Родная ніва».

Рамонт маста будзе трываць 5 месяцаў. За працу ўзялася мінскае прадпрыемства «Спецмостбуд».

Сёлета ў сакавіку паведамлялася, што на рамонт маста збіраліся «накіраваць 800 тысяч рублёў». Адзначалася, што выдзяленне фінансавых сродкаў «добрая навіна для клімаўчан».

На Магілёўшчыне да 1 верасня 17 школ плануюць адрамантаваць і закупіць 33 аўтобусы для падвозу вучняў у сельскія школы

Навіна ад

На бягучы і капітальны рамонт навучальных установаў збіраюцца патраціць блізу 11 мільёнаў рублёў. Гэта бюджэтныя сродкі, а таксама даходы, атрыманыя ад пазабюджэтнай дзейнасці, спонсарская дапамога.

Па словах кіраўніцы абласнога цэнтру забеспячэння дзейнасці ўстаноў адукацыі Ганны Сіманоўскай да новага навучальнага года ў 17 школах вобласці пройдзе капітальны рамонт. У шэрагу ўстановаў адукацыі ён працягнецца і ў восеньскі перыяд, адзначана на сайце Магілёўскага аблвыканкаму.

«На гэты момант у многіх школах ідзе бягучы рамонт дахаў, фасадаў, харчаблокаў, добраўпарадкаванне прылеглай тэрыторыі. Для школьных сталовых будзе набыта каля 100 адзінак тэхналагічнага абсталявання, 54 халадзільнікі. Ужо закуплена 50 і 44 адзінкі адпаведна. На кантролі – прывядзенне ў парадак школьных стадыёнаў і спартыўных пляцовак. Таксама ў 2022 годзе будзе закуплена 33 аўтобусы «МАЗ» для падвозу вучняў сельскіх школ», – адзначае Ганна Сіманоўская.

Да 1 чэрвеня спецыяльныя камісіі абследавалі ўсе навучальныя ўстановы вобласці і на падставе актаў бягучага стану былі распрацаваны планы рамонтаў. Да 20 жніўня агульнаадукацыйныя школы мусяць атрымаць сертыфікаты гатоўнасці.

Аўтаўладальнікам. Завяршаецца рэканструкцыя вуліцы Крупскай у Магілёве – з’явіцца новае кальцо

Навіна ад

Пашыраць дарожнае палатно са стварэннем падзяляльнай паласы ўзяліся ў 2020 годзе. Пачынаючы ад перасячэння з вуліцай імя Стасавай і да Кулібіна участак вуліцы Крупскай атрымаў трохпалосны рух і ўмацаваныя заезды-кішэні для грамадскага транспарту.

З’явілася новае транспартнае кальцо на перасячэнні вуліцы Крупскай з вуліцай Цэнтральнай, якая вядзе да Саломенкі і да вёсак Мікалаеўка-2, Мікалаеўка-3.

Працы вядуцца на фінальным участку запланаванай рэканструкцыі.

 

Камунальнікі ўзяліся рамантаваць дом у цэнтры Магілёва, з якога на галовы гараджан адвальваюцца элементы дэкору

Навіна ад

Пра небяспеку, што сыходзіць ад дому па Першамайскай, 12 Магілёў.media паведаміў чытач.

Ён напісаў, што кавалак дэкору адарваўся ад фасада і выкарыстоўваўся як груз, каб ветрам не зносіла цырату.

Магілёў.media пераканаўся: дом сапраўды развальваецца на вачах, некаторыя кавалкі тынкоўкі ўжо прыбраныя, а некаторыя застаюцца ляжаць, трымаючы плёнку.

Сёння, 15 чэрвеня, мы сталі сведкамі, як камунальнікі ўзяліся за рамонт фасаду.

 

 

Рамонт Крупскай ад вуліцы Турава да вул Кулібіна робіцца без уліку прапаноў жыхароў мікрараёна Саломенка

Навіна ад

Распачаўся другі этап рэканструкцыі вуліцы Крупская. Цяпер работы ідуць ад вуліцы Турава надалей да вуліцы Кулібіна. Паралельна з будаўніцтвам рэальна новай дарогі жыхары прапануюць вырашыць застарэлыя праблемы мікрараёнаў Восьмы цагляны і Саломенка, аднак улады ў чарговы раз ігнаруюць просьбы і пажаданні тутэйшых магілёўцаў.

На вуліцы Крупская на першым этапе быў за два гады капітальна рэканструяваны ўчастак ад вуліцы Бярозаўская да вуліцы Турава. На ім былі пабудаваны стаянкі для аўтамабіляў, пешаходныя і адна веласіпедная дарожка ў двух накірунках. Быў зроблены раздзяляльны бар’ер паміж палосамі – вылучаны канструктыўна элемент дарогі, які падзяляе сумежныя праезныя часткі і не прызначаны для руху або спынення транспартных сродкаў і пешаходаў. Заменена было пакрыццё дарогі.

Сёлета падышла чарга і ўчастка вуліцы Крупская ад Турава да Кулібіна. На сённяшні момант рабочыя дэмантавалі бардзюры ўздоўж вуліцы, здымаюць асфальтавае пакрыццё, робіцца раздзяляльная паласа. Адначасова з’явіліся вялікія аб’ёмы старога асфальтабетоннага матэрылу, які лагічна прымяняць на бліжэйшых вуліцах, а не адвозіць далёка на месцы захоўвання.

На вялікі жаль, як заўжды ў Магілёве, рамонтныя работы робяцца без уліку прапаноў жыхароў мікрараёна Саломенка, якія ўжо доўгія гады просяць стварыць цвёрдае пакрыццё на пешаходных дарожках у парку мікрараёна Саломенка паміж Палацам гімнастыкі, СШ №40 і мясцовымі могілкамі. У парку ёсць дзве асноўныя алеі, па якіх праходзіць інтэнсіўны шлях пешаходаў да сваіх дамоў, часта гуляюць дзеці і пенсіянеры. Гэта любімае месца адпачынку мясцовага люду. Але ў дажджлівы час на алеях утвараюцца лужыны, з-за бруду цяжка прайсці.

На шматлікія індывідуальныя і калектыўныя звароты жыхароў суседніх мікрараёнаў з просьбай зрабіць падсыпку цвёрдымі матэрыяламі названых алей чыноўнікі адпісваюцца бязглуздымі паперкамі. Абяцанні 2015 года зрабіць асфальтабетонную падсыпку алей парка пры фрэзіраванні праезджай часткі вуліцы Крупская далі надзею. Жыхары Саломенкі з радасцю чакалі вырашэння гэтай праблемы з пачаткам работ на вуліцы. Аднак у 2020 годзе ўлада раптам змяніла сваё рашэнне і адмовілася рабіць такую патрэбную падсыпку з прычыны адсутнасці праекта.

Вось і сёлета машыны адвозяць зрэзанае асфальтабетоннае пакрыццё ў невядомым накірунку, замест таго, каб рэалізаваць матэрыял паблізу на даўно запланаваных для рамонту аб’ектах. Дзіўным чынам асобныя горкі яго ўзнікаюць каля катэджаў Мікалаеўкі.

Усе рамонтныя работы па вуліцы Крупская стварылі часовыя цяжкасці для аўтамабілістаў і пешаходаў. Рэкамендуем усім быць уважлівымі пры праездзе і пераходзе вуліцы. А гарадскім уладам усё ж лепш выконваць свае абяцанні і прыслухоўвацца да думак мясцовых магілёўцаў.

Как изменится Мстиславль в этом году?

Навіна ад

О том, как изменится Мстиславль и Мстиславский район в этом году рассказала в интервью mstlife.by Галина Драгунова, начальник отдела архитектуры и строительства райисполкома.

На улице Революционной отремонтируют дорожное покрытие, а на Кирова – реконструируют газоны. Велосипедные парковки появятся около центральной районной больницы и магазина “Гермес”. В Мстиславле, Ходосах и Мазолово установят и отремонтируют контейнерные площадки и контейнеры для сбора отходов.

На месте отдыха “Четвертый песочек” и пляжах “Ласточка” и “Пятый песочек” отремонтируют малые архитектурные формы, а на пляже “Пятый песочек” – автомобильную парковку. Для сбора отходов на пляжах и в местах отдыха установят контейнеры. На пляжах “Ласточка” и “Пятый песочек” обустроят спортивные площадки.

В Мстиславском районе снесут 60 пустующих и ветхих домов.

В городе и на селе высадят две тысячи деревьев, райцентр украсят более пятнадцати тысяч цветов.

horki.info

фото: mstlife.by

В Костюковичах появится новая пешеходная дорожка

Навіна ад

Начались работы в городском парке по улице Комсомольская-Ленинская. Длина пешеходной дорожки будет 141 метр. Новый тротуар делается не только для безопасности жителей нового микрорайона, но и для удобства. Закончится ремонт в ближайшие дни.