Tag: могилевская область

Расце злачыннасць, у сельскай гаспадарцы нядбайнасць. Жыццё глыбінкі вачыма пракурора

Навіна ад

У Чэрыкаўскім раёне колькасць зарэгістраваных злачынстваў, у параўнанні з аналагічным перыядам 2021 года ўзрасла з 46 да 63. У сельскай гаспадарцы дохне жывёла, антысанітарыя, нядбайнасць, парушэнні працоўнай дысцыпліны.

Асноўнымі прычынамі пагаршэння крымінагеннай сітуацыі ў раёне называюць “незанятасць грамадска карыснай працай асобаў, якія ўчынілі злачынствы, іх нежаданне ўставаць на шлях выпраўлення і перавыхавання, злоўжыванне спіртнымі напоямі, недахопы прафілактычнай працы мясцовымі органамі выканаўчай улады і кіравання”.

З інтэрв’ю пракурора раёну Аляксандра Маісеева інтэрнэт-рэсурсу Cherikovnews вынікае, што ў крымінальнай статыстыцы пераважаюць цяжкія злачынствы, а таксама гвалт на сямейна-бытавой глебе.

У Чэрыкаўскім раёне жыве блізу 14 тысяч чалавек. Нямала тутэйшых мясцін пацярпела ад наступстваў аварыі на чарнобыльскай АЭС і абязлюджаныя. Буйных прамысловых прадпрыемстваў у раёне няма. Мясцовае насельніцтва працуе ў сельскіх гаспадарках, камунальных арганізацыях, установах сацыяльнага сервісу ды прыватных структурах. Нямала людзей выяжджае на заробкі ў Расію.

У структуры мясцовай эканомікі дамінуюць сельгаспрадпрыемствы. Паводле пракурора Аляксандра Маісеева, на тутэйшых «жывёлагадоўчых фермах і малочнатаварных комплексах неаднаразова выяўляліся факты антысанітарыі, адсутнасці рэгулярнай дэзынфекцыі, а таксама іншыя шматлікія парушэнні, якія садзейнічаюць непрадукцыйнаму выбыццю жывёлы, зніжэнню прадукцыйнасці асноўнага статка».

На механізаваных дварах зарэгістраваны факты нядбайнага стаўлення работнікаў і службовых асоб да выканання працоўных абавязкаў, а таксама парушэнні тэхналагічных патрабаванняў і ў пастаноўцы сельскагаспадарчай тэхнікі на працяглае захоўванне.

Пракурор канстатуе, што ў 2022 годзе выяўляліся сістэмныя парушэнні, якія паўтараюцца з году ў год і недахопы вытворча-тэхналагічнай, выканальніцкай, працоўнай дысцыпліны, утрымання вытворчых будынкаў, абсталявання і прыстасаванняў, а таксама неналежныя ўмовы працы работнікаў.

фота: udf.name

Карупцыянэр-аграрнік з Магілёўшчыны «нагрэў» гаспадарку на 90 тысяч рублёў і застаўся на волі

Навіна ад

Дырэктар сельгаспрадпрыемства купіў нібыта для гаспадаркі два трактары, якіх у ёй не пабачылі. За тэхніку было заплачана больш за 90 тысяч рублёў з бюджэту сельгаспрадпрыемства. Працэс над абвінавачаным у карупцыйным злачынстве зрабілі паказным.

Справу аграрніка з Дрыбініскага раёну разглядалі на выязным судовым пасяджэнні, на якое склікалі кіраўнікоў іншых сельгаспрадпрыемстваў.

59-гадовы кіраўнік гаспадаркі, імя якога не называецца, у канцы жніўня 2020 года «у парушэнні патрабаванняў статуту прадпрыемства, без узгаднення з назіральным саветам, не пераканаўшыся ў фінансавых магчымасцях прыватнай камерцыйнай арганізацыі», заключыў з ёй дамову на набыццё двух трактароў МТЗ, паведамляе  прэс-служба пракуратура.

Аграрнік віну прызнаў часткова, але аплаціў нанесеную сваім злачынствам шкоду.

Яго асудзілі на тры гады пазбаўлення волі з адтэрміноўкай. Ён мае сплаціць штраф у 9600 рублёў. Яму забаронена займаць кіроўныя пасады цягам 5 гадоў.

У абвінавачанага застаецца шанец абскардзіць вырак.

Фота з адкрытых у інтэрнэце крыніцаў

Жители бывшего военного городка в Быхове дождались ремонта дорог. В последний раз их ремонтировали советские летчики морской авиации

Навіна ад

Разговоров на тему ремонта здешних дорог все эти годы было много, но дальше слов дело не шло. И, наконец, ситуация сдвинулась с мертвой точки.

Речь идёт про дороги в микрорайоне Быхов-1 по улице Гришина. Быховский жилкомхоз уже начал работы. Дорожники устанавливают бордюры на дороге, которая в последний раз ремонтировалось военными моряками во времена существования военно-воздушной базы.

У коммунальных служб большие планы на данный участок города. Они собираются оградить детскую площадку около одного из местных домов и оборудовать автомобильную стоянку. Суждено ли этим планам претвориться в жизнь, скоро станет известно. Местные жители надеятся, что цивилизация наконец доберётся и до самых отсталых мест города.

После того, как местные многоэтажные дома военных летчиков, служивших на военно-воздушной базе «Быхов-1», перешли под юрисдикцию гражданских властей, этот район стал самым густонаселенным в городе.

Фактически, нынешний центр Быхова, где находятся административные здания и при этом, здесь много домов частного сектора, теперь является окраиной. Но внимание коммунальных служб сосредоточено на этом районе.

Ситуация же с дорогами в микрорайоне Быхов-1 на протяжении тридцати лет практически не менялась – в последний раз их ремонтом занимались военные.

Даже дорога к зданию Быховского жилкомхоза и Быховского РОВД выглядит так, словно ее строили в летописные времена.

Планов по ремонту дорог, прилегающих к многоэтажкам было много, но от слов к делу быховские коммунальщики перешли только сейчас.

У Асіповіцкім раёне зубр напалохаў вёску. Людзі выклікалі ратавальнікаў і сядзелі па хатах

Навіна ад

Зубры звычайна атаясамляюцца з Белавежскай пушчай, але і на Асіповіччыне статак гэтых жывёлаў сягае 540 асобін. Іх сюды завезлі два дзясяткі гадоў таму. Тутэйшыя зубры людзей не баяцца, але ставяцца да іх насцярожана і імкнуцца трымаць дыстанцыю.

Днямі зубр завітаў у вёску Лапічы. Паселішча за два дзясяткі кіламетраў ад райцэнтру, разраслося на беразе Свіслачы. Непадалёк ад яго былы вайсковы палігон.

«Ён даволі доўга прастаяў каля гурбаў будаўнічага пяску, потым спусціўся ў пойму Свіслачы. Там паласаваўся дзікай малінай і залёг у густым хмызняку. Вечарам зубр зноў пачаў праяўляць актыўнасць, нетаропка хадзіў па беразе, відаць, думаў, што яму рабіць далей. А ноччу рушыў праз мой участак, выйшаў на вуліцу і некуды знік», – апавядае пра сустрэчу з жывёлай вясковец.

У раённай інспекцыі прыродных рэсурсаў і аховы навакольнага асяроддзя кажуць, што жыхары, якія ўбачылі ў паселішчы зубра, паведамілі ў райаддзел па надзвычайных сітуацыях і папярэдзілі аб патэнцыйна небяспечнай жывёле суседзяў.

gzt-akray.by

Паводле спэцыялістаў-прыродаахоўнікаў, піша раёнка «Асіповіцкі край», «лапіцкі» зубр спрабаваў перайсці праз шашу Мінск-Гомель, аднак з-за сеткавай агароджы быў вымушаны змяніць кірунак. Пераплыў Свіслач і апынуўся ў Лапічах.

Для дзікай жывёліны сітуацыя аказалася стрэсавая, таму вяскоўцам адмыслоўцы параілі стварыць вакол зубра зону спакою: не шумець, без вострай неабходнасці не выходзіць з дамоў, не пакідаць без нагляду дзяцей і сабак.

Ноччу зубр рушыў у бок былога вайсковага палігона, дзе шчыльнае кустоўе. Магчыма, ён сцішыўся ў прыбярэжных зарасніках, толькі па-за межамі паселішча.

vetliva.by

Прыродазнаўцы адзначаюць, што лясному госцю Лапічаў 17 гадоў. У працэсе размнажэння зубр ужо не ўдзельнічае і, мяркуючы па вонкавым выглядзе, не мае фізічных пашкоджанняў, нармальна развіты.

Колькасць асіповіцкага зубрынага статку неўзабаве зменшыцца. 80 галоў адправяць у Бярэзінскі біясферны запаведнік і ў Чэрыкаўскі раён.

В Быхове убили мужчину, а тело пытались спрятать в канализации

Навіна ад

Из источников близких к милиции известно, что убитому было 52 года. Его труп был обнаружен в канализационном колодце.

Происшествие произошло 16 августа. Установлено, что быховчанин в компании приятелей выпивал в огороде частного дома.

Кто из них и почему нанес мужчине смертельный удар ножом, сейчас выясняет следствие. Все приятели, находившиеся в тот вечер вместе с жертвой, задержаны.

Официального подтверждения убийства на данный момент нет. В милицейских сводках преобладают сообщения о выявленных кражах на уборочной.

Последний случай с убийством в Быхове, про которое сообщалось, произошло в апреле. Оно тоже связано з распитием спиртного. 11 апреля отец убил сына.

“После употребления спиртного между отцом и сыном возникла ссора, в ходе которой мужчина с целью убийства нанес сыну один удар ножом в жизненно важный орган — шею, от которого последний скончался на месте происшествия” – сообщала местная раёнка “Маяк Прыдняпроўя”.

Убийце инкриминировали умышленное противоправное лишение жизни другого человека. 53-летнему мужчине грозит до 15 лет колонии. Он был задержан. Его сыну было 30 лет.

На Магілёўшчыне амаль усе дзіцячыя атракцыёны траўманебяспечныя, сведчаць вынікі праверкі

Навіна ад

Год таму праз нядбайства ўладальніка такога атракцыёну на фестывалі «Аляксандрыя сустракае сяброў», які наведвае Лукашэнка, пацярпелі 7 чалавек. Рэгламент з патрабаваннямі эксплуатацыі такіх забавак увялі толькі ў 2015 годзе, хаця атракцыёны ўжо былі.

Сёлета з 15 суб’ектаў гаспадарання, што ажыццяўляюць эксплуатацыю надзіманых атракцыёнаў і немеханізаваных батутаў, у 14 выяўлены парушэнні. 

 

За паўторныя парушэнні 5 з іх прыцягнуты да адміністрацыйнай адказнасці. Па выніках маніторынгу суб’ектам гаспадарання выдадзены прадпісанні аб забароне аказання паслуг і рэкамендацыі. Парушэнні выяўляліся ад пачатку летняга перыяду.

Парушэнні ў эксплуатацыі атракцыёнаў

Пра тое паведамляе Магілёўская абласная інспекцыя дзяржаўнага нагляду

за выкананнем патрабаванняў тэхнічных рэгламентаў і стандартаў і дзяржаўнага метралагічнага нагляду Дзяржаўнага камітэту па стандартызацыі.

Ведамства пералічвае выяўленыя хібы абсталявання:

– мацаванне атракцыёнаў не адпавядае ўстаноўленым патрабаванням;

– зона вакол абсталявання не вызвалена ад перашкод, якія могуць траўмаваць дзяцей;

– у зоне падзення адсутнічае ўдарапаглынальнае пакрыццё;

– у гульнявай зоне знаходзяцца токаводныя часткі абсталявання;

– агароджы адсутнічаюць альбо ў поўнай меры не выконваюць сваіх функцыяў;

– канструкцыя гульнявога абсталявання не адпавядае нормам бяспекі. Абсталяванне прызначанае для 15 і больш карыстальнікаў не мае дадатковага выйсця;

– на гульнявым абсталяванні адсутнічае неабходная маркіроўка;

– адсутнічае належны кантроль і тэхнічнае абслугоўванне абсталявання.

Акрамя таго, пішуць інспектары, устаноўлены факты эксплуатацыі абсталявання, якое не прайшло працэдуру ацэнкі адпаведнасці (адсутнічалі дэкларацыі аб адпаведнасці).

Мела месца наяўнасць дэкларацый аб адпаведнасці прынятых на падставе пратаколаў выпрабаванняў, выдадзеных не акрэдытаванымі арганізацыямі.

Ведамства заклікае бацькоў: не пакідайце без увагі сваіх дзяцей і паклапаціцеся аб іх бяспецы.

Інцыдэнты з забаўкамі 

Год таму на фестывалі «Аляксандрыя сустракае сяброў», які праходзіць з удзелам Лукашэнкі, сарвала было надзіманы атракцыён. На ім у той момант забаўляліся дзеці. Па медычную дапамогу звярнуліся двое дзяцей і трое дарослых. Пазней кіраўніцтва абласнога ўпраўлення аховы здароўя ўдакладніла, што пацярпелі 7 чалавек. 

Тады паведамлялася, што атракцыён быў кепска замацаваны і яго ўзняў у паветра парыў ветру. Наведніка фестывалю, які зняў на відэа інцыдэнт і выклаў яго ў інтэрнэт, затрымалі. Пазней прызналі вінаватым у распаўсюджванні інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама ў вырабе, выданні, захоўванні або перавозцы з мэтай распаўсюджвання такой інфармацыйнай прадукцыі.

Вядома, што да 2015 года ў Беларусі наогул не было правіл, якія рэгламентуюць эксплуатацыю надзіманых атракцыёнаў, хаця самі атракцыёны былі.

На гэты прабел звярнулі ўвагу толькі пасля няшчаснага здарэння ў Горках. Там моцны вецер перавярнуўся надзіманы атракцыён, і дзевяць дзяцей аказаліся ў больніцы. У іх былі сур’ёзныя траўмы – пераломы, удары. Самаму малодшаму з пацярпелых дзяцей на той момант было 2,5 гады.

фота ілюстрацыйныя і ўзятыя з адкрытых у інтэрнэце крыніцах

У мінскіх пакунках з-пад малака, аформленых на кітайскай мове, прадаюць горацкія вяршкі

Навіна ад

Праблемы з пакункамі TetraPak дабраліся і да «Малочных горак». Гэта прадпрыемства знаходзіцца ў райцэнтры Горкі, што на Магілёўшчыне.

Мясцовыя спажыўцы малочнай прадукцыі звярнулі ўвагу, што ў пакунках, прызначаных для малака разлітыя вяршкі 10-працэнтнай тлустасці. Тое ўдакладняла налепка.

Сама ж упакоўка была не з «Малочных горак», а «Малочнага гасцінца», прадпрыемства з Мачулішчаў Мінскай вобласці. Акрамя расейскай мовы на этыкетках меўся надпіс на кітайскай мове, паведамляе рэсурс Horki.info.

Праблемы з упакоўкай днямі прызнаў міністр сельскай гаспадаркі і харчавання Вадзім Шагойка.

«Ёсць пэўныя складанасці з тэтрапакам, але гэтае пытанне вырашаецца» – запэўніваў ён.

Раней беларускую прадукцыю з кітайскай мовай на этыкетках прадавалі ў Магілёве і Бабруйску. У тамтэйшыя крамы малако пастаўляла акцыянернае таварыства «Бабушкіна крынка», пісаў Магілёў.media.

Яе прадстаўнікі тлумачылі, што ў продаж прадукцыя з кітайскай мовай трапіла, бо прадпрыемства збіралася супрацоўнічаць з Кітаем.

 

На Магілёўшчыне Блакітную крыніцу апанавалі сучасныя пілігрымы, якія спадзяюцца ўратавацца ад немачы. Фотарэпартаж

Навіна ад

Лічыцца, што чалавек, які тройчы перайшоў Блакітную крыніцу, надоўга засцеражэ сябе ад хворасці, а жыццё будзе доўгім і здаровым.

Штогод пад Слаўгарад на Мядовы спас крыніца, якую яшчэ называюць Сінім калодзежам, збірае немалую грамаду людзей. Да мясцовага прыроднага феномену прыязджаюць здалёк. Іхная мэта – прайсці праз крыніцу і запасціся вадою з яе. Лічыцца, што 14 жніўня яна мае асаблівую гаючую моц.

Раней з крыніцы неслі і гліну. Цяпер тое катэгарычна забаронена рабіць. Навукоўцы даказалі, што яна хвароб не лечыць.

Штогод ля крыніцы гандляры разгортваюць кірмаш, а праваслаўныя святары ладзяць набажэнствы. Сёлетні Мядовы спас не стаў выключэннем.

Блакітная крыніца для Ўсходне-Еўрапейскай раўніны – ўнікальная прыродная з’ява. Вада ў ёй блакітна-бірузовага колеру з высокім утрыманнем фтору і крэмнію, з 180,6 мг/л раствораных рэчываў.

Лічыцца, што гэта мясціна была сакральнай для радзімічаў – тут, нібыта, было іхнае капішча. Паводле легенды, у крынічнай вадзе ў 988 годзе прадстаўнікі гэтага племяннога аб’яднання прынялі хрышчэнне.

З прыходам хрысціянства крыніцу асвяцілі, а побач з ёю ўзвялі царкву. 14 жніўня, на праваслаўны Макавей, тут ладзяцца малебны. На свята збіраюцца тысячы паломнікаў.

Больш пра Блакітную крыніцу чытайце ў матэрыяле Магілёў.media, клікнуўшы па спасылцы.

У Горках для хлопчыка з інваліднасцю зрабілі пандус… Праз пяць гадоў просьбаў. Фотафакт

Навіна ад

Умяшанне журналістаў дапамагло развязаць праблему. Цяпер у доме, дзе жыве сям’я Артура, хлопчыка з дыягназам ДЦП, ёсць парэнчы, адкідны шчыт для выхаду на вуліцу і зручны спуск да ходніка.

Маці Артура ўпершыню звярнулася ў мясцовыя камунальныя службы яшчэ ў 2018 годзе, як толькі стала вядома пра хваробу малечы.

У 2019 годзе старшыня райвыканкаму даручыў адпаведным службам зрабіць на ўваходзе ў пад’езд пандус. Але і тады камунальнікі не выканалі даручэння.

Замест пандуса яны зрабілі парэнчы, і толькі ўнутры пад’езда. Дзесяць прыступак ад кватэры да вуліцы маці Артура адольваць, несучы спачатку сына, дваццаці кілаграмовую каляску і торбы з прадуктамі.

Сітуацыю змагла скрануць з мёртвай кропкі публікацыя ў мясцовай газеце «Узгорак». Як паведамляла Магілёў.media , пасля асвятлення праблемы, камунальнікі правялі апытанне жыхароў пад’езда і ўзвялі пандус.

фота: horki.info

У Быхаве бядуюць, што вандалы зламалі альтанку і не зважаюць на разбурэнне мясцовага замку і будынку сінагогі

Навіна ад

Альтанку паставілі ў парку 50-годдзя Перамогі гады тры таму і, як кажуць мясцовыя жыхары, для іх яна была ўлюблёным месцам адпачынку. Яе выкарыстоўвалі для сваіх выступленняў мясцовыя музыкі на гарадскіх святах. Упадабала яе і моладзь, якая вечарамі гуртавалася ў ёй.

bykhov.by

«Можна падумаць, што тут пранёсся ўраган. Скасавураную канструкцыю бачна здалёк. Цалкам вырваны цэлы пралёт. Унутры і звонку раскіданы рэшткі агароджы», – апісвае стан альтанкі мясцовая раёнка «Маяк Прыдняпроўя».

Адзначаецца, што ў парку высаджвалі сямейныя алеі, ставілі арыгінальныя лаўкі «прымірэння і сяброўства». Шмат моладзі прываблівала воркаўт-пляцоўка. А нядаўна тут адкрылі інтэрактыўную пляцоўку «Сувязь пакаленняў». Усё гэта ўпарадкоўвалася вакол альтанкі.

Паводле «Маяка Прыдняпроўя», мясцовая міліцыя разбіраецца ў сітуацыі. Матэрыялы аб пашкоджанні дзяржаўнай маёмасці перададзеныя ў РАУС.

Мясцовыя жыхары, аднак, звяртаюць увагу, што першай ад вандалаў пацярпела не альтанка, а таямніча зніклі лаўкі на Алеі Гарадоў, падораныя Быхаву да Дня пісьменнасці ў 2013 годзе.

На падрыхтоўку Быхава да Дня пісьменнасці ў 2013 годзе было выдзелена 200 мільярдаў недэнамінаваных рублёў. Запомніўся той фэст тым, што мясцовыя помнікі архітэктуры, на рэстаўрацыю якіх сродкаў няма, «упакавалі» банернымі сеткамі. 

Банэрамі былі схавалі будынак сінагогі і муры замку. На яго тэрыторыі паказушна адрамантавалі дзве вежы. Помнікі архітэктуры закансерваваныя. Уваходы заблакаваныя, бо знаходзіцца ў будынках небясьпечна. 

Пашкоджаная альтанка знаходзіцца за некалькі сот метраў ад знакавых для Быхава камяніц. Яны стаяць у горадзе некалькі сот гадоў і славяць яго ня столькі сваёй прыгажосьцю, колькі станам.

фота: hawat.by