Tag: Касцюковічы

Непаўналетняй касцюковічанцы пагражае пакаранне за прылюдную бойку

Навіна ад

У Касцюковічах 17-гадовая дзяўчына ўчыніла прылюдную бойку, якую відавочцы здымалі на тэлефон.

Як піша набліжаны да сілавікоў тэлеграм-канал, дзяўчына прыйшла да сястры ў мясцовы каледж, дзе ўбачыла сваю мясцовую равесніцу і прапанавала ёй “паразмаўляць”.

Калі дзяўчыны адыйшлі ў бок, першая стала выстаўляць прэтэнзіі другой, што тая нібыта калісьці абразіла яе бацькоў у сацыяльных сетках. Пры гэтым яна крычала і накінулася на суразмоўцу з кулакамі. Гэта ўсё здымалі на тэлефон тыя, хто апынуўся побач з дзявочай сваркай.

Пацярпелая потым паскардзілася свайму хлопцу, які прывёў яе ў міліцыю, дзе дзяўчына напісала заяву. Яе крыўдзіцельніца стала фігуранткай крымінальнай справы аб хуліганстве.

Фотаздымак ілюстрацыйны

Настаўніцкая нарада ў Касцюковічах як люстэрка бязглуздай палітыкі

Навіна ад

У школах Касцюковіцкага раёна дэфіцыт настаўнікаў-прадметнікаў, але праблема настаўніцкіх кадраў толькі ўзмацняецца па ўсёй Беларусі.

Пра нядаўнюю педагагічную нараду ў Касцюковічах у школе №2 распавядае, у прыватнасці, сайт Магілёўскага абласнога аб’яднання праўладных прафсаюзаў. Як аказалася, нягледзячы на значныя бюджэтныя асігнаванні, кадравы дэфіцыт па-ранейшаму застаецца галоўнай праблемай у беларускай адукацыі. Паводле паведамлення, гэтая праблема наўпрост звязаная з пытаннем замацавання маладых спецыялістаў і іміджам прафесіі. 

Што ж з гэтым іміджам не так і чаму ж моладзь не імкнецца звязваць сваё працоўнае жыццё з педагогікай? Вось што на гэта адказала начальнік галоўнага ўпраўлення па адукацыі Магілёўскага аблвыканкама Людміла Здорыкава. 

“Не апошнюю ролю ў гэтым нярэдка гуляюць самі настаўнікі, якія ў штодзённасці фармуюць негатыўны імідж прафесіі. Нам пастаянна варта памятаць пра тое, які пасыл мы нясем у соцыум, які прыклад падаем маладому пакаленню. Акцэнтуючы ўвагу на цяжкасцях працы, мы спрэс забываемся пра плюсы, якіх вельмі нямала. Таму варта рэальна глядзець на сітуацыю і справядліва падсвятляць ўсе яе боку” – цытуе Здорыкаву раённая газета “Голас Касцюкоўшчыны”.

Акрамя таго, кажа чыноўніца, звярнуць увагу варта на такія з’явы, як адток моладзі з краіны і замацаванне маладых спецыялістаў.

На гэта старшыня раённай арганізацыі прафсаюза работнікаў адукацыі Алена Бруева адказала, што агучаныя праблемы заўсёды ў фокусе іх увагі. “Прафсаюз будзе кантраляваць пытанні паляпшэння ўмоў працы і матэрыяльнага стымулявання педагогаў, асабліва ў дэфіцытных спецыяльнасцях. Без гэтага замацаваць моладзь у школах немагчыма. Не менш важна працаваць над іміджам прафесіі. Мы будзем больш актыўна распавядаць пра поспехі педагогаў, публічна адзначаць іх уклад. Важна аб’ектыўна казаць пра ўсе бакі настаўніцкай працы. Прафсаюз гатовы выступаць канструктыўным партнёрам у дыялогу з уладай” – заявіла яна.

Калі ж сапраўды аб’ектыўна казаць пра ўсе бакі настаўніцкай працы, то трэба ўзгадаць абавязковы ўдзел у фальсіфікацыях падчас так званых выбараў, бессэнсоўныя і нават шкодыя ідэалагічныя мерапрыемствы дзеля галачкі, стосы непатрэбных папер, якія мусяць запаўняць настаўнікі. Гэта тое, што, сярод іншага, адвароціць ад школы шмат каго з маладых людзей. 

Калісьці даўно, стваральнік цяперашніх парадкаў у Беларусі, у якога Скарына тварыў у Піцеры, казаў: “Потеряем учителя — капец. Будем ходить пьяные и дурные”. Гледзячы па праблемах, якія агучылі на нарадзе ў Касцюковічах, усё так і адбылося.

Фотаздымак: “Голас Касцюкоўшчыны”

У Касцюковічах беспрацоўных навучаць прафесіі дарожнага рабочага

Навіна ад

Розуму многа не трэба – ў Касцюковічах будуць рыхтаваць дарожных рабочых.

У Касцюковіцкім раёне дапамогуць тым, хто шукае працу або хоча змяніць прафесію. Упраўленне па працы, занятасці і сацыяльнай абароне запрашае грамадзян атрымаць запатрабаваную спецыяльнасць – дарожны рабочы.

Прыняць удзел у “адукацыйнай” праграме могуць усе, хто знаходзіцца ў пошуку працы, а таксама тыя, хто жадае атрымаць новую кваліфікацыю для працаўладкавання ў дарожнай галіне. 

Карацей кажучы, конкурса не будзе, бо асаблівых патрабаванняў для суіскальнікаў няма.

“Пасля завяршэння курсу выпускнікі змогуць прэтэндаваць на працоўныя месцы ў дарожных арганізацыях раёна і рэгіёна” абяцае раённая газета “Голос Касцюкоўшыны”.

А самае галоўнае ў тым, што вялікага розуму не спатрэбіцца і ад супрацоўнікаў службы занятасці – прапанаваць працаўладкаванне па нізкакваліфікаванай прафесіі прасцей паранай рэпы.

Фота: “Голос Касцюкоўшыны”.

Экспертыза даказала няякасны рамонт Volvo S60 у Касцюковічах

Навіна ад

Уласнік аўтамабіля падаў у суд на аўтамайстэрню за няякасны рамонт рухавіка. Для высвятлення яго праваты прыйшлося прыцягваць судовых экспертаў.

Аўтааматар з Касцюковіцкага раёна звярнуўся ў суд са скаргай на аўтамайстэрню, куды ён незадоўга перад гэтым здаваў сваю Volvo S60 на рамонт. Пасля рамонту ён заўважыў працяканне масла з-пад клапаннай крышкі і звярнуўся за дыягностыкай у аўтасервіс у іншай краіне. Там яму заявілі, што разьба на галоўцы блока цыліндраў мае пашкоджанні. 

У выніку прыйшлося мяняць галоўку, разбіраць рухавік і мяняць вадкасці ў ім. Калі ўласнік аўтамабіля звярнуўся з прэтэнзіяй да аўтасервіса, які рабіў рамонт, то пачуў адмову – кіраўніцтва заявіла, што ўсе працы былі праведзеныя ў адпаведнасці з патрабаваннямі заказчыка, зафіксаванымі ў заказ-нарадзе.

вольва

Судовая экспертыза прыйшла да высновы, што падчас рамонтных прац работнікі касцюковіцкага аўтасервіса дапусцілі парушэнні – разьба ў тых адтулінах, дзе прымацоўваецца галоўка блока цыліндраў мае дэфармацыі, зрывы і зломы. Як высветлілася, частка гэтых адтулінаў была апрацаваная – разьба пашыраная пад дыяметр М8 пры тым, што завадское патрабаванне да яе М7, а для кампенсацыі розніцы ў адтуліны ўстаўлены рамонтныя ўстаўкі (футаркі). Для мацавання вузлоў выкарыстоўваліся балты на М8, што не адпавядае рэгламентным памерам завода Volvo.

Сямнаццаць прадстаўленых на даследаванне балтоў мелі пашкоджанні ў выглядзе разрэзаў разьбовай часткі рэжучай прыладай. Таксама падчас экспертнага даследавання выяўлены і іншыя пашкоджанні дэталяў і вузлоў, паходжанне якіх характэрна для працэсу правядзення рамонтных работ.

футаркі

У выніку паміж кіраўніцтвам аўтасервіса і ўласнікам аўтамабіля было дасягнута міравое пагадненне аб поўнай кампенсацыі апошняму ўсіх выдаткаў і маральнай шкоды.

 

Фота: Судовыя экспертызы

Фестываль “Пісьмянкоў луг” прайшоў у Касцюковічах

Навіна ад

Рэгіянальны фестываль паэзіі і аўтарскай песні «Пісьмянкоў луг» прайшоў на радзіме вядомага паэта і эсэіста Алеся Пісьмянкова ў Касцюковічах.

Восьмы ўжо фестываль “Пісьмянкоў луг” прайшоў у Касцюковічах. На свята з’ехаліся прадстаўнікі літаратурнага свету Магілёўшчыны – вядомыя паэты і празаікі.

Творчыя нашчадкі паэта Алеся Пісьмянкова чыталі вершы свайго земляка і ўласныя творы, назіралі за творчымі нумарамі, якія падрыхтавалі для іх гаспадары свята, паведамляе раённая газета “Голос Касцюкоўшчыны”.

Фота газеты “Голас Касцюкоўшчыны”.

Браканьеры ў Касцюковічах добраахвотна выдалі рыбнагляду сто метраў сетак

Навіна ад

Касцюковіцкая міжраённая інспекцыя аховы жывёльнага і расліннага свету падвяла вынікі аперацыі “Нераст”.

Касцюковіцкай міжраённай інспекцыяй аховы жывёльнага і расліннага свету выяўлена 19 фактаў парушэнняў правілаў аматарскага рыбалоўства.

Выяўлена 114 забароненых прылад рыбалоўства, з якіх 84 рыбалоўныя сеткі агульнай даўжынёй больш за паўтара кіламетра.

Сем браканьераў раскаяліся, сталі на шлях выпраўлення і добраахвотна выдалі рыбнагляду 15 забароненых снасцей, у тым ліку шэсць рыбалоўных сетак агульнай даўжынёй больш за 100 метраў.

Фота ілюстрацыйнага характару з адкрытых крыніц.

У Касцюковічах знайшлі небяспечны кетчуп з Расіі

Навіна ад

У Касцюковічах санітарныя службы выявілі парушэнні ў складзе кетчупу, які прадаваўся ў краме «Мегаопт». Гаворка пра расійскую прадукцыю — кетчуп «Чылі» пад гандлёвай маркай Astoria.

Як паведамілі ў Магілёўскім абласным цэнтры гігіены, эпідэміялогіі і грамадскага здароўя, лабараторныя даследаванні паказалі наяўнасць у кетчупе серністай кіслаты — кансерванта, які не быў пазначаны на ўпакоўцы. Гэтае рэчыва можа выклікаць парушэнні стрававання і праблемы з дыханнем пры частым ужыванні.

Небяспечны прадукт быў выраблены Ніжагародскім алейна-тлушчавым камбінатам, а ў Беларусь кетчуп імпартавала ТАА «Главмолснаб» (г. Магілёў).

Праверку праводзіў Касцюковіцкі раённы цэнтр гігіены і эпідэміялогіі. Зараз працягваецца збор матэрыялаў, пасля чаго будзе прынята рашэнне аб магчымым прыцягненні вінаватых асоб да адміністрацыйнай адказнасці.

Нагааем, два гады таму, у чэрвені 2023 года, у Магілёўскай вобласці Дзяржстандарт канфіскаваў з продажу кетчуп з павышаным утрыманнем харчовых дабавак. Небяспечны для здароўя пакупнікоў шашлычны кетчуп расійскай вытворчасці прадавала адно з прыватных гандлёвых прадпрыемстваў. У складзе кетчупа выяўлена павышанае ўтрыманне кансервантаў — сарбінавай кіслаты і сарбатаў у спалучэнні з бензавай кіслатой і бензатамі.

Фота: wildberries.ru

Пад Касцюковічамі ўнук па неасцярожнасці ўтапіў бабулю – яму далі год хіміі

Навіна ад

Інцыдэнт на дарозе Магілёў–Чэрыкаў–Касцюковічы забраў жыццё 78-гадовай жанчыны па віне яе ўласнага ўнука. Мужчыне прысудзілі год абмежавання волі ў хатніх умовах.

7 снежня 2024 года 32-гадовы мужчына, кіруючы аўтамабілем з крытычнымі няспраўнасцямі, выправіўся ў шлях, не задумваючыся пра наступствы, паведамляе Магілёўскі абласны суд. Асноўнай праблемай сталі зношаныя да непрыдатнасці шыны, якія кіроўца не паклапаціўся замяніць. Нягледзячы на складаныя ўмовы надвор’я – мокры снег і заснежаную дарогу – ён прыняў рашэнне ехаць, маючы ў салоне сваю 78-гадовую бабулю.

Рухаючыся са скорасцю 60 км/г, кіроўца праігнараваў папераджальны знак «Небяспечныя павароты». Ён не знізіў хуткасць, не ўлічыў ні дрэннае надвор’е, ні стан дарогі, ні тым больш тэхнічную няспраўнасць сваёй машыны. У выніку аўтамабіль страціў кіраванне, вылецеў за межы праезнай часткі, з’ехаў у кювет, а затым перакуліўся ў вадаём, імгненна запоўніўшыся вадой.

Кіроўца змог самастойна выбрацца з машыны, якая танула. Аднак усе яго адчайныя спробы выратаваць бабулю аказаліся марнымі. Жанчына памерла на месцы здарэння.

Касцюковіцкі райсуд асудзіў яго за парушэнне правілаў дарожнага руху і эксплуатацыі транспартнага сродку, што пацягнула па неасцярожнасці смерць чалавека. Прысуд суда – пакаранне ў выглядзе абмежавання волі без накіравання ў выпраўленчую ўстанову адкрытага тыпу тэрмінам на 2 гады, а таксама пазбаўленне права займацца дзейнасцю, звязанай з кіраваннем транспартнымі сродкамі, тэрмінам на 3 гады. У адпаведнасці з амністыяй да Дня Перамогі тэрмін адбыцця пакарання ва ўмовах «хатняй хіміі» скарочаны на адзін год, гэта значыць, напалову.

Прысуд пакуль не ўступіў у законную сілу.

Дарэчы, у той снежаньски дзень на Магілёўшчыне адбылася і іншая буйная аварыя з трагічнымі наступствамі. Кіроўца аўтамабіля KIA не справіўся з кіраваннем, машыну занесла, яна выехала на сустрэчную паласу і ўрэзалася ў грузавік MAN. Загінулі ўсе, хто знаходзіўся ў легкавым аўто: мужчына, жанчына і дзіця. Мяркуючы па фота з месца ДТЗ, аўтамабіль літаральна разарвала на часткі.

Фота: Магілёўскі аблсуд

Блізкія Івана Чыгрынава абвясцілі збор сродкаў на выданне твораў пісьменніка

Навіна ад

Дачка народнага пісьменніка Беларусі, Ганаровага грамадзяніна горада Касцюковічы Івана Гаўрылавіча Чыгрынава звярнулася да землякоў за дапамогай у выданні збора твораў бацькі.

21 снежня 2024 года споўніцца дзевяноста год з дня нараджэння Івана Гаўрылавіча і да гэтага часу сям’я пісьменніка (жонка i дзве дачкі) хоча выдаць у выдавецтве “Тэхналогія” збор твораў славутага творцы ў пяці тамах, у які ўвойдуць усе яго творы. Шмат якія п’есы будуць выдавацца ўпершыню.

Блізкія Чыгрынава звяртаюцца да людзей Касцюкоўшчыны, якія шануюць культуру роднага краю i ўсёй Беларусі за матэрыяльнай дапамогай у выданні збора твораў Івана Чыгрынава. Імёны спонсараў (асобных людзей або прапрыемстваў і арганізацый) будуць надрукаваны на тытульным лісце першага тома збора твораў – паведамляе раённая газета “Голас Касцюкоўшчыны”. 

Рэквезіты, па якім можна дапамагчы для выдання твораў нашага славутага земляка:

НВК «Тэхналогія»

Адрас: 220007, г. Мінск, вул. Ляўкова, 19-2Н

р/рахунак: BY42 АКВВ 3012 5240 0180 1000 0000

у ЦБП № 527 ААТ “ААБ “Беларусбанк”

у г. Мінску, код AKBBBY2X

Тэл. факс: +375 17 243-19-40

УНН 100008965 АКПА 05420770

e-mail: [email protected]

Фота з адкрытых крыніц