Category: Раёны
Кірмаш вакансій у Горках правялі ў міліцыі. Большасць беспрацоўных адмовілася ўладкоўвацца
Горацкі раённы аддзел упраўлення ўнутраных спраў арганізаваў у сваіх сцянах выязное пасяджэнне Камісіі па садзейнічанню працаўладкавання насельніцтва. На сустрэчу мэтанакіравана запрасілі мясцовых жыхароў, якія з’яўляюцца беспрацоўнымі і былі раней асуджаныя.
Прысутным пагражалі павышэннем тарыфаў на жыллёва-камунальныя паслугі, забаронай на выезд з краіны, прапаноўвалі шматлікія вакансіі. Аднак толькі некалькі чалавек пагадзіліся ўзяць накіраванні на працаўладкаванне. Большасць прысутных адмовілася – піша раённая газета “Горацкі веснік”. Адзначаецца, што мясцовыя схіляюцца да працы на саміх сябе, альбо зарабляюць у Расіі.
Фота: “Горацкі веснік”
Вандалы атакуюць скейт-пляцоўку ў Бабруйску ўжо два гады, і іх дагэтуль не знайшлі
Спартыўную пляцоўку для скейтбордынга і ВМХ-спорта у чарговы раз залілі машынным алеем.
Скейт-пляцоўку ў Бабруйску, размешчаную паміж школамі №10 і №31 усталявалі тут два гады таму – мясцовыя актывісты выйгралі дзяржаўны грант на 25 000 рублёў і самастойна абсталявалі трасу. Аднак ужо адразу пасля адкрыцця аматары скейтбордынга адчулі подых варожасці, што сыходзіць ад невядомых. У тым жа 2022 годзе нехта абадраў з элементаў трасы металічныя лісты, выкінуўшы адзін з іх на тэрыторыі суседняй школы. Потым пачаліся заліванні трасы машынным алеем.
Мясцовы актывіст Данііл, які стаяў за ініцыятывай па стварэнні пляцоўкі, расказаў выданню bobr.by, што адзін з такіх інцыдэнтаў адбыўся проста перад спаборніцтвамі ў мінулым годзе. Тады хлопцам прыйшлося экстрана засыпаць пляцоўку пяском, каб ніхто са спартоўцаў не атрымаў траўму, паслізнуўшыся на элементах.
Заліванне трасы алеем паўтарылася на днях. Нехта невядомы пашкодзіў фігуры на пляцоўцы. Данііл адзначае, што скаргаў ад мясцовых жыхароў на тлум са спартовай пляцоўкі не паступала, пагэтаму цяжка здагадацца, хто так узненавідзеў іх месца для заняткаў. Пасля кожнага інцыдэнту былі напісаныя звароты ў міліцыю, але ніякага плёну гэта ўсё яшчэ не дало.
– Скейтбордынг і BMX-спорт цяпер вельмі папулярныя. У Бабруйску шмат таленавітых юнакоў, якія рыхтуюцца і выступаюць на сур’ёзных спаборніцтвах. Таму такія спартовыя месцы нам неабходны. – распавёў Данііл – Зімой хлопцы ездзяць трэніравацца ў Мінск на крытыя пляцоўкі, а вясной прыходзяць сюды. За дзень пляцоўку могуць наведаць каля 50 чалавек.
Фота: bobr.by
Философское обоснование субботников сформулировала районная газета из Белынич
Все дело в пользе трудотерапии, а Ленин со своим бревном тут ни при чем – утверждает издание.
Трудотерапия, как известно – это способ лечения заболеваний. По мнению блогеров из белыничской районной газеты “Зара над Друццю”, именно в лечебных целях каждую весну народонаселение Беларуси гоняют на субботники. Сказано в заметке и о том, от чего белорусов при этом лечат – от несознательности.
“Подобные мероприятия по наведению чистоты вовсе не изобретение коммунистов” – на чистом глазу заявляет автор – все дело именно в трудотерапии. “Она помогает привить уважение к чужому труду, аккуратность в делах, любовь и заботу к своей малой родине. Кроме того, совместный труд на общее благо способствует укреплению добрых товарищеских отношений в коллективе”.
Отрицая влияние коммунистической идеологии на такое явление, как субботники, автор статьи притягивает параллели из японских и норвежских традиций, а то и вовсе ссылается на “Маленького принца” Антуана де Сент-Экзюпери. Делается это с элегантностью фокусника – оказывается, для того, чтобы начать хорошо относиться к субботникам, “нужно просто «нажать некую кнопочку» в восприятии реальности, и картина мира перезагрузится – изменится на диаметрально противоположную. Откройтесь этой радости!”
Фото: Зара над Друццю
Два браты з Горак пабачылі дым, праязджаючы міма, і выратавалі сям’ю на пажары
Браты Сяргей і Дзмітрый Варанцовы ехалі на машыне каля вёскі Зайцава Горацкага раёна, калі пабачылі дым у прыватным доме. Жыхары Горак спыніліся і зайшлі ў будынак – дзверы былі не зачыненыя. На падлозе задымленай веранды яны сустрэлі п’яных жыхароў дома – гаспадыню 1954 года нараджэння і яе сужыцеля, што нарадзіўся ў 1964-м. Браты выцягнулі іх на свежае паветра і выклікалі ратавальнікаў. Калі прыехала пажарная брыгада, дом унутры ўжо палаў – паведамляе прэс-служба МНС. Гаспадары дома не пацярпелі, прычына ўзгарання высвятляецца.
Фота: МНС
Сёння – гадавіна “Магілёўскага цунамі”. Паглядзіце ўнікальны ролік з фотаздымкаў трагедыі
10 красавіка 1942 года ў Магілёве адбылося навадненне на рацэ Дубравенка. У гісторыі Беларусі больш невядомыя падобныя тэхнагенныя катастрофы. Ахвярамі трагедыі тады стала ад некалькіх соцень да двух тысяч чалавек.
Мы падрыхтавалі невялікі відэаролік да гадавіны “Магілёўскага цунамі”. Ён складзены з фотаздымкаў, зробленых нямецкімі салдатамі ў 1942 годзе – усе яны былі набытыя на інтэрнэт-аўкцыёнах магілёўскім краязнаўцам і калекцыянерам Алегам Давідам Лісоўскім.
На першых фотаздымках можна пабачыць стан чыгуначнага насыпу непасрэдна перад катастрофай, а таксама запруду, якая і прывяла да наваднення. Далейшыя здымкі паказваюць нам сам патоп і яго наступствы. Больш падрабязна пра “Магілёўскае цунамі” мы пісалі раней, а ў 2022 годзе на месцы трагедыі была пастаўленая інфармацыйная таблічка.
Фота: з калекцыі Алега Давіда Лісоўскага
Паліва злівалі проста на хаду – бабруйскія машыністы скалацілі банду з адзінаццаці чалавек
Следчы камітэт Беларусі абнародаваў вынікі разбіральніцтва, як бабруйскім машыністам цеплавозаў разам з іх памочнікамі ўдалося скрасці больш за 12,5 тон паліва.
Паведамляецца, што шэсць машыністаў і памочнікаў машыніста з Бабруйска скаапераваліся з пяццю жыхарамі пасёлка Акцябрскі ў Гомельскай вобласці. На бязлюдным участку дарогі, калі яна праходзіла праз лясны масіў, жыхары Гомельшчыны падсаджваліся на цеплавоз і на хаду злівалі з яго дызельнае паліва, якое раней удавалася сэканоміць машыністам.
Для эканоміі яны ўносілі змены ў прыборы бяспекі цягніка. Набраўшы салярку ў пластыкавыя ёмістасці, налётчыкі скідвалі нарабаванае на зямлю і знікалі ў гарадскім пасёлку Акцябрскі. Пазней гэтае паліва распрадавалася па коштах ніжэй за рынкавыя. Усяго падобным чынам удалося скрасці каля 12,5 тон саляркі на суму больш за 29 тысяч рублёў. Характэрна, што за кожны рэйд машыністы паяздоў дадаткова дарылі налётчыкам ад сябе, у якасці бонуса, каністру саляркі на 20 літраў.
Чытаць яшчэ: Як у сучасным Магілёве адбылося коннае рабаванне цягніка.
Фота: СК, скрыншот
Дарогу-дублёр у Магілёве прапануюць назваць праспектам Адзінства
Магілёўскі гарвыканкам выступіў з ініцыятывай даць новаму пуцеправоду, які злучае кальцо на плошчы Касманаўтаў з раёнам абласной бальніцы і вуліцамі А. Пысіна, В. Бялыніцкага-Бірулі, Ц. Гартнага назву “праспект Адзінства”.
Раней у Магілёве ўжо паявілася плошча Адзінства – ёй стала пляцоўка перад Атрыумам, на якой у 2020 годзе канцэнтраваліся пратэсты гараджан супраць фальсіфікацыі прэзідэнцкіх выбараў. У мінулым годзе ўрачыстае адкрыццё другой чаргі дарогі-дублёра прымеркавалі да новастворанага афіцыйнага свята 17 верасня – пісалі mogilev.media. Саму сутнасць свята, што праўда, так і не здолелі патлумачыць насельніцтву.
Цяпер жа гараджанам прапануюць выказацца наконт назвы новага праспекта, напісаўшы ў газету “Веснік Магілёва”. У штодзённых абывацельскіх практыках новы пуцеправод ужо ўкараніўся пад назвай “дублёр” альбо “дарога-дублёр”.
Фота: mogilev.media
У цеплатрасы Бабруйска дададуць зялёны фарбавальнік – з такім жа адзначалі Дзень св. Патрыка
Для пошуку разрываў у трубах цеплатрас, а таксама месцаў несанкцыянаванага падключэння да сетак, “Магілёўэнерга” будзе дадаваць у сеткавую ваду флюарэсцэнтны фарбавальнік уранін А.
“Еще больше сплотиться” – в Славгороде действует свой Координационный совет
Общественные организации должны консолидировать гражданское общество – заявила председатель Координационного совета общественных организаций и политических партий Славгородского района Светлана Езерская на заседании, прошедшем в районном центре. “В стране и мире происходят различные процессы и события, которые не каждый сам для себя может объяснить” – многозначительно добавила она.
Затем Светлана Езерская призвала сограждан вовлекать людей в деятельность общественных организаций, особенно молодежь, и осудила вмешательство во внутренние дела суверенных государств. Завершилось заседание решением пойти на субботник.
Фото: “Прысожскі край”