Сышоў у вечнасць пісьменнік, выкладчык, шматгадовы старшыня магілёўскай арганізацыі Таварыства беларускай мовы шчыра адданы беларускай справе чалавек Яраслаў Клімуць.
У суботу 18 чэрвеня Магілёўшчына згубіла адданага беларускай справе патрыёта, шляхетнага і высакароднага чалавека, абаронцу і будзіцеля беларусаў Яраслава Клімуця.
Нарадзіўся будучы педагог і пісьменнік 1 кастрычніка 1940-га года ў мястэчку Вострава Ваўкавыскага раёну тады Беластоцкай вобласці БССР.
lit-bel.org
У 1959-1962 гадах служыў у войску, а затым у 1962-1967 гадах вучыўся ў на філалагічным факультэце Беларускага дзяржаўнага ўніверсітэту.
Яраслаў Іванавіч вучыўся ў аспірантуры Інстытуту літаратуры імя Янкі Купалы Акадэміі навук БССР, а з 1975 года пачаў працаваць у Магілёўскім дзяржаўным педагагічным інстытуце, з якім звязана ўсё яго працоўнае жыццё.
Абараніў кандыдацкую дысертацыю па тэме «Якуб Колас і руская савецкая паэзія».
images.app.goo.gl
З 1986 года па 2000 год служыў дэканам філалагічнага факультэту.
Пры ім факультэт быў сапраўднай кузняй нацыянальных кадраў. Ён спрыяў творчасці, самастойнасці студэнтаў, фарміраванню іх актыўнай грамадзянскай палітыкі. Многія выпускнікі факультэту называлі яго сваім другім бацькам.
Яраслаў Іванавіч паказваў студэнтам прыклад і актыўна ўдзельнічаў у грамадскім жыцці гораду, вобласці, краіны.
Быў сябрам Саюзу беларускіх пісьменнікаў з 1996 года, членам Беларускага саюзаулітаратурна-мастацкіх крытыкаў з 1999 года.
Ён адзін з заснавальнікаў Таварыства Беларускай Мовы і шматгадовы кіраўнік абласной суполцы арганізацыі.
msu.by
Сваю місію ў адраджэнні беларушчыны Яраслаў Іванавіч бачыў у дапамозе беларускім ідэям і з’явам.
Менавіта жаданне дапамагаць усяму беларускаму прывяло яго ў склад тэатральнай трупы Валянціна Ермаловіча «Валянцін», у рэдакцыю часопісу «Магілёўская даўніна».
Дзякуючы яму былі ўсталяваны мемарыяльныя дошкі ў гонар надання магдэбургскага права ў Бялынічах, Чэрыкаве, Чавусах.
Магілёвец, які звяртаўся да Яраслава Іванавіча з беларускімі справамі, мог разлічваць на ягонае плячо падтрымкі.
static.wixstatic.com
Хвароба на кавід ускладніла ўзроставыя праблемы…, і Магілёўшчына страціла знакавую постаць 1990-2010-х гадоў.
Развітанне з Яраславам Іванавічам Клімуцем адбудзецца ў панядзелак, 20 чэрвеня, з 11.00 да 13.00 у рытуальнай зале па вуліцы Чалюскінцаў 62.
Дрэвы не перажыўшыя кранаваньня і солі паўсюдна ў Магілёве.
Серыя фотаздымкаў з паміраючымі дрэвамі трапіла ў паштовую скрынку Магілёў.media без пазначэння аўтарства. Фота зробленыя ў розных мясцінах абласнога цэнтру. На большасці з іх расліны з прыкметамі кранаваньня.
У фотаальбоме Магілёў.media – сабраныя фотаздымкі, дасыланыя чытачамі. Так павялося, што іхныя аўтары суправаджаюць свае работы невялікімі допісамі. У асноўным тлумачаць, чаму вырашылі сфатаграфаваць той, ці іншы ўпадабаны вобраз. Як і раней чакайма фотаздымкай і допісаў да іх у паштовай скрынцы [email protected].
Аўтар ліста з роспаччу адзначае, што на магілёўскіх вуліцах, уздоўж праезнай часткі ды і ў дварах дрэвы не перажылі кардынальнага абразання галля.
Цяпер яны чэзнуць з рэдкай кронаю, якая не ратуе ад спёкі, піша ён.
У 2019 годзе за кардынальнае кранаванне дрэў у горадзе, паведамляла тэлерадыёкампанія «Магілёў», да дысцыплінарнай адказнасці былі прыцягнуты 18 службовых асоб. Пракуратура вобласці тады праверыла азеляненне гораду і выставіла масу прэтэнзіяй.
Навукоўцы даказалі, што «амалоджванне дрэў», як тое рабілася ў абласным цэнтры, згубна адбіваецца на раслінах і нават прыводзіць да іх гібелі.
Пасля гэтага актыўнасць камунальнікаў у абразанні галля зменшылася, але не спынілася зусім.
Па словах гараджанаў забівае дрэвы і «бяздумна бязмернае» пасыпанне дарог узімку соллю. Яна трапляе пад дрэвы, а ўвесну ўсмоктваецца каранямі. Такі кактэйль згубны для раслін.
Статыстыкі адносна колькасці загубленага зялёнага фонду ў Магілёве няма. Аднак, кожны гараджанін, можа на ўласныя вочы пабачыць наступствы варварскага абыходжання з раслінным светам гораду. Проста паглядзіце на дрэвы.
Тым часам, Міністэрства прыродных рэсурсаў і аховы навакольнага асяроддзя ўгледзела найлепшае азеляненне гарадоў і на Магілёўшчыне. Па стане на 1 студзеня 2022 года сярэдні ўзровень азелянёнасці паселішчаў у рэгіёне быў 45% пры нарматыве ў 40% ад агульнай плошчы.
Паводле кіраўніка Міністэрства прыродных рэсурсаў і аховы навакольнага асяроддзя Аляксандра Корбута за першыя пяць месяцаў у беларускіх гарадах і сельскай мясцовасці высадзілі 363 тыс. дрэў і 195 тыс. кустоў. Акрамя таго адрамантавана больш за 1 тысячу кантэйнерных пляцовак для збору адходаў ды знесена звыш 1,1 тыс. пустых старых жылых дамоў.
Прэзідэнт Малдовы падпісала Закон аб інфармацыйнай бяспецы. Ён забараняе навінныя і аналітычныя праграмы краін, якія не ратыфікавалі Канвенцыю аб транспамежным тэлебачанні.
Расія не падпісала яе.
Згодна з Законам, 50 працэнтаў замежнага зместу, трансляванага тэлеканаламі, будуць належаць краінам Еўрапейскага Саюзу, ЗША і дзяржавам, што ратыфікавалі Канвенцыю, піша інфармацыйнае агенцтва «СП».
Па словах старшыні Рады па тэлебачанні і радыё Ліліяны Віцу зацверджаны закон – вымушаная мера.
Яна кажа, што вайна ва Ўкраіне змушае ўлады прымаць значна больш жорсткія меры адносна замежнай прапаганды.
Цяпер, адзначае яна, палітычныя або ваенныя перадачы з краін, якія не ратыфікавалі Канвенцыю аб трансгранічным тэлебачанні, уключаючы Расію, забаронены рашэннем Камісіі па надзвычайных сітуацыях.
З набыццём моцы Закону аб інфармацыйнай бяспецы гэтых медыяпрадуктаў не будзе ў эфірных сетках нават пасля заканчэння тэрміну дзеяння надзвычайнага становішча.
Закон уступіць у сілу на наступным тыдні.
Пасля таго, як пачалася поўнамаштабная агрэсія Расіі супраць Украіны парламент Малдавіі аб’явіў у краіне рэжым надзвычайнага становішча. З яго ўвядзеннем Служба інфармацыі і бяспекі закрыла шэраг інтэрнэт-парталаў, а таксама забараніла дзейнасць расійскага агенцтва і радыёстанцыі «Спутник-Малдова».
Па словах Дзмітрыя Піневіча з-за мяжы ў маі-чэрвені паступіла 1200 найменняў лекаў.
На тэлеканале СТВ ён казаў, што цяпер прыкладна 4 тысячы прэпаратаў абарочваюцца ў аптэчным і шпітальным сегменце. Калі раней на ягоным кантролі было прыкладна 40-50 прэпаратаў, то цяпер іх стала 120.
Па ягоных словах павялічваецца выраб беларускіх прэпаратаў.
Раней службоўцы гаварылі пра цяжкасці ў пастаўках лекаў і пошук альтэрнатыўных пастаўшчыкоў.
Па словахдырэктара «Белфармацыі» Сяргея Літоша магчымымі партнёрамі могуць стаць пастаўшчыкі З Кітаю, Індыі, Турцыі.
«Мы працуем над тым, каб людзі не прыкмецілі праблемаў», – даводзіў ён.
Зацверджаны ў часы Савецкага Саюзу – 1 кастрычніка 1980 году. Адзначаецца ў трэцюю нядзелю чэрвеня.
У медычных установах краіны працуе 41,7 тысяч лекараў і 112,5 тысяч медычных сясцёр.
neg.by
19 чэрвеня 240 года ўпершыню вылічылі радыус Зямлі.
Зрабіў гэта географ і астраном Эратасфен Кірэнскі ў дзень летняга сонцастаяння ў Александрыі
Паводле ягоных вымярэнняў акружнасць Зямлі складала 250,000 стадыяў, а радыус – 39790 стадыяў. Невядома якімі стадыямі карыстаўся Эратасфен. Калі грэцкім (178 м), то радыус Зямлі 7082 км, калі егіпецкім, то 6287 км.
Сучасныя вымярэнні даюць велічыню ў 6371 км.
odessa-life.od.ua
19 чэрвеня 1898 года нарадзіўся Маркел Савіцкі (1898-1975).
Раслінавод, доктар сельскагаспадарчых навук, прафесар Беларускай сельскагаспадарчай акадэміі.
Аўтар больш за 120 навуковых працаў, шэрагу выданняў на беларускай мове. Распрацаваў методыку сортавыпрабавання,
Родная вёска Савіцкага Расасна цяпер у Дубровенскім раёне Віцебскай вобласці.
19 чэрвеня 1912 года нарадзіўся Пятро Бітэль (1912-1991).
Беларускі паэт, перакладчык, краязнавец, настаўнік, святар.
Скончыў Беларускую Віленскую настаўніцкую семінарыю (1931). У 1931–1939 гадах настаўнічаў.
Як пісьменнік дэбютаваў у 1929 годзе пад псеўданімам Леанід з-пад Вішнева ў часопісе «Шлях моладзі», дзе публікаваўся і пазней. Аўтар паэм «Замкі і людзі» (1968), «Сказанне пра Апанаса Берасцейскага» (1984).
Займаўся перакладамі. Рукапіс перакладу паэмы «Пан Тадэвуш» выкладаў, быўшы асуджаным, у лагеры на паперы з мяшкоў з-пад цэменту, захоўваецца ў Музеі гісторыі беларускай літаратуры.
У 1944 годзе вывезены ў Германію, вызвалены ў 1945 годзе, служыў у Чырвонай Арміі.
У 1950 годзе арыштаваны і асуджаны на 10 гадоў. Зняволенне адбываў у Кемераўскай вобласці, Омску і Джэзказгане.
У 1956 годзе вызвалены. Да 1963 служыў у царкве.
У 1963–1974 гадах настаўнічаў. Скончыў Мінскі педінстытут (1970). Рэабілітаваны ў 1978.
data.cyclowiki.org
19 чэрвеня 1923 года ў Бабруйску нарадзіўся Жозэф Хоцька.
Геафізік, адзін са стваральнікаў беларускай школы геафізікі, займаўся пытаннямі сейсмалогіі, зямнога электрамагнетызму.
Стваральнік Плешчаніцкай геафізічнай абсерваторыі. Кандыдат геолага-мінералагічных навук.
19 чэрвеня 1924 года нарадзіўся Васіль Быкаў (1924-2003).
Народны пісьменнік Беларусі, грамадскі дзеяч, удзельнік Другой сусветнай вайны.
У аснове творчай манеры Быкава – суровая праўда ў адлюстраванні вайны, яе драматычных і трагічных сітуацый, пільная ўвага да думак і пачуццяў чалавека, дэмакратызм і абвостраная чалавечнасць, філасофская насычанасць і выразнасць апавядальнай манеры.
Па творах Васіля Быкава свет спасцігае асаблівасці беларускага народнага характару, трагізм гістарычнага лёсу нашага народу.
Творчасцю пісьменніка засведчаны духоўная сталасць сучаснай беларускай літаратуры, яе сусветны ўзровень. Яна гаворыць чалавецтву, што цвіце Беларусь, думае Беларусь, мае дзяржаўны гонар.
«Народная любоў да мастака была бязмернай. Яго яшчэ пры жыцці назвалі сумленнем нацыі. Яго вялікі маральны аўтарытэт не ствараўся штучна. Ён трывала забяспечваўся ўменнем мастака дакопвацца да глыбіні праўды пра людское жыццё на скразняках часу і, вядома ж, чалавечнасцю…», – казаў пра Быкава крытык Дзмітры Бугаёў.
Свой пісьменніцкі лёс адлічвае з 1951 года, калі на Курылах, дзе ў той час служыў, напісаў апавяданні «Смерць чалавека» і «Абознік».
media.imhoclub.com
19 чэрвеня 1941 года нарадзіўся Іван Ласкоў (1941-1994).
Беларускі пісьменнік, перакладчык, крытык, гісторык, рэдактар якуцкага эпасу.
Аўтар «фінскай» канцэпцыі паходжання беларусаў, даказваў, што Літва не была балцкім племем, што на тэрыторыі Беларусі пануе фіна-угорская тапаніміка.
Дзяцінства правёў у вёсцы Беразякі Краснапольскага раёну і Магілёўскім дзіцячым доме і № 1, скончыў СШ №2 Магілёва.
person.goub.by
19 чэрвеня 1976 года нарадзіўся Уладзімір Каткоўскі (1976-2007).
Беларускі блогер, вэб-рэдактар, заснавальнік беларускай Вікіпедыі, распрацоўшчык беларускамоўнага інтэрфейсу Google, супрацоўнік беларускай рэдакцыі «Радыё Свабода».
wikimedia.org
19 чэрвеня 1988 года ў Курапатах адбыўся масавы мітынг памяці ахвяр сталінскіх рэпрэсій.
Людзі ў Курапатах сабраліся неўзабаве пасля публікацыі ў газеце «Літаратура і Мастацтва» артыкулу «Курапаты – дарога смерці», у якой гаварылася пра масавыя расстрэлы ў гэтым урочышчы ў часы сталінізму.
Марш і мітынг лічыцца першымі пратэстнымі акцыямі ў савецкай Беларусі. На іх сабралася да 10 тысяч чалавек. Там упершыню быў узняты бел-чырвона-белы сцяг. Гучалі антысавецкія лозунгі.
З 1937 па 1941 году ў Курапатах было забіта ад 40 да 200 тысяч мірных грамадзян.
i.c97.org
19 чэрвеня 2019 года памерла Іраіда Царук.
Беларускі гісторык, доктар гістарычных навук, прафесар.
У Беларускім дзяржаўным універсітэце працавала з 1963 года па 1991 год старшым выкладчыкам, дацэнтам, прафесарам, загадчыкам кафедры, дэканам гістарычнага факультэту.
Распрацавала спецкурсы па гісторыі Беларусі. Актыўна ўдзельнічала ў падрыхтоўцы падручнікаў і навучальных дапаможнікаў, выступала з дакладамі на ўсесаюзных, рэспубліканскіх і міжнародных навуковых і навукова-метадычных канферэнцыях.
Больш за 10 гадоў была членам Прэзідыума навукова-тэхнічнага і навукова-метадычнага Савету, членам каардынацыйнага Савету Інстытуту гісторыі Акадэміі навук Беларусі, членам спецыялізаванага савету па абароне дысертацый. Заслужаны работнік народнай адукацыі БССР.
Аўтар звыш 70 навуковых прац. Падрыхтавала 30 кандыдатаў навук.
Нарадзілася ў 1928 годзе. Яна родная сястра палітыка Сяргея Прытыцкага. Даследніка гісторыі і культуры Заходняй Беларусі.
hist.bsu.by
У публікацыі выкарыстаныя матэрыялы з інфармацыйнага рэсурсу “Вікіпедыя”
галоўнае фота: Василь Быков, 1984 год, из архива Белта
Внимание! Белгидромет предупреждает о неблагоприятных гидрометеорологических явлениях. В Могилёвской области ожидается усиление юго-западного ветра порывами 15-18 м/с. Тем кто направляется в южные районы страны гидрометсообщает, что жарко до +34°С.
В нашем регионе переменная облачность, без существенных осадков (вероятность осадков 5-10%). Температура воздуха до +30°C.
По данным многолетних наблюдений максимальная температура в 19 июня была отмечена в 2012 году – до +30°, а минимальная в 2000 году – +4°.
А вот в Индии и Бангладеш продолжается наводнение, вызванное сезонными муссонными дождями. Свои дома покинули около 2 млн человек. Сообщается о гибели не менее 25 человек.
В соседнем стране Бангладеш в зоне бедствия оказались свыше 4 млн человек.
За последние годы в регионе наблюдают серьезные погодные катаклизмы, а специалисты по вопросам окружающей среды предупреждают, что изменения климата могут вызвать еще больше стихийных бедствий. Если уровень воды поднимется хотя бы на 1, 5 м, то от наводнения может пострадать более 18 миллионов человек.
Вольную сцэну размясцілі ў падворку музею Бялыніцкага-Бірулі. Раз на год дырэкцыя гэтай установы арганізуе імпрэзу для музыкаў, якія ўжо паспелі сябе паказаць і тых хто толькі выпраўляюцца ў свет па вядомасць.
Распачаў канцэрт маладзёвы духавы аркестр, за ім гралі гітарысты, рок-і-фолькгурты, барды. Спяваліся як вядомыя кампазіцыі, так і песні, напісаныя, літаральна, перад самым канцэртам.
Тут жа працавала выстава, на якой прадавалі значкі з надпісамі па-беларуску.
Публіка добразычліва вітала творчасць музыкаў. Атмасфера была разняволенай, нават нязвыкла вальяжнай. Гледачоў, праўда, было не багата, бо рэкламы канцэрту не было.
Ідэя падобных канцэртаў на пешаходнай вуліцы абмяркоўваецца шмат гадоў. Мелодыі вулічных музыкаў ствараюць непаўторны каларыт пешаходнай вуліцы.
Дастаткова дазволу ўлады, каб гарадскі цэнтр стаў па святочнаму адметным. Чыноўнікі ж імкнуцца ўсё кантраляваць.
У выніку ўсе задумы затухаюць, як пра іх абвяшчаюць. Нават спроба БРСМ ажыццявіць праект «Ленінская онлайн» і выцягнуць музыкаў на вуліцу правалілася гадоў 10 таму.
Свабода творчасці не выносіць дзяржаўнага рэгулявання, яна яму супрацьстаіць.
У Магілёве дзе ні дзе абноўленая сацыяльная рэклама на білбордах. Тое заўважылі чытачы Магілёў.media і як пацверджанне даслалі серыю фотаздымкаў.
У бальшыні ж сваёй, пішуць іхныя аўтары, вялікія плакаты засталіся з мінулых гадоў. Некаторыя ўжо і не такія кідкія, як раней, бо выпаленыя сонцам.
Прызначэнне сацыяльнай рэкламы на білбордах, прызнаюцца магілёўцы, ім не зразумелая. У эканоміцы праблемы, людзі бяднеюць і занятыя зусім не разглядваннем таго, што расстаўлена на вуліцах.
Некаторыя з карцін выклікаюць іронію. Напрыклад пра падтрымку малога бізнесу дзяржавай. На іх паветраныя шары. Не сакрэт колькі прадпрымальнікаў цяпер з’язджае з краіны, не бачачы на радзіме перспектываў для развіцця ды і боязь, што не ўдасца ўратаваць заробленае. А паветраныя шары, як бы і сімвалізуюць тыя ўцёкі.
А плакаты з сэрцайкам, якія, паводле задумы, меліся разварушыць у грамадзяніна патрыятычныя пачуцці да Магілёва, Беларусі, нібы, ужо і забытыя. Білборды з імі сіратліва стаяць на перакрыжаваннях дарог і ўдалечыні ад людных месцаў, прыкрываючы сабою далягляд.
А, вось, сацыялка з беларускай моваю, тая, што заклікала гаварыць беларуса на сваёй нацыянальнай мове, знікла, падкрэсліваюць аўтары лістоў. Яе прыбралі, нібы, адным днём.
У фотаальбоме Магілёў.media – сабраныя фотаздымкі, дасыланыя чытачамі. Так павялося, што іхныя аўтары суправаджаюць свае работы невялікімі допісамі. У асноўным тлумачаць, чаму вырашылі сфатаграфаваць той, ці іншы ўпадабаны вобраз. Як і раней чакайма фотаздымкай і допісаў да іх у паштовай скрынцы [email protected].
У працоўным калектыве больш за 1 тысячу чалавек з’явіцца інструктар па фізічнай культуры і спорту.
Старшыня Магілёўскага гарвыканкаму Уладзімер Цумараў даручыў увесці ў штат прадпрыемства адпаведную стаўку. Памер заробку для такога супрацоўніка застаецца невядомым.
Цумараў лічыць, што праводжанай у горадзе фізкультурна-аздараўленчай і спартова-масавай працы не дастаткова. Яго не задавальняе, што фізкультурай і спортам займаецца толькі крыху больш за чвэрць насельніцтва і толькі ў 14 арганізацыях ёсць інструктары па фізічнай культуры і спорту.
Як вынікае з публікацыі на сайце газеты «Веснік Магілёва» кіраўніка мясцовай уладнай вертыкалі не столькі клапоціць здароўе гараджан, колькі не загружанасць спартовых аб’ектаў.
«У нас у горадзе ўнікальная спартовая база, трэба выкарыстоўваць усе яе рэсурсы, – арыентуе ён падначаленых. – А з прадпрыемствамі трэба шчыльней працаваць, максімальна прыцягваць людзей да актыўнага ладу жыцця».
Чыноўнік даў распараджэнне ўвесці ў статны расклад стаўку інструктара па фізічнай культуры і спорту ўва ўсе працоўныя калектывы з колькасцю працаўнікоў больш за 1 тысячу.
На яго погляд інструктары далучыць працоўныя калектывы да фізкультуры і спорту.
Упершыню з летапісах горад згадваецца ў 1223 годзе. Вядомы сваімі замкам, паркамі, архітэктурай, навучальнымі ўстановамі. Цэнтр культуры, тэатральнага жыцця, кнігадрукавання, кальвінізму.
18 чэрвеня 1806 года нарадзіўся Міхаіл Валовіч (1806-1833).
Філарэт, філамат, удзельнік паўстання 1830–1831 гадоў.
Валовіч крытычна ацэньваў вопыт паўстання 1830-31 гадоў, якое, на яго погляд, не мела «агульначалавечай мэты», паколькі адпавядала інтарэсам шляхты.
Ён лічыў, што ў вызваленчай барацьбе асноўнай сілай павінны быць народныя масы, сялянства. Выступаў за адмену прыгоннага права, за права кожнага народу на самастойнае развіццё.
Павешаны на загад расійскіх уладаў у Гродне. Цела ўначы перавезлі ў закінуты вапнавы кар’ер. Закапалі, каб не было як адшукаць магілы.
У вёсцы Парэчча, побач з уніяцкай царквой, якую збудавалі Валовічы, стаяў крыж у гонар Валовіча і 12 паўстанцаў, якія загінулі ў барацьбе супраць расійскага імперыялізму. У 2003 святар Маскоўскага патрыярхату, які прыехаў у прыход з Прыднястроўя, загадаў выкапаць крыж. Пазней крыж адшукалі побач са Шчарай і паставілі на могілках.
wikimedia.org
18 чэрвеня 1858 года нарадзіўся Лявонцій Галынец (1858-1896).
Беларускі вайсковы ўрач, доктар медыцыны, першы прыват-дацэнт медыцынскай статыстыкі і геаграфіі кафедры гігіены Імператарскай медыка-хірургічнай акадэміі.
Даследчык санітарнага стану, насельніцтва Магілёва, умоў жыцця, асаблівасцяў фізічнага развіцця сацыяльных груп гараджан.
Паходзіў з вёскі Галоўчын, якая цяпер у Бялыніцкім раёне.
mogilew.by
18 чэрвеня 1863 пакараныя смерцю кіраўнікі Чарнаруцкага (Магілёўскага) паўстанцкага атраду браты Манцэвічы, В. Корсак, а таксама камандзір Быхаўскага атраду І. Анцыпа. (імёны не вядомыя).
Смерць прынялі ў Магілёве.
Чарнаруцкі атрад быў сфармаваны 20 красавіка і меў да 40-50 чалавек з афіцэраў, дробных чыноўнікаў, студэнтаў, дваровых людзей.
Актыўна дзейнічаў 3-9 мая 1863 году, але быў разбіты расійскім войскам.
Збіраліся далучыцца да паўстанцаў і 24 гімназісты Магілёўскай мужчынскай гімназіі, у якіх была зброя.
18 чэрвеня 1889 года нарадзіўся Уладзімір Каліноўскі (1889-1940).
Беларускі грамадска-палітычны дзеяч. Пасол Сейму Другой Польскай Рэспублікі, публіцыст, гісторык.
Быў кіраўніком справамі і юрысконсультам Беларускага сельскагаспадарчага інстытуту, дацэнтам кафедры гісторыі польскай культуры педагагічнага факультэту БДУ.
Супрацоўнічаў з часопісамі «Полымя», «Савецкае будаўніцтва», газетамі «Савецкая Беларусь», «Звязда».
Рэпрэсаваны. Захаваліся, нібыта, зьвесткі, што быў расстраляны ў 1940 годзе в Старабельску.
18 чэрвеня 1911 года нарадзіўся Аляксандр Шыдлоўскі (1911-2002).
Беларускі культурны дзеяч, кампазітар, педагог.
Заслужаны дзеяч культуры БССР.
Удзельнік нацыянальна-вызваленчага руху ў Заходняй Беларусі, сустваральнік Беларускага культурнага таварыства ў Варшаве.
Артыст хору Р. Шырмы, аўтар вядомых песень «Ой, ты, Нёман родны», «Песня пра Гродна», «Колькі ў небе зор».
bis.nlb.by
18 чэрвеня 1950 года нарадзіўся Валянцін Акудовіч.
Беларускі філосаф, эсэіст, літаратурны крытык, спецыяліст па турызму.
Працаваў у штотыднёвіках «Культура», «Літаратура і мастацтва», часопісах «Крыніца», «Фрагменты», «Перекрёстки», «Паміж». Аўтар шэрагу кніг. «Мяне няма. Роздумы на руінах чалавека», «Код адсутнасці. Асновы беларускай ментальнасці».
wikimedia.org
18 чэрвеня 1957 года памёр Вітольд Бялыніцкі-Біруля.
Найбуйнейшы беларускі жывапісец-пейзажыст, акадэмік жывапісу, АН БССР, Акадэміі мастацтваў СССР, Народны мастак БССР.
У Беларусі захоўваюцца 444 ягоныя карціны. У Магілёве працуе мастацкі музей імя В. Бялыніцкага-Бірулі. Яго імем названа і вуліца ў абласным цэнтры.
Нарадзіўся ў 1872 годзе ў фальварку Крынкі, цяпер у Бялыніцкім раёне.
wikimedia.org
У публікацыі выкарыстаныя матэрыялы з інфармацыйнага рэсурсу “Вікіпедыя”
lit-bel.org
images.app.goo.gl
msu.by
static.wixstatic.com
bis.nlb.by
