Жыхары прыватнага сектара стаяць тут і ў дождж, і ў халады.
Пра праблему з аўтобусным прыпынкам на вуліцы Чыгуначнай у Горках выданню horki.info паведаміла мясцовая жыхарка. Прыпынак не толькі не мае ніякага даху, але таксама на ім адсутнічае расклад руху і скамейка.
– А гэта ж прыватны сектар, пажылыя людзі жывуць, ды і не толькі! – пракаментавала праблему жыхарка вуліцы Чыгуначнай – І ў дождж, і ў холад так стаяць.
Данные статистики показывают, что темпы нового строительства упали в 2,6 раза.
Главное управление статистики Могилевской области опубликовало данные по вводу жилья в январе-августе 2022 года.
Эти данные показывают, что в области введено в эксплуатацию 136,7 тысяч кв. метров жилья, или 5,89% от республиканского уровня, в том числе 39,9 тысяч кв. метров с господдержкой, или 5,07% от национального объема.
Определенное удивление вызывают площади введенного общего жилья в ряде районов, таких как Глусский (644), Хотимский (626), Краснопольский (532), Дрибинский (210). Если взять средние современные параметры однокомнатной квартиры в 40-50 квадратов, то получается, что на весь Дрибинский район построено за 8 месяцев 4-5 квартир.
Несмотря на явную нехватку рабочих рук в строительной отрасли области, за 8 месяцев построено 136,7 тысяч кв. метров жилья при плане 143 тысячи, т.е план выполнен на 95,6%, согласно информации начальника отдела жилищной политики комитета по архитектуре и строительству Могилевского облисполкома Александра Марфонова.
Этот чиновник в начале января 2022 года заявил: «В Могилевской области при задании в 2021 году 90 тыс. кв.м введено в эксплуатацию около 110 тыс. кв.м, построенных с государственной поддержкой. Это на 22% больше, чем предполагалось. В планах на 2022 год – возвести 143 тыс. кв.м. К слову, количество построенного с господдержкой жилья ежегодно составляет около трети от всех введенных в эксплуатацию на территории области квадратных метров».
Является ли огромным достижением цифра в 143 тысяч квадратных метров? Это увеличение объемов? Оказалось, что наши чиновники многого не договаривают.
Если обратиться к официальному сборнику «Регионы Беларуси. Основные социально-экономические показатели городов и районов. 2021. Статистический сборник. Том 2», то можно обнаружить весьма интересную статистику по вводу жилья в Могилевской области в 2015 и 2020 гг. и сделать вывод, что к 2022 году объемы введения в эксплуатацию жилья упало в 2,6 раза.
| Показатели | 2015 | 2020 |
| Ввод в эксплуатацию жилых домов за счет всех источников финансирования, тыс. кв. м общей площади | 325,5 | 369,0 |
| В т.ч. в сельских населенных пунктах | 66,1 | 67,5 |
З суботы, 24 верасня чакаецца паляпшэнне надвор’я. Але можам застацца без “бабіна лета”.
Тэмпературы на працягу бліжэйшых 10 дзён, паводле дадзеных з розных метэакрыніц, падрастуць да +14 – +16°С, месцамі да +17 – +20°С.
Гэта звязана з пераменай напрамкаў вятроў на паўднёвыя.
Чакаецца пераменнавоблачнае, у некаторых месцах воблачнае з праясненнямі надвор’е з невялікімі дажджамі, слабымі па хуткасці вятрамі да 6 м/с, але ў асобныя дні хуткасць ветру можа павялічыцца да 15-17 м/с.
Восень – на дзень пагод восем.
Вялікая верагоднасць, што у нядзелю 25 верасня будзе яснае надвор’е, такое ж надвор’е прагназуецца і на 3 кастрычніка.
Верагодна, 2022 год стане незвычайным з прычыны адсутнасці класічнага “бабінага лета”.
Феналагічная – гэта значыць прыродная, а не каляндарная – восень у Магілёўскай вобласці звычайна пачынаецца з 23 верасня, калі сярэднясутачная тэмпература апускаецца ніжэй за 10°С, і працягваецца да 14 лістапада.
Восень у нашым рэгіёне даўжэйшая за вясну, але у 2,5 разы карацейшая за лета і зіму, якія цягнуцца па 52-54 дні.
Восень на Магілёўшчыне ў мінулым
Увосень 1832 года надвор’е было неспрыяльнае для азімых. Рана наступіла сцюжа, заўчасна выпалі снягі.
У 1889 г. на Магілёўшчыне восень была даволі дажджлівая, прыйшла ранняя і халодная зіма. Прапаў ураджай збожжавых і людзі змушаныя былі шукаць пражыткі ў суседніх губернях.
Халодныя лета і восень 1891 года выклікалі голад у губерніі.
Самы халодны верасень за увесь час назіранняў быў у 1894 годзе. У Горках зафіксавалі сярэднюю тэмпературу +7,5°С
У восень 1897 г. наступіла бяскорміца, “і ва ўспамінах устае грозны прывід галоднага 1891 г., і паніка авалодвае насельніцтвам” – пісалі на Магілёўшчыне.
Сёлетні верасень такі ж халодны, як у 1993, 1996, 1997, 2000 гадах.
Сумеснае распіццё алкаголя прывяло да сямейнай спрэчкі. Завяршыць яе жанчына вырашыла кардынальным спосабам.
Пра актуальныя метады вырашэння побытавых спрэчак у Клімівічах газеце “Родная ніва” распавёў намеснік начальніка аддзела аховы правапарадку УУС Клімавіцкага райвыканкама Аляксандр Ботчанка. Жыхарка раённага цэнтра выпівала разам са сваім мужа, і падчас гэтага баўлення часу паміж супругамі адбылася спрэчка. Падчас яе жанчына ўдарыла мужа нажом у жывот. Яна адразу працверазела – сцвярджае Аляксандр Ботчанка, але “не павернеш час назад”. Артыкул 147 Крымінальнага кодэкса Рэспублікі Беларусь “Наўмыснае прычыненне цяжкага цялеснага пашкоджання”, прадугледжвае абмежаванне волі на тэрмін ад трох да пяці гадоў або пазбаўленне волі на тэрмін ад трох да васьмі гадоў.
Падобны выпадак здарыўся ў сям’і грамадзяніна Б., што пражывае ў Клімавічах. Падчас сваркі з жонкай мужчына дэманстраваў сякеру і выказваў пагрозу забойствам. І зноў каталізатарам быў алкаголь. Па арт.186 КК за пагрозу забойствам прадугледжана пакаранне ў выглядзе грамадскіх работ, штрафу, папраўчых работ на тэрмін да аднаго года, арышт да трох месяцаў, а таксама абмежаванне волі на тэрмін да двух гадоў, або пазбаўленне волі на той жа тэрмін.
У камандна-штабных гульнях удзельнічалі сілавікі з штабоў тэрытарыяльнай абароны Асіповіцкага і Клічаўскага раёнаў. Яны прайшлі чарговы этап падрыхтоўкі да баявых дзеянняў ва ўмовах узброеннага канфлікту.
Пад кіраўніцтвам старшыні Асіповіцкага райвыканкама Канстанціна Жыгуцкага
прайшло камандна-штабное вучэнне “Кіраванне групоўкамі войскаў падчас вядзення ваенных дзеянняў па вызваленні тэрыторыі, часова захопленай (акупаванай) супернікам”, паведаміла газета “Асіповіцкі край”.
Ваенны камісар Асіповіцкага і Клічаўскага раёнаў, падпалкоўнік Фёдар Шапавалаў, распавёў, што было адпрацавана вядзенне баявых дзеянняў па вызваленні часова захопленай тэрыторыі і забеспячэнне сілавых мер ваеннага становішча, барацьба з дэсантнымі групамі суперніка і незаконнымі ўзброенымі фарміраваннямі. Штабныя работнікі адпрацавалі пытанні кіравання сіламі тэрытарыяльнай абароны Асіповіцкага і Клічаўскага раёнаў па абароне населеных пунктаў, барацьбе з дыверсійна-разведвальнымі групамі суперніка.
Падобныя вучэнні пачалі праводзіцца з большай перыядычнасцю ва ўсіх рэгіёнах вобласці згодна з планам падрыхтоўкі Узброеных сіл Рэспублікі Беларусь.
Фота: “Асіповіцкі край”
Дакрануцца да мастацтва Глуску можна было за 5 рублёў.
Творчая прэзентацыя Глускага раёну прайшла з прымусова-добраахвотным поспехам у Магілёве 22 верасня. Так, з прадстаўлення самага паўднёвага рэгіёна Магілёўшчыны распачаўся восеньскі этап абласнога фестывалю народнай творчасці.
Фестываль народнай творчасці “Беларусь родная, музычная, народная” – творчы праект Магілёўскага абласнога метадычнага цэнтра народнай творчасці і культурна-асветнай работы. Ужо на працягу некалькіх гадоў на сваёй пляцоўцы ён знаёміць магіляўчан і гасцей горада з народнай творчасцю рэгіёнаў Магілёўскай вобласці.
У ходзе фестывалю сёлета раёны прадстаўлялі сябе каля Магілёўскага абласнога цэнтру народнай творчасці па вуліцы Першамайскай. Бязлюднае днём месца ў рабочы час не спрыяла цікавасці магілёўцаў да канцэртаў пад адкрытым небам на Тэатральнай плошчы. У выніку праходзілі гэтыя ўрачыстасці зусім не ўрачыста, без бачнай цікавасці магілёўцаў, пра што паведамляў Магілёў.media.
Памылкі летняга этапа часткова ўлічаны цяпер. Перад будынкам абласнога цэнтру праводзіліся толькі выступленні фальклорных калектываў, якія стваралі атмасферу і прываблівалі гледачоў.
Выставачныя праекты перанесены з вуліцы ў фае будынка. У ім народныя рамеснікі ва ўтульнай атмасферы паказвалі свае ўмельства і праводзілі майстар-класы.
Глускі раённы музей паказаў мінулае раёна і ягоныя дасягненні. Вось толькі ваенная форма часоў Другой сусветнай вайны на манекенах неяк выбівалася з агульнага кантэксту, стварала дысананс агульнай мірнай атмасферы свята.
Завершыў праграму канцэрт лепшых калектываў мастацкай творчасці, індывідуальных выканаўцаў, майстроў народнай творчасці Глускага краю. Зала была амаль поўнай, што тлумачылася прымусова-добраахвотным прывадам студэнтаў, у якіх распачаліся заняткі.
Уваход на прэзентацыю быў вольны, а кошт білета на канцэрт складаў 5 рублёў.
Выбарчыя ўчасткі ў першыя чатыры дні галасавання не працуюць, расійскія арганізатары разносяць бюлетэні па дамах украінцаў.
“Галасаванне” праходзяць у самаабвешчаных ДНР і ЛНР, а таксама на тэрыторыях Запарожскай і Херсонскай абласцей Украіны, занятых расійскімі войскамі. Так званыя выбарчыя камісіі пачалі працаваць з 8:00 па маскоўскім часе. Мерапрыемства будзе працягвацца пяць дзён – першыя дні яно запланаванае ў фармаце падамавога абходу выбарцаў. 27 верасня выбарчыя ўчасткі будуць працаваць у ДНР з 8:00 да 20:00, а на астатніх тэрыторыях, для якіх гэта яшчэ будзе актуальна – з 8:00 да 16:00.
У першы ж дзень “рэферэндума” ў Мелітопалі Запарожскай вобласці (акупаваны з 1 сакавіка 2022 года) пралунаў выбух – паведаміў гарадскі галава Іван Фёдараў у сваім Тэлеграм-канале.
– Людзі баяцца выходзіць з дому. – пракаментаваў гэтую навіну Фёдараў – І страх гэты на руку акупантам – у першы дзень хатняга “галасаванья” на псэўдарэфэрэндуме ім трэба, каб усе сядзелі ціха дома.
У ДНР і ЛНР на “галасаванне” вынеслі на пытанне, ці падтрымліваюць мясцовыя жыхары “ўваходжанне рэспублікі ў склад Расіі на правах суб’екта РФ”. У Запарожскай і Херсонскай абласцях у бюлетэнях змяшчаецца такое пытанне: “Вы за выхад вобласці са складу Украіны, утварэнне вобласцю самастойнай дзяржавы і ўваходжанне яе ў склад Расійскай Федэрацыі на правах суб’екта Расійскай Федэрацыі?”.
Фота: ТАСС
Дзень раўнадзенства. Часта гэта адбываецца 22 верасня, але роскід складае тры дні. У 2022 годзе гэта здарыцца 23 верасня ў 01:03 (па Грынвічу). Сонца знаходзіцца на экватары, дзень і ноч доўжацца па 12 гадзін. Пасля гэтага сонца будзе рухацца ў бок Паўднёвага Тропіка. У Паўночным паўшар’і пачынаецца астранамічная восень, у паўднёвым – вясна. Паўночны полюс хаваецца ў цень, а Паўднёвы, наадварот, “пераходзіць на светлы бок”.
Светлавы дзень пачне паступова скарачацца, пакуль не дасягне свайго мінімуму 22 снежня. І пачнецца зваротны працэс – сонца стане свяціць усё даўжэй, і 21 сакавіка 2023 года ўсё зноў ураўнуецца – на гэты раз ужо ў Дзень вясновага раўнадзенства.
У Паўночным паўшар’і астранамічны асенне-зімовы сезон (179 дзён) роўна на тыдзень карацейшы, чым у паўднёвым.
1848 год. Дзень нараджэння жавальнай гумкі.
Амерыканец Джон Куртыс вырабіў першую жавальную гумку.
Першая савецкая жавальная гумка выраблялася ў 1970-я гады ў Ерэване, потым – у Растове-на-Доне. На Талінскай фабрыцы “Калеў” у 1977 годзе была адчынена першая лінія па вытворчасці жавальнай гумкі.
У сакавіку 1975 года адбылася трагічная падзея на маскоўскім стадыёне ў Сакольніках: падчас юніёрскага матча Канада-ЦСКА каля 20 чалавек загінулі ў цісканіне, калі канадцы пачалі раздаваць балельшчыкам жавальную гумку.
1939 год. У Нью-Ёрку, пад час Сусветнага кірмашу, закладзена адна з самых вядомых “капсул часу”.
У посуд з вогнетрывалага шкла даўжынёй 228 см уклалі шырокую калекцыю прадметаў: розныя кнігі, дакументальны фільм, энцыклапедыю на мікрафільмах, 75 узораў тэкстылю і іншых найноўшых матэрыялаў, а таксама 35 дробязяў паўсядзённага карыстання (жаночы капялюшык, курыльную трубку).
З нагоды правядзення новага Сусветнага кірмашу (Нью-Ёрк, 1964), побач з першай капсулай была закладзена і другая.
Яе “сувенірамі” сталі: дадзеныя аб ядзернай зброі, крэдытная картка, супрацьзачаткавыя таблеткі, штучны сардэчны клапан, пласцінка групы Бітлз, кавалак абліцоўвання касмічнага карабля.
Адкрыць абедзве капсулы адпісана адначасова – у 6939 годзе.
1916 год. У Вільні скончыліся першыя беларускія настаўніцкія курсы.
Яны дзейнічалі са снежня 1915 года. Былі створаны школьнай камісіяй Беларускага таварыства дапамогі пацярпелым ад вайны для падрыхтоўкі настаўнікаў для віленскіх беларускіх школ.
На курсах выкладалі: А. Пашкевіч (Цётка), Б. Пачопка (загадчык курсаў), С. Іваноўская, В. Ластоўскі, У. Рымша і іншыя.
ФОТА – А. Пашкевіч (Цётка)
1910 год. Нарадзіўся Юльян Сергіевіч.
Беларускі паэт і настаўнік, самадзейны мастак.
Грамадскі дзеяч Заходняй Беларусі. Як польскі вайсковец у 1939 годзе трапіў у нямецкі лагер (разам з Я. Брылём).
Арыштаваны НКУС. Вязень лагераў Поўначы, Сібіры, Казахстана.
Аўтар сцэнарыяў для самадзейных калектываў. Асобныя яго творы ўключаны ў зборнік «Ростані волі» (1990).
Размалёўваў насценныя кілімы, пісаў тэматычныя карціны з жыцця вёскі.
Яго вобраз стаў прататыпам аднаго з герояў рамана Я. Брыля «Птушкі і гнёзды» і кнігі польскага празаіка З. Жакевіча «Воўчыя лугі».
1918 год. Нарадзіўся Аркадзь Маўзон (Арон Маўшэнзон).
Беларускі драматург.
Працаваў на кінастудыі «Беларусьфільм», у Міністэрстве культуры.
Аўтар шэрагу п’ес, у тым ліку «Канстанцін Заслонаў» (1946), зборнікаў драматургічных твораў.
Па яго сцэнарыях пастаўлены некалькі кінафільмаў.
Выступаў у перыядычным друку з артыкуламі аб драматургіі і сучасным тэатры.
1924 год. Нарадзіўся Артур Вольскі (Зэйдэль-Вольскі).
Беларускі пісьменнік. Сын пісьменніка Віталя Вольскага і бацька музыкі Лявона Вольскага.
Працаваў у розных газетах, часопісах, дырэктарам тэатра юнага гледача, Дома літаратара, у выдавецтве «Юнацтва».
Аўтар аповесцей, выдаў больш за 20 зборнікаў – кнігі паэзіі, прозы, казкі для дзяцей, апавяданні-эсэ. Кнігі Выбраных твораў выходзілі ў 1971, 1974.
Перакладаў з рускай, украінскай, літоўскай, латышскай, нямецкай і іўрыта.
1935 год. Памёр у турме НКУС Лявон (Леанард) Заяц.
Беларускі палітычны і грамадскі дзеяч, дыпламат, публіцыст, мемуарыст.
Удзельнік Усебеларускага з’езда 1917 года, дзеяч Беларускай Народнай Рэспублікі.
Аўтар публіцыстычных артыкулаў і ўспамінаў пра дзеячоў беларускай культуры.
1936 год. Нарадзіўся Сямён Шарэцкі.
Беларускі дзяржаўны дзеяч.
Доктар эканамічных навук, прафесар, акадэмік.
Стваральнік і старшыня Аграрнай партыі Беларусі.
Старшыня Вярхоўнага Савета. 21 ліпеня 1999 года дэпутаты-прыхільнікі Канстытуцыі 1994 года прызначылі яго в.а. прэзідэнта Рэспублікі Беларусь.
З канца ліпеня 1999 года жыў у Вільнюсе, прызнаны легітымным кіраўніком Беларусі.
Эміграваў у 2001 годзе ў ЗША.
1939 год. Нарадзіўся Януш Гаёс.
Польскі акцёр.
Папулярны ў СССР пасля ролі Янэка ў першым тэлесерыяле ў сацыялістычных краінах “Чатыры танкісты і сабака».
Выкладчык лодзінскай Вышэйшай школы кінематографа, тэлебачання і тэатра.
1960 год. Савецкі кіраўнік М. Хрушчоў пагражае заходнім краінам сваім чаравіком на трыбуне ААН.
Выступаючы з трыбуны Генеральнай Асамблеі ААН па пытаннях аб каланіяльных народах і раззбраенні, моцна крытыкаваў палітыку заходніх краін і асабліва ЗША. У запале абвінавачання імперыялізму скінуў чаравік і пачаў стукаць ім з усіх сіл…
Чаравік вытрымлівае, ААН – таксама.
2019 год. Памёр ураджэнец в. Ходарава Слаўгарадскага раёна Алесь Масарэнка.
Беларускі пісьменнік, перакладчык.
Працаваў на Беларускім радыё, у шэрагу газет, часопісаў, выдавецтве «Беларусь», на кінастудыі «Беларусьфільм».
Аўтар зборнікаў аповесцей і апавяданняў «Журавіны пад снегам» (1976), «Сонца майго дня» (1988), рамана «Баргузінскае лета» (1982).
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
Сёння быў надрукаваны апошні папяровы наклад газеты.
Рэдакцыя вырашыла прыпыніць выхад выдання – гаворыцца на сайце газеты. Прычыны такога рашэння не паведамляюцца, пакідаючы права чытання паміж радкоў.
“Спадзяемся, не назаўжды. – гаворыцца ў развітальнай нататцы – Прыйдуць іншыя часы, і мы будзем працаваць для вас і разам з вамі, як гэта было апошнія 12 год.”
Газета “УзГорак” стала яркай з’явай у рэгіянальнай журналістыцы, дасягнуўшы папулярнасці і вагі ў вырашэнні сацыяльных пытанняў і асвятленні жыцця рэгіёна. Газета асвятляла падзеі ў Горацкім, Дрыбінскім і Мсціслаўскім раёнах. Яе можна было набыць у шматлікіх крамах і шапіках у Горках, да апошняга часу на “УзГорак” можна было падпісацца праз “Белпошту”. Цяпер падпіску таксама прыпынілі. Усім, хто падпісаўся на выданне да канца года, будуць вернутыя сродкі – паведамілі ў рэдакцыі.
Апошні нумар газеты выйшаў на 16 старонках. У ім змяшчаюцца прыватныя аб’явы з Горак і Дрыбіна, народныя прыкметы і месяцовы каляндар да канца кастрычніка, тры сканворды, астрапрагноз, афіша кінатэатра “Крыніца” і праграма тэлеканалаў. У гэтым нумары шмат фота і артыкулы аб людзях паўночна-ўсходняга рэгіёну Магілёўшчыны.
Новыя творы мастакоў Магілёўшчыны прадстаўлены на традыцыйнай сумеснай выставе.
Праект “Жыццё чалавека” ў Выставачнай зале Музея гісторыі Магілёва ўжо стаў культурнай падзеяй для тых гараджан, хто цэніць мастацтва. Адны працы магілёўскіх творцаў узвысяць і ўсхвалююць глядача, іншыя расчаруюць, але наведаць выставу варта, і таму ёсць шэраг прычын.
“Выставачны праект “Жыццё чалавека” адкрые для наведвальнікаў новыя творы выяўленчага мастацтва і стане значнай з’явай у культурным жыцці Беларусі” – абяцала рэклама праекта і збольшага не падманула. Сапраўды, гэтым разам сябры Магілёўскага аддзялення Беларускага саюза мастакоў прадставілі амаль выключна новыя працы, многія з якіх адкрылі вядомых мастакоў з нечакана боку. І гэта вялікі плюс праекта.
Урачыстая цырымонія адкрыцця выставы адбылася 21 верасня ў перапоўненай зале на Болдзіна. Багата моладзі і людзей сталага ўзросту прыйшлі паглядзець плён працы мясцовых мастакоў і паспрабаваць зразумець іх адносіны да “жыцця чалавека”. Афіцыёзу на адкрыцці гэтым разам амаль не было, а сяброўская сустрэча мастакоў са знаёмымі магілёўскімі прыхільнікамі іх творчасці заўжды пакідае цёплае адчування належнасці да вялікай супольнасці – практычна сям’і аматараў мастацтва.
Большасць гасцей выставы доўга шпацыравала ўздоўж мастацкіх палотнаў і нешта выглядала, штосьці абмяркоўвала. І гэта зразумела, бо аўтары розных пакаленняў, якіх сабрала адна экспазіцыйная прастора, нібыта выклікаюць наведвальнікаў на разважанні і вядуць дыялог паміж сабой.
Мастакам можна было задаць напрасткі свае пытанні. Базыль Камароў каментуе сваю задуму
Што зацікавіла і ўразіла аматараў мастацтва?
Аляксандр, магілёўскі краязнаўца.
– Першае ўражанне вельмі пазітыўнае. Заходзіш і вока радуецца. Што адразу ўзняла настрой, я не адкажу. Гэтае пытанне да псіхолагаў, але цёплая нейкая атмасфера, праўда… Баяўся, што зноўку будуць выстаўлены старыя творы пад новай назвай праекта. Але амаль усе працы новыя… Камароў і Несцярук зноўку прыемна здзівілі. Дзякуй Богу, не бяруць іх гады.
Галіна, сталая наведвальніца выстаў. Яна сышла з адкрыцця досыць хутка.
– Чаму сыходжу? Выстава неблагая. Я нават неяк супакоілася, адыйшла ад працы. Але каб нешта перавярнула душу, то не, такога не было. Сёння багата людзей, трэба прыйсці яшчэ раз і больш уважліва паглядзець.
Алена, аматар-культуролаг.
– Задаволеная, што прыйшла. Мастакі парадавалі. Дарэчы, я ведала, што Несцярукі – гэта мастацкая сям’я, а аказваецца, і сын іх малюе. Прыглядзіцеся, рэкамендую.
Не хапае маладых творцаў
Работы калектыўнага праекта, як і абяцала назва выставы, аб’яднала тэма лёсу чалавека і яго жыцця. Безумоўна, у розных аўтараў рознае разуменне чалавечага лёсу і сэнсу чалавечага жыцця. Затое ёсць магчымасць выбраць карціну бліжэйшую да твайго светаадчування.
Магілёўскія жывапісцы належаць да розных пакаленняў. Аднак кідаецца ў вочы, што пераважаюць асобы старэйшага веку. Падаецца, што магілёўскай суполцы хранічна не хапае моладзі.
Сябры Магілёўскага аддзялення Беларускага саюза мастакоў на выставе.
Што расчаравала на выставе? Слабыя працы, калі верыць рэплікам саміх мастакоў, маюцца. Кожны можа пашукаць іх сам і зрабіць свае высновы.
Увогуле вядома, што на выставе кожны знойдзе тое, што захоча знайсці: асалоду ці расчараванне, узрушэнне ці скепсіс. А многія наведвальнікі атрымаюць некалькі моцных эмоцый адразу… У любым выпадку тым, хто наведае яе, будзе пра што пагаманіць з блізкімі.
Выстава адкрыта ў Выставачнай зале на вуліцы Болдзіна да 16 кастрычніка. Наведаць яе можна штодня з 11.00 да 19.00, за выключэннем панядзелка і аўторка.
