Tag: могилев

“Ищу этого мальчика” – как сейчас знакомятся могилевские подростки

Навіна ад

Но скоро, возможно, перестанут – админ “выгорел”.

Вечером 20 апреля в популярном Телеграм-канале “Ищу тебя | Могилев” появилось большое объявление от администратора. “В последнее время, буквально с приходом тепла, вы стали чаще выходить на улицы. При этом ваше желание найти кого-то резко увеличилось – предложка начала просто разрываться каждый вечер, каждые выходные тем более. А ведь это только весна. Страшно подумать, что будет летом… Я стал тратить на это слишком много времени. Это превратилось в рутину, удовольствие радовать вас контентом пропало, я выгорел…”

Админ ресурса пояснил, что владеет девятью подобными каналами в большинстве крупнейших городов страны, которые работают в том числе в Могилеве и Бобруйске. Суммарный охват Телеграм-каналов двух этих городов больше 7 000. Мы посмотрели, что происходит на этих современных платформах для знакомств.

Алгоритм знакомства простой и очень романтичный. Необходимо сфотографировать понравившегося тебе человека, которого ты встретил на улице или где-то ещё, и отправить фото с подробным описанием админу канала. Если нет фото, можно просто обойтись точным описанием внешности и обстоятельств встречи. Дальше включается магия социальных сетей, и вроде бы, ингода люди находятся. 

“Ищу этого мальчика…”, “Ищу парня, вместе угарали с мужичка, часто переглядывались…”, “ищу этого мальчика, был на ордженикидзе, в 16:30 где то, я была с подругой, вроде переглядывались пару раз…”– чаще всего на ресурс свои объявления выкладывают девушки, примерно четыре из пяти постов от них. Иногда в ответах приходят ссылки на инстаграм тех, кого разыскивают, или знакомые с ними пишут имя, контакт человека.

Такой поиск понравившихся может показаться немного робким – ведь если тебе кто-то понравился, почему сразу не подойти к этому человеку? Но если задуматься, то это вполне комфортный способ найти отношения для сегодняшней молодежи – тебя не заденет отрицательный ответ или неудача во время знакомства. Ты как бы просто оставляешь заявку, в надежде, что на нее ответят. Ну, и если понравился кому-то ты, или на твой пост откликнулся тот самый человек – это уже вполне вдохновляющее начало, без страха опозориться.

На Телеграм подобный контент, видимо, распространился из ВКонтакте, где подобные паблики существуют уже давно, а могилевский канал насчитывает более 70 000 подписчиков. 

Фото: “Ищу тебя | Могилев”

У Магілёве ўпарадкуюць пахаванне старажытнага шляхецкага рода

Навіна ад

Чыноўнікі нарэшце заўважылі, у якім жахлівым стане знаходзяцца гістарычныя пахаванні на гарадскіх могілках у Магілёве. Раней падобныя талакі арганізоўвалі толькі актывісты.

У Музеі гісторыі Магілёва, што размяшчаецца ў ратушы, прайшло пасяджэнне ініцыятыўнай групы па добраўпарадкаванні старажытных пахаванняў у нашым горадзе. Як паведамляе Тэлеграм-канал “Магілёў – мой горад”, дэпутатка Палаты прадстаўнікоў Галіна Бяляева праявіла ініцыятыву па прывядзенні ў парадак фамільнага захавання старажытнага шляхетнага рода Гартынскіх на Успенскіх могілках. Самым знакамітым прадстаўніком гэтай дынастыі з’яўляецца гісторык Мікалай Гартынскі, які пераклаў і выдаў “Магілёўскую хроніку” Сурты і Трубніцкіх у ХІХ стагоддзі.
Галіна Бяляева

Галіна БяляеваХарактэрна, што на заклік магілёўскай дэпутаткі адгукнуліся прадстаўнікі ўлады – на мерапрыемстве ў прэзідыўме прысутнічала намесніца старшыні Магілёўскага гарвыканкама Вікторыя Амялюсік, а выступаў таксама старшыня гарадскога савета дэпутатаў Максім Гурын.

Раней актыўную працу па рэстаўрацыі старажытных пахаванняў у Магілёве праводзілі хіба што неабыякавыя грамадзяне і актывісты. Так, каманда адмыслоўцаў раней праводзіла талакі на Лютэранскіх, Петрапаўлаўскіх могілках, а прадстаўнікі яўрэйскай грамады сваімі сіламі ўпарадкавалі старажытныя пахаванні на Яўрэйскіх.

Увага гарадскіх чыноўнікаў да гаротнага стану старажытных гістарычных пахаванняў на магілёўскіх могілках не можа не радаваць, асабліва, калі гэтая праца будзе мець сістэмны характар, а не ператворыцца ў фармальнасць альбо чысты піар. Рашаць гэтае пытанне, аднак, неабходна не падобнымі – цалкам сімпатычнымі, але ўсёж прыватнымі ініцыятывамі – а на ўзроўні дзяржаўнай палітыкі. Справа ў тым, што паводле дзейснага заканадаўства гарадскія ўлады не абавязаныя займацца пахаваннямі, што не маюць статуса гістарычнага помніка, альбо статуса воінскага пахавання. А даваць такі статус не зацікаўленыя ўжо самі гарадскія ўлады, каб не несці потым за гэта адказнасць. Атрымліваецца, што клопат за магілы людзей, што жылі ў ХІХ, XVIII, XVII стагоддзях фармальна кладзецца выключна на іх прамых нашчадкаў. Лішне казаць, што такіх людзей у горадзе практычна няма, а значыць, і гістарычныя пахаванні па-сутнасці збольшага лічацца “безгаспадарчымі”, за лёс якіх ніхто не нясе ніякай адказнасці.

Фота: Тэлеграм-канал “Магілёў – мой горад”

Новыя палітвязні з Магілёва і Бабруйска – за выказванні пра Лукашэнку, чыноўнікаў, суддзяў

Навіна ад

Адразу сем чалавек былі прызнаныя праваабарончымі арганізацыямі новымі беларускімі палітзняволенымі на гэтым тыдні. Чацвёра з іх – з Магілёўскага рэгіёна.

Гэта:

  • Аляксей Васілевіч Семянок з Магілёва. Ён асуджаны на 1 год 6 месяцаў пазбаўлення волі ў калоніі ва ўмовах агульнага рэжыму за выказванне пра Лукашэнку. Суддзя Вікторыя Палякова.
  • Наталля Белакурская з Магілёва. Яна асуджаная да папраўчай калоніі за выказванне пра Лукашэнку і чыноўнікаў. Суддзя Таццяна Рахмаменка.
  • Мікалай Снытко з Магілёва. Ён асуджаны да папраўчай калоніі за выказванне пра Лукашэнку, чыноўнікаў і суддзю.
  • Аляксандр Горбель з Бабруйска. Асуджаны да папраўчай калоніі за выказванне пра Лукашэнку. Суддзя Вольга Серакова.

У спісе новых палітзняволеных фігуруе таксама Дзяніс Белаголаў. Інфармацыі па ім больш няма, магчыма, што ён сваяк Паўла Белаголава з Магілёва, якому зладзілі цэлы канвеер катаванняў па “справе Зельцара”. Пасля адбыцця пакарання тэрмінам у два з паловай гады, ён быў зноўку асуджаны на турэмны тэрмін на тры гады і чатыры месяцы за выказванне пра Лукашэнку.

Фота ілюстрацыйнае, з адкрытых крыніц (pixabay.com)

Набярэжную Дубравенкі ў цэнтры Магілёва плануюць забудаваць шматкватэрнымі дамамі

Навіна ад

Магілёўскі гарвыканкам абвясціў конкурс архітэктурна-планіровачных канцэпцый шматкватэрнай жылой забудовы вуліц Левая і Правая Дубравенка ў Магілёве. Пад магчымую перабудову трапілі ўчасткі ад вуліцы Лазарэнкі амаль да праспекта Міра.

Дубравенка

Конкурс праводзіцца “без уліку Генеральнага плана горада Магілёва, і праекта зон аховы гісторыка-культурнай каштоўнасці «Гістарычны цэнтр г. Магілёва»”.

Конкурс архітэктурна-планіровачных канцэпцый будзе праводзіцца да 4 чэрвеня 2025 года. Па яго выніках, верагодна, будзе прынятае рашэнне аб капітальнай перабудове ўсёй цэнтральнай часткі набярэжнай ракі Дубравенкі.

Лазарэнка

Фота з адкрытых крыніц

Магілёўскую клініку “Новы зрок” прададуць з аўкцыёна

Навіна ад

Маёмасць медыцынскага цэнтра “Новы зрок” у Беларусі была канфіскаваная і цяпер распрадаецца па рашэнні суда. Заснавальніка папулярнай сеткі клінік абвінавацілі ў “экстрэмізме”, завочны суд прызначыў яму 12 гадоў турмы.  

Па ўсёй Беларусі выстаўляецца на продаж маёмасць зачыненага медыцынскага цэнтра “Новы зрок”. Гандаль за памяшканне афтальмалагічнага цэнтра ў Магілёве будзе праходзіць 24 красавіка на пляцоўцы “БелЮрЗабеспячэнне”, стартавы кошт складае 734 тысячы рублёў. Раней будынак “Новага зроку” выставілі на продаж у Гомелі. 

Не стаў плаціць дзясяткі мільёнаў хабару

У лістападзе 2024 года заснавальніка гэтага цэнтра Алега Каўрыгіна абвінавацілі па дзевяці артыкулах Крымінальнага Кодэкса. Сярод іх – садзейнічанне экстрэмісцкай дзейнасці, дыскрэдытацыя Рэспублікі Беларусь, заклікі да санкцый. У выніку яго асудзілі завочна, да 12 гадоў турмы. Акрамя палітычных артыкулаў, яму выставілі таксама эканамічныя абвінавачванні, а яшчэ чатырох супрацоўнікаў цэнтра асудзілі да пазбаўлення волі тэрмінам да трох гадоў і шасці месяцаў калоніі з адтэрміноўкай.

Перад гэтым у паспяховага мэдыцынскага цэнтра Міністэрствам аховы здароўя была адабраная ліцэнзія на дзейнасць па аказанні афтальмалагічных паслуг. Прычынай пераследу з боку ўладаў, па меркаванні Алега Каўрыгіна, стала яго “недамоваздольнасць” – адмова плаціць хабар у 30 мільёнаў даляраў чыноўнікам, плюс 20 мільёнаў штрафу ў казну. 

Олег Ковригин
Алег Каўрыгін

Разграмілі чыноўнікі, а церпяць пацыенты

Медыцынскі цэнтр “Новы зрок” пачаў сваю працу ў Беларусі ў 1999 годзе. За два дзясяткі гадоў працы гэтая спецыялізаваная сетка клінік здабыла ў Беларусі добры імідж сярод кліентаў. Так, сярэдняя ацэнка магілёўскага філіяла гэтага медыцынскага цэнтра на сервісе Google.maps паказвае прыстойную лічбу ў 4,8 з пяці зорачак па выніках дзясяткаў адзнак. Для параўнання, іншыя прыватныя клінікі ў Магілёве, параўнальныя з “Новым зрокам” па маштабах, ацэньваюцца кліентамі больш сціпла. “Новамед”, напрыклад, мае ацэнку ў 3,4 зорачкі, “Элізабет” – 3,9, “А-Клінік” – 4,5.

Зараз у Магілёве зрабіць карэкцыю зроку можна ў дзяржаўных бальніцах і прыватных медыцынскіх цэнтрах. Аднак пасля закрыцця “Новага зроку” пацыенты пазбаўленыя магчымасці звярнуцца ў адзіную спецыялізаваную і прыватную ўстанову, з высокім узроўнем прафесіяналізму і даверу.

Суразмоўцы mogilev.media, жыхары Магілёва, якія планавалі паправіць свой зрок, расказваюць, што з закрыццём гэтага медцэнтра яны апынуліся ў разгубленасці. Незразумела, ці можна ў поўнай меры даверыцца спецыялістам іншых цэнтраў.

“Галіна мікрахірургіі проста разбураная. – падзяліўся сваімі ўражаннямі пра сітуацыю з лячэннем праблем зроку ў Беларусі Алег Каўрыгін у сваім інтэрв’ю “Радыё Свабодзе” –  І калі б яны сказалі, што „зразумелі сваю памылку, акажам вам дапамогу“ і калі б у мяне з’явілася жаданне, дык нават спецыяліст добрага ўзроўню будзе аднаўляць гэта пяць гадоў.”

Фота: БелЮрЗабеспячэнне і Courtesy Photo

З’явілася відэа з пралётам “шахеда” над Магілёвам учора вечарам

Навіна ад

Чытачы mogilev.media даслалі ў рэдакцыю кароткі ўрывак з відэа, знятага падчас пралёту “шахеда” ўчора вечарам у Магілёве ў раёне ліфтавага завода. На роліку выразна чуваць характэрны гук беспілотніка-камікадзэ, але сам ён застаўся нябачны ў кадры з-за цемры. У цэнтры кадра можна пазнаць вежу “Магілёўліфтмаша”. Светлая кропка, якая мятляецца ў верхняй частцы кадра – верагодна, гэта блік на фотакамеры. Як паведамляюць сведкі, арыентуючыся па гуку, дрон ляцеў ва ўсходнім кірунку. Відэа было знята 11 сакавіка ў 22:32.

Фота: скрыншот

Над Магілёвам праляцеў дрон-камікадзэ, паведамляюць чытачы

Навіна ад

Баявы дрон, які па гуку нагадвае расійскія “шахеды”, некалькі хвілін таму быў заўважаны ў небе над Магілёвам. Чытачы mogilev.media паведамляюць, што ляцеў ён на ўсход. Нашым карэспандэнтам былі прадэманстраваныя кадры палёту, якія мы не можам тут размясціць з прычын бяспекі. Верагодна, што ў хуткім часе з’явіцца больш інфармацыі.

На выратаванне хлопчыка Арцёма з Магілёва беларусы сабралі рэкордныя 3 мільёны долараў

Навіна ад

Год таму сям’я Пад’ялоўскіх з Магілёва даведаліся пра жахлівы дыягназ іх сына Арцёма – смяротнае генэтычнае захворванне міяпація Дзюшэна. Пры гэтай хваробе мышцы паступова адміраюць і гэты працэс незваротны, калі да пэўнага ўзросту дзіцёнку не зрабіць укол ін’екцыяй, што з’яўляецца зараз самым дарагім лекавым сродкам на свеце. 

Гісторыю сям’і расказвае Onliner. Міяпація Дзюшэна, гэта смяротнае захворванне, якое перадаецца ад маці сыну. Хлопчыкі ў першыя два гады нічым не адрозніваюцца ад астатніх, але бліжэй да 4 гадоў у іх пачынаецца паражэнне тканяў мышц. Ім становіцца цяжэй скокаць і бегаць, яны не могуць падняцца з ляжачага палажэння звычайным спосабам. У 9-13 гадоў ім ужо патрэбная інвалідная каляска. Каля 20 гадоў звычайна наступае смерць. Пра такі дыягназ у іх чатырохгадовага сына Арцёма магілёўская сям’я Пад’ялоўскіх даведалася ў мінулым лютым. 

А ў 2023 годзе Кіраванне па санітарным наглядзе за якасцю харчовых прадуктаў і медыкаментаў ЗША (FDA) ухваліла прэпарат геннай тэрапіі міяпаціі Дзюшэна пад назвай “Элевідыс” (Elevidys). Ён прызначаны для аднаразовага ўвядзення да таго як у арганізме адбудуцца незваротныя змены ў тканіне. З яго дапамогай можна ўкараніць у арганізм пацыента здаровы ген, дзякуючы якому бялок, які адказвае за функцыянаванне цягліц, пачне працаваць паўнавартасна. Але зрабіць гэта неабходна да таго, як хлопчыку споўніцца 6 гадоў. На набыццё прэпарата, такім чынам, Пад’ялоўскім адводзілася каля года, бо некалькі месяцаў яшчэ займае падрыхтоўка пацыента да ўвода прэпарата. 

Элевідыс на сённяшні дзень з’яўляецца самым дарагім лекавым сродкам у свеце. Адна яго ін’екцыя каштуе 2,9 мільёны долараў. У мінулым красавіку сям’я абвясціла пра збор сродкаў. Гэтае рашэнне далося бацькам нялёгка, сума за лячэнне здавалася ім немагчымай.

– Але адзін наш знаёмы сказаў: «Уявіце: у Беларусі 5 млн працуючых людзей. Калі кожны адмовіцца ўсяго ад аднаго кубка кавы на вашу карысць, вы зможаце сабраць усю суму». І я пачала думаць: а раптам гэта і праўда магчыма? – расказала выданню маці Арцёма Пад’ялоўскага Алена.

І як сёння стала вядома, самы вялікі дабрачынны збор у гісторыі Беларусі закрылі паспяхова – цяпер сям’я Пад’ялоўскіх мае неабходную суму для замовы і транспарціроўкі прэпарата а таксама на працяглы курс лекавання ў Арабскіх Эміратах.

Фота: Onliner

Паглядзіце, што стала са знакамітай магілёўскай “Смажанкай”

Навіна ад

Смажанка з салатам “пад шубай” – што?! Культавая закусачная ператварылася ў гастранамічны бардэль.

Чытачы mogilev.media падзяліліся ўражаннямі ад наведвання міні-рэстарана, што працуе на месцы знакамітай калісьці магілёўскай “Смажанкі”. Нагадаем, дзяржаўная закусачная тут зачынілася яшчэ шэсць гадоў таму, а ў яе памяшканні адкрыўся пафасны “стрыт-фуд бар” Da Grill. У прынцыпе, нічога негатыўнага ў тым, што дзяржаўныя прадпрыемствы саступаюць дарогу прыватнаму бізнэсу, няма. Гэта няўмольны закон эканомікі. Але, часам, са стратай традыцыйных і любімых сэрцу з’яваў губляецца таксама і дух старога горада, і, калі хочаце, яго вайб.

Штосьці падобнае адбылося і ў выпадку з Da Grill. Гэты маленькі вулічны рэстаранчык пасля закрыцця “Смажанкі” асабліва не пазіцыянаваўся як яе лагічны працяг. Але, відаць, публіка патрабавала, і паступова тут не проста ўвялі смажанку ў меню, але паволі сталі пераймаць яе брэнд. Знешняя рэклама тут спекулюе назвай гэтай стравы, а профіль кампаніі ў Google.maps з цягам часу ператварыўся ў «Smazhenka bistro».

Da Grill

Вось толькі самой смажанкай у Da Grill і не пахне. Ёй пахне ў Кіраўску, куды, відаць, пераехалі аматары гэтай стравы з глуздамі, і куды спецыяльна па смажанку людзі з’яжджаюцца з усёй Беларусі. А не ў Магілёў. Чытачы нашага выдання нядаўна наведалі гэты “стрыт-фуд бар” і падзяліліся назіраннямі. Замест абяцаных 15-ці хвілін замоваў чакаць прыходзіцца па 25. Ну, а смажанка ператварылася ў поле эксперыментаў – на традыцыйную гарачую булку дадумаліся класці сялёдку пад шубай. Ладна, грыбы. Ладна, сырыя памідоры і зеляніна. Але – салат? Наступнай эксперыментальнай стравай, напэўна, трэба будзе чакаць смажанку з тортам, альбо, можа, з сушы?

Da Grill Магілёў

Праўда, атрымалася ўсё роўна смачна.

Трагедыя ў Магілёве – хлопчык загінуў, выпаўшы з вакна

Навіна ад

Сёння ў Магілёве хлопчык 2023 года нараджэння выпаў з вакна на пятым паверсе, паведамляе Следчы камітэт. Ён загінуў. Дзіцёнак быў дома з маці і бабулямі, гуляўся, пакуль дарослыя займаліся хатнімі справамі. У нейкі момант адна з бабуль заўважыла адчыненае вакно. Унізе, на зямлі яна пабачыла цела хлопчыка. Паводле папярэдняй версіі, каб дабрацца да вакна, ён залез на крэсла, а потым адчыніў вакно. Вядзецца следства.

Фота: Следчы камітэт