17 жніўня ў Бабруйску прайшоў аўкцыён па продажы будынкаў крэпасці, пабудаванай у 1810-1836 гадах. На аўкцыён былі выстаўлены два склады крэпасці, на 243 і 206 квадратных метраў. Стартавы кошт складаў адну базавую велічыню за кожны будынак.
На абодва склады прэтэндавалі па адным пакупніку, якія і сталі ўласнікамі. Паведамляецца, што гэта жыхар Бабруйска.
Па ўмовах аўкцыёна, новыя ўласнікі на працягу паўгода пасля пакупкі павінны звярнуцца ў Міністэрства культуры па дазвол на рэстаўрацыю. Самі працы пакупнікам трэба будзе выканаць на працягу трох гадоў пасля рэгістрацыі дамовы куплі-продажу. Зямельныя ўчасткі, на якіх стаяць будынкі, новыя ўладальнікі атрымаюць у арэнду на 50 гадоў.
Цеплаход “Мара” на 120 чалавек пасажыраў пачынаючы з 2010 года прапаноўваў жыхарам горада на Бярэзіне водныя прагулкі. Звычайна сезон прагулак пачынаўся з мая месяца, аднак апошнія два гады з-за падзення ўзроўню вады яны прыпыніліся – піша бабруйскае выданне “Камерцыйны кур’ер”.
Цяпер жа ўласнік цеплахода, прадпрыемства “Магілёўаблвадаканал” размясціла аб’яву пра продаж карабля з аўкцыёна. Стартавы кошт – 308 382 рублі 45 капеек. Для ўдзелу ў гандлі неабходна ўнесці залогавую суму 61 600 рублёў.
Судна пабудавалі ў 1958 годзе, у Бабруйску яно знаходзіцца з 2010 года. Апошні раз у фармаце прагулачнага цеплахода «Мара» выходзіла на вялікую ваду ў 2021 годзе. Летась для яго падышоў тэрмін праходжання чарговага тэхнічнага агляду, без якога выхад на ваду немагчымы. Каб атрымаць допуск, новы ўласнік павінен будзе выканаць працы, неабходныя для бяспечнай навігацыі і эксплуатацыі.
28 лютага пройдзе аўкцыённы продаж нежылых і нічыйных дамоў у Магілёве – паведамляецца на сайце гарвыканкама. Усяго на продаж выстаўлена дзесяць такіх хат.
Ступень зносу амаль усіх дамоў, пераважна – больш за 60 %. За самы дарагі стартавы кошт складае 30 700 рублёў, за самы танны 9 900. Для ўдзелу ў аўкцыёне загадзя неабходна ўнесці задатак у 20% ад стартавай сумы.
Як пісалі mogilev.media, у пачатку студзеня дзяржаўны камітэт Беларусі па маёмасці запусціў анлайн-платформу, на якой можна знайсці ўсе жылыя дамы, якія зараз пустуюць. На Магілёўшчыне такіх дамоў на дадзены момант налічваецца больш за тысячу. У Магілёве – некалькі дзясяткаў.
Аўкцыён адбудзецца 28 лютага 2023 года ў 15.00 па адрасе: г. Магілёў, зав. Камісарыяцкі, 5. Апошні дзень прыёму заяў і ўнясення задатку – 23 лютага 2023 года да 17.00 гадзін.
Комплекс будынкаў (былое ваеннае мястэчка №4 «Цэль») размешчаны паблізу Асіповіч і выстаўлены для бязвыплатнай перадачы для рэалізацыі бізнес-планаў інвестпраектаў.
Аб’екты размешчаны на 20 зямельных участках агульнай плошчай 14,4639 гектара.
Да ведама. Дагэтуль на Магілёўшчыне прастойвае без справы амаль 300 былых ваенных аб’ектаў, якія з 1992 года пачалі перадавацца ў камунальную ўласнасць, але не знайшлі свайго прымянення. Тым часам “адстаўныя” будынкі замест таго, каб даваць грошы, прыносяць страты.
Праблемы з былой ваеннай маёмасцю, на жаль, ёсць не толькі ў Асіповіцкім раёне.
Так, на балансе быхаўскага “Жылкамгаса” знаходзіцца каля 80 аб’ектаў былых ваенных гарадкоў. Больш за 50 не выкарыстоўваюцца. Прадпрыемства траціць на іх утрыманне каля 100 мільёнаў рублёў за год.
Бабруйскія ўлады абвясцілі аб продажы з электронных таргоў васьмі “арыштаваных” кватэраў. Большасць з іх занядбаныя.
Жытло мае патрэбу ў грунтоўным рамонце і адносіцца да так званага «старога жылога фонду», піша рэсурс Realt.by.
Кватэры адыходзяць у гарадскую ўласнасць з розных прычын: з-за адсутнасці спадчыннікаў, канфіскацыі, працяглай неаплаты камунальных паслугаў.
Найчасцей, прадаюць кватэры, ранейшыя ўладальнікі якіх апынуліся ў сацыяльна небяспечным стане з-за з алкагольных або псіхічных праблем. У выніку, яны не могуць падтрымліваць кватэры ў належным стане, аплачваць камуналку і жытло арыштоўваецца. Апошнім часам, такіх выпадкаў паболела.
Арыштоўваюць кватэру, калі іншыя спосабы пагашэння запазычанасці выключаныя: адсутнічае дастатковы даход, аўтамабіль, банкаўскія ўклады і іншае. Калі запазычанасць за пэўны час не пагашаецца, то жытло прадаюць з таргоў.
Большасць выстаўленых на продаж кватэраў знаходзіцца ў гістарычнай частцы гораду, а некаторыя наагул месцяцца на пешаходнай вуліцы Бабруйску. Шукаюць пакупнікоў для аднапакаёвак і двухпакаёвак. Іх стартавы кошт не высокі праз занядбанасць.
Прыкладам, кватэра плошчай 33 «квадраты» на Сацыялістычнай, 81 усяго ў 80 метрах ад – знакамітага бабруйскага «Бабра» першапачаткова выстаўлена за 15,1 тысячы рублёў.
Кампактная аднапакаёўка плошчай 26 «квадратаў» на Сацыялістычнай, 91 пачаткова прапануецца за 16,9 тысячы рублёў.
Двушка на вуліцы Маскоўскай, 58 (цэнтр Бабруйску) плошчай 43 «квадрата» у гнятлівым стане выстаўлена коштам 23,5 тысячы рублёў.
Самая эканамічная прапанова – 11,6 тысячы рублёў за 29-метровую кватэру з верандай у прыватным доме на вуліцы Камуністычнай, 53. Гэта недалёка ад чыгункі і цэнтру гораду.
У Бабруйску кошт «дагледжаных» кватэраў на другасным рынку жытла значна вышэйшы. Напрыклад, цана аднапакаёвай сягае 39 тысяч рублёў, а двухпакаёўкі – 50 тысяч рублёў.
Яхту мільярдэра Дзмітрыя Пумпянскага прадалі на першым публічным аўкцыёне канфіскаванага актыву з пачатку вайны ва Украіне.
Аўкцыён праходзіў у Гібралтары, які належыць Вялікай Брытаніі. Уварванне Расіі ва Украіну прымусіла ўлады краіны замарозіць раскошныя судны ў партах па ўсім свеце.
Пяціпалубная 72-метровая яхта Axioma – плывучы палац з пейзажным басейнам і 3D-кінатэатрам, была канфіскаваная ў сакавіку на брытанскай тэрыторыі ў Міжземным моры.
Яе выставілі на продаж пасля таго, як адна з кампаніяў запатрабавала вярнуць пазыку ў 20,5 мільёна еўра, прывязаную да судна.
Кошт і імя пераможцы аўкцыёну застаюцца канфідэнцыйныя, іх апублікуюць праз 2 тыдні.
Як вынікае з публікацыі выдання Bloomberg, продаж яхты выклікаў жывы інтарэс у патэнцыйных яе пакупнікоў. Ён прыцягнуў 63 стаўкі.
Санкцыі супраць Пумпянскага Еўрасаюз увёў 10 сакавіка, а праз пяць дзён – Вялікая Брытанія. Падставай для гэтага стала тое, што яго Трубная Металургічная Кампанія супрацоўнічае з расійскімі ўладамі і дзяржаўнымі прадпрыемствамі. 24 лютага, у дзень поўнамаштабнага ўварвання Расіі ва Ўкраіну Дзмітрый Пумпянскі разам з іншымі бізнесменамі сустракаўся з Пуціным.
Пумпянскі, маёмасць якога ацэнваецца ў 2,1 мільярда долараў, як і іншыя алігархі, спрабаваў рэструктурызаваць свае ключавыя актывы. Ён пазбавіўся сваёй долі ў кампаніі, якая з’яўляецца найбуйнейшым вытворцам стальных труб у Расеі, і выйшаў з рады дырэктараў.
