Найбуйнейшым абласным прамысловым прадпрыемствам цяпер кіруе не Пётр Руднік, а Уладзімір Маркаў.
Руднік ачольваў аб’яднанне амаль 6 гадоў. Прадпрыемства працавала, і гэта ўжо добра ў цяперашніх умовах. Але многія адзначаюць, што зорны час Рудніка прыйшоўся на гады кіравання “Магілёўліфтмашам”. Тады прадпрыемства ён, як казалі, “падняў”, і яно стала адным з прамысловых лідараў краіны.
З 2008 па 2014 год Пётр Руднік быў старшынёй Магілёўскага абласнога выканаўчага камітэта. Тут ён працаваў ужо не так паспяхова. На “Магілёўхімвалакно” яго накіравалі з задачай “рэалізацыі новых інвестыцыйных праектаў на самым высокім тэхналагічным узроўні з мінімальнымі расходамі і прыцягненнем замежных фундатараў”. Але прарыву не адбылося, хаця і абвалу не было.
Крэсла генеральнага дырэктара “Магілёўхімвалакно” цяпер заняў Уладзімір Маркаў, якому споўнілася 47 гадоў. Да гэтага ён працаваў дырэктарам ААТ “Завод горнага воску”. Праблемы і само прадпрыества ён ведае, бо раней Маркаў быў дырэктарам завода поліэфірных нітак, намеснікам генеральнага дырэктара Хімвалакно па эканоміцы, фінансах і кіраванні. Усяго на прадпрыемствах хімічнай прамысловасці ён працуе больш за 20 гадоў.
Былы мэр за 9 гадоў працы пакінуў пасля сябе разнастайную спадчыну. Паспрабуем падвесці першыя вынікі, бо шмат што па-сапраўднаму выявіцца значна пазней. Тым не менш, падаецца, што Віктар Шорыкаў і Уладзімір Цумараў – два прэтэндэнты на званне лепшага старшыні гарвыканкама часоў незалежнасці.
Напачатку трэба сказаць, што крытыкаваць дзейнае начальства за памылкі і хваліць яго ж за добрыя справы пасля сыходу ў адстаўку – добры тон і нават норма ў дэмакратычным грамадстве. Падлізнікі ж робяць усё наадварот: яны лісліва хваляць чалавека, пакуль ён на высокай пасадзе, і аблайваюць яго адразу пасля сыходу. Сёння час калі крытыкаваць ужо позна, а час усхваляць яшчэ не прыйшоў. Можна казаць аб’ектыўна.
Цумараў не быў белым і пухнатым. Яго часцяком крытыкавалі за аддаленасць ад патрэб простых людзей, за панскасць у пэўных сітуацыях, за праз калена зробленыя нават добрыя праекты, за гэтыя кіламетры тратуарнай пліткі… За што толькі яго не крытыкавалі.
Але Цумарава ж хвалілі за інфраструктурныя пераўтварэнні ў горадзе, за тое, што не саромеўся быць проста чалавекам, падпяваў артыстам на канцэртах, як мэр быў дастаткова даступным і адкрытым і г.д.
Тут важна адзначыць і ўсведамляць, што ганебнай мянушкі да яго не прыклеілася. А гэта пра многае кажа.
Што ж змянілася ў горадзе за гады яго кіравання? За што мы можам сказаць яму дзякуй?
Актыў Цумарава:
Першае, што згадваецца, гэта парк “Падміколле”. Сапраўднае дзецішча мэра. Мала хто здзівіцца, калі нейкі аб’ект у парку будзе праз шмат гадоў названы ягоным імем.
Па другое, гэта масты. Усе магілёўскія масты праз Дняпро былі адрамантаваны пры ім, як і большасць іншых маставых пераходаў горада. Гэта было складана, патрабавала шматлікіх узгадненняў і вельмі значна. А ільвы на Пушкінскім мосце – нібыта напамін пра гэта.
Рамонт дарожнага покрыва і разгрузка цэнтра горада ад транспартных патокаў. Адкрытая новая дарога-дублер для вуліцы Якубоўскага і Загараднай шашы. Капітальна адрамантаваныя Першамайская і Крупская і г.д.
Мноства пешаходных дарожак у гады яго кіравання Магілёвам былі пабудаваны або адрамантаваны.
Пасіў Цумарава:
Парк “Падміколле” створаны без уліку прапаноў краязнаўцаў і эколагаў. У некаторых парк выклікае ўражанне безгустоўнай мешаніны розных стыляў, у той час як сапраўдныя каштоўнасці Падміколля былі груба выкарчаваныя. Бульдозерамі руйнавалі падмуркі старажытных камяніц. Мяшалі з брудам культурны слой. З-за неахайнай працы экскаватараў унікальныя дрэвы ў парку ссохлі.
Так і не была створана сетка веладарожак. А тыя, што з’явіліся, праходзяць выключна ля буйных транспартных трас і экалагічна шкодныя для веласіпедыстаў.
Бюджэтныя сродкі марнаваліся на тратуарную плітку, літаральна ўкапваліся ў зямлю, хаця маглі б быць выдаткаваны больш рацыянальна. Гранітная плітка на плошчы Славы ламаецца падчас кожнай уборкі снегу, тады як павінна была б быць доўгавечнай.
Няўлік думак жыхароў пры правядзенні рэканструкцый мікрараёнаў. Але, трэба прызнаць, што апошняя праблема носіць сістэмны характар і не магла быць вырашана ў рамках аднаго асобна ўзятага горада.
Як бачым, пасля Цумарава засталіся дасягненні, пра якія можна казаць. Ад папярэдняга яму мэра гораду не засталося нічога, за выключэннем разбітых дарог. Сур’езна параўноўваючы значэнне розных мэраў горада, многія магілёўцы прыходзяць да высновы, што Віктар Шорыкаў і Уладзімір Цумараў – прэтэндэнты на званне лепшага старшыні гарвыканкама часоў незалежнасці. Пры іх шмат чаго было зроблена.
Так што дзякуй, Уладзімір Міхайлавіч. Здароўя вам і плёну ў жыцці.
Вучэбны працэс і методыка аказалася ў парадку, а вось прыезд санстанцыі яўрэйская школа перажыць не змагла. Ахвярай кампаніі па праверцы прыватных школ у рэспубліцы стала самая старая прыватная школа горада.
Прыватная ўстанова адукацыі “Ор Аўнэр-Магілёў” была створана амаль два дзесяцігоддзі таму. Малая колькасць дзяцей у класах і спецыяльныя методыкі выкладання дазволілі школе стаць здавалася б неад’емнай часткай школьнага ландшафту горада. Не без праблем, але школа стабільна набірала сабе вучняў. Паступова склаўся касцяк педагагічнага калектыву. З’явіліся і поспехі гадаванцаў школы на розных конкурсах і спаборніцтвах.
Выпускнікі “Ор Аўнэр – Магілёў” каля школы
Народная назва школы – “яўрэйская” замацавалася, таму, што кіраўніцтва школы, шмат настаўнікаў і вучняў школы былі яўрэямі. У ёй праводзіліся семінары, майстар-класы і курсы, накіраваныя на вывучэнне гісторыі і культуры яўрэйскага народа. Так і павялося, што школа нягледзячы на іншую афіцыйную назву для магілёўцаў была “яўрэйскай”.
Пасля пачатку масавых праверак прыватных школ эксперты прадказвалі ўдалае праходжанне праверкі калектывам школы. “Яўрэяў чапаць не будуць, каб не было міжнароднага скандалу” – упэўнена сцвярджалі яны.
Насамрэч, гэта быў не першы наезд на навучальную ўстанову, не першая спроба яе закрыцця. Таму паперы тут даўно былі ў парадку. Настаўнікі працавалі самыя кваліфікаваныя. Падаткі плаціліся спраўна. Але гэтым разам штосьці пайшло не так.
Практычна ліквідацыя праходзіла наступным чынам. Пасля з’яўлення ўказання па праверцы ўсіх прыватных навучальных устаноў, першую праверку метадычнай базы і навучальнага працэсу школа паспяхова вытрымала. Калектыў, вучні і бацькі не паспелі ўздыхнуць з палёгкай, як праз два дні прыехала санстанцыя. Чамусьці гэтым разам дзяржаўныя правяральшчыкі знайшлі столькі непарадкаў, што і самі здзівіліся, як жа раней пры праверках яны таго не бачылі.
Падобна на тое, што ніякія апеляцыі не дапамогуць адрадзіць школу. Яе вучняў ужо размеркавалі па іншых навучальных установах па месцу жыхарства.
Прыватная ўстанова адукацыі “Навучальна-педагагічны комплекс дзіцячы сад – сярэдняя школа “ОР АВНЕР-Магілёў” з УНП 790288449 зарэгістраваная ў адзіным дзяржаўным рэгістры юрыдычных асоб і індывідуальных прадпрымальнікаў. 13.09.2005 была пастаўлена на ўлік у падатковы орган. Па стане на 28.09.2022 юрыдычны адрас кампаніі: Магілёўская вобл., г. Магілёў, б-р Дняпроўскі, д.16.
Іншую магілёўскую сярэднюю прыватную школу “Канкорд”, якой спрыяла кампанія “Сервалюкс”, а адчынілі ў мінулым навучальным годзе, не ліквідавалі, але зрабілі філіялам гімназіі № 4 (мікрараён Мір-2).
Магілёўскія выпадкі не адзінкавыя.У Беларусі ў верасні – кастрычніку масава закрываюць прыватныя школы, таксама спыняецца навучанне на нацыянальных мовах. Так, з новага навучальнага года ў Беларусі спынілі выкладанне на нацыянальных мовах у дзвюх літоўскіх і дзвюх польскіх школах. Тры з іх былі пераведзены на беларускую ці рускую мову навучання. Літоўская школа ў Пялесе і зусім была зачынена, нібыта за парушэнне правілаў пажарнай бяспекі.
Дзяржаўны дзеяч Вялікага княства Літоўскага: вялікі харунжы (1611-1623), вялікі канюшы (1623-1633), кашталян троцкі і віленскі, ваявода віленскі (1642-1652).
Быў старостам бабруйскім.
Удзельнік войнаў з Турцыяй, Швецыяй, Расіяй.
1786 год. У Магілёве і Полацку адкрыліся расійскія “галоўныя” (губернскія) народныя вучылішчы з чатырохгадовым тэрмінам навучання.
Яшчэ сем “малых” вучылішчаў з 2-гадовым тэрмінам навучання з’явіліся ў павятовых цэнтрах.
Гэтыя ўстановы былі адкрыты ў ліку першых 25 народных вучылішчаў у Расійскай імперыі па распараджэнню Кацярыны ІІ і з падачы серба Янковіч дэ Мірыево.
Навучанне ў іх было значна слабейшым, чым ва ўстановах Эдукацыйнай камісіі (1773) Рэчы Паспалітай і езуіцкіх.
Галоўнае вучылішча ў Магілёве 15 верасня 1809 года было пераўтворана ў мужчынскую гімназію.
Сярод знакамітых выпускнікоў установы можна ўзгадаць навукоўцаў, падарожнікаў К. Грум-Гржымайлу, М.Урончанку, С. Каваліка, Дз. Дубягу, краязнаўца К.Гартынскага,прэзідэнта сената Гавайскіх астравоў М. Судзілоўскага, энцыклапедыстаў братоў Гранат, О. Шмідта, камандуючага Сербскай арміі М. Чарняева і іншых.
1990 год. Аб’яднанне ФРГ і ГДР. Дзень адзінства Германіі.
Народная палата ГДР прыняла рашэнне пра далучэнне да ФРГ і ўтварэнне адзінай дзяржавы. У Берліне быў спушчаны сцяг ГДР.
З 00:00 гадзін ГДР спыніла сваё існаванне як дзяржава, Заходні Берлін – як самастойная палітычная адзінка з асаблівым міжнародным статусам.
У склад ФРГ увайшлі пяць адноўленых земляў былой ГДР: Брандэнбург, Мекленбург-Пярэдняя Памеранія, Саксонія, Саксонія-Анхальт, Цюрынгія і тэрыторыя Берліна.
З’яўлялася адной з найболей запатрабаваных актрыс Купалаўскага тэатру.
Талент актрысы асабліва раскрыўся ў спектаклях нацыянальнай драматургіі.
Сярод яе выдатных роляў — Нэля («І змоўклі птушкі» І. Шамякіна), Ліда («Радавыя» А. Дударава), Маргарыта («Напісанае застаецца» А. Петрашкевіча), Бона Сфорца («Чорная панна Нясвіжа» А. Дударава).
Маці звярнула ўвагу на змену ў паводзінах двух малалетніх дзетак. Са сваёй заявай яна звярнулася ў міліцыю – паведамляе Тэлеграм-канал прэс-службы абласнога УУС. Аператыўнікі высветлілі, што сэксуальны гвалт у дачыненні да іх ажыццявіў 57-гадовы бацька. Мужчына ў разводзе з жонкай і пражываў асобна.
Падчас обшуку ў кватэры падазраванага былі знойдзены матэрыялы па дзіцячай псіхалогіі а таксама на сэксуальную тэматыку. Супраць мужчыны ўзбуджана крымінальная справа, праводзяцца экспертызы.
Інклюзіўны ліфт-пад’ёмнік быў усталяваны для пацыентаў і наведвальнікаў клінікі “Новы зрок” па праспекце Міру, з задняга боку гатэля “Магілёў”.
Пад’ёмнік з’віўся ў мэжах мерапрыемстваў па рэканструкцыі клінікі. Ён клінікі вядзецца з пачатку лета і хутка завершыцца.
Пад’емнік не мае аналагаў у Магілёве. Раней для таго каб патрапіць у клініку “Новы зрок” інвалідам, людзям сталага веку трэба было перадолець бар’ер у 16 прыступак, якія вядуць да Палацу спорта.
Пры ўзвядзенні ліфт-пад’ёмніка былі выкарчаваны казацкі ядловец і старыя туі.
Пачатак працы ліфт-пад’ёмніка прымеркаваны да адкрыцця пасля рамонту клінікі.
Зараз у Беларусі працуе адзін ліцэй МУС – у Мінску. Беларусаў просяцьвыказацца пра тое, у якім абласным цэнтры, акрамя сталіцы, варта адкрыць другую спецыялізаваную навучальную ўстанову. Паводле нашай інфармацыі Магілёў.media, магілёўскіх школьнікаў і бацькоў просяць прыняць удзел у галасаванні на сайце МУС і выбраць менавіта Магілёў.
Акрамя выбару месца адкрыцця ліцэю, на галасаванне вынесена таксама пытанне пра пол навучэнцаў. Прапануецца, каб гэта былі не толькі хлопчыкі, але і дзяўчынкі.
Размовы пра верагоднасць адкрыцця ў Магілёве ліцэю МУС вядуцца ўжо некалькі гадоў. Міністр унутраных спраў у пачатку навучальнага года заявіў, што прапрацоўваецца пытанне аб стварэнні ліцэя ў адным з рэгіёнаў Беларусі, для чаго ідзе вывучэнне грамадскай думкі.
У “Спецыялізаваны ліцэй МУС Беларусі” можна паступіць з 12 гадоў, пасля заканчэння шасці класаў сярэдняй школы. Тэрмін навучання ў ліцэі – 5 гадоў, пасля чаго навучэнцы на льготных умовах паступаюць у міліцэйскія ВНУ краіны.
Выглядае, што найбольш верагоднай пляцоўкай для размяшчэння новага ліцэю выступае Магілёў, бо тут знаходзіцца Інстытут МУС РБ – ёсць выкладчыцкія кадры. Можна знайсці і матэрыяльна-тэхнічную базу, напрыклад, выкарыстаўшы памяшканні адной з закрытых прафесійна-тэхнічных устаноў.
З іншага боку, у Магілёве ўжо ёсць абласная кадэцкая вучэльня. У верасні 53 яе выхаванцы прайшлі курс маладога байца і прынялі прысягу на вернасць Радзіме і кадэцкаму братэрству.
Ён злучыць вуліцы Будаўнікоў і Пысіна і будзе праходзіць пад чыгуначнымі пуцямі.
Пераход вядзе будуецца ў межах трэцяй чаргі будаўніцтва жылога мікрараёна “Спадарожнік-2”. Будаўніцтва пачалося ў сакавіку 2022 года – тлумачыць намеснік дырэктара ўпраўлення капітальнага будаўніцтва Магілёва Андрэй Сухараў.
– Гэты пераход важны, паколькі забяспечыць бяспечны і камфортны доступ жыхароў мікрараёна “Спадарожнік-2” да сацыяльна значных аб’ектаў: сярэдняй школе № 26 і яслі-саду № 25, якія размешчаны на вуліцы Будаўнікоў. – распавядае Андрэй Сухараў – Асноўныя работы плануем завяршыць да канца бягучага года, нягледзячы на тое, што нарматыўны тэрмін будаўніцтва 24 месяцы.
Акрамя ўзвядзення падземнага пераходу тут з’явіцца і іншая інфраструктура з улікам патрабаванняў па стварэнню безбар’ернага асяроддзя: сучасны тратуар з тактыльнай пліткай, з веладарожкай без перападаў вышынь, азеляненне з высадкай дрэў і кустоў, лаўкі, урны і іншыя архітэктурныя рашэнні.
Паралельна з будаўніцтвам падземнага пераходу ідзе абмеркаванне арганізацыі працы грамадскага транспарту ў гэтым мікрараёне. З-за павелічэння яго насельніцтва даўно наспела неабходнасць выдзялення дадатковых аўтобусаў, каб навучэнцы з новага мікрараёна маглі бесперашкодна дабірацца да месца вучобы.
Будаўніцтва падземнага пешаходнага перахода будзе завершана ў 2023 годзе.
Выкладчыкі і курсанты падыйшлі да яго крэатыўна, цяжкасцяў з разуменнем беларускай мовы ў будучых міліцыянераў не ўзнікала.
Тыдзень роднай мовы ў Інстытуце іністэрства ўнутраных спраў распачаўся з рэспубліканскай дыктоўкі, якую пісалі першакурснікі. Большасць курсантаў паспяхова справілася з заданнем. Творчая частка тыдня роднай мовы праходзіла ў выглядзе конкурсаў. А на занятках па беларускай мове курсанты стваралі ўласныя літаратурныя творы – эсэ і пейзажныя замалёўкі па матывах карцін нашага земляка, мастака В.К. Бялыніцкага-Бірулі.
Выкладчыкі кафедры чыталі на беларускай мове асобныя лекцыі і адзначылі, што цяжкасцяў з разуменнем іх зместу не ўзнікла. Курсанты здолелі хутка зарыентавацца і плённа пазаймацца, адказваючы на пытанні выкладчыка таксама на роднай мове.
Тыдзень роднай мовы праводзіцца па ініцыятыве Міністэрства адукацыі ва ўсіх навучальных установах краіны з 17 па 23 верасня. Ён прадугледжваў мноства самых разнастайных акцый – выстаў, анлайн-чэленджу «Льецца мова», творчага марафону «Мова родная – мова модная», паказу адзення «Будзь у трэндзе», анлайн-акцыі «Натхнёныя Бацькаўшчынай», рэспубліканскую дыктоўку і г.д.
Тыдзень беларускай мовы праходзіць ва ўсіх установах адукацыі Магілёўскай вобласці. Але агульнанацыянальная акцыя засталася збольшага слаба заўважнай за шлейфам мерапрыемстваў новаўведзенага свята – Дня народнага адзінства.
Найбольшы рэзананс у сацыяльных сетках Магілёва выклікаў удзел курсантаў Інстытута Міністэрства ўнутраных спраў у мерапрыемствах тыдня. Гэта нядзіўна, бо ў інстытуце МУС прайшло багата цікавых імперэзаў. У ім спушчаную зверху ініцыятыву падтрымала кафедра сацыяльна-гуманітарных дысцыплін і аднеслася да яе з душой – нефармальна.
Працаваць над моўнай культурай кафедра сацыяльна-гуманітарных дысцыплін працягне на наступным тыдні, калі для першакурснікаў пройдзе конкурс, прысвечаны Дню еўрапейскіх моў.
Адзначым, што ў свой час на слыху былі выпадкі, калі работнікі сілавых структур не маглі пісьмова запісаць беларускамоўныя паказанні ці сведчанні, скласці элементарныя беларускамоўныя пратаколы.
Рамонт маста пачаўся яшчэ ў маі, а завяршыць усе працы плануецца да канца года.
Рух па пуцеправодзе праз чыгунку па вуліцы Чалюскінцаў будзе поўнасцю запушчаны з 1 кастрычніка, паведаміў намеснік генеральнага дырэктара па будаўніцтве Упраўлення камунальных прадпрыемстваў Сяргей Зяцькоў.
Капітальны рамонт гэтага пуцеправода на адной з галоўных і інтэнсіўных дарожных артэрый горада доўжыўся з 10 мая бягучага года і суправаджаўся частковым перакрыццём руху транспарту.
Рамонт псаваў настрой, нервы, уносіў карэктывы ў жыццёвыя планы шматлікім гараджанам і гасцям горада, скарэкціраваў час руху грамадскага транспарту і адбіўся на зменах маршрутаў.
Па інфармацыі С. Зяцькова, агульная гатоўнасць аб’екта складае 80%. На пуцеправодзе ўжо завяршылася серыя самых складаных і працаёмкіх работ. “Аб’ект будзе поўнасцю ўведзены ў эксплуатацыю да канца бягучага года. Тут таксама з’явяцца новыя тратуары і агароджы, будзе добраўпарадкавана прылеглая тэрыторыя”, – дадаў ён.
