Tag: кража

У Магілёве арудаваў злодзей-гастралёр

Навіна ад

Жыхар Віцебска абакраў некалькі крам у Магілёве – паведамляе прэс-служба абласнога УУС. Прыезжы 29-гадовы злачынец выбіраў па горадзе крамы і сацыяльныя ўстановы з харошай выручкай, але не абсталяваныя сістэмай трывожнай сігналізацыі. Па начах ён ускрываў дзверы магазінаў і аб’ектаў сацыяльнага абслугоўвання метадам падбору ключоў. Забраўшы грошы з касавых апаратаў, знікаў. За некалькі дзён яму ўдалося завалодаць сумай у 2 000 рублёў. Мужчына затрыманы, вядуцца следчыя дзеянні пра магчымае дачыненне яго да іншых крадзяжоў.

Фота: УУС

Дзясяткі работнікў сельскіх гаспадарак Слаўгарадскага раёна прыцягнуты да адказнасці

Навіна ад

У Слаўгарадскім раёне 61 работнік аграпрамысловага комплекса пакараны за халатныя адносіны да сваіх абавязкаў, крадзеж  – паведамляе “Прысожскі Край”.

Па выніках сямі пракуратурорскіх праверак сельскагаспадарчых арганізацый раёна ўнесена 9 прадстаўленняў, вынесена 20 прадпісанняў, 31 асоба прыцягнута да дысцыплінарнай, 5 – да адміністрацыйнай, 25 – да матэрыяльнай адказнасці.

Работнікі працягваюць парушаць працоўную, тэхналагічную дысцыпліну, правілы ўтрымання жывёлы, ветэрынарнага дабрабыту, вытворчасці прадукцыі, крадуць жывёлу. Страты ад крадзяжу ў ААТ “Слаўгарадрайаграпрамтэхніка” і КСУП “Заранскі”  складаюць 6 418,65 рублёў.

Пракурор раёна А. Пухоўскі лічыць, што неабходна прыняць у 2023 годзе “у раёне дадатковыя арганізацыйна-практычныя меры па забеспячэнні законнасці і правапарадку”. Але відавочна, што такі стан спраў захаваецца на дзяржаўных фермах і надалей, будуць новыя “абасраныя” каровы, новыя крадзяжы паліва, кармоў, малака, жывёл, пакуль не будзе прыватнай маёмасці і асабістай зацікаўленнасці сялян у выніках сваёй працы.

Фотаздымак носіць ілюстрацыйны характар

Прыкінуўся прыбіральшчыкам – крымінальны талент абакраў наведвальніцу рэстарана

Навіна ад

Інцыдэнт адбыўся ў адным з рэстаранаў на вуліцы Першамайскай у Магілёве – паведамляе прэс-служба абласнога УУС. 53-гадовы, раней неаднаразова судзімы за крадзяжы дворнік адной з арганізацый горада скраў у 56-гадовай наведвальніц я гаманец, у якім аказалася грошай на 800 рублёў. Каб аказацца незаўважаным, ён вырашыў замаскіравацца пад тэхнічнага работніка – апрануўся ў працоўную вопратку, а пры ўваходзе ў рэстаран стаў перастастаўляць нейкія каробкі з месца на месца. Зліўшыся з абстаноўкай, незаўважна скраў чужы кашалёк і знік. Супраць злачынцы ўзбуджана крымінальная справа.

Фота ілюстрацыйнае.

Дачу жыхара Магілёва абакралі тры розных злодзея запар

Навіна ад

38-гадовы мужчына, жыхар абласнога цэнтра заўважыў, што яго дачны домік быў абакрадзены на агульную суму ў 1 300 рублёў. Міліцыя правяла даследаванне, якое ўстанавіла, што яго абкрадалі тры розных чалавека, не звязаныя паміж сабой, і якія прамышлялі ў розныя дні. І што самае дзіўнае – злодзеяў затрымалі.

Як паведамляе Тэлеграм-канал прэс-службы абласнога УУС, раней ужо судзімы за крадзёж магілёвец звярнуў увагу на нежылы на выгляд дом, а пасля пракраўся ўнутар, выставіўшы акно. Забраўшы з сабой каштоўную маёмасць, мужчына пайшоў – гэта было першае рабаванне.

Потым іншы злодзей прабраўся на падворак дачы, залез у лазню і забраў адтуль драўляныя вырабы. Нарэшце, трэці злодзей у іншы дзень выламаў дзверы і таксама абакраў дачны домік нефартовага магілёўца.

Усе тры злодзея затрыманы, супраць іх узбуджаныя крымінальныя справы.

Фота ілюстрацыйнае.

Краснапольская прадавачка нацягала з касы 75 000 рублёў за паўтары гады

Навіна ад

33-гадовая прадавачка ў Краснаполллі на працягу палутара гадоў забірала грошы з касы ў краме, дзе яна працавала – паведамляе прэс-служба Магілёўскага абласнога УУС. Для таго, каб схаваць крадзёж, яна рыхтавала фальшывыя дакументы пра набыццё тавараў у крэдыт жыхарамі пасёлка. Цяпер, за шкоду, нанесеную ў асабліва буйным памеры, яе чакае пакаранне – зняволенне тэрмінам да 12 гадоў.

За крадзёж зерня ў Клімавічах прыгаварылі загадчыцу складам і яе хаўрусніка

Навіна ад

За перавышэнне службовых паўнамоцтваў у Клімавічах вынесены прыгавор загадчыцы склада і яе саўдзельніку. Аб гэтым БелТА паведамілі ў службе інфармацыі пракуратуры Магілёўскай вобласці. 

Абвінавачаныя выкралі з прадпрыемства больш за 1,6 тон фуражнага ячменю і 175 кілаграмаў фуражнага трыцікале. Сваімі дзеяннямі яны нанеслі ўрон сельскагаспадарчаму прадпрыемству на суму звыш Br770.

Жанчыне прызначана пакаранне ў выглядзе абмежавання волі без накіравання ў папраўчую ўстанову адкрытага тыпу на 2 гады 6 месяцаў са штрафам у памеры 30 БВ – яна прызнала віну і кампенсавала ўрон у поўным аб’ёме. Мужчыне прызначана пакаранне ў выглядзе пазбаўлення волі на 2 гады з адбываннем у папраўчай калоніі ва ўмовах узмоцненага рэжыму са штрафам у памеры 30 БВ – ён віну не прызнаў.

Фота: Генпракуратура РБ

Тры ўпрыгожвання на 3000 рублёў скраў магілёвец у таксі з забытага гаманца

Навіна ад

31-гадовая жыхарка абласнога цэнтра заявіла ў міліцыю, што ў яе былі выкрадзены ювелірныя вырабы на агульную суму ў 3000 беларускіх рублёў.

Два залатыя пярсцёнкі і крыжык зніклі з кашалька, які жанчына забыла ў таксі – паведамляе Тэлеграм-канал прэс-службы абласнога УУС.

Прапажу мясцовая жыхарка знайшла дома і адразу ж набрала на мабільны тэлефон таксісту. Мужчына адказаў, што ўжо прыняў новую замову, але, як толькі выканае яе, адшукае кашалёк жанчыны. Пасля вадзіцель высадзіў пасажыраў, уважліва вывучыў задняе сядзенне салона і знайшоў чужую рэч. Ён прывёз кашалёк жанчыне, аднак тая выявіла золата ўнутры прапала

Аператыўнікі высветлілі, што чужыя ювелірныя вырабы забраў адзін з пасажыраў таксі, 28-гадовы малады чалавек, які ехаў з сябрамі і знаходзіўся ў стане алкагольнага ап’янення.  Узбуджана крымінальная справа.

Фота: прэс-службы УУС

Набілі сумкі абуткам – маладая пара спрабавала абакрасці краму ў Бабруйску

Навіна ад

Бясхітрасны спосаб крадзяжа спрабавалі правярнуць 23-гадовыя хлопец і дзяўчына ў раённым цэнтры. Яны зайшлі ў краму і затаўкалі шэсць пар абутку а таксама некалькі пальчатак у свае сумку і заплечнік. Агульная сума крадзяжу склала 3250 рублёў – паведамляе Тэлеграм-канал прэс-службы абласнога УУС.

Прадаўцы абутковай крамы заўважылі няладнае, паколькі ў магазін парачка заходзіла з пустымі сумкай і заплечнікам, а выходзіла з поўнымі. Узбуджана крымінальная справа.

Фота ілюстрацыйнае

Быхаўскія міс Марпл дапамаглі знайсці злодзея

Навіна ад

Пра крадзёж 100 рублёў грошай быхаўская 70-гадовая пенсіянерка нават не ведала. Яна двойчы выходзіла са сваёй кватэры на пяць-дзесяць хвілін не замыкаючы дзверы, і гэтага аказалася дастаткова, каб са стульчыка ў пярэднім пакоі знікла сумка з кашальком – паведамляе афіцыйны сайт Камітэта судовых экспертыз па Магілёўскай вобласці.

Затое прапажу западозрыла іншая пенсіянерка з таго ж самага пад’езда ў шматкватэрным доме па вуліцы Савецкай у Быхаве. Яна знайшла знаёмую сумку суседкі ў падвальным памяшканні і прынесла яе пацярпелай.

 

Жанчыны выявілі прапажу грошай з кашалька пенсіянеркі і выклікалі міліцыю. Следча-аператыўная група яшчэ не паспела наведаць пацяраелую, як пранізлівасць прыватнага дэтэктыва праявіла яшчэ адна пенсіянерка з таго ж самага пад’езда. Яна знайшла ў падвальным памяшканні бутэльку з-пад піва і прынесла яе ў дом абрабаваны суседкі.

Эксперты выявілі на бутэльцы адбіткі пальцаў і ў той жа дзень быў затрыманы 45-гадовы мясцовы жыхар за адміністратыўнае правапарушэнне (верагодна, першапачаткова яму інкрымінавалася толькі распіццё піва). Мужчына прызнаўся ў крадзяжы грошай з кватэры пацярпелай. 

Па словах затрыманага, ён прыходзіў да былой жонкі, якая пражывае ў гэтым жа доме, і пакуль чакаў яе, выпіваў піва. І заадно зазірнуў у адчыненую кватэру пенсіянеркі. Выкрадзеныя грошы ў яго канфіскавалі часткова – частку сумы ён паспеў патраціць. Крымінальная справа перададзена ў пракуратуру.

Магілёвец выцягнуў гаманец у хлопца, пакуль той біў яго сябра

Навіна ад

Дзве кампаніі адпачывалі ў адным з начных клубаў Магілёва – паведамляе Тэлеграм-канал прэс-службы абласнога УУС. Адзін з дваіх маладых людзей з адной кампаніі непрыгожа выказаўся пра дзяўчын з другой. 26-гадовы прыяцель дзяўчын вырашыў паставіць на месца нахабніка і стаў ад душы мясіць яго кулакамі і каленам.

Сябар хлопца, які бездапаможна цярпеў удары, наблізіўся да бойкі, нібыта спрабуючы спыніць агрэсара, а сам незаўважна выцягнуў у 26-гадовага прыяцеля дзяўчын кашалёк з задняй кіішэні. 500 рублёў з гаманца забраў сабе, пагуляў па горадзе а потым падкінуў пусты кашалёк назад пад дзверы начнога клуба. Узбуджана крымінальная справа за крадзёж.