Tag: кадэты

Сталі вядомыя падрабязнасці паказнога палітычнага суда ў Магілёве

Навіна ад

Прычынай палітычнай расправы над 45-гадовым магілёўцам сталі два лайкі ў інтэрнэце пад негатыўнай ацэнкай дзейнасці Лукашэнкі.

Mogilev.media раней паведамллі, што за нібыта паклёп на беларускага дыктатара ў судзе Ленінскага раёна Магілёва судзілі дарослага мужчыну. Як высветліў Mayday, першая частка яго “злачынства” была ў тым, што ён паставіў лайк пад пастом, які, па меркаванні пракуратуры, змяшчаў няпраўду пра дыктатара Лукашэнку і абвінавачваў нелегітымнага правіцеля ў асабліва цяжкім злачынстве. 

Праз некаторы час мужчына зноў паставіў лайк пад публікацыяй, якую выклала ў інтэрнэт нейкае так званае “экстрэмісцкае фармаванне”. Нагадаем, што “экстрэмісцкімі фармаваннямі” ў цяперашняй Беларусі лічацца, у тым ліку, усе незалежныя ад улады Лукашэнкі СМІ. У той публікацыі, якая спадабалася падсуднаму, была не толькі негатыўная ацэнка дзейнасці дыктаратара, але і змяшчалася яго выява.

На агалошванне прысуду 20 студзеня ў залю суда Ленінскага раёна прывялі навучэнцаў Магілёўскага абласнога кадэтскага вучылішча. Дапамагала ў рэалізацыі так званай “праграмы прававога выхавання навучэнцаў” памочнік абласнога суда Іна Драздова.

Сцвярджаецца, што падсудны прызнаў сваю віну і раскаяўся. Суд прызначыў яму два гады абмежавання волі без накіроўвання ў папраўчую ўстанову адкрытага тыпу.

Фотаздымак: Mayday

Магілёўскіх кадэтаў зрабілі гледачамі палітычнай судовай расправы

Навіна ад

Перад магілёўскімі кадэтамі правялі паказны суд, дзе вінаватым быў магілёвец, які выказаў сваю думку аб беларускім дыктатары.

Крымінальная справа аб нібыта “паклёпе” ў адносінах да Лукашэнкі была разгледжана ў судзе Ленінскага раёна Магілёва. Дарэчы, гэты суд за мінулы год адзначыўся як самым актыўны ў задушэнні свабоды слова, бо больш за іншыя суды ў Беларусі прызнаваў матэрыялы «экстрэмісцкімі».

Гэтым разам майстар-клас як трэба змагацца з “ворагамі Рэйху” суд Ленінскага раёна дэманстраваў перад навучэнцамі абласнога кадэтскага вучылішча. Як праходзіла пасяджэнне, што адказваў на пытанні суддзі падсудны, чаму суд вырашыў, што мужчына публічыў заведама ілжывыя выдумкі – інфармацыі аб гэтым у паведамленні тэлеграм-канала Магілёўскага аблсуда няма. Датычна непасрэдна справы ёсць толькі абвінаваўчы прысуд – два гады “хатняй хіміі”.

У той жа час у паведамленні ёсць сцвярджэнне, што наведванне кадэтамі суда “насіла прафілактычны характар і была накіравана на фарміраванне ў моладзі прававой культуры і паважлівага стаўлення да закона”.
Аднак гэтае сцвярджэнне ілжывае, бо насамрэч такі адкрытая палітычная расправа за выказванне сваёго меркавання адносна дзяржаўнай палітыкі фарміруе ў моладзі свядомасць маўклівага быдла, што ў будучым зробіць былых кадэтаў альбо падобнымі на магілёўскі суд прыгнятальнікамі людзей за вольнае слова, альбо прывядзе да высновы, што лепей плюнуць на такую “краіну для жыцця” і з’ехаць з яе. 

Фотаздымак: ТГ “Магілёўскі абласны суд”

Магілёўскія кадэты маршыравалі пад словы Наталлі Арсенневай

Навіна ад

Марш “Беларусь! Наша маці-краіна” са словамі паэткі Наталлі Арсенневай гучаў на 1 верасня ў Магілёўскім кадэцкім вучылішчы. 

Словы гэтага верша пакладзены на музыку “Развітання славянкі”, якую ў 1912 годзе напісаў расійскі вайсковы кампазітар Васіль Агапкін. “Развітанне славянкі” даўно стала сімвалам савецкіх і постсавецкіх вайскоўцаў.

Што ж тычыцца верша “Беларусь! Наша маці-краіна”, то першапачаткова музыку на яго паклаў кампазітар Мікалай Шчаглоў-Кулiковiч, і яна была зусім не падобная на музыку Агапкіна. І ўсё гэта адбывалася падчас нямецка-савецкай вайны, калі тэрыторыя Беларусі знаходзілася пад нямецкай акупацыяй. Песня ўвайшла ў “Юнацкі спеўнік”, які быў выдадзены ў Менску напачатку 1944 года. Гэта быў зборнік песень Беларускага саюза моладзі, які цяперашнія ўлады ў Мінску лічаць пасобнікамі нямецкіх нацыстаў.

Але тым не менш, словы Арсенневай і музыка Агапкіна, як бачым і чуем, зусім нядрэнна спалучаюцца адно з другім. Дзякуючы тэлеграм-каналу Mayday, у гэтым можна пераканацца. 

Скрыншот: Mayday