Tag: День трезвости

Дзівосы дня цвярозасці – на Магілёўшчыне гарэлку нельга, піва можна, на Гомельшчыне піва нельга, гарэлку можна

Навіна ад

10 чэрвеня ў Беларусі пройдуць выпускныя вечары ў школьнікаў, і па гэтай прычыне практычна ва ўсіх рэгіёнах краіны будзе абмежаваны гандаль алкагольнымі напоямі. Але ўсюды па-рознаму.

Чытачы mogilev.media падзяліліся дзіўным назіраннем. Заўтра, 10 чэрвеня ва ўсіх крамах Магілёўшчыны забараняецца продаж моцных алкагольных напояў, а вось піва і слабаалкагольныя напіткі можна будзе набываць. А вось на Гомельшчыне абмежаванне адваротнае – так, у крамах Рагачоўскага раёна нельга будзе набыць піва і слабаалкагольныя напоі, тады як на любую прадукцыю з градусам вышэй за 7 – ніякіх абмежаванняў.

Атрымліваецца, што калі на Магілёўшчыне нельга будзе набыць гарэлку, а піва можна, то на Гомельшчыне піва не, а вось гарэлку – колькі заўгодна.

Фота: чытачы mogilev.media і з адкрытых крыніц

Заўтра апошні званок, а значыць – дзень цвярозасці, вадзіцелям трэба ўключаць бліжняе святло

Навіна ад

25 мая ў беларускіх школах прагучыць апошні званок, і з гэтай нагоды ў Магілёўскім рэгіёне ўводзіцца шэраг абмежаванняў. Традыцыйна ў гэты дзень абмяжоўваецца продаж алкагольных напояў. Пасля 25 мая наступны “дзень цвярозасці” прызначаны на дату выпускных баляў у старшакласнікаў – 10 чэрвеня.

Таксама, паводле правілаў дарожнага руху, з 25 мая па 5 чэрвеня кіроўцы павінны ў светлы час сутак уключаць бліжняе святло на сваіх аўтамабілях падчас руху. За невыкананне гэтага прадпісанне пагражае штраф да 3 базавых велічынь.

Фота ілюстрацыйнае

Бабруйскія алкаголікі, не забудзьцеся закупіцца сёння!

Навіна ад

У Бабруйску заўтра дзень не будуць прадаваць алкаголь з 00.00 да 24.00. Чаму абраны менавіта гэты дзень дакладна невядома. 

На тэрыторыі горада пройдзе прафілактычная антыалкагольная акцыя «Дзень цвярозасці», паведамляе Бабруйскі гарвыканкам. Не будуць прадавацца алкагольныя напоі, але выключэнне зрабілі для рознічнага гандлю спіртным у разліў у аб’ектах грамадскага харчавання. Таксама абмежаванні не распаўсюджваюцца на рэалізацыю алкагольных напояў раздробнымі гандлёвымі аб’ектамі для правядзення рытуальных абрадаў.

Пра падобныя акцыі ў розных раёнах вобласці ўжо паведамлялі Магілёў.media. Традыцыйна антыалкагольную акцыю «Дзень цвярозасці» чыноўнікі тлумачаць неабходнасцю правядзення мерапрыемстваў, накіраваных на прапаганду здаровага ладу жыцця, прафілактыку пʼянства і алкагалізму ды барацьбу з імі.

Чаму абрана менавіта пятніца 11 лістапада дакладна невядома. Гэтым разам гарадам і раёнам краіны ў рамках агульнанацыянальнай акцыі «Дзень цвярозасці» далі свабоду выбару, вось яны яшчэ напачатку года выбралі тыя даты, якія ім падаліся лагічнымі.

План акцыі ў Бабруйску быў зацверджаны яшчэ ўзімку 21 студзеня 2022 г. , і сёлета ў Бабруйску былі абвешчаны чатыры дні цвярозасці – 11 лютага, 13 траўня, 12 жніўня і 11 лістапада.

Ці варта закупляць сёння алкагольныя напоі на заўтра, кожны бабруйчанін вырашыць самастойна. Але памятаць пра неабходнасць разумнага абмежавання іх выкарыстання трэба заўжды. 

Фота носіць ілюстрацыйны характар і ўзята з адкрытых крыніц

Для каго ў Магілёве абвешчаны дзень цвярозасці?

Навіна ад

У Магілёве сёння, 10 чэрвеня, дзень цвярозасці. Нагодай для яго сталі выпускныя вечары ў навучальных установах.

З 00.00 да 24.00 гадзін у крамах гораду цалкам забаронены продаж спіртовых напояў мацнейшых за піва.

Навошта гэта робіцца – пытанне рытарычнае. Робяць яго хутчэй для галачкі, бо выпускнікі даўно падрыхтаваліся да гэтага дня.

Вось толькі п’яных нават у такі дзень на вуліцах не паменела.

Пабачыўшы вясёлую парачку, мы вырашылі пацікавіцца, дзе запраўляюцца аматары выпіўкі. Атрымалася такая непрацяглая гутарка.

«А дзе ж так наліваюць у дзень цвярозасці?», – пытаемся.

«Да увяздзе. Вунь у бары, хоць залейся. Вунь туды і ідзі», – радасна паведаміў аматар, ды не, хутчэй прафесіянал ужывання спіртовых напояў і махнуў у бок гандлёвага цэнтру.

Карціну змагання з алкагалізмам разбавіў вядомы ў горадзе доктар навук, які нёс некалькі бутэлек піва. Відаць толькі для інтэлігентаў і зусім запойных пʼяніц, якія ўжываюць выключна чарніла, і пакутуюць ад гэтых сімвалічных «сухіх» дзён.