10 чэрвеня ў Беларусі пройдуць выпускныя вечары ў школьнікаў, і па гэтай прычыне практычна ва ўсіх рэгіёнах краіны будзе абмежаваны гандаль алкагольнымі напоямі. Але ўсюды па-рознаму.
Чытачы mogilev.media падзяліліся дзіўным назіраннем. Заўтра, 10 чэрвеня ва ўсіх крамах Магілёўшчыны забараняецца продаж моцных алкагольных напояў, а вось піва і слабаалкагольныя напіткі можна будзе набываць. А вось на Гомельшчыне абмежаванне адваротнае – так, у крамах Рагачоўскага раёна нельга будзе набыць піва і слабаалкагольныя напоі, тады як на любую прадукцыю з градусам вышэй за 7 – ніякіх абмежаванняў.
Атрымліваецца, што калі на Магілёўшчыне нельга будзе набыць гарэлку, а піва можна, то на Гомельшчыне піва не, а вось гарэлку – колькі заўгодна.
Фота: чытачы mogilev.media і з адкрытых крыніц