Арыштаваны на 15 дзён. Як пішуць незалежныя мэдыі 8 ліпеня яго выклікалі на гутаркі ў міліцыю і сувязь з ім прапала. Сваякам паведамілі, што з міліцыі яго адпусцілі.
Увечары 9 ліпеня стала вядома, што ён затрыманы.
Сяргей Парфянкоў, стрыечны брат Васіля Парфянкова, які загінуў, ваюючы на баку Ўкраіны.
_________________
Аляксандр Мялешка
Затрыманы на 10 дзён. Пра гэта стала вядома 8 ліпеня
Нагода для зняволення невядомая.
Мялешка – урач РНПЦ дзіцячай анкалогіі, гематалогіі і імуналогіі – загадчык лабараторыі генетычных біятэхналогіяў РНПЦ, кандыдат біялагічных навук.
_______________
Мікіта Емяльянаў
Актывіста анархісцкага руху адразу пасля пераводу ў папраўчую калонію № 11 адміністрацыя змясціла ў штрафны ізалятар агулам на 18 дзён.
Ён пазбаўлены кароткатэрміновага спаткання. У яго забралі 22 кнігі, машынку для стрыжкі і згушчанку. Фармальныя прычыны спагнанняў невядомыя.
У ваўкавыскую калонію Емяльянава этапаваны 13 чэрвеня.
Яго затрымалі 20 кастрычніка 2019 году, як падазраванага ў закідванні лямпачкамі, запоўненымі фарбай, будынку Мінскага гарадскога суду, дзе судзілі тады анархіста Дзмітрыя Паліенку. А таксама ў спробе падпаліць уваходныя дзверы ў СІЗА № 1 на вуліцы Валадарскага ў Мінску.
Емельянаву прысудзілі 4 гады пазбаўлення волі.
11 сакавіка 2020 году дадалі яшчэ два гады за злоснае непадпарадкаванне патрабаванням адміністрацыі папраўчай установы за парушэнне правілаў унутранага распарадку.
Беларуская бібліятэка ў Лондане зрабіла даступнымі праз магчымасці інтэрнэт-рэсурсаў рукапісы, асобнікі ранніх выданняў Янкі Купалы і арыгінальныя ілюстрацыі мастака Барыса Заборава да твораў песняра.
Гэты беларускі даробак апублікаваны на сайце бібліятэкі і музею імя Францыска Скарыны. Ён азагалоўлены святкуем 140-годзьдзе Янкі Купалы.
«Лінагравюра Барыса Заборава «Янка Купала», ілюстрацыя да зборніку «Выбраная лірыка» (Менск, 1967), падараваная Скарынаўскай бібліятэцы аўтарам», – гаворыцца ў прэзентацыйнай частцы публікацыі.
Беларуская бібліятэка і музей Францыска Скарыны – адзіная ўстанова такога кшталту за межамі Беларусі. На працягу дзесяцігоддзяў яна спрыяла развіццю беларусістыкі ва ўсім свеце. Усе яе фонды знаходзяцца ў вольным доступе для добрасумленных навукоўцаў, якія цікавяцца Беларуссю.
10 ліпеня 1067 года полацкі князь Усяслаў Брачыславіч трапіў у палон да кіеўскіх князёў Яраславічаў.
У зняволенні быў больш за 14 месяцаў. Падчас паўстання яго вызвалілі і абвясцілі Вялікім князем кіеўскім. У Кіеве на велікакняжацкай пасадзе Усяслаў прабыў 7 месяцаў, а пасля вярнуўся ў Полацк.
У Полацку валадарыў – 54 гады. Займеў мянушку Чарадзей.
Адстойваў і пашыраў Полацкае княства. Падчас яго княжання быў пабудаваны Полацкі Сафійскі сабор – найранейшае манументальнае архітэктурнае збудаванне ў Беларусі. Адзін з герояў «Слова пра паход Ігараў» і ўсходнеславянскага фальклору.
10 ліпеня 1781 года нарадзіўся Антон Марціноўскі.
Выдавец і публіцыст, апякун здольнай моладзі.
Адзін з арганізатараў Віленскага друкарскага таварыства, літаратурна-грамадскага аб’яднання шрубаўцаў, рэдактар «Вулічныя навіны», «Dziennik Wileński», уладальнік друкарні, у якой друкаваліся «Статут ВКЛ» (1819), літаратурныя творы.
Марціноўскі лічыцца, для часу, якім жыў, узорам новага тыпу патрыёта Беларусі: быўшы палякам, любіць Беларусь, а быўшы беларусам, любіць Польшчу.
10 ліпеня 1856 года нарадзіўся Нікола Тэсла.
Фізік, вынаходнік у галіне электрычнасці, магнетызму і электратэхнікі.
Першым звярнуў увагу на фізіялагічнае ўздзеянне токаў высокай частаты, публічна прадэманстраваў бесправаднае перадаванне высокачастотнага току на лямпы і рухавікі.
Быў ключавой фігурай пры будаўніцтве першай гідраэлектрастанцыі на Ніягарскім вадаспадзе. Адзінка вымярэння магнітнай індукцыі ў сістэме СІ носіць назву ў гонар даследчыка.
Распрацаваў прынцыпы дыстанцыйнага кіравання, асновы лячэння токамі высокай частаты, стварыў першыя электрычныя гадзіннікі, рухавік на сонечнай энергіі, машыну-тэлепартатар.
10 ліпеня 1900 года нарадзіўся Пётра Сергіевіч.
Мастак, актыўны дзеяч беларускага адраджэння.
Заслужаны дзеяч мастацтваў Літвы (1965).
Яго творчасць вызначаецца прасякнутая цікаўнасцю да самабытнасці беларускай народнай культуры, рамантычнасцю.
Яго творы прысвечаны беларускім гістарычным асобам. Значнае месца ў творчасці займалі купалаўская тэма, жыццё Заходняй Беларусі.
10 ліпеня 1942 года нарадзіўся Пётр Клімук.
Беларускі касманаўт палітычны дзеяч.
Адзначаны вялікай колькасцю савецкіх узнагарод. У трэцім палёце ў космас у 1978 годзе адправіўся разам з польскім касманаўтам Міраславам Гермашэўскім.
Пётр Клімук аўтар дзвюх кніг пра касмічныя палёты – «За зорамі» і «Атака на бязважкасць».
10 ліпеня 1994 года Аляксандр Лукашэнка стаў кіраўніком Беларусі.
Пасля масавых пратэстаў 2020 году і пачатку палітычнага крызісу ў Беларусі яго статус застаецца нявызначаным. Краіны захаду не прызнаюць яго прэзідэнтам. За час кіраўніцтва Беларусь апынулася ў міжнароднай ізаляцыі і ўспрымаецца, як саўдзельніца поўнамаштабнай вайны Расіі супраць Украіны.
У публікацыі выкарыстаныя звесткі з рэсурсу “Вікіпедыя” і з іншых адкрытых у інтэрнэце крыніц
На «мінскім», як упарта працягваюць называць гэты рынак магілёўцы, можна вывучаць геаграфію, якая, аднак, уступае ў канфлікт з тым, што ляжыць у кашальку.
Наведнікаў рынку дзівіць, што сярод вялікага выбару садавіны ды гародніны, ёсць прадукцыя з Украіны, дзе шугае вайна.
Але, за яе просяць значна больш, чым за тавар, прывезены з далейшых краёў. З Украіны вязуць чарэшні, херсонскія памідоры.
З пабачанага на мясцовых прылаўках самымі таннымі былі «гурочкі» са Шклова. Некалі ў гэтым райцэнтры кожная сядзіба мела парнікі, дзе гадаваліся гуркі.
Нават тутэйшая гасцініца названая «Раднічком», у гонар аднаго з гурочных гатункаў. На пляцоўцы ля Дому культуры стаіць скульптура гурка. Цяпер тыя часы ў мінулым і гуркі расцяць з большага для сябе, а не на продаж.
Нямала садавіны з цяплейшых куткоў Беларусі, пераважна, з Берасцейшчыны.
Багата зяленіва з далёкіх краёў – Туркменіі, Арменіі, Турцыі, Узбекістану.
Выбар ёсць, але пытанне ў тым, што мае пакупнік у гаманцы.
У чэрвені было прададзена больш новых легкавых аўтамабіляў, чым у маі. У параўнанні з мінулым годам продажы скараціліся на траціну.
Пра гэта піша рэсурс Myfin, спасылаючыся на звесткі Беларускай аўтамабільнай асацыяцыі.
Паводле яе, у чэрвені набыта 1113 легкавікоў, што амаль у 2,5 разы больш, чым месяцам раней.
Прагнозы на бліжэйшую перспектыву не радуюць. У другім паўгоддзі на кошт новых аўтамабіляў можа ўплываць іх дэфіцыт, лічаць у Беларускай аўтамабільнай асацыяцыі.
Паводле яе на беларускім рынку прадстаўленыя пераважна машыны, вырабленыя ў Расіі, альбо ўвезеныя з гэтай краіны. Іх кошт залежыць ад цаны расійскага экспарцёра і суадносінаў двух нацыянальных валют.
У Беларуская аўтамабільнай асацыяцыі лічаць, каб прадухіліць далейшае павышэнне кошту на легкавікі, трэба вярнуцца да паставак машын наўпрост ад замежных вытворцаў.
Рэестр небяспечнай прадукцыі Дзяржстандарт папоўніў двума відамі марозіва і алеем.
Эскімо з міндалем «Перара Айс», а таксама арахісавае эскімо«НУК БАР» гандлёвай маркі «LOTTE» не адпавядаюць патрабаванням тэхнічнага рэгламенту Мытнага саюзу, гаворыцца ў тэлеграм-канале «Безопасность и Качество».
У паведамленні не пазначаная краіна паходжання прадукцыі.
У інтэрнэце пашукавік вывеў на сайт паўднёвакарэйскай кампаніі LOTTE Group. Яна вырабляе больш за 200 прадуктаў і прадае яе ў больш чым 70 краінах свету.
Марозіва ж на беларускі рынак паставіла акцыянернае таварыства «Віталюр» з Мінскага раёну.
Тэлеграм-канал «Безопасность и Качество таксама інфармуе, што не адпаведным тэхнічным патрабаванням прызнаны сланечнікавы алей «Владовское». Як выявілі спецыялісты Дзяржстандарту гэтая прадукцыя не з’яўляецца алеем вышэйшага гатунку, як заяўляе вытворца.
Алей вырабілі ў Стаўрапольскім краі. На расійскім сайце «декларации-соответствия» сцвярджаецца, што алей адпавядае патрабаванням Еўразійскага эканамічнага саюзу.
8 ліпеня 1812 года войскі напалеонаўскага маршалу Даву без бою ўвайшлі ў Магілёў.
Напярэдадні з гораду збегла расійская адміністрацыя губерні, частка святароў.
Праваслаўны архібіскуп Варлаам прысягнуў Напалеону.
Французскія войскі занялі плошчу перад ратушай, дзе маршала Даву са світай вітаў кіраўнік губернскага дваранства Кроер.
wikimedia.org
8 ліпеня 1861 года нарадзілася Магдалена Радзівіл.
Арыстакратка, дзяячка беларускага культурнага руху, мецэнатка.
Спансавала беларускія выданні. Адкрывала школы для беларусаў.
У 1917 годзе ахвяравала дыяментавае калье на заснаванне беларускай грэка-каталіцкай калегіі ў Рыме. У 1924 годзе яно было прададзенае ксяндзом Фабіянам Абрантовічам за 15 тысяч амерыканскіх долараў, а грошы былі перададзеныя ва ўласнасць беларускім айцам-марыянам у Дру.
Быўшы ў эміграцыі дапамагала беларускім арганізацыям у Заходняй Беларусі, літоўскаму і яўрэйскаму культурным рухам.
У ліпені 2017 года прах Магдалены Радзівіл быў прывезены ў Мінск і перададзены касцёлу святых Сымона і Алены. 17 лютага 2018 года яго пахавалі ў касцёле Найсвяцейшай Тройцы на Залатой Горцы ў Мінску.
wikimedia.org
8 ліпеня 1949 года нарадзіўся Уладзіслаў Завальнюк.
Каталіцкі святар, беларускі рэлігійны і культурны дзеяч.
Змагар за вяртанне беларускіх каталіцкіх святынь у Мінску, паслядоўна праводзіў беларусізацыю каталіцкай царквы ў Беларусі.
wikimedia.org
8 ліпеня 1993 года распачаў працу I зʼезд беларусаў свету.
Праходзіў у Мінскім тэатры оперы і балета з ініцыятывы Згуртавання беларусаў свету «Бацькаўшчына».
Быў скліканы з мэтаю абʼяднання беларусаў свету і арганізацыйнага афармлення сусветнай беларускай супольнасці як новай грамадскай структуры на карысць нацыянальнага адраджэння і будаўніцтва самастойнай беларускай дзяржавы.
Прыняў Дэкларацыю аб прынцыпах дзяржаўнага будаўніцтва Беларусі, звароты да беларускага народу, замежных беларусаў да сваіх суайчыннікаў на Бацькаўшчыне, да парламента і ўрада Беларусі, да Вярхоўнага Савету Беларусі аб устанаўленні мемарыяльнай дошкі на будынку, дзе была абвешчана Беларуская Народная Рэспубліка.
У Зьездзе ўдзельнічалі 486 дэлегатаў з замежжа, 510 дэлегатаў з Беларусі і больш за 200 гасцей.
opt-1794691.ssl.1c-bitrix-cdn.ru
У публікацыя выкарыстаныя звесткі рэсурсу “Вікіпедыя” і іншых адкрытых у інтэрнэце крыніц
Магілёўскі дзяржаўны медычны каледж адлічвае сваю гісторыю ад 1865 году, калі была адкрыта павівальная школа, як самастойная навучальная ўстанова. Для яе тады выдзелілі асобны будынак. Вучыліся ў ёй жанчыны векам ад 20 да 35 гадоў. На кожны курс прымалася 18 чалавек: 14 сялянак і 4 вольнаслухальніцы з аплатай па 40 рублёў за курс навучання.
На сайце вучэльні значыцца і яшчэ адна дата. У 1847 годзе, паводле некаторых крыніц, пры мясцовай больніцы сталі рыхтаваць павітух – спэцыялістак-акушэрак, здольных прымаць роды. Іх вучылі ў «родадапаможнай» школе.
Гэтая дата пазначаная на памятным знаку першай. Выходзіць, што вучэльня збіраецца адзначыць 175 гадавіну сваёй гісторыі. І, да гэтага юбілею прымеркавалі ўсталяванне памятнага знаку.
Этапы станаўлення вучэльні пазначаны на табліцы, прымацаванай да вялізнага каменя.
Памятны знак паставілі ў баку ад гістарычнага будынку вучэльні на вуліцы Карла Маркса. Камень з табліцай побач з домам, у якім некалі вучыліся кадэты. Іх перасялілі ў іншае месца, а будынак аддалі будучым медыкам.
На сайце вучэльні заяўлена, што каледж найстарэйшы і адзін з самых прэстыжных медычных каледжаў Еўропы.
У Бялыніцкім лясгасе падраблялі накладныя і сумысля завышалі нормы расходавання сыравіны на вытворчасць піламатэрыялаў, каб утоіць прапажу прадукцыі. Сума шкоды ацэненая ў 33 тысячы рублёў (амаль 12 тысяч долараў).
Гэтыя парушэнні выявілі кантралёры яшчэ ў сакавіку. Як вынікае з публікацыі інфармацыйнага агенцтва «Белта» адміністрацыя паабяцала сплаціць шкоду і скарысталася хітрыкамі.
Частка шкоды ў 10,5 тысяч рублёў была кампенсаваная за кошт выдачы прэміяў работнікам, якія не былі прыналежныя да выкрытых парушэнняў. Гэтыя прэміі ў іх забіралі, а далей накіроўвалі на пагашэнне шкоды.
Імя кіраўніка лясгасу не называецца. На сайце прадпрыемства пазначана, што ў ім начальствуе Аляксандр Ходас.
У 2016 годзе ў інтэрв’ю Беларускай лясной газеце на пытанне пра поспехі аднаго з падраздзяленняў лясгасу адказаў: «Галоўнае ў працы прадпрыемства – гэта атрыманне прыбытку ад вырабленай прадукцыі і скарачэнне затрат на яе вытворчасць».
7 ліпеня 1572 года памёр Жыгімонт Аўгуст (1520-1572).
Кароль польскі і вялікі князь ВКЛ, апошні з дынастыі Ягелонаў.
Знешняя палітыка Жыгімонта Аўгуста была накіравана на захаванне мірных стасункаў з суседнімі дзяржавамі.
Унутраная палітыка – на паляпшэнне становішча і павелічэнне ўплыву сярэдняй шляхты.
Праводзіў палітыку талерантнасці ў адносінах да ўсіх канфесіяў. Пацвердзіў роўнасць правоў праваслаўнага і каталіцкага баярства Вялікага Княства Літоўскага. Дазволіў дзейнасць езуітаў у Польшчы і Літве.
Зацвердзіў Статут Вялікага Княства Літоўскага.
Падтрымліваў мастакоў, архітэктараў, музыкантаў, актораў. Яго ўладарства было перыядам росквіту Рэнесансу ў Літве.
wikimedia.org
7 ліпеня 1633 года памёр Леў Сапега.
Уплывовы дзяржаўны дзеяч Вялікага Княства Літоўскага і Польшчы.
Сапега падтрымліваў ідэю царкоўнай уніі ў Літве, бо лічыў, што рэлігійнае адзінства спрыяе ўмацаванню дзяржавы і пазбаўляе ад унутраных канфліктаў.
Быў катэгарычным праціўнікам гвалту як сродку ўмацавання веры. Сам перайшоў з праваслаўя ў кальвінізм, а ў 1588 прыняў каталіцтва.
Ахвяраваў сваю маёмасць на ўтрыманне арміі Вялікага Княства.
Фундатар выдання трэцяй рэдакцыі Статута ВКЛ.
Помнікі Льву Сапегу стаяць у Лепелі і Слоніме.
wikimedia.org
7(18) ліпеня 1708 года Магілёў заняты войскамі Карла XII.
На горад накладзеныя абавязкі на ўтрыманне войска.
Кожны з 15 кварталаў горада штодня павінен быў шведам па 312 пудоў хлеба і 960 гарнцаў (3 тыс. літраў) піва.
Шведы вывезлі з гораду больш за 9 пудоў срэбра.
За 5 тыдняў валадарання знішчылі 1700 жылых дамоў.
Войскі шведаў стаялі на правым беразе Дняпро ля Буйніцкага манастыра – гэта частка называецца «Карлава Даліна».
pikabu.ru
7 ліпеня 1869 года нарадзіўся Лявон Вітан-Дубейкаўскі (1869-1940).
Палітычны і грамадскі дзеяч, паэт, інжынер і архітэктар.
Збіральнік беларускага фальклору. Кіраваў аднаўленнем каталіцкіх храмаў у Мсціславе, Магілёве, Воршы, Крычаве, Свіслачы, Смальянах.
Член Беларускага нацыянальнага камітэту, галоўны архітэктар Беларускай Народнай Рэспублікі.
Нарадзіўся ў вёсцы Дубейкава пад Мсціславам.
wikimedia.org
7 ліпеня 1887 года нарадзіўся Марк Шагал (1887-1985).
Сусветна вядомы беларускі, яўрэйскі і французскі мастак.
Стваральнік Віцебскай народнай мастацкай школы, афарміцель спектакляў маскоўскага Камернага яўрэйскага тэатру.
Жыў у Парыжы, ЗША.
У Віцебску працуе мемарыяльны Дом-музей Марка Шагала, ёсць вуліца і праезд яго імя, у Іерусаліме названа плошча.
Нарадзіўся ў Лёзна, Віцебская вобласць. Магчыма яго продкі Сегалы жылі на Школішчы (Падміколлі) ў Магілёве. Існуе версія, што прадзед мастак Хаім Сегал распісаў драўляную халодную сінагогу ў Магілёве.
karavan.ua
7 ліпеня 1892 года памёр Іван (Ян) Чэрскі.
Геолаг, географ, удзельнік паўстання Кастуся Каліноўскага.
Даследчык Сібіры, заснавальнік байкалазнаўства, уладальнік трох Залатых медалёў Рускага геаграфічнага таварыства.
У гонар яго названы: хрыбты ва Усходняй Сібіры, у Забайкаллі, пасёлак у Якуціі, а таксама вуліцы ў гарадах Літвы, Украіны, Польшчы.
У беларускім Верхнядзвінску, і вёсцы Валынцы працуюць музей і экспазіцыі ў гонар Чэрскага. Яго імя носіць Іркуцкае таварыства беларускай культуры.
Памёр падчас экспедыцыі па Калыме.
wikimedia.org
7 ліпеня 1961 года нарадзіўся Вінцук Вячорка.
Мовазнаўца, журналіст, палітык і грамадскі дзеяч.
Адзін з стваральнікаў і кіраўнікоў моладзевых груп і арганізацый «Майстроўня», «Талака», Канфедэрацыі беларускіх маладзёжных аб’яднанняў, няўрадавай арганізацыі – Цэнтр «Супольнасць», старшыня працоўнай групы Асамблеі няўрадавых арганізацый Беларусі.
Быў старшынём руху і партыі БНФ.
ruski.radio.cz
У публікацыі выкарыстаныя зьвесткі з рэсурсу “Вікіпедыя” і іншых адкрытых у інтэрнэце крыніц
