Як паведамляе абласная вайсковая адміністрацыя горада Запарожжа, сёння рааніцай па шматпавярховым жылым будынку ўдарылі дзве ракеты расійскіх войскаў. Некалькі выбухаў ракет прагучалі ў горадзе і на выспе Хорціца ў 11.20. Па непацверджаных дадзеных адна з ракет патрапіла ў вугал аднаго жылога дома і зачапіла другі. Другая ракета, верагодна, не разарвалася і засела ў даху будынка. На месцы падзення ракет праводзяцца выратавальныя і эвакуацыйныя работы. Пра пацярпелых пакуль невядома.
Фота: Тэлеграм-канал вайсковай адміністрацыі горада Запарожжа.
Tag: Запорожье
У Запарожжы працягваюць шукаць людзей пад заваламі разбуранага дома
Расійскія войскі атакавалі Запарожжа ў ноч на 2 сакавіка, адна з ракет патрапіла ў шматпавярховы жылы будынак. Зараз працягваецца выратавальная аперацыя.
У выніку прылёту ў адным з раёнаў Запарожжа быў зруйнаваны шматпавярховы жылы будынак. Пошукава-ратавальныя работы працягваюцца – піша рэсурс 061.ua. Вайскоўцы выратавалі пад заваламі 11 чалавек. З-пад разбураных будаўнічых канструкцый былі дэблакіраваны 2 загінулых.
10 чалавек лічацца прапаўшымі без вестак, у тым ліку 1 дзіця. Зараз у бальніцах горада знаходзяцца 7 чалавек, у прыватнасці – цяжарная жанчына, якую разам з мужам выратавалі з абваленай кватэры на 4-м паверсе.
Фота з адкрытых крыніц.
Ва Украіне ўтварылася міннае поле, большае за Беларусь па памерах
Тэрыторыя 250 тысяч квадратных кіламетраў замінавана сёння ва Украіне. “Цяпер гэта найбуйнейшае міннае поле ў свеце” – заявіў прэм’ер-міністр краіны Дзяніс Шмыгал.
Летам 2022 года асацыяцыя сапераў Украіны распавяла пра міннае поле ў 133 тысячы квадратных км. Восенню дзяржаўная служба Украіны ў экстраных сітуацыях ацэньвала плошчу, якая патэнцыйна забруджаная мінамі, як 300 тысяч квадратных метраў. км. (палова тэрыторыі Украіны).
250 тысяч замінаваных квадратных кіламетраў – гэта тэрыторыя, большая за плошчу ўсёй Беларусі (206,7 тысячы кв. км.). Памер знявечанай тэрыторыі перавышае, напрыклад, плошчу ўсяго Карэйскага паўвострава (каля 221 000 кв. км.), Лаоса ці Румыніі (кожная – каля 238 000 кв. км.), Вялікабрытаніі і Паўночнай Ірландыі ( 244 000 кв. км.).
Раней моцна замінаваны былі рэгіёны Кіеўскай, Чарнігаўскай, Сумской, Мікалаеўскай, Адэскай абласцей. У рэгіёне Херсоншчына і Міколаеўшчына цяпер актыўна працягваецца ачышчэнне замінаваных тэрыторый ад выбуховых аб’ектаў. Размінаванню падлягаюць каля 7 тысяч кіламетраў тэрыторыі Херсоншчыны і да 1,5 тысяч – Мікалаеўшчыны. Цяпер самымі замінаванымі з’яўляюцца ўсходнія і паўднёвыя рэгіёны Украіны – Запарожская, Данецкая, Луганская, Харкаўскай, Херсонская вобласці.
Замінаваная тэрыторыя ўяўляе сабой не толькі вялікую небяспеку для людзей, але і стварае сур’ёзныя праблемы для сельскай гаспадаркі – аднаго з асноўных сектараў украінскай эканомікі.
Эксперты ацэньваюць час, які неабходны на размінаванне тэрыторыю краіны ў 5–7, а магчыма і 10 гадоў.
Фото: ДСНС Харкаўськай вобласці.
Пахавалі немаўлятка, якога забіла расійская ракета ў радзільным аддзяленні на Запарожжы
У Вальнянску Запарожскай вобласці пахавалі нованароджанага хлопчыка, забітага ў выніку пападання расійскай ракеты ў радзільнае аддзяленне бальніцы. Пра гэты вусцішны выпадак ваеннага злачынства пісалі Магілёў.media.
Хлопчыку па імені Сяргей было ўсяго два дні. Маці толькі што скончыла яго карміць і паклала спаць у ложачак побач з сабой, калі ракета ўрэзалася ў лякарню.
Фота: Хэйдзі Левін
Расійскія войскі абстралялі радзільню на Запарожжы, загінуў нованароджаны хлопчык
У радзільным аддзяленні ў паселішчы Вальнянск Запарожскай вобласці ўсяго знаходзіліся тры чалавекі – доктар, маці і немаўля, народжаны два дні таму. Хлопчык загінуў у выніку абстрэлу Вальнянска расійскімі ракетамі – паведамляе намеснік кіраўніка Офіса прэзідэнта Украіны Кірыл Цімашэнка. Мужчына і жанчына засталіся жывымі, іх вызвалілі з-пад завалаў ратавальнікі.
Вайна ва Ўкраіне. Абстраляныя Запарожжа і памежныя вёскі Сумскай вобласці
Памежныя паселішчы Сумскай вобласці зазнаюць атакі штодня. Рэгіён мяжуе з трыма расійскімі абласцямі. Адтуль і абстрэльваюць Украіну.
Цягам 12 гадзінаў мінулага дня па тутэйшых мясцінах расійскія войскі выпусцілі больш за 200 мін і снарадаў. Два чалавекі атрымалі раненні. У адной з вёсак цалкам знішчана інфраструктура.
Паводле старшыні абласной ваеннай адміністрацыі Дзмітрыя Жывіцкага расіяне стралялі па пасёлках дзясятка раёнаў.
images.unian.net
Ён кажа, што ў выніку абстрэлу Новаслабадской грамады параненыя два чалавекі з адной сям’і. Міна пацэліла ў іхны дом. У сяле пашкоджаныя прыватныя дамы і гаспадарчыя пабудовы, параненая свойская жывёла, піша інфармацыйнае агенцтва «УНІАН».
Па словах Жывіцкага, у вёску, дзе знішчана ўся мясцовая інфраструктура, прыляцела блізу паўсотні мінаў. Адбыліся пажары ў будынках вучэльні, школы ды дзіцячага садка. Паводле папярэдняй інфармацыі, пацярпелых няма.
static.ukrinform.com
Уначы 28 жніўня расіяне стралялі па Запарожжу. Былі атакаваны два раёны і цэнтр. Ракеты пацэлілі ў жылыя будынкі і інфраструктурныя аб’екты. Двое чалавек параненыя.
Паводле сакратара Запарожскага гарадскога савету Аляксандра Старуха, па горадзе было выпушчана 16 ракет, паведамляе «УНІАН».
Абстраляны быў і гарадскі цэнтр Харкава. Там абышлося без ахвяр.