Навіны пабрацімаў. Расія атакавала Мікалаеўскую вобласць. Абышлося без ахвяраў

Расійскія войскі ўдарылі па абласным цэнтры і паселішчах рэгіёну ўначы. У выніку абстрэлу пашкоджана прамысловае прадпрыемства на ўскраіне Мікалаева. Паводле папярэдніх дадзеных, пацярпелых няма.

Напярэдадні, у Ачакаве расіяне ракетамі разбурылі элеватар і знішчылі некалькі тысяч тон збожжа. Пашкоджаныя дзясяткі дамоў. Пацэліў снарад і ў праваслаўны храм.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.


Старшыня Мікалаеўскай абласной ваеннай адміністрацыі Віталь Кім напісаў, што 5 верасня па горадзе стралялі ракетамі С-300.

 novosti-n.org

4 верасня, расійскія войскі атакавалі Ачакаў, горад у Мікалаеўскай вобласці. Пра наступствы нападу паведаміў у відэазвароце намеснік мэра Аляксей Васькоў.

«У Ачакаве сённяшняя раніца выдалася зусім нядобрай. Разбураны элеватар у Ачакаве, знішчана некалькі тысяч тон збожжа. Цяпер нашы камунальнікі разбіраюць завалы. Таксама пашкоджаныя дзясяткі дамоў», – апавядае ён у відэазвароце. Паводле яго, «пацярпелых, на шчасце, няма».

niknews.mk.ua

Старшыня абласнога савету Ганна Замазеева напісала, што на 5 жніўня ў шпіталях Мікалаева перабываў 501 грамадзянін, які трапіў на бальнічны ложак праз расійскія абстрэлы рэгіёну.


Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Навіны пабрацімаў. Мясцовую ўладу Краславы заклікаюць знайсці іншую назву вуліцы імя Церашковай

Да муніцыпалітэту Краслаўскага павету звярнуўся Цэнтр грамадскай памяці. Ён вызначыў больш за 90 вуліц у латвійскіх гарадах, названых у гонар савецкіх дзеячаў і якія, лічыць ён, павінны быць змененыя. Перайменаванне яшчэ 50 вуліц мае быць вынесена на грамадскае абмеркаванне.

Неабходнасць перайменавання вуліц у латвійскіх гарадах актуалізавала поўнамаштабная вайна Расіі супраць Украіны. Іх назвы атаясамляюцца з савецкай спадчынай, якую ўспрымаюць у краіне за акупацыйную.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці


Прыняцце рашэння аб пераназванні вуліц – прэрагатыва органаў мясцовай улады, піша агенцтва TVNET/LETA

У Цэнтры грамадскай памяці лічаць, што вуліцы імя Церашковай у латвійскім горадзе не павінна быць. У ім адзначаюць, што Валянціна Церашкова – уплывовы дзеяч расійскай вертыкалі ўлады:

– Давераная асоба прэзідэнта Пуціна і генерал-маёр Узброеных Сіл Расійскай Федэрацыі;

– Дэпутат Дзяржаўнай думы;

– Намесніца старшыні Камісіі па замежных справах;

– Член калегіі Міністэрства замежных справаў;

– Член Вышэйшага савету кіроўнай партыі «Адзіная Расія».

На зварот Цэнтру грамадскай памяці самакіраванне Краслаўскага павета і мэр Краславы Гунарс Упеніекс не адказалі. 


Краслава – пабрацім гораду Горкі. Дамова аб пабрацімстве была падпісаная ў 2013 годзе на II Латвійска-беларускім форуме гарадоў пабрацімых у Даўгаўпілсе.

Краслава – адміністрацыйны цэнтр Краслаўскага краю. Знаходзіцца на паўднёвым усходзе краіны, на рацэ Дзвіна – за 4 км ад чыгуначнай станцыі Краслава на лініі Даўгаўпілс – Полацк. Насельніцтва 10 тысяч чалавек. Традыцыйная беларуская назва – Краслаўка, Краслаў.


 

Навіны пабрацімаў. У Мікалаеве расійскім абстрэлам разбураная школа (фота)

За час поўнамаштабнай расійскай агрэсіі супраць Украіны ў Мікалаеве зазналі абстрэлы 49 мясцовых школ. З іх 4 разбураныя часткова або цалкам.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці


Апошнюю навучальную ўстанову, атакаваную расіянамі, інспектаваў мэр гораду Аляксандр Сянкевіч. На яе тэрыторыі ўзарваліся тры ракеты. Частка будынку цалкам разбурана, у астатняй – выбітыя вокны, дзверы, пашкоджаная маёмасць, піша Сянкевіч у сваім тэлеграм-канале. Па яго словах, да магчыма абстрэлу школу падрыхтавалі.

«Уся дарагая аргтэхніка са школы была эвакуявана аддзелам адукацыі ў першыя дні поўнамаштабнай вайны. У цяперашні час адтуль вывезена ўся ацалелая мэбля і навучальныя матэрыялы. Цяпер спецыялісты МНС (Міністэрства надзвычайных сітуацыяў – ММ) разбураць адну сцяну, аварыйную і небяспечную. На час вайны школу зачынілі» – адзначае  Сянкевіч.

Паводле яго, для педагагічнага калектыву, які застаўся ў горадзе, арганізуюцца працоўныя месцы ў іншых установах.

Тым часам, 68 мясцовых выпускнікоў здалі шматпрадметнае тэставанне на 200 балаў (максімальны паказчык ва Ўкране), паведамляе выданне Inshe.tv. Паводле яго, многія выпускнікі здалі рэспубліканскае шматпрадметнае тэставанне на бал, блізкі да максімальнага.


Пабрацімства Мікалаева з Магілёвам было замацаванае дамовай у 2009 годзе. 

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: t.me/senkevichonline

Навіны пабрацімаў. Улады Даўгаўпілсу не плануюць пераймяноўваць вуліцы, бо «няма жадання і свабодных сродкаў»

Прапанаваў мясцовай уладзе і мэру Даўгаўпілсу перайменаваць 15 мясцовых вуліц актывіст з Рыгі Дзідзіс Шэнбергс. Сваю ініцыятыву ён абгрунтаваў неабходнасцю «асуджэння камуністычнага рэжыму» і «спынення праслаўляць русіфікацыю».


Пішам, як вайна ва Ўкраіне ўплывае на жыццё еўрапейскіх гарадоў,
якія маюць партнёрскія дачыненні з гарадамі Магілёўскай вобласц


Руплівец лічыць, што вуліцы латвійскага гораду павінны быць названыя ў гонар знаных выхадцаў з Даўгаўпілсу, а таксама асобаў з культурнага канону Латвіі. На ягоны погляд, вартыя пераназвання вуліцы імя Пушкіна, Лермантава, Ламаносава, Дастаеўскага, Чэхава, а таксама тыя, у назвах якіх згадваюцца расійскія гарады, піша  газета «Наш горад».

«На гэта няма ні жадання, ні вольных сродкаў. У нашага гораду вялікая гісторыя!», – адрэагаваў на ініцыятыву Шэнбергса мэр Даўгаўпілса Андрэй Элксніньш на сваёй старонцы ў Facebook, адзначае  рэсурс «Наш горад».

«Перайменаванне вуліц у Даўгаўпілсе ўжо адбывалася ў 90-х гадах, – адзначыў кіраўнік гарадской адміністрацыі далей. – Не бачу падстаў зноў уздымаць гэтае пытанне. Эканоміка краіны і гарадоў павінны развівацца для стварэння новых вуліц, а не займацца маляваннем назваў «па версе».

Публічна пра Дзідзіса Шэнбергса вядома, што ён быў дарадцам і парламенцкім сакратаром у некалькіх міністэрствах, піша выданне «Delfi». У 2018 годзе ён балатаваўся ў парламент ад партыі «Новае Адзінства», але не быў абраным.


Даўгаўпілс горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.


фота з рэсурсу: hgorod.lv

Навіны пабрацімых. Скандал з мэрам Даўгаўпілсу не сунімаецца. Не выключана, што яго здымуць з пасады

Удзел Андрэя Элксніньша ў святкаванні Дня незалежнасці Беларусі, арганізаваным яе Генеральным консульствам у Даўгаўпілсе выклікаў хвалю абурэння і крытыкі. Сам ён вінаваціць прэсу ў тым, што яна з яго зрабіла «здрадніка дзяржавы».


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці


Латвійская прэса піша пра магчымую адстаўку з пасады мэра Даўгаўпілса Андрэя Элксніньша. Ініцыяваць вызваленне з пасады можа Міністр аховы навакольнага асяроддзя і рэгіянальнага развіцця Артур Том Плешс, піша выданне Press.

 

«Гэта нацыянальная пагроза»

Міністр унутраных спраў Крыстап Эклонс заяўляе, што ўдзел Элксніньша ў імпрэзе беларускага консульства «вельмі дрэнны сігнал для латвійскага грамадства, які ніяк не садзейнічае згуртаванню і нацыянальнай бяспецы».

press.lv

Старшыня Камісіі нацыянальнай бяспекі парламенту Марыс Кучынскіс лічыць, што з гледзішча дзяржавы гэта нацыянальная пагроза.

«Гэта вельмі дрэнна, таму што жыхары муніцыпалітэта раўняюцца на свайго лідара, для іх яго вядомасць і папулярнасць нашмат вышэй, чым ва ўрада ці парламента», – адзначае ён.

Кучынскіс указвае, што ў доўгатэрміновай перспектыве пажадана ўзмацніць жорсткасць заканадаўчыя патрабаванні да кіраўнікоў буйных гарадоў, гэта значыць пры прыняцці рашэння аб допусках да працы з дзяржаўнай таямніцай.

press.lv

 

“Не адпавядае інтарэсам нацыянальнай бяспекі Латвіі”

Тым часам Служба дзяржаўнай бяспекі Латвіі папярэджвае, што асаблівы інтарэс у спецслужбаў Беларусі і Расіі выклікаюць службоўцы, якія валодаюць сакрэтнымі звесткамі, або іншай інфармацыяй аб Латвіі і яе саюзных краінах, даступнай абмежаванаму колу асобаў, піша Press.

«У цяперашняй геапалітычнай сітуацыі ўдзел латвійскіх дзяржаўных і мясцовых органаў улады ў мерапрыемствах, арганізаваных дзяржавай-агрэсарам Расіяй або яе найбліжэйшым саюзнікам Беларуссю, не адпавядае інтарэсам нацыянальнай бяспекі Латвіі», – цытуе заяву спецслужбы Латвіі выданне.

“СМІ зрабілі здраднікам дзяржавы”.

Андрэй Элксніньш разам з іншымі кіраўнікамі гораду адзначаў афіцыйны Дзень незалежнасці Беларусі на закрытай імпрэзе ў адным з мясцовых рэстаранаў. Арганізавала імпрэзу генеральнае консульства Беларусі ў Даўгаўпілсе, высветліла выданне  «Chayka».

«Як мэр гораду, я паважаю ўсе структуры, юрыдычныя або прыватныя, якія ў нашым горадзе працуюць і аказваюць для нашых жыхароў пэўнага роду паслугі, у дадзенай сітуацыі – консульскія, і я ніяк не магу ігнараваць, што на тэрыторыі самакіравання дадзены суб’ект існуе. Мой візіт сюды непасрэдна звязаны з тым, што ў Даўгаўпілсе працуе беларускае консульства», – тлумачыў выданню сваю прысутнасць на імпрэзе Андрэй Элксніньш.

У адказ на крытыку Андрэй Элксніньш у сацыяльных сетках напісаў, што СМІ зрабілі з яго здраднікам дзяржавы.

 

Мэр Даўгаўпілсу на імпрэзе да Дня незалежнасці Беларусі, разгараецца скандал. Мікалаеву замежныя партнёры перадалі камунальную тэхніку. Урад Літвы адобрыў перадачу Украіне ўзбраення, набытага на ахвяраванні


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці


Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.


Мікалаеў, Украіна

Пабрацімства з Магілёвам замацаванае дамовай у 2009 годзе. 31 мая 2022 году мэр Мікалаева заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай. Магілёў. media працягне сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».


6 ліпеня Мікалаеўская вобласць апынулася пад інтэнсіўным ракетным абстрэлам. Атакаваныя дзясяткі тутэйшых паселішчаў. Адно з іх Шырокаўская грамада.

inshe.tv

Інфармацыйнае агенцтва «Інше.ТВ» апублікавала фотаздымкі, як выглядае вёска пасля расійскага нападу. 

«У такіх грамадах застаецца шмат жыхароў – людзей, якія наадрэз адмаўляюцца з’язджаць. Але калі чуеш ад іх: «Усе мы чакаем вызвалення Снягіроўкі, Новапятроўкі і, вядома ж, усёй Украіны», – гэта натхняе!», –  камэнтуе сытуацыю кіраўнік Мікалаеўскага аблсавету Ганна Замазеева.

inshe.tv

Камунальную тэхніку, якая выкарыстоўваецца ў будаўніцтве фартыфікацыйных збудаванняў і разборцы завалаў пасля бамбавання, перадала Мікалаеву арганізацыя ULEAD with Europe.

niknews.mk.ua

Мікалаеўскія камунальнікі дзякуючы ёй разжыліся сучасным пагрузчыкам, 10 генератарамі і 20 бензапіламі, паведамляе выданне «Николаевские новости».

За час поўнамаштабнай вайны арганізацыя актыўна падтрымлівае ўкраінскія грамады.

Нямецкі Дортмунт перадаў Мікалаеву 10 пасажырскіх і грузапасажырскіх мікрааўтобусаў. Іх размяркуюць па камунальных прадпрыемствах гораду.

i.lb.ua

З гэтага нямецкага гораду ў прыфрантавы Мікалаеў даставілі тэхніку для рамонту дарог і тратуараў, паведаміў мэр Мікалаева Аляксандр Сяньковіч.

У Мікалаеве прывязалі да слупа крамнага злодзея.

korabelov.info

Фота з экзекуцыяй разыходзіцца па сацыяльных сетках. Паведамляецца, што мужчына спрабаваў скрасці ў краме піва, піша выданне «Корабелов.инфо».


Клайпеда, Літва

8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.


Урад Літвы адобрыў перадачу Украіне ваеннага беспілотніка « Байрактар » і ўзбраення, набытых на ахвяраванні грамадзян краіны.

Украінскай арміі перададуць беспілотнік і 25 ракет класа «паветра-зямля»: пяць з іх дастаўляць разам дронам. Яшчэ 20 ракет коштам 1,5 млн еўра ўкраінцы атрымаюць дадаткова, паведамляе  агенцтва Delfi.

g3.dcdn.lt

Беспілотнік ацэньваецца ў 4,4 млн еўра, а ўсё ўзбраенне – амаль у 6,3 млн еўра. Дагавор з украінскім войскам аб перадачы маёмасці заключыць Міністэрства абароны.

Турэцкая кампанія па вытворчасці беспілотнікаў «Baykar» вырашыла перадаць беспілотнік пасля таго, як жыхары Літвы сабралі 5, 9 млн еўра Украіне.


Даўгаўпілс, Латвія

Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.


У Даўгаўпілсе разгараецца скандал, у якім замешаны мэр Андрэй Элксніньш. Ён разам з іншымі кіраўнікамі гораду адзначаў афіцыйны Дзень незалежнасці Беларусі на закрытай імпрэзе ў адным з мясцовых рэстаранаў.

Арганізавала імпрэзу генеральнае консульства Беларусі ў Даўгаўпілсе, піша выданьне “Chayka”.

«Як мэр гораду, я паважаю ўсе структуры, юрыдычныя або прыватныя, якія ў нашым горадзе працуюць і аказваюць для нашых жыхароў пэўнага роду паслугі, у дадзенай сітуацыі – консульскія, і я ніяк не магу ігнараваць, што на тэрыторыі самакіравання дадзены субʼект існуе. Мой візіт сюды непасрэдна звязаны з тым, што ў Даўгаўпілсе працуе беларускае консульства», – тлумачыў выданню сваю прысутнасць на імпрэзе Андрэй Элксніньш.

chayka.lv

Прадстаўніца Міністэрства замежных спраў Солвіта Марцінсанэ, адзначае, што Генеральнае консульства Рэспублікі Беларусь у Даўгаўпілсе мае права адзначаць святы. Аднак «латвійскія службовыя асобы павінны старанна ацэньваць свой удзел у такіх мерапрыемствах, улічваючы нелегітымныя выбары Лукашэнкі, рэпрэсіі супраць грамадзянскай супольнасці, гібрыдную атаку на мяжы Латвіі, а таксама агрэсію Расіі ва Украіне», кажа ўрадоўка.

У Службе дзяржбяспекі Латвіі лічаць, што ў існуючай геапалітычнай сітуацыі ўдзел службовых асоб самакіравання ў мерапрыемствах, якія праводзяцца агрэсарам – Расіяй, а таксама яе саюзнікам Беларуссю не адпавядае інтарэсам нацыянальнай бяспекі.

«Такі ўчынак супярэчыць пазіцыі дзяржавы, якая асуджае агрэсію Расіі супраць Украіны і яе жыхароў, а таксама не садзейнічае згуртаванню латвійскага грамадства ў гэтых складаных абставінах», кажуць у Службе дзяржаўнай бяспекі.


Сынжэрэй, Молдова

Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек. У Малдове цягам двух дзён было атрымана больш за 50 паведамленняў аб пагрозах выбыхоў у адміністрацыйных будынках і публічных месцах.


У Малдове  цягам двух дзён было атрымана больш за 50 паведамленьняў аб пагрозах выбухаў у адміністрацыйных будынках і публічных месцах.

Міністр унутраных спраў Ана Рэвенка заявіла, што мэта папярэджанняў аб бомбах стварэнне панікі ў грамадстве з улікам вайны ў суседняй Украіне.

Урадоўка адзначые, што колькасць паведамленняў, якія, як устаноўлена, аказаліся ілжывымі, была беспрэцэдэнтнай.

diez.md

«Нам удалося мабілізаваць усе структуры, падпарадкаваныя МУС, і эвакуяваць усіх грамадзян, якія знаходзіліся ў гэтых памяшканнях», – падае словы Міністра выданне Diez.

Па яе словах зламыснікі маглі выкарыстоўваць людзей, якія не ўяўлялі, да якіх наступстваў гэта можа прывесці.

Ана Рэвенка разлічвае, што парламент краіны скарэктуе з улікам таго, што адбылося заканадаўства, каб адпаведныя органы маглі адпаведным чынам рэагаваць на «нетыповыя» выклікі.