На працягу новага рабочага тыдня ў Магілёўскай вобласці сіноптыкі прагназуюць у асноўным воблачнае з дажджамі, умерана цёплае надвор’е.
Будуць пераважаць вятры паўночна-ўсходнія і паўночныя. Удзень да +25 +31°С, начныя тэмпературы будуць вагацца паміж +12 і +15°С. Працягласць дня з панядзелка да пятніцы падрасце і дасягне максімальнай велічыні – 17 гадзін і 9 хвілін. У канцы працоўнага тыдня сонца ўзыдзе ў 4:27, зойдзе ў 21:39.
Сінаптычны прагноз на панядзелак, 19 чэрвеня.
У ноч з нядзелі на панядзелак да +15°С, раніцай да +23°С, увечары не ніжэй за +19°С. У дзённыя гадзіны паветра прагрэецца да +27°С месцамі да +29 + 31°С.
На працягу сутак будзе воблачна, раніцой і днём вялікая верагоднасць выпадзення дажджоў. Вятры на працягу сутак будуць мяняць свой напрамак з паўднёвага на паўночна-усходні, хуткасць да 2-4 м/с, пры парывах да 6 м/с. Геамагнітнае поле няўстойлівае. Маладзік на небе.
Аўторак, 20 чэрвеня
У аўторак, 20 чэрвеня, уноч і днём пройдуць дажджы, магчымы навальніцы, увечары – воблачна і пераважна без ападкаў. Будуць панаваць зрання паўднёва-заходнія вятры, якія потым памяняюць свой накірунак на паўночна-усходні і ўсходні, хуткасць да 2-5 м/с.
Уноч каля +14°С, раніцай да +20°С, днём тэмпература дасягне рыскі +25°С, месцамі і да +27°С. Да вечара слупок тэрмометра утрымаецца на адзнаке не ніжэй за +19°С. Маладзік.
Серада – воблачная
У сярэдзіне рабочага тыдня, 21 чэрвеня, прагназуецца воблачнае надвор’е, пераважна без ападкаў. Начныя і ранішнія тэмпературы да +12°С, у другой палове дня да +28°С. На працягу сутак прагназуюцца паўночна-усходнія вятры хуткасцю 3-5 м/с. Месяц расце.
Дзень летняга сонцастаяння
У чацвер, 22 чэрвеня, у Дзень летняга сонцастаяння, сіноптыкі прагназуюць воблачнае з дажджамі ў другой палове дня надвор’е. Вецер паўночны, паўночна-ўсходні хуткасцю 3-4 м/с. Ноччу і ўранні да +13°С, у абед і на працягу другой паловы дня +25° +28°С. Месяц расце.
Пятніца – дажджы
У апошні дзень працоўнага тыдня, 23 чэрвеня, па папярэдняму прагнозу будзем чакаць уноч і раніцай дажджы, у другой палове дня – воблачнае надвор’е з панаваннем паўночна-ўсходніх вятроў хуткасцю да 2 м/с. Уноч і ў ранішнія гадзіны да +14°С, удзень і ўвечары да +28°С. Месяц расце.
323 да нашай эры. У Вавілоне памёр Аляксандр III Вялікі, Македонскі.
Найбуйны палкаводзец старажытнага свету, цар. Памёр на 33-м годзе жыцця ад малярыі (а быць можа, і ад атруты) ў росквіце сіл і ў разгар падрыхтоўкі да новага вайсковага паходу.
Трэці па ліку Аляксандр на пасадзе цара Македоніі, воін “ад бога”, які атрымаў бліскучую адукацыю пад кіраўніцтвам Арыстоцеля.
У 338 годзе да н.э. разам з бацькам падпарадкаваў сабе ўсю Эладу, а за 13 наступных гадоў стварыў велізарную імперыю, якая распасціралася ад Істра (Дуная) да Ганга. Але спадчынніка Аляксандр не пакінуў, і з яго сыходам з жыцця дзяржава распалася на шэраг варожых адзін аднаму ўтварэнняў.
Па іншых дадзеных, вялікі палкаводзец памёр 10 чэрвеня.
1508 год. З Ліды выйшла Паспалітае рушэнне ВКЛ для дзеянняў супраць маскоўскіх войскаў.
Паспалітае рушэнне – мабілізацыя ўсіх ваеннаабавязаных краіны або аднаго ці некалькіх ваяводстваў ці паветаў, апалчэнне, агульны паход у Польшчы і ВКЛ.
Да сярэдзіны ХVІ стагоддзя паспалітае рушэнне складала аснову ўзброеных сіл ВКЛ.
Шляхецкае апалчэнне на карціне Юзафа Бранта, 1880.
1611 год. Войскі Рэчы Паспалітай пасля працяглай аблогі і генеральнага штурма вярнулі Смаленск – важны стратэгічны горад па шляху на Маскву.
Горад быў у аблозе 20 месяцаў, з 26 верасня 1609 года. Голад і эпідэміі выкасілі большую частку 80-тысячнага горада. У Смаленску засталося 8 000 чалавек, у гарнізоне – 200 ваяроў.
Горад удалося ўзяць пры дапамозе аднаго са смаленскіх баярскіх сыноў, які паказаў слабое месца ў абароне. Насупраць слабага месца ў крэпасной сцяне былі пастаўлены некалькі батарэй. Пасля некалькіх дзён абстрэлу сцяна павалілася.
У ноч на 3 чэрвеня 1611 года нашы войскі пайшлі на штурм з чатырох напрамкаў.
Смаленск гарэў. Апошнія абаронцы замкнуліся ў саборнай царкве Багародзіцы. Калі ў сабор ўварваліся вялікалітоўскія войскі, то пасадскі чалавек А. Беляніцын узяў свечку і залез у склеп, дзе захоўваўся запас пораху. Выбух быў магутным, шмат людзей загінула.
Параненага маскоўскага ваяводу Шэіна ўзялі ў палон. Пад Смаленскам нашы ваяры згубілі каля 30 000 жаўнераў – 2/3 войска.
1702 год. Нарадзіўся Міхал Казімір Радзівіл «Рыбанька» (1702-1762).
Дзяржаўны дзеяч ВКЛ, мецэнат. Найбольш уплывовы прадстаўнік роду Радзівілаў XVIII стагоддзя, адзін з найбагацейшых магнатаў Рэчы Паспалітай.
Пры звяртанні да кагосьці ўжываў ласкавае слова “рыбанька”.
Аднавіў замак ў Нясвіжы, разбураны шведамі ў 1706 годзе, дзейнасць Нясвіжскай друкарні, адкрыў Нясвіжскі кадэцкі корпус, заснаваў першыя ў ВКЛ мануфактуры, у тым ліку Слуцкую персіярню па вырабе шаўковых паясоў.
Памёр 15 мая 1762 года.
1746 год. Прадстаўленне камедыі «Дасціпнае каханне» Францішкі Уршулі Радзівіл (1705-1753).
Адбылося ў нясвіжскай летняй рэзідэнцыі Радзівілаў Альба.
Уршуля – першая ў ВКЛ жанчына-драматург, паэтэса і мастачка.
1834 год. Нарадзіўся Канстанцін Вераніцын (1834-1903).
Беларускі аграном, педагог, адзін з заснавальнікаў новай беларускай літаратуры.
Удзельнік літаратурнага жыцця сярэдзіны ХІХ стагоддзя, аўтар сатырычна-гумарыстычнай паэмы «Тарас на Парнасе».
Памёр 26 жніўня 1903 года.
У 2001 годзе на радзіме К. Вераніцына ў Астраўлянах і Гарадку пастаўлены мемарыяльныя знакі ў гонар паэмы «Тарас на Парнасе» і яе аўтара.
1888 год. Нарадзіўся Антон Аўсянік (1888-пасля 1933).
Беларускі палітык і дыпламат, дзеяч БНР, сакратар Рады БНР.
Удзельнік нацыянальна-вызваленчага руху ў Заходняй Беларусі, пасол сейма Польшчы, сябра Беларускага пасольскага клуба. У пачатку 1930-х гадоў выехаў у БССР, быў арыштаваны ў 1933 годзе. Далейшы лёс невядомы.
На фота дзеячоў БНР – 2-гі справа стоячы – Антон Аўсянік
1889 год. Нарадзіўся Павел Жаўрыд (1889-1939).
Беларускі грамадска-палітычны дзеяч, адзін з кіраўнікоў Слуцкага паўстання, журналіст.
Скончыў Слуцкую гімназію (у ёй з Фабіянам Шантырам ужо з 4 класа збіраў нелегальныя сходы, распаўсюджваў літаратуру), вучыўся ў Варшаўскім універсітэце, скончыў Віленскую вайсковую вучэльню.
Удзельнік І Сусветнай вайны, служыў у Палтаве, Туркестане, на Румынскім фронце. Быў старшынёй палкавога камітэта. Ад амаль 100 000 беларусаў-вайскоўцаў дэлегаваны на Усебеларускі з’езд 1917 года ў Менску.
Працаваў юрысконсультам Слуцкага павятовага зямельнага аддзела. У 1918 годзе ў складзе камісіі правяраў дзейнасць Слуцкай ЧК і выкрыў шматлікія злоўжыванні. У адплату за гэта быў арыштаваны ЧК, сядзеў у Слуцкай, Бабруйскай, Смаленскай турмах.
У 1920 годзе Найвышэйшай радай БНР прызначаны камісарам Случчыны, уваходзіў у склад Беларускай рады Случчыны. Адзін з кіраўнікоў Слуцкага паўстання.
Арыштоўваўся ДПУ БССР у 1930 і 1937 гадах, асуджаны да лагераў.
Памёр у ГУЛАГу.
1943 год. Польскімі падпольшчыкамі забіты Юльян Саковіч (1906-1943).
Беларускі грамадска-палітычны дзеяч, адзін з кіраўнікоў канспірацыйнай Беларускай незалежніцкай партыі і кіраўнік Беларускай Народнай Грамады.
Падчас вучобы ў Віленскім універсітэце быў членам Беларускага студэнцкага саюза, КПЗБ, Таварыства беларускай школы. Актывіст Беларускай Сялянска-Работніцкай Грамады, выдаваў разам з Г. Вялецкім у Вільні часопіс «Вольная думка» – орган беларускага студэнцтва.
Вязень Бяроза-Картузскага канцлагеру, савецкіх турмаў.
У перыяд нацысцкай акупацыі Беларусі займаў пасады ў Беларускай народнай самапомачы.
1956 год. Нарадзіўся Леанід Тараненка.
Беларускі цяжкаатлет, двухразовы чэмпіён свету.
Уладальнік 19 сусветных рэкордаў, прычым два з іх – 266 кг у штуршку і 475 кг у дваябор’і – застаюцца неперасягнутымі і сёння.
2015 год. У Тбілісі адбылася трагедыя.
У грузінскай сталіцы Тбілісі пайшоў звычайны дождж.
Тбілісцы раскрылі парасоны і працягнулі займацца сваімі штодзённымі справамі. У той момант яшчэ ніхто не ведаў, што 14 чэрвеня горад чакае самы цяжкі світанак за апошнія дзясяткі гадоў.
Экстраннае паведамленне аб паводцы прагучала толькі ў 23:00. Паводка адбылася з-за сходу апоўзня ў раку Веры, якую звычайна пераплюнуць можна, яна працякае вышэй за Тбілісі.
На горад рушылі масы вады, уперамешку з зямлёй і выдранымі з каранямі дрэвамі. Раз’юшаная Веры, накіраваўшыся да ракі Кура, зносіла ўсё на сваім шляху…
Горад ахоплівала паніка – на вуліцах на волі аказаліся львы, тыгры, ваўкі і гіены, бегемот з заапаркаў. Адзін з супрацоўнікаў заапарка быў загрызены насмерць белым тыграм.
Да гэтага часу невядомы лёс трох жыхароў горада. Ахвярамі апоўзня лічацца 19 чалавек.
2019 год. У Магілёве пабіты тэмпературны рэкорд +30,7°С.
Рэкорднай да гэтага лічылася тэмпература 30,5°С 13 чэрвеня 1959 года.
На працягу новага рабочага тыдня ў Магілёўскай вобласці сіноптыкі прагназуюць у асноўным воблачнае з дажджамі, цёплае надвор’е. Будуць пераважаць вятры паўночна-усходнія і паўночныя.
Удзень чакаецца да +15, +24°С, начныя тэмпературы падрастуць да +11 +16°С. Працягласць дня з панядзелка да пятніцы падрасце і дасягне 17 гадзін і 7 хвілін – не хапае ўсяго 2 хвілін да макісмальнай велічыны дня. Ужо ў канцы працоўнага тыдня сонца ўзыдзе ў 4:27, зойдзе ў 21:34.
Сінаптычны прагноз на панядзелак, 12 чэрвеня.
У ноч з нядзелі на панядзелак да +11°С, раніцай +14°С, увечары да +16°С. У дзённыя гадзіны паветра прагрэецца месцамі да +20°С. На працягу сутак будзе воблачна, пераважна без ападкаў. Вятры на працягу сутак паўночна-усходнія, хуткасцю да 4 м/с, пры парывах да 9 м/с. Геамагнітнае поле няўстойлівае. Убываючы Месяц.
У аўторак, 13 чэрвеня будзе воблачна, без ападкаў.
Будуць панаваць паўночна-ўсходнія вятры хуткасцю да 4-6 м/с. Уноч і раніцай ад +12°С да +14°С, днём тэмпература падрасце да +18°С, месцамі і да +20°С. Да вечара слупок тэрмометра ўтрымаецца на рысцы не ніжэй за +17°С. Геамагнітнае поле спакойнае. Убываючы Месяц.
Серада – воблачная
У сярэдзіне рабочага тыдня, 14 чэрвеня, прагназуецца воблачнае надвор’е, пераважна з дажджамі. Начныя і ранішнія тэмпературы да +16°С, у другой палове дня да +22°С. На працягу сутак прагназуюцца паўночна-усходнія вятры хуткасцю 3-5 м/с. Геамагнітнае поле спакойнае. Убываючы Месяц.
Чацвер – дажджы
У чацвер, 15 чэрвеня, сіноптыкі прагназуюць воблачнае з дажджамі надвор’е. Вецер паўночны, хуткасцю 4-5 м/с. Ноччу і ўранні да +15°С, у абед і на працягу другой паловы дня +15° +17°С. Месяц убывае.
Пятніца, 16 чэрвеня
У апошні дзень працоўнага тыдня, 16 чэрвеня, па папярэдняму прагнозу будзем чакаць у асноўным воблачнае, з ападкамі ноччу і ў першай палове дня надвор’е з панаваннем заходніх вятроў хуткасцю да 3 м/с. У другой палове дня воблачна, без істотных ападкаў, з паўночнымі вятрамі 3-4 м/с. Уноч і ў ранішнія гадзіны да +13°С, удзень і ўвечары да +24°С. Маладзік.
Жанчыны з фальклорнага калектыва “Астранка” правялі абрад заклікання дажджу ў вёсцы Стары Дзедзін Клімавіцкага раёна.
Узяўшы з сабой саху і пугу, жанчыны сабраліся ля ракі Асцёр. Спачатку прачыталі малітву «Ойча Наш», перахрысціліся і згодна з абрадам вымавілі такія словы: «Дай, Госпадзі, дапамажы, Госпадзі, прынясі вятры, прынясі нам хмары, арашы зямельку, напаі травы, поле, лясы, дай жыцця нашай зямельцы, каб благадатна ўрадзіла, і ўсіх напаіла…».
Затым у святочных кашулях жанчыны зайшлі ў ваду і сталі цягнуць па беразе ракі плуг – “аралі ваду”. Прычым дзве цягнулі плуг, трэцяя ішла за ім, а яшчэ адна пугай паганяла, а астатнія спявалі абрадавую песню. Рухаліся ўдзельніцы ансамбля ўздоўж берага, старанна аралі раку – паведамляе клімавіцкая раённая газета “Родная ніва”.
Дарэчы, вынікам абраду сапраўды стаўся дожджык, хоць увесь дзень у Старым Дзедзіне свяціла сонца. Але трэба адзначыць, што і дождж намячаўся, паводле сіноптыкаў.
Абрад “Зазыванне дажджу” ў 2016 годзе быў унесены ў Дзяржаўны спіс гісторыка-культурных каштоўнасцей Рэспублікі Беларусь. Традыцыя мае яркую лакальную спецыфіку і з’яўляецца часткай традыцыйнай культуры вескі Стары Дзедзін, хоць характэрны звычай для ўсяго Магілёўскага Пасожжа.
Абрад не мае пэўнай даты правядзення, бо праводзіцца аказіянальна – толькі тады, калі няма больш тыдня дажджу і гіне ўраджай збожжавых на палях і на гародах вяскоўцаў. У аснове магічных дзеянняў, песень, пераворвання дна рэчкі знаходзіцца ахоўная магія ад засухі, каб выкліканы дождж садзейнічаў росту збожжавых і іншых культур не толькі на палетках і агародах вяскоўцаў, але і на палетках сядзіб.
Дадзены абрад з’яўляецца адным з тых нямногіх, якія захаваліся ў жывым бытаванні са старажытных часоў, і існуюць ў рэальнай традыцыі.
На канец тыдня ў Магілёўскай вобласці сіноптыкі прагназуюць ноччу ад +11° да +17°С, днём – ад 16°С да +27°С.
Будзе пераважаць пераменна воблачнае і пахмурнае з ападкамі і навальніцамі надвор’е. Працягласць дня вырасце да 17 гадзін 3 хвілін 11 чэрвеня. У нядзелю сонца ўзыйдзе ў 4:28, зойдзе ў 21:31.
Сінаптычны прагноз надвор’я на другія чэрвеньскія выходныя наступны.
Сёння, 9 чэрвеня, пятніца
Надвор’е абяцае быць воблачным з праясненнямі. Уноч да +13° +17°С, днём тэмпература падрасце да +24°С, месцамі да +26 +27°С. Днём месцамі пройдуць невялікія дажджы, магчымы навальніцы. На працягу сутак будуць паступаць паветраныя масы з паўднёвага захаду, захаду і паўночнага ўсходу. Хуткасць вятроў 3-4 м/с, месцамі пры парывах да 9 м/с. Убываючы месяц. Магнітнае поле спакойнае.
Субота, 10 чэрвеня
Будзе пераважна пахмурна. Уноч і ўранні да +13° +17°С, днём слупкок тэрмометра падымецца да +17° +20°С, месцамі і да +21°С. Удзень месцамі магчымы кароткатэрміновыя дажджы, не выключаюцца навальніцы. На працягу сутак будуць паступаць паветраныя масы з паўночнага ўсходу, хуткасць вятроў 4-6 м/с, пры парывах да 10-14 м/с. Убываючы месяц. Магнітнае поле няўстойлівае.
Нядзеля, 11 чэрвеня
Ноччу воблачна, да +11° +15°С, раніцай да +17°С, удзень паветра прагрэецца да +18°С, месцамі да +23°С. Пахмурна, пераважна без ападкаў. З рання і да вечара вызначаць надвор’е будуць паўночна-усходнія вятры хуткасцю 3-7 м/с. Убываючы месяц – апошняя чвэрць. Магнітнае поле спакойнае.
Ранак панядзелка 12 чэрвеня пачнецца з воблачнага надвор’я, з ранішнімі тэмпературамі +11° +14°С, з паўночна-усходнімі вятрамі хуткасцю да 3-7 м/с, якія прынясуць у асобныя раёны дажджы. Днём да +18° +21°С. Убываючы Месяц. Магнітнае поле спакойнае.
Да канца першай дэкады чэрвеня ў Магілёўскай вобласці сіноптыкі прагназуюць у асноўным воблачнае, цёплае з дажджамі надвор’е.
На працягу чарговага рабочага тыдня будзе адносна цёпла: удзень да +17 +24°С, уноч да +8 +14°С.
Спякоты да +28 +30°С, як у 2019 годзе і дзённых халадоў да +2°С, як у 1977 годзе не будзе. Працягласць дня з панядзелка да пятніцы падрасце і дасягне 17 гадзін. Ужо ў канцы працоўнага тыдня сонца ўзыдзе ў 4:29, зойдзе ў 21:29.
Невялікія маразы зараз – гэта нармальна
Даводзіцца часта чуць нараканні ад беларусаў, маўляў – быў прахалодны май з замаразкамі і не такі ўжо і цёплы пачатак чэрвеня. Неабходна адзначыць, што назіраныя тэмпературы ўкладваюцца ў дыяпазон кліматычнай нормы 15-16°C.
Напрыклад, паводле статыстыкі 1881-2022 гадоў, у 40 летніх сезонаў тэмпература чэрвеня была на 1°C ніжэй за норму. Калі браць за сярэднюю норму тэмпературу чэрвеня 16,3°C, то сапраўды жудасна халодным за час інструментальных назіранняў выдаўся чэрвень 1928 года, калі сярэдняя чэрвеньская тэмпература склала толькі 12°C. Так што, усё у межах сярэдніх норм.
Сінаптычны прагноз на панядзелак, 5 чэрвеня.
На працягу сутак будзе воблачна, пройдуць дажджы. Вятры ўноч і ўранні заходніх напрамкаў, днём – паўночныя і паўночна заходнія, хуткасцю да 2-4 м/с. Геамагнітнае поле няўстойлівае. Поўня.
Аўторак, 6 чэрвеня
У аўторак надвор’е абяцае не быць гарачым, воблачна. Днём – кароткатэрміновыя дажджы, дзе-нідзе магчымы навальніцы. Будуць панаваць паўночна-заходнія і паўночныя вятры хуткасцю да 3-4 м/с.
Уноч і раніцай ад +8°С да +10°С, днём тэмпература падрасце да +19°С, месцамі і да +21°С. Да вечара слупок тэрмометра ўтрымаецца на рысцы не ніжэй за +18°С. Геамагнітнае поле няўстойлівае. Поўня..
Серада, 7 чэрвеня
У сярэдзіне рабочага тыдня прагназуецца воблачнае надвор’е, пераважна без ападкаў. Начныя і ранішнія тэмпературы да +11 +13°С, у другой палове дня да +21°С. На працягу сутак прагназуюцца паўночна-заходнія вятры хуткасцю 1-2 м/с. Месяц убывае.
8 чэрвеня, чацвер
У чацвер сіноптыкі прагназуюць воблачнае надвор’е. Вецер паўночна-заходні хуткасцю 1-2 м/с. Ноччу і ўранні да +11°С, у абед і на працягу другой паловы дня тэмпература паветра падвысіцца да +23°С, пройдуць дажджы. Месяц убывае.
Пятніца, 9 чэрвеня
У апошні дзень працоўнага тыдня, 9 чэрвеня, па папярэдняму прагнозу будзем чакаць у асноўным воблачнае, з ападкамі ў першай палове дня надвор’е з панаваннем паўночна-заходніх вятроў хуткасцю 1-2 м/с і падвышэннем дзённых тэмператур. Уноч і ў ранішнія гадзіны да +13°С, удзень і ўвечары да +24°С. Месяц убывае.
На выходныя ў Магілёўскай вобласці сіноптыкі прагназуюць ноччу ад +3°С да +10°С, днём – ад +12°С да +18°С.
Будзе пераважаць пераменна воблачнае, месцамі з ападкамі надвор’е. З пятніцы 2 чэрвеня на суботу 3 чэрвеня месцамі падзенне тэмператур да +1 +3°С. Працягласць дня вырасце да 16 гадзін 54 хвілін 4 чэрвеня. У нядзелю сонца ўзыйдзе ў 4:31, зойдзе ў 21:25.
Сінаптычны прагноз надвор’я на першыя чэрвенскія выходныя наступны.
2 чэрвеня, пятніца
Надвор’е абяцае быць воблачным. Ноччу і раніцай і днём пройдуць дажджы. Уноч да +10°С, днём тэмпература падрасце нязначна – да +12°С, месцамі да +14°С. На працягу сутак будуць паступаць паветраныя масы з паўночнага захаду, захаду, хуткасць вятроў 3-6 м/с. Поўня. Магнітнае поле неўстойлівае.
Субота, 3 мая
Пераважна воблачна. Уноч пры ясным надвор’і да +1 +3°С, уранні да +9°С, днём слупкок тэрмометра падымецца да адзанкі +15°С, месцамі да +16°С. На працягу сутак будуць паступаць паветраныя масы з паўночнага захаду, захаду, хуткасць вятроў 4-6 м/с. Поўня. Магнітнае поле няўстойлівае.
У нядзелю, 4 чэрвеня – праваслаўная Троіца
Ноччу будзе ясна, да +4°С, месцамі магчыма паніжэнне да +2 +3°С, раніцай да +4 +5°С, удзень паветра прагрэецца да +18°С, воблачна, пераважна без ападкаў. З рання і да вечара вызначаць надвор’е будуць паўднёва заходнія і заходнія вятры хуткасцю 2-3 м/с. Поўня.
Ранак панядзелка 5 чэрвеня пачнецца з воблачнага надвор’я, з паўднёва-заходнімі і паўднёвымі вятрамі хуткасцю да 3 м/с, якія прынясуць дзённыя дажджы і падвышэнне тэмпературы да +21°С.
На новы рабочы тыдзень у Магілёўскай вобласці сіноптыкі прагназуюць у асноўным воблачнае, цёплае з адным верагодным (але без упэўненасці) даждлівым днём надвор’е.
На працягу апошніх дзён мая і ў першыя дні чэрвеня будзе адносна цёпла: удзень да +17 +25°С, уноч да +5 +9°С. Працягласць дня з панядзелка да пятніцы падрасце і дасягне ледзь не 17 гадзін. Ужо ў канцы працоўнага тыдня сонца ўзыдзе ў 4:34, зойдзе ў 21:23.
Сінаптычны прагноз на панядзелак, 29 мая
У ноч з нядзелі на панядзелак да +7°С, раніцай +10 +15°С, у дзённыя гадзіны паветра прагрэецца да +19 +21°С, месцамі да +23°С. На працягу сутак будзе воблачна, у асноўным без ападкаў. Вятры паўднёва-ўсходнія, хуткасцю да 3 м/с. Геамагнітнае поле спакойнае. Месяц расце.
Аўторак, 30 мая – магчымы дождж
Надвор’е абяцае быць дастаткова камфортным па тэмпературнаму рэжыму, воблачна, днём – адны метэаслужбы прагназуюць кароткатэрміновыя дажджы, месцамі навальніцы. Другія – чарговы засушлівы дзень. Будуць панаваць паўночна-заходнія вятры хуткасцю да 3-4 м/с. Уноч і раніцай ад +6 +7°С да +9°С, днём тэмпература падрасце да +20°С, месцамі і да +22 +24°С. Да вечара слупок тэрмометра утрымаецца на рысцы не ніжэй за +18°С. Геамагнітнае поле спакойнае. Месяц расце.
Серада, 31 мая
У сярэдзіне рабочага тыдня, у апошні дзень календарнага месяца вясны, 31 мая, прагназуецца воблачнае надвор’е. Начныя і ранішнія тэмпературы да +6 +8°С, у другой палове дня да +15 +17°С, месцамі да +19°С. На працягу сутак прагназуюцца паўночна-заходнія вятры, хуткасць вятроў да 5-6 м/с. Месяц расце.
Першы дзень лета
У чацвер, першы дзень каляндарнага лета, 1 чэрвеня, сіноптыкі прагназуюць воблачнае надвор’е. Вецер паўночна-заходні хуткасцю да 3-6 м/с. Ноччу і ўранні да +5°С, у абед і на працягу другой паловы дня тэмпература паветра падвысіцца да +22°С. Поўня.
Пятніца, 2 чэрвеня
У апошні дзень працоўнага тыдня, 2 чэрвеня, па папярэдняму прагнозу будзем чакаць у асноўным воблачнае, з вялікай верагоднасцю без ападкаў, надвор’е з панаваннем паўночна-заходніх вятроў хуткасцю 3-7 м/с і падвышэннем тэмператур. Уноч і ў ранішнія гадзіны да +8°С, удзень і ўвечары да +25°С. Месяц расце.
На новы рабочы тыдзень у Магілёўскай вобласці сіноптыкі прагназуюць у асноўным цёплае з дажджамі і месцамі з навальніцамі надвор’е. Пад канец тыдня крыху пахаладае.
На працягу перадапошняга тыдня мая будзе адносна цёпла: удзень да +20 +24°С, уноч да +3 +13°С. Працягласць дня з панядзелка да пятніцы вырасце яшчэ на 11 хвілін і дасягне 16,5 гадзін. Ужо ў канцы працоўнага тыдня сонца ўзыдзе а 4:41, зойдзе а 21:13.
Сінаптычны прагноз на панядзелак, 22 мая.
У ноч з нядзелі на панядзелак да +3 +8°С, раніцай +7 +8°С, у дзённыя гадзіны паветра прагрэецца да +18 +21°С, месцамі да +23°С. На працягу сутак будзе пераменна воблачна, у асноўным без ападкаў, дажджы найбольш верагодны ў асобных раенах толькі ў дзённыя гадзіны. Вятры паўночна-заходнія і паўночна-ўсходнія, хуткасцю да 4-9 м/с. Геамагнітнае поле неустойлівае. Маладзік на небе.
Аўторак, 23 мая.
Надвор’е абяцае быць дастаткова камфортным па тэмпературнаму рэжыму. Пераменна воблачна, кароткатэрміновыя дажджы, днем – з верагоднымі навальніцамі. Будуць панаваць паўднёвыя і паўночна-ўсходнія вятры хуткасцю да 2-4 м/с. Уноч і раніцай ад +4 +6°С да +7 +12°С, днём тэмпература падрасце да +18 +20°С, а месцамі і да +24°С. Да вечара слупок тэрмометра ўтрымаецца на рысцы не ніжэй за +16°С. Геамагнітнае поле неўстойлмвае. Месяц расце.
24 мая.
У сярэдзіне рабочага тыдня прагназуецца воблачнае надвор’е, месцамі з кароткатэрміновымі дажджамі, днем магчымы навальніцы. Начныя і ранішнія тэмпературы да +7 +12°С, у другой палове дня да +18 +20°С, месцамі да +25°С. На працягу сутак прагназуюцца вятры ўсходніх напрамкаў, хуткасць вятроў да 3-5 м/с. Месяц расце.
Чацвер, 25 мая.
Сіноптыкі прагназуюць воблачнае з дажджамі, пераважна ў другой палове дня, надвор’е. Вецер паўднёва-ўсходніі, хуткасцю да 2-4 м/с. Ноччу і ўранні да +13°С, у абед і на працягу другой паловы дня тэмпература паветра падвысіцца да +22 +24°С. Месяц расце.
Пятніца, 26 мая, крыху пахаладае.
У апошні дзень працоўнага тыдня, 26 мая, па папярэдняму прагнозу будзем чакаць у асноўным воблачнае, з вялікай верагоднасці даждлівае, надвор’е з панаваннем паўночна- заходніх вятроў хуткасцю 3-5, месцамі да 7 м/с і невялікім паніжэннем тэмператур. Уноч і ў ранішнія гадзіны да +8 +13 °С, удзень і ўвечары да +20°С. Месяц расце.
На трэці рабочы тыдзень мая ў Магілёўскай вобласці сіноптыкі прагназуюць у асноўным воблачнае, спякотнае, з дажджамі і навальніцамі надвор’е.
На працягу трэцяга тыдня мая будзе дастаткова горача: удзень да +27°С, уноч ад +5 да +20°С. Працягласць дня з панядзелка да пятніцы вырасце яшчэ на 13 хвілін і дасягне амаль 16 гадзін і 11 хвілін. Ужо ў канцы працоўнага тыдня сонца ўзыдзе ў 4:51, зойдзе ў 21:02.
Сінаптычны прагноз на панядзелак, 15 мая
У ноч з нядзелі на панядзелак будзе да +5 +10°С, у дзённыя гадзіны паветра прагрэецца толькі да +22°С, месцамі да +27°С. На працягу сутак будзе воблачна, з праясненнямі, днём кароткачасовыя дажджы. Вятры паўднёва-ўсходнія, хуткасцю да 5-10, месцамі пры парывах да 14 м/с. Геамагнітнае поле спакойнае. Месяц убывае.
Аўторак 16 мая
Надвор’е абяцае быць воблачным, з кароткатэрміновымі дажджамі, месцамі з навальніцаі. Будуць панаваць паўднёвыя вятры хуткасцю 5-10, месцамі да 15-20 м/с. Уноч і раніцай да +7 +12°С, днём тэмпература падрасце да 17°С, а месцамі і да +22°С. Да вечара слупок тэрмометра утрымаецца на рысцы не ніжэй за +12 +14°С. Геамагнітнае поле спакойнае. Месяц убывае.
Серада 17 мая
У сярэдзіне рабочага тыдня, 17 мая, прагназуецца воблачнае надвор’е з дажджамі ўноч, днём – ясна. Начныя і ранішнія тэмпературы да +7 +12°С, днём да +19 +24°С. На працягу сутак прагназуюцца вятры паўднёвых напрамкаў, хуткасць вятроў да 3-5 м/с. Маладзік на небе.
Чацвер 18 мая
На працягу сутак сіноптыкі прагназуюць воблачнае з дажджамі, месцамі з навальніцамі, надвор’е. Вецер паўночны, хуткасцю да 2-3 м/с. Ноччу і ўранні да +18 +20°С, у абед і на працягу другой паловы дня тэмпература паветра складзе ад +16 +18°С да +26°С.
Пятніца 19 мая
У апошні дзень працоўнага тыдня, 19 мая, па папярэдняму прагнозу будзем чакаць у асноўным пераменна воблачнае пераважна без ападкаў надвор’е з панаваннем паўднёва-ўсходніх вятроў хуткасцю да 3 м/с. Уноч і ў ранішнія гадзіны +13°С, удзень – да +25°С. Маладзік.
