Tag: дети

У Магілёве на ўсіх вадаёмах санэпідэмстанцыя не раіць купацца. А як выглядаюць мясцовыя пляжы ў спёку?

Навіна ад

У горадзе 30-градусны сквар. Паветра ў чаканні навальніцы. Гараджане цвердзяць, што атмасфера нагрэлася так, што цяжка дыхаць.

Абласны цэнтр гігіены, эпідэміялогіі і грамадскага здароўя паведамляе, што паводле вынікаў лабараторнага кантролю вынесены прапановы аб абмежаванні або забароне купання дзяцей і дарослых на ўсіх пляжах абласнога цэнтру. Не раяць эпідэміёлагі займацца на магілёўскіх вадаёмах і воднымі відамі спорту.

Вада не адпавядае гігіенічным нарматывам на Дняпры – гарадскі пляж і пляж у пасёлку Палыкавічы – а таксама Пячэрскім, Грабянёўскім і Вільчыцкім вадасховішчах.

Той хто застаўся ў Магілёве, не выбраўшыся на лецішча, стаіць перад выбарам: пляж без вады, ці душ у двары.

Гарадскі пляж на Дняпры, які прыкметна змялеў за лета, не застаўся бязлюдным. На ім бавіліся дзясяткі тры гараджанаў. Сярод іх знаходзіліся смельчакі, якія наважваліся ўвайсці ў ваду. Некаторыя вялі да яе дзяцей.

На абвестачным стэндзе паведамленні аб забароне купання былі на месцы. Каляровыя аб’явы страшылі, што «на гэтым месцы патануў чалавек». Ніжэй дадавалася інфармацыя, што менавіта становіцца прычынай трагедыяў.

Акваторыю пляжа пільнавалі ратаўнікі на чаўнах. Загарадка для купання сіратліва выглядала без дзяцей.

«Актуальнасць праблемы, на жаль, будзе толькі ўзрастаць». Колькасць дзяцей з аўтызмам павялічваецца

Навіна ад

Пад наглядам урача-псіхіятра-нарколага цяпер знаходзяцца 2770 дзяцей з разладам аўтыстычнага спектру. За апошнія 5 гадоў агульная колькасць такіх дзяцей вырасла ў 2,4 разы.

«Актуальнасць гэтай праблемы, на жаль, будзе толькі ўзрастаць», – прызнае міністр аховы здароўя Дзмітрый Піневіч.

Паводле яго, падрыхтаваны праект загаду, які вызначае алгарытм аказання медычнай дапамогі пацыентам дзіцячага ўзросту з падазрэннем або прыкметамі разладу аўтыстычнага спектру і стварэнне асаблівых псіхалагічна камфортных умоў аказання ім дапамогі ў дзяржаўных арганізацыях аховы здароўя, перадае інфармацыйнае агенцтва «Белта».

Паводле беларускіх чыноўнікаў, сусветныя навуковыя дадзеныя сведчаць, што распаўсюджанасць разладу аўтыстычнага спектру складае 1 выпадак на 160 нованароджаных.

Аўтызм – псіхічны разлад, які характарызуецца выяўленым дэфіцытам асобасных, сацыяльных, маўленчых і іншага развіцця, а таксама навыкаў зносін.

Аўтысты – асаблівыя дзеці або людзі, якія агароджваюць сябе ад уздзеяння з грамадствам і ім абыякавае меркаванні іншых. Прычыны падобнага адхілення працы мозгу вывучаюцца, але прычыны застаюцца невядомымі.

У клінічнай практыцы Беларусі дыягназ дзецям з аўтызмам стаіцца ва ўзросце 3 гадоў і старэй. Як кажуць медыкі галоўная задача – гэта выяўленне праблемы ў раннім узросце, тады ёсць шанец «на больш-менш сацыялізаванае жыццё ў грамадстве».

 

У Вінніцы пахавалі 4-гадовую Лізу, якая загінула ад расійскай атакі на горад. Маці пра паховіны дачкі не казалі

Навіна ад

У Вінніцы развіталіся з 4-гадовай Лізай Дзмітрыевай, якая імгненна загінула 14 ліпеня ў выніку ракетнага ўдару расіянаў па горадзе.

img.tsn.ua

Цырымонія прайшла ў Спаса-Праабражэнскім кафедральным саборы. На службу прыйшлі некалькі дзясяткаў гараджан з кветкамі і дзіцячымі цацкамі, піша «Суспільне Новини».

img.tsn.ua

У дзень абстрэлу Ліза з мамай ішла да лагапеда. Дзяўчынка была з сіндромам Дауна, у паўгода перанесла цяжкую аперацыю на сэрцы.

Ліза памерла адразу. Маці, Ірына Дзмітрыева, шпіталізавана з траўмай брушной поласці.

cdn4.suspilne.media

«У Ірыны цяжкі, але стабільны стан. Добра, што яна апрытомнела. Шмат акалічнасцяў яна не ведае, і пра сённяшнюю падзею мы ёй нават не паведамлялі. І мы толькі спадзяемся на яе выздараўленне, на сілы патрэбам і тым людзям, якія пацярпелі ад трагедыі. Бо акрамя гісторыі Ірыны і Лізанькі, ёсць і іншыя гісторыі, калі пацярпелі бацькі і дзеці », – кажа знаёмая пацярпелай.

У выніку расійскага нападу ў Вінніцы загінулі яшчэ двое хлопчыкаў сямі і васьмі гадоў.

cdn4.suspilne.media

 Адзін з іх знаходзіўся на абследаванні ў лякарні, памёр разам з маці. Другі чакаў дзядзьку ў прыпаркаванай машыне.

14 ліпеня ў 10.45 Расія нанесла ракетны ўдар па Вінніцы ракетамі тыпу «Калібр» з падводнай лодкі з акваторыі Чорнага мора.

Загінулі 24 чалавекі, у тым ліку трое дзяцей. Медычная дапамога аказана 202 чалавекам. У стацыянарах гораду працягваюць лячыцца 68 пацыентаў, у тым ліку 4 дзіцяці.

фота: suspilne.media

Кармленне дзетак у садках даражэе на 8-10%

Навіна ад

Пастанаўленне Савета міністраў краіны зацвердзіла новыя нормы харчавання і грашовыя нарматывы ў дашкольных установах і школах. Цяпер колькасць прыёмаў ежу не абмяжоўваецца чатырма разамі, а ўводзіцца пяціразовае харчаванне. Адначасова вырастае кошт кампенсацыі бацькамі за яго. 

  Раней Цяпер
10,5 гадзін перабывання ў дзіцячых садках для 1-3 гадовых 2,96 3,26
10,5 гадзін перабывання ў дзіцячых садках для 3-7 гадовых 3,78 4,24
12 гадзін перабывання ў дзіцячых садках для 1-3 гадовых 3,85 4,16
12 гадзін перабывання ў дзіцячых садках для 3-7 гадовых   5,14
6-8 гадзін перабывання ў школах для пачатковых класаў 2,52 2,82
6-8 гадзін перабывання ў школах для сярэдніх і старэйшых класаў 2,94 3,26

Пададзеныя кошты ў беларускіх рублях.

Змены таксама закрануць усе іншыя формы навучання – кругласутачнага перабывання, навучання ў школах Алімпійскага рэзерва і г.д.

Фота мае ілюстратыўны характар

На Магілёўшчыне за 6 месяцаў 5 дзяцей выпалі з акон

Навіна ад

За паўгода на Магілёўшчыне адбылося 5 няшчасных выпадкаў, звязаных з выпаданнем дзяцей з акон шматпавярховых дамоў.

Следчы камітэт ілюструе сітуацыю двума трагедыямі.

У Быхаве двухгадовае дзіця выпала з пятага паверху і загінула.

У Горках 1 ліпеня двухгадовае малое выпала з вакна першага паверху. Дзіця засталося жывым. Паводле следчых малое засталося без прыгляду, ускараскалася на крэсельца, якое стаяла на балконе і праз неасцярожнасць выпала з яго.

Следчыя заклікаюць бацькоў не пакідаць малалетніх дзяцей без прыгляду, нават на непрацяглы час. Усе вокны ў кватэры павінны быць абсталяваны адмысловымі замыкальнымі прыладамі.

Маскітныя сеткі ствараюць ілюзію зачыненага акна і не здольныя прадухіліць выпадзенне.

Не стаўце мэблю і цацкі поруч вокнаў – з іх дапамогай дзіця можа ўзлезці на падаконнік, заклікаюць сьледчыя.

У Магілёве правялі парад дзіцячых вазкоў. Ацаніце крэатыўныя праекты

Навіна ад

Парад «Мая калыска – проста казка» арганізавалі на падворку мясцовай школы №6. 

У традыцыйнай імпрэзе ўдзельнічалі больш за тры дзясяткі дзіцячых вазкоў.

Былі на парадзе і спаборніцтвы. Пераможцы вызначаліся ў забегу з вазкамі. 

А таксама ў намінацыях: «У гасцях у казкі», «Алімпійскія гульні», «Падводны свет», «Нацыянальны каларыт», «Рэтравазок», «Дзівамабіль», «Шчасця шмат не бывае».

 

На ўскрайку Магілёва свята. Узведзена дзіцячая пляцоўка

Навіна ад

Дзіцячая пляцоўка з забавамі з’явілася ў пасёлку, які магілёўцы называюць Дачным. Ён на ўскрайку гораду, побач з Пячэрскім лесапаркам. 

Гульнявых дзіцячых пляцовак тут не было ніколі. Бацькі з дзецьмі хадзілі ў лес, альбо на школьны двор. Маглі завітаць на тэрыторыю дзіцячага садка, калі іх туды пускалі.

Мясцовыя жыхары кажуць, што звярталіся да прадстаўнікоў улады, каб тыя знайшлі месца для гульнявога кутка і ўпарадкавалі яго. Два месяцы таму пачалося будаўніцтва.

Цяпер на мясціне, дзе пасвілі коз, стаяць коўзанкі, арэлі і іншыя забавы. Ёсць пляцоўкі для валейболу і баскетболу.

Не абышлося без пафаснага адкрыцця.

 

У Магілёве не зважаючы на спёку дзяцей сабралі на рэпетыцыю ўрачыстасці да Дня рэспублікі

Навіна ад

Рэпетыцыя праходзіць на плошчы Адзінства, насупраць будынку гарвыканкаму. У 2020 годзе яна была эпіцэнтрам пратэстнай актыўнасці. Год таму яе назвалі – плошчай Адзінства. Цяпер на ёй праводзяць афіцыйныя імпрэзы.

На плошчы арганізатары святочнага мерапрыемства сабралі дзясяткі маладых людзей. Многія з іх непаўналетнія. У перапынках ад спёкі дзеці ратуюцца ў ценю дрэваў. Распалены сонцам брук павялічвае тэмпературу паветра і знаходжанне на плошчы становіцца выпрабаваннем для маладога арганізму. Арганізаванай дастаўкі вады няма.

У 2019 годзе на рэпетыцыя тэатральнай пастаўкі, прысвечанай падзеям Другой сусветнай вайны, некалькім школьнікам зрабілася кепска. Пасля гэтага на месца рэпетыцыі сталі прывозіць ваду і арганізавалі дзяжурства хуткай дапамогі.

 

Дело о детской порностудии расследовано. Обвиняемым грозит от 12 до 20 лет лишения свободы

Навіна ад

Основанием для возбуждения уголовного дела стала информация из США полученная через Интерпол в Беларуси о распространении детской порнографии.

Фигурантов шестеро: пять женщин и мужчина.

Как пишет газета “СБ Беларусь сегодня”, ссылаясь на сведения Следственного комитета, в деле фигурирует шесть человек. Пять женщин, которые своих детей в порностудию. И мужчина, который снимал на камеру обнажённых девочек, а потом продавал видео и снимки с ними.

Основной фигурант с 2014 года начал интересоваться фотосессиями с участием детей и продажей таких материалов через интернет. С января 2020‑го по февраль 2021 года он получил доход от своей противоправной деятельности в размере 137 тысяч белорусских рублей.

Фигурантам предъявлены обвинения по 65 эпизодам преступной деятельности: разврат, изнасилование, торговля людьми, распространение порнографических материалов с изображением несовершеннолетних организованной группой, а также сексуальная эксплуатация детей.

 11 потерпевших детей в возрасте от 5 до 12 лет

Отмечаться, что расследования установило личности пострадавших: это 11 девочек в возрасте — от 5 до 12 лет. Многие из их являются сестрами, а одна из пар — близняшки. Они рассказывали, что мамы их сами уговаривали раздеться на съемках подарки, деньги или еду.

Во время расследования было проведено 15 обысков и изъято более 60 предметов и объектов, имеющих отношение к материалам уголовного дела: секс-игрушки, восемь ноутбуков, два стационарных компьютера, 22 телефона, шесть жестких дисков.

Расследование завершено, материалы уголовного дела переданы в Генеральную прокуратуру для направления в суд. 

Действия основного обвиняемого, фотографа, и одной из женщин квалифицированы по ряду статей Уголовного кодекса, в том числе и «деятельность организованной группы с четким распределением ролей», срок наказания за данные преступления может быть до 20 лет лишения свободы.

Минимальный срок наказания по предъявленным обвинениям другим женщинам составляет 12 лет лишения свободы по статье «Торговля детьми». Все они заключены под стражу.

 

У Быхаве з вакна выпала дзіця і загінула. Маскітныя сеткі не ратуюць ад бяды

Навіна ад

За пяць месяцаў у Магілёўскай вобласці адбылося чатыры выпадкі, калі дзеці выпадалі з акон шматпавярховых дамоў.

Паводле абласной міліцыі, на якую спасылаецца інфармацыйны рэсурс Mycity.by у бальшыні трагедыяў самі дзеці залазілі на падаконнік, выкарыстоўваючы розныя прадметы мэблі. 

Ускараскаўшыся на яго, дзеці абапіраліся на маскітную сетку і разам з ёю выпадалі.

Міліцыянты адзначаюць, што маскітныя сеткі ствараюць ілюзію зачыненага акна, а насамрэч яны не здольныя перадухіліць выпаданне.

Праваахоўнікі нагадваюць, маскітныя сеткі не разлічаныя на вагу, нават дзіцяці, узростам да году.

«Устанавіце на вокны блакіратары, або клямкі-замкі», раіць абласная міліцыя.

фота: zviazda.by