Першы ў гісторыі матч жаночага чэмпіянату Беларусі па хакеі прынёс перамогу камандзе з усходу краіны. У склад “Бярэзіны” ўваходзяць ураджэнкі Магілёўскай, Віцебскай і Гомельскай абласцей. 30 кастрычніка яны сустракаліся з камандай “Цытадэль”, складзенай з хакеістак Брэсцкай, Гродзенскай і Мінскай абласцей, і перамаглі з лікам 3:1. Двума шайбамі адзначылася выхаванка хакейнага клуба “Магілёў”, Аляксандра Войтава са Шклова.
Жаночы чэмпіянат Беларусі па хакеі праходзіць з удзелам трох каманд. Акрамя “Цытадэлі” і “Бярэзіны” выступае таксама каманда “Мінчанка” з жыхарак сталіцы. Сустрэча “Бярэзіны” і “Мінчанкі” пройдзе сёння ў 15.30 на мінскай “Алімпік-Арэне”.
Польскі інвестар CDRL, які выкупіў сетку “Буслік” у 2018 годзе, заявіў пра фінансавыя праблемы ў беларускай кампаніі “ДПМ”, што кіруе гэтай сеткай крам.
Сыходзячы з фінансавай справаздачы, якую апублікавала фірма-рытэйлер CDRL, беларускі Альфа-Банк запатрабаваў ад кіруючай кампаніі “ДПМ” датэрмінова пагасіць крэдыт. Удакладняецца, што гаворка ідзе пра суму ў 3,95 мільёна даляраў – гэта рэшта на 20 кастрычніка 2023 года.
У справаздачы таксама ёсць інфармацыя аб тым, што кіраўніцтва сеткі звярнулася ў Мінскі гарадскі выканаўчы камітэт з заявай аб прадухіленні банкруцтва.
Падставай для патрабавання банка стала “ўзнікненне прыкмет неплацёжаздольнасці, а таксама памяншэнне кошту закладу”. Апошняе тлумачаць недастатковай колькасцю тавараў у абароце гандлёвай сеткі.
У справаздачных дакументах CDRL таксама гаворыцца, што ў заяве гарадскім уладам гандлёвая сетка прапанавала шэраг захадаў па нармалізацыі свайго фінансавага становішча. Калі праблемную сітуацыю не ўрэгулююць, “ДПМ” не зможа разлічыцца з польскім фундатарам.
Удакладняецца, што CDRL ужо спісаў кошт акцый беларускай “дачкі” на 54,7 млн злотых (каля 41,3 мільёнаў рублёў), таксама плануе спісаць дэбіторскую запазычанасць. У сувязі з гэтай сітуацыяй польскі інвестар чакае значных страт.
Пасля аварыі на Чарнобыльскай АЭС чвэрць тэрыторыі Беларусі – 25% усіх зямель былі забруджаныя радыяцыяй. Цяпер жа колькасць забруджаных тэрыторый складае 12,5% ад агульнай плошчы краіны, што роўна напалову менш. Пра гэта паведаміла начальнік галоўнага ўпраўлення экалагічнай палітыкі, міжнароднага супрацоўніцтва і навукі Мінпрыроды Таццяна Кананчук.
Паводле слоў Кананчук, падрыхтавана новая праграма, у якой “радыяцыйнаму маніторынгу будзе ўдзелена асаблівая ўвага, тым больш у галіне матэрыяльна-тэхнічнай базы, стварэння праграмнага забеспячэння і доследных узораў… Гэта будзе дастаткова сур’ёзны крок у развіцці розных відаў маніторынгу, у тым ліку і радыяцыйнага”.
Сегодня работники милиции делают поквартирный обход пожилых граждан с целью профилактики мошенничества, которому весьма часто поддаются неискушенные жители в отношениях с любителями легкой наживы.
Мошенничество или аферизм – хищение чужого имущества или приобретение права на чужое имущество путём обмана или злоупотребления доверием. К сожалению, мошенничество весьма распространено и в Беларуси: предложение покупать акции «Беларуськалия» (не продаются), апелляция к известным брендам (БелТА, Sputnik Беларусь, РБК), обман граждан «через банки» и услуги Белпочты – одни из наиболее распространенных схем.
Есть и более простые варианты: на бытовом уровне в магазине вам элементарно (кроме обвеса, обмера, обсчета) и незаметно для вас в чек добавляют не приобретенный вами товар или, опять же незаметно, удваивают количество купленных товаров (тот же обсчет). Бороться с магазинным финансовым терроризмом можно требованием выдать чек на купленные товары и демонстративно внимательно его изучать около кассы. Поверьте, нечистоплотные продавцы на сей подход к проверке чека быстро впоследствии отреагируют на ваш интерес к их обману (или несостоявшемуся обману) и вы будете избавлены от переплат.
Как не мошенничеством назвать тактику некоторых белорусских банков по перечислению на счет клиента 1 копейки в последний день месяца. Параллельно за совершение транзакции со счета клиента списывается 1,5 рубля. Таким образом, ежемесячно в перспективе банковская система Беларуси может обогащаться на 10 млн. рублей, а за год не менее чем на 120 млн. рублей. Остановить этот беспредел могут только правоохранительные органы страны, но, естественно, если им позволят. А ведь данное расследование дело чести в борьбе с экономическими преступлениями и защите прав граждан. Можно считать данную статью запросом от граждан на расследование ситуации, тем более, что и каждый сыщик страдает за год минимум на 18 рублей.
Еще один факт мошенничества, набирающий сегодня силу в обмане граждан. После установки надгробия на могиле родственника в один из не очень прекрасных дней вам звонит девушка с милым голосом и сообщает, что вы незаконно захватили территорию кладбища площадью (0,5–0,7 м2) и обязаны выплатить штраф в размере 200 рублей. «Лечится» подобное мошенничество просьбой выслать соответствующий документ на адрес ответственного за захоронение. Кстати, родственники усопшего самостоятельно надгробия (памятники) не устанавливают и если вдруг подобные решения по штрафам окажутся через определенное время реальными, тут уж наблюдается явный сговор похоронных фирм с руководством кладбищ. Но, пожалуй, никто из разумных тревожить таким образом покойников вряд ли будет. Во всяком случае, в редакции имеется телефон одной из звонивших по уплате штрафа и, при желании правоохранительных органов, вычислить преступников не составит труда.
Такая мера дзейнічае ў перыяд усплеску рэспіраторных захворванняў.
Навучэнцы з прыкметамі вострых рэспіраторных вірусных інфекцый могуць адсутнічаць на занятках без даведкі да пяці дзён. Адпаведны ліст накіравала Міністэрства аховы здароўя ў Міністэрства адукацыі – піша Office Life.
Рашэннем Міністэрства аховы здароўя прадугледжана, што, калі дзіця адсутнічае на занятках у дзіцячым садку, школе, гімназіі, каледжы, універсітэце на працягу пяці дзён у сувязі з хваробай, даведку аб часовай непрацаздольнасці прадстаўляць не трэба.
Гэтая норма дзейнічае на час высокага ўздыму захворванняў на вірусныя інфекцыі. Яе можа адмяніць новае рашэнне Міністэрства аховы здароўя.
На Нацыянальным прававым партале апублікаваны праект змяненняў у падатковы Кодэкс Рэспублікі Беларусь. Згодна з дакументам, у Беларусі можа быць уведзены адзіны маёмасны плацеж. Гэта агульная сума падатку на нерухомую маёмасць, зямельнага падатку і транспартнага падатку, якая падлягае выплаце фізічнай асобай.
Змены чакаюцца таксама па стаўках падаходнага падатку. Так, для індывідуальных прадпрымальнікаў, у якіх даходы ў год перавысілі 500 тысяч рублёў, стаўку падаходнага падатку прапануецца ўстанавіць у памеры 30 працэнтаў. Звычайная стаўка складае 20 працэнтаў. Што да фізічных асоб, чый даход за каляндарны год перавысіць 200 тысяч, стаўка падатку можа скласці 25 працэнтаў з сумы перавышэння.
Працягваецца падзенне беларускай валюты. Сёння абменнікі прабілі сімвалічную планку ў 3 рублі 30 капеек за адзін долар. Для разумення маштабу інфляцыі, год таму банкі прадавалі і набывалі амерыканскую валюту па курсе, блізкім да 2.50. Гэта азначае, што за год беларускі рубель прасеў амаль на 25%. Самы высокі курс да беларускага рубля даляр паказваў паўтара года таму, на таргах 15 сакавіка 2022 года – 3,3195 рубля. Такім чынам да абсалютнага рэкорду засталося паўтары капейкі.
Паводле дадзеных Белстата на пачатак 2023 года ў Беларусі жыло каля палутара мільёнаў чалавек. Гэта кожны шосты жыхар краіны. Сярод абласцей найбольшая колькасць пенсіянераў на Міншчыне – 234 тысячы. Менш за ўсё іх жыве ў Магілёўскай вобласці, 168 тысяч чалавек.
Летась больш за 3 тысячы беларускіх пенсіянераў ажаніліся ці выйшлі замуж. Шлюбаў, дзе і жаніх, і нявеста былі ў старэчым узросце зарэгістравана 978. З гэтага ліку 8% жанчын і 5,5% мужчын ніколі не насілі пярсцёнкі. 18% і 25% страцілі сваіх мужа і жонкі, а 70% былі разведзены.
Тых, хто вырашыў яшчэ папрацаваць усяго каля 80 тысяч, ці 1,9% ад усяго працоўнага насельніцтва краіны. Застаюцца працаваць яны звычайна ў сферах адукацыі, аховы здароўя і ў навуцы. Шмат пенсіянераў удзельнічае ў валанцёрскім руху, іх доля каля 15 працэнтаў.
У Беларусі з 1 кастрычніка падаражэюць некаторыя маркі цыгарэт. Пра гэта паведамілі ў Міністэрстве па падатках і зборах.
На 20-45 капеек падаражэюць некаторыя віды цыгарэт Магнат, Мінск, Прэм’ер, Фэст, Dove, Credo, NZ, Queen, Matrix, portal, Pall Mall, Rigins, Kent, Vogue, Rothmans, RB ад Гродзенскай тытунёвай фабрыкі “Нёман”.
“Тытунь-інвест” павышае цэны на 5-40 капеек на некаторыя віды цыгарэт Mac, Карона, Форт, Kalipso, LD, Pall Mall, Camel, Richmond, Kent, Rothmans, Vogue, Lucky Strike.
У «Інтэр-Табака» на 40-45 капеек даражэюць некаторыя віды цыгарэт Dove і Red Bor.
Туркменскае выданне turkmen.news сцвярджае, што студэнты з Туркменістана ўцягнутыя ў пераправу выхадцаў з Сярэдняй Азіі ў краіны Еўрасаюзу і мігранцкі крызіс на мяжы. Адзін з затрыманых і дэпартаваных туркменаў вучыўся ў сельгасакадэміі ў Горках.
Дзесяткі маладых хлопцаў і дзяўчат з Туркменістана за грошы незаконна пераводзяць у Польшчу жыхароў краін Блізкага Усходу – піша выданне. Студэнтаў ловяць беларускія памежнікі, іх штрафуюць і дэпартуюць на радзіму, а некаторыя атрымліваюць турэмныя тэрміны. Сітуацыя аказалася настолькі сур’ёзнай, што намеснік міністра адукацыі Беларусі разаслаў у ВНУ ліст з патрабаваннем сачыць за навучэнцамі з Туркменістана. Копія ліста патрапіла ў распараджэнне turkmen.news.
Фота: turkmen.news
Дакумент, падпісаны намеснікам міністра Аляксандрам Бахановічам, паступіў у беларускія ВНУ ў верасні. У ім гаворыцца аб шматлікіх выпадках затрымання студэнтаў і выпускнікоў з Туркменістана ў межах памежнай паласы, у тым ліку ў той час, калі ў ВНУ праходзяць заняткі. Бахановіч патрабуе, каб кіраўніцтва ВНУ не дапускала пропускі заняткаў і ўзмацніла прафілактычную працу з замежнымі студэнтамі.
Паводле інфармацыі крыніцы turkmen.news у кіраўніцтве адной з ВНУ Беларусі, туркменскія студэнты ўцягнуты ў дзейнасць міжнароднай мафіі. Праз Беларусь у Польшчу, а потым у заходнюю Еўропу незаконна трапляюць грамадзяне Ірака, Лівіі, Йемена, Егіпта, Сірыі, Афганістана і іншых краін. Іх праваднікамі праз мяжу і з’яўляюцца туркменскія студэнты.
Яны на машыне давозяць групы замежнікаў да мяжы з Польшчай. Гэтая краіна Еўразвяза ў апошні час моцна ўмацавала сваю мяжу, пабудаваўшы сцяну, аднак кантрабандысты робяць пад ёй падкопы. Туркмены пераводзяць нелегальных мігрантаў на польскі бок і саджаюць іх у машыну саўдзельнікаў. Потым яны фатаграфуюць сваіх падапечных у доказ выкананай працы, вяртаюцца ў Мінск ці Брэст і атрымліваюць 3-4 тысячы долараў. Грошы за працу ім выплачвае нейкі грамадзянін, этнічны курд – сцвярджае выданне.
«Туркменскія студэнты аказваюцца ўцягнутымі ў гэта не ад безвыходнасці – падкрэслівае крыніца turkmen.news – Працы ў Беларусі шмат, яны могуць уладкавацца ў кафэ або таксістамі. Але іх прываблівае менавіта магчымасць зарабіць хутка і адразу шмат. Некаторыя студэнты гуляюць у азартныя гульні і маюць буйныя даўгі».
У звароце Бахановіча прыводзяцца прыклады затрыманняў і крымінальных спраў. У сакавіку 2023 года пры незаконным пераводзе праз мяжу васьмярых грамадзян Індыі быў затрыманы грамадзянін Туркменістана, студэнт чацвёртага курса Міжнароднага дзяржаўнага экалагічнага інстытута (МГЭІ) Наўруз Рэджэпаў. У ліпені яго прыгаварылі да трох гадоў пазбаўлення волі. У маі пры арганізацыі нелегальнай міграцыі дзесяцёх егіпцян былі злоўлены яшчэ двое студэнтаў той жа ВНУ – Керым Аламаў і Сапагельды Аладжанаў. У жніўні ім далі па 4,5 гады пазбаўлення волі.
Таксама ў звароце намесніка міністра адукацыі пералічваюцца грамадзяне Туркменістана, якіх пасля затрымання на мяжы аштрафавалі і дэпартавалі ў адміністрацыйным парадку. Сярод іх – студэнт Беларускай сельскагаспадарчай акадэміі ў Горках Палван Анамаў. Адзначым, што ў спісе затрыманых і дэпартаваных студэнтаў адсутнічаюць студэнты ці выпускнікі Беларуска-Расійскага універсітэта, дзе навучаюцца вялікія групы туркмен.
Turkmen.news падкрэслівае, што большасць туркменскіх студэнтаў усё ж працуюць у Беларусі і іншых краінах больш-менш легальна. Яны не могуць не працаваць, бо ўлады Туркменістана рэзка абмяжоўваюць аб’ём грошай, якія бацькі маюць права канвертаваць для адпраўкі дзецям за мяжу. Часта маладыя людзі і дзяўчаты вымушаны згаджацца на брудную і цяжкую працу.
