Кіроўца аўтамабіля Audi A8 на аўтадарозе Р-31 “Бабруйск-Мазыр” здзейсніў абгон на скрыжаванні і быў спынены супрацоўнікамі ДАІ Бабруйскага РАУС.
37-гадовы жыхар сталіцы паспрабаваў даць хабар інспектарам за непрыцягненне да адказнасці. На неаднаразовыя папярэджанні міліцыянераў аб крымінальнай адказнасці вадзіцель не рэагаваў.
Мужчына затрыманы. Узбуджана крымінальная справа за дачу хабару – паведамляе УУС.
Фота ілюстрацыйнае.
ДТЗ адбылося 13 жніўня на вуліцы Якубоўскага. 50-гадовы кіроўца Hyundai загінуў на месцы – паведамляе прэс-служба МУС.
Пасажыраў у салоне не было.
Прычыны аварыі высвятляюцца.
Фота: МУС
Рашэнне Магілёўскага аблвыканкама, прынятае 11 жніўня 2023 года дазваляе пачынаць збор дзікарослых брусніц з 14 жніўня. Журавіны дазваляецца збіраць толькі з 11 верасня. Пры гэтым пастанова прадугледжвае, што колькасць спелых ягад падчас нарыхтоўкі павінна складаць не менш за 99% ад агульнай масы – у выпадку з брусніцамі. Што да журавін, то тут спелых ягад мусіць быць не менш за 95%.
Падчас збору гэтых восеньскіх ягад трэба глядзець мапу забарон і абмежаванняў на наведванне лясоў.
Актуальная мапа знаходзіцца на сайце Міністэрства лясной гаспадаркі.
Фота ілюстрацыйнае
У першую чаргу будуць праведзены будаўніча-мантажныя працы, якія павінны завяршыцца да канца жніўня. Затым будзе падрыхтавана адпаведная праектная дакументацыя, пасля чаго пачнецца этап будаўнічых работ.
Падрадчыкам на аб’екце выступае будаўнічая арганізацыя “Аблдарбуд” – паведамляе телэграм-канал ” Магілёў – мой горад”.
А яшчэ сёлета рэканструкцыя закране Цішоўскія могілкі ў Магілёўскім раёне.
Фота ілюстратыўнае
Эканамічны суд Магілеўскай вобласці ад 29 студзеня 2019 года прызнаў банкрутам адкрытае акцыянернае таварыства “Крычаўгрузаўта” і прыняў рашэнне аб ліквідацыі прадпрыемства, што і адбылося на працягу першай паловы 2020 года. Адзначым, што прадпрыемства з’явілася ў 1959 годзе і на працягу сваёй гісторыі ў шэсць дзясяткаў год называлася па-рознаму, але нязменна выконвала функцыі грузаперавозак, рамонта аўтамабіляў і грузавога аўтамабільнага парка.
Яскравым сімвалам прадпрыемства з’яўляўся тэхнапомнік – ЗІЛ-164. Гэта грузавая машына доўгі час працавала на прадпрыемстве, а пасля спісання была ўсталявана на невысокім пастаменце ў галоўнага ўезда на яго тэрыторыю. Разам са знікненнем аўтатранспартнага прапрыемства ліквідавалі і тэхнічны помнік, пра што раней пісалі mogilev.media.
Што цікава, то некалі на сцяне адміністрацыйнага будынку транспартнага прадпрыемства быў намаляваны чырвонай і зялёнай фарбай вялікі надпіс “ЗА БЕЛАРУСЬ”. Хоць “Крычаўгрузаўтра” ужо няма, але гэты лозунг застаўся дагэтуль.
Прычым на гэтыя падзеі наклалася крымінальная справа былога кіраўніка аўтатранпартнага прадпрыемства і дэпутата Крычаўскага райсавета 27-га склікання Уладзіміра Ільянкова, які абвінавачваўся ў выманьванні крэдытаў ў буйных памерах. Тэрмін яму прысудзілі ўмоўна (1,5 гады) і перавялі на пасаду галоўным інжынерам СПК “Маляцічы”. “Высокакваліфікаваны” кадр Ільянкоў фактычна разваліў прадпрыемства і выйшаў сухім з вады, змяніўшы працоўнае месца.
Фота mogilev media і з адкрытых крыніц
У Магілёве будуць судзіць 36-гадовага кіраўніка жыллёвага кааператыва – паведамляе пракуратура. Мужчына завалодаў грашовымі сродкамі кааператыва, якія знаходзіліся на дэпазітным рахунку і прызначаліся для патрэб капітальнага рамонту жыллёвага фонду. Больш за 62 тыс. руб. ён перавёў у гатоўку ў банкаматах у Магілёве.
Грашовыя сродкі мужчына патраціў на набыццё асабістага аўтамабіля прэміум-класа “Mercedes-Benz GLA”, 2015 года выпуску, коштам 50 000 руб.
Заведзена крымінальная справа. Мужчына знаходзіцца пад вартай.
Фота ілюстрацыйнае.
13 каністраў з 240 літрамі дызельнага паліва, схаваных на агародзе, знайшлі праваахоўнікі ў 65-гадовага жыхара Касцюковіцкага раёна – паведамляе прэс-служба МУС.
Яшчэ 105 літраў афарбаванага паліва былі ў паліўных баках двух трактароў, якія належаць мужчыне. Таксама ў яго было знойдзена 20-літровая каністра з неселектыўным гербіцыдам. Міліцыянты высветлілі, што дызпаліва і ядахімікаты ён скупляў у працоўных сельскагаспадарчых арганізацый раёна.
За крадзеж ядахімікатаў у дачыненні да фігуранта і работніка сельгаспрадпрыемства, які рэалізаваў яму гербіцыд, следчымі ўзбуджана крымінальная справа. Па фактах незаконнага набыцця, захоўвання і рэалізацыі афарбаванага дызельнага паліва праводзіцца праверка.
Фота: МУС
У суботу, 12 жніўня, раніцай і днём па ўсходняй палове рэспублікі чакаецца ўзмацненне паўночна-заходняга ветру парывамі да 15-20 м/с, у дзённыя гадзіны ў многіх раёнах Магілёўскай і Гомельскай абласцей – моцныя дажджы.
Фота ілюстрацыйнае
У красавіку ён быў на Чыгірынскім вадасховішчы і ў забаронены час і тэрміны лавіў з пірса рыбу і ракаў. Усяго злавіў 246 асобін.
Ракаў здабываў з дапамогай 12 ракаловак – 6 з іх былі забароненымі.
Сума шкоды ад гэтай рыбалкі склала больш за 18 тысяч рублёў, з якіх 8 тысяч – гэта жывыя ракі, іх адпусцілі назад у вадаём.
У судзе мужчына сваю віну не прызнаў, шкоду кампенсаваць адмовіўся. У выніку суд прызначыў яму пакаранне ў выглядзе пазбаўлення волі тэрмінам на 2 гады са штрафам у памеры 100 базавых велічыняў (3700 рублёў).
Пры гэтым было вырашана не выконваць пакаранне ў выглядзе пазбаўлення волі, калі на працягу 2 гадоў выпрабавальнага тэрміну ён не здзейсніць новага злачынства, і будзе выконваць ускладзеныя на яго судом абавязкі.
Усе ракалоўкі канфіскаваныя. Акрамя таго суд абавязаў мужчыну ў вольны час адпрацаваць 100 гадзін на грамадска-карысных працах – паведамляе пракуратура Магілёўскай вобласці.
Фота ілюстрацыйнае
Пры выяўленні грамадзян, якія карыстаюцца металадэтэктарамі, што знішчаюць помнікі археалогіі і абазначаюць знакі на тэрыторыі такіх помнікаў, неабходна звяртацца да супрацоўнікаў органаў унутраных спраў. За такія правапарушэнні прадугледжана адміністрацыйная і крымінальная адказнасць – заклікае глускай раённая газета “Радзіма”.
Ад рэдакцыі. Сярод спецыялістаў-археолагаў ёсць рознае стаўленне да людзей, што карыстаюцца металашукальнікамі. Натуральна ўсё прафесійныя даследчыкі асуджаюць выкастарынне металадэтэктараў, з дапамогай якіх адбываецца пошук прадметаў старыны (пераважна манеты, але і іншыя прадметы побыту і ўпрыгожванне з каляровых металаў). Некаторыя прадстаўнікі гістарычнай сферы выступаюць за адміністрацыйнае ці нават крымінальную адказнасць. Іншыя даследчыкі лічаць, што так званых “камароў” варта глыбока інтэграваць у краязнаўчую дзейнасць, каб яны прыносілі больш карысці чымся шкоды.
Фота ілюстрацыйнае
