Category: Надвор’е

Узровень кішачнай палачкі на магілёўскім пляжы ў 24 разы перавысіў норму

Навіна ад

У Магілёве і Бабруйску ўводзяць новыя абмежаванні на купанне, а ў Кадзіне, Клімавічах і Леніно наадварот, адкрываюць пляжы для ўсіх ахвотных.

Магілёўскі занальны цэнтр гігіены і эпідэміялогіі расказаў аб выніках лабараторных даследаванняў проб вады з зон рэкрэацый Магілёва і Магілёўскага раёна – піша выданне Mogilev.in.

Дапушчальны індыкатар паказчыка кішачнай палачкі Е.соli складае не больш за 100 СЁЕ/100 см³. На Дняпры ў раёне гарадскога пляжу абласнога цэнтра ён перавышае норму ў 24 разы, а ў заліве ракі на Фаціна – у 6,2 разы.

На сённяшні дзень у Магілёве закрытыя тры афіцыйныя пляжы на Дняпры – гарадскі, на Фаціна і ў Палыкавічах. Аднак, купацца можна ў Пячэрскім водасховішчы (тут, дарэчы, самая чыстая вада ў горадзе) і на Святым возеры. На Святым возеры, праўда, рэкамендуецца не пускаць у ваду дзяцей.

Магілёўскі абласны цэнтр гігіены і эпідэміялогіі паведамляе, што ўсяго па вобласці было ўзята 68 проб вады на 14 жніўня 2024 года. У 17 выпадках нарматывы былі перавышаныя. У выніку цэнтр рэкамендаваў абмежаваць купанне на гарадскіх пляжах №1 і №2 у Бабруйску.

Адначасова, абласныя гігіеністы рэкамендавалі зняць абмежаванні з пляжаў:

  • каля аграгарадка Кадзіна на возеры Гусіным;
  • на рацэ Асцёр у Клімавічах;
  • на сажалцы ў пасёлку Леніно Горацкага раёна.

Поўную інтэрактыўную мапу забарон на купанне па Магілёўскай вобласці можна знайсці тут.

Фота: mogilev.media

Моцны вецер і навальніцы – прагноз надвор’я на новы тыдзень

Навіна ад

Канец ліпеня пройдзе на Магілёўшчыне пад знакам цыклона, што вандруе з Балтыйскага рэгіёна.

У панядзелак 29 ліпеня на тэрыторыі Беларусі будзе назірацца перамяшчэнне цыклона, які ідзе з Латвіі ў бок Смаленскай вобласці. У сувязі з гэтым па большай частцы нашай краіны чакаюцца дажджы і навальніцы, часам моцны вецер – прагназуюць у Белгідраметэацэнтры. Тэмпература паветра ў панядзелак складзе каля +19°С днём.

30 ліпеня надвор’е на Магілёўшчыне па-ранейшаму будзе вызначаць цыклон, цэнтр якога перамясціцца на Бранскую вобласць. На большай частцы тэрыторыі краіны чакаюцца дажджы, ноччу месцамі моцныя дажджы. У асобных раёнах краіны прагрымяць навальніцы. Тэмпература паветра ноччу чакаецца каля +14°С, днём да 22°С.

Днём 31 ліпеня будзе назірацца змяншэнне ўплыву цыклона, але захаваецца воблачнае, дажджлівае надвор’е. Тэмпература паветра складзе каля +16°С ноччу і да +23°С днём.

Воблачнае з праясненнямі надвор’е чакаецца і ў першыя дні жніўня па Магілёўскім рэгіёне. Тэмпература паветра – камфортныя +23°С – +24°С днём па большай частцы тэрыторыі. Магчымыя дажджы. У апошнія дні тыдня крыху пацяплее да +25°С.

Сонечна, спякотна – прагноз надвор’я на новы тыдзень

Навіна ад

Панядзелак на Магілёўшчыне прагназуецца дажджлівы, а ўвесь астатні тыдзень чакаецца яснае сонечнае надвор’е з паступовым ростам тэмпературы да 30°С.

Днём 22 ліпеня Магілёўшчыну накрые дажджлівае надвор’е – прагназуюць спецыялісты. Тэмпература паветра будзе складаць каля 25°С. У гэты ж самы час аранжавы ўзровень небяспекі абвешчаны па паўднёвым захадзе нашай краіны – тут слупок тэрмометра падымецца да +30 +31°С.

23-24 ліпеня ўмовы надвор’я ў асноўным будуць фарміраваць цёплыя няўстойлівыя паветраныя масы. Чакаецца яснае сонечнае надвор’е. Тэмпература ноччу складзе +15 +16°С, днём да +26.

Бліжэй да выхадных паветра можа прагрэцца да +28 +30 градусаў. У апошнія дні тыдня чакаюцца дажджы, навальніцы.

Фота: mogilev.media

Армагедон на Магілёўшчыне – самы моцны ўдар стыхіі прыйшоўся на Асіповічы. Фота, відэа

Навіна ад

Днём 14 ліпеня на Магілёўшчыну абрынуўся жорсткі ўдар стыхіі. Навальніца, якая прайшла па паўднёвых рэгіёнах нашай краіны, закранула таксама некаторыя ўчасткі Магілёўшчыны. Сярод раённых цэнтраў самы моцны ўдар стыхіі адчулі на сабе жыхары Асіповіч.

Так, сапраўдная паніка пачалася ў наведвальнікаў цырка, калі ад моцнага ветра тут пачало проста рваць сам шацёр. Відэа, знятае гледачамі прадстаўлення, а таксама іншыя наступствы стыхіі на вуліцах Асіповіч і на дарогах Магілёўскай вобласці – у нашай відэападборцы.

У Асіповічах стыхія ламала дрэвы ў парку і на вуліцах. Увесь вечар 14 ліпеня і сёння раніцай у горадзе камунальныя службы і іншыя арганізацыі займаліся разборам завалаў.

На некаторых трасах рэгіёна паваленыя дрэвы заблакавалі рух транспарта. Гэта назіралася на трасе Гомель-Магілёў, на дарозе пад Чавусамі – пісалі карыстальнікі Тэлеграм-канала “ДАІ Магілёў ДПС”. 

У Бабруйску пасля навальніцы заліло некалькі гарадскіх вуліц – піша “Камерцыйны кур’ер”.

Нажаль, у піянерскім лагеры пад Рэчыцай ахвярай навальніцы стаў 13-гадовы хлопчык.

АБНОЎЛЕНА:
Ахвярай стыхіі таксама стала 5-гадовая дзяўчынка ў Магілёўскім раёне – паведамляе Следчы камітэт.

Фота, відэа: “Асіповіцкі край”.

Трапічная спёка выходзіць на пік – на выходных будзе да +38°С

Навіна ад

Гарачае паветра з Сахары расплавіць атмасферу на Магілёўшчыне ў бліжэйшыя некалькі дзён. Самая гарачыня чакаецца ў нядзелю 14 ліпеня.

Спецыялісты Белгідраметцэнтра прагназуюць, што на выходных тэмпература паветра па краіне прагрэецца да 30-34°С днём. Таксама цёплымі і задушлівымі будуць ночы – да +24°С. 

У паўднёва-ўсходніх рэгіёнах Беларусі на выходных чакаецца да 35-37 градусаў цяпла, а ў нядзелю і да 38°С. Такі прагноз можа закрануць і частку Магілёўшчыны — Слаўгарадскі, Быхаўскі, Бабруйскі раёны і сумежныя з імі. Толькі месцамі падчас дажджоў тэмпература паветра складзе 25-29 градусаў.

Спякотнае надвор’е захаваецца і ў панядзелак. Па папярэднім прагнозе, дыхаць стане лягчэй з аўторка, калі дзённыя максімумы апынуцца ў межах 24-31 градусаў.

Фота з адкрытых крыніц

У Магілёве абвешчаны аранжавы ўзровень небяспекі – а ў выходныя будзе яшчэ гарачэй

Навіна ад

Два дні запар – на 11 і 12 ліпеня – у Магілёве абвешчаны аранжавы ўзровень небяспекі з-за спёкі. Тэмпература паветра днём будзе вышэй за 30°С, а магчыма, што і ўсе 34°С. На заўтра ў горадзе прагназуецца малавоблачнае надвор’е, на пятніцу – слабыя аблокі. На выходных чакаецца яшчэ большая спёка – да +32 градусаў, але пры гэтым магчымыя дажджы.

Фота: mogilev.media

Грозы атаковали несколько районов Могилевской области

Навіна ад

Горели дома, баня, срывало шифер с телятника – в Славгородском, Быховском и Горецком районах.

Второго июля молния подожгла крышу бани в Славгородском районе. Хозяйки, 68-летней могилевчанки дома не было и МЧС вызывали соседи.

В деревне Кузьковичи Быховского района, спустя два часа, молния подожгла крышу нежилого дома. Повреждены перекрытия строения, сообщает областное управление МЧС Республики Беларусь.

В Горецком районе разбушевавшаяся стихия срывала десятки листов шифера с сельскохозяйственных построек.

Кроме того, подразделения МЧС восемь раз за два дня выезжали на уборку упавших деревьев.

Фото: МЧС Республики Беларусь.

Адзін дзень гарачыні, а потым дажджы і прахалода – надвор’е на Магілёўшчыне на новы тыдзень

Навіна ад

Спёка і задуха яшчэ будуць панаваць у Магілёўскім рэгіёне на самым пачатку новага тыдня – прагназуюць сіноптыкі. Так, у панядзелак 1 ліпеня ўмовы надвор’я будуць вызначаць атмасферныя франты, якія рухаюцца з захаду, і вельмі цёплая паветраная маса. Днём па ўсёй краіне чакаюцца кароткачасовыя дажджы і навальніцы, тэмпература паветра да +30 +34°С.

Франтальны падзел будзе вызначаць надвор’е і ў аўторак, 2 ліпеня. Заходняя частка Беларусі пры гэтым трапіць пад уздзеянне прахалодных паветраных мас, тады як на ўсходзе захаваецца высокая тэмпература. Сутыкненне франтоў прывядзе да вялікай колькасці ападкаў. На Магілёўшчыне чакаюцца дажджы і навальніцы, моцны парывісты вецер. Тэмпература паветра ноччу +20°С, днём +25°С.

3 ліпеня ўмовы надвор’я ў асноўным будуць вызначаць прахалодныя няўстойлівыя паветраныя масы. Месцамі пройдуць кароткачасовыя дажджы, у асобных раёнах навальніцы. Уначы і раніцай месцамі слабы туман. Вецер пераменных напрамкаў умераны, пры навальніцах парывісты. Тэмпература паветра ноччу +11 +18°С, днём +20 +21°С.

Воблачнае надвор’е з невялікімі дажджамі прагназуецца на апошнія дні тыдня. Тэмпература паветра крыху павысіцца, да +26 °С у чацвер, 4 ліпеня. У пятніцу чакаецца +24 °С. На выходных – без асаблівых ападкаў, сонечна, +23°С +28°С.

Фота: mogilev.media

Сонечна, спякотна – якое надвор’е нас чакае на новы тыдзень

Навіна ад

Прахалода панядзелка хутка зменіцца ўстойлівай задухай – прагназуюць сіноптыкі.

У панядзелак, 24 чэрвеня на Магілёўшчыне чакаюцца кароткачасовыя дажджы, тэмпература паветра днём падымецца да камфортных і даволі прахалодных +19°С. Але ўжо з аўторка слупок тэрмометра будзе няўхільна падымацца да +24°С +25°С, а неба стане бясхмарным, сонечным. Да канца тыдня захаваецца паступовы рост дзённай тэмпературы, на Магілёўшчыну прыйдзе спёка. У чацвер і пятніцу чакаюцца +27°С +28°С, а на выходных да +30°С. Пры гэтым сіноптыкі прадказваюць бязвоблачнае надвор’е да самай нядзелі. У апошні дзень месяца, 30 чэрвеня, магчымая навальніца.

Фота: mogilev.media

Надвор’е на новы тыдзень – спачатку спякотна, дажджліва, а пад канец тыдня пасвяжэе

Навіна ад

Днём у панядзелак надвор’е на Магілёўшчыне будзе вызначацца няўстойлівай паветранай масай, што рухаецца з тэрыторыі Украіны ў накірунку Бранскай вобласці Расіі. Чакаецца, што ў нашым рэгіёне гэта прывядзе да моцных дажджоў днём 17 чэрвеня. Тэмпература паветра каля +18 +20°С – паведамляе сайт Белгідрамета.

 18 чэрвеня ўся краіна апынецца пад уздзеяннем цёплых і няўстойлівых паветраных мас, што рухаюцца з паўднёвага захаду Еўропы. Тэмпература паветра падымецца да +26°С днём, у ноч на сераду чакаецца +17°С. Воблачна.

У сераду, 19 чэрвеня паветра на Магілёўшчыне прагрэецца да +27°С, чакаюцца дажджы, часам навальніцы і нават град.

У наступныя дні тыдня сіноптыкі прагназуюць малавоблачнае надвор’е з паступовым паніжэннем дзённай тэмпературы паветра да +22°С з чацвярга па суботу і +21°С у нядзелю, 22 чэрвеня. Начныя тэмпературы ў канцы тыдня таксама знізяцца да +13°С +14°С. Будзе воблачна, але без вялікіх ападкаў. У нядзелю магчымыя дажджы.

Фота: mogilev.media