Tag: война

Навіны пабрацімаў. Мікалеўская вобласць зноў атакаваная Расіяй. Ёсць пацярпелыя, у тым ліку дзеці

Навіна ад

У Вазнясенску параненыя 9 чалавек. З іх 4 дзяцей. Дзяўчынцы асколкам вырвала вока.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Паводле старшыні абласной ваеннай адміністрацыі Віталія Кіма, расійскія ракеты пацэлілі ў пяціпавярхоўку і прыватныя дамы. Атакаваны горад быў днём.

«Па стане на 13.00 (кіеўскі час, ММ) пацярпелі сем чалавек, трое з іх дзеці. Адно дзіця цяпер на аперацыі», – напісаў  Кім у сваім тэлеграм-канале.

Праз паўгадзіны кіраўнік абласной адміністрацыі звесткі абнавіў.

«У 13.30. 9 параненых, у тым ліку 4 дзяцей. З дзецьмі ўсё складана. Узрост ад 3 да 17 гадоў», напісаў ён.

Пазней дадаў, што пацярпелай падчас абстрэлу дзяўчынцы вырвала вока і яе перавозяць у Мікалаеў.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота з рэсурсу: t.me/mykolaivskaODA, t.me/uniannet 

 

Прадстаўнікі магілёўскай улады пад расійскімі сцягамі адзначылі пабіццё расійскага войска Напалеонам

Навіна ад

На месцы бітвы пад Магілёвам сабраліся чыноўнікі, «казакі», актывісты прарасійскіх арганізацыяў. Запрасілі праваслаўнага святара.

120 гадоў таму ля прыгараднай Магілёўскай вёскі Салтанаўкі французскі генерал Луі Нікаля Даву разбіў расійскае войска, якім камандаваў Мікалай Раеўскі. Праз сто год на месцы бітвы, у 1912-тым, узвялі часоўню ў памяць аб загінулых рускіх салдатах. Расіяне стараюцца не гаварыць пра паразу і акцэнтуюць увагу на гераізме продкаў.

18 жніўня ля часоўні сабраліся чыноўнікі, асобы апранутыя ў казацкае, актывісты прарасійскіх арганізацыяў ды масоўка, якой раздалі расійскія сцяжкі. На імпрэзе была і афіцыйная беларуская атрыбутыка.

Афіцыйна мерапрыемства падавалася, як Дзень памяці да чарговай гадавіны бітвы паміж рускім і напалеонаўскім войскамі. Яго арганізатарамі выступілі Магілёўскі райвыканкам, аб’яднаньне «Патриоты Беларуси», а таксама прадстаўніцтва «Россотрудничества».

У публікацыі магілёўскай раёнкі дзейства пад Магілёвам названае «празднованием», якое было прысвечанае «памяці рускіх воінаў, якія загінулі 12(13) ліпеня 1812 года ў бітве з французамі пры Салтанаўцы».

Звяртае на сябе ўвагу ўдзел у арганізацыі імпрэзы аб’яднання «Патриоты Беларуси». Гэтая арганізацыя не часта ўсплывае ў медыйнае прасторы. Найчасцей фігуруе праўладны БРСМ.

«Патриоты Беларуси», як адзначана на іхным сайце, афіцыйна пачалі сваю працу ў снежні 2020 года. Гэта значыць, па здушэнні актыўнай фазы грамадскага пратэсту, выкліканага прэзідэнцкімі выбарамі. Дэклараваныя мэты арганізацыі гучаць, нібы, прабеларускія: «пабудова незалежнай квітнеючай Беларусі», аб’яднанне грамадзянаў Беларусі на аснове патрыятычных і духоўна-маральных каштоўнасцяў беларускага народу, яго культурных традыцый і гістарычнага лёсу. А яшчэ гэта арганізацыя ставіць за мэту «імкненне да захавання суверэнітэту і незалежнасці дзяржавы».

Удзел “Патриотов Беларуси” ў імпрэзе, якая прарасійская сваёй сутнасцю, дэманструе, хто яны ёсць насамрэч.

На беларускіх землях, акупаваных расійскай імперыяй у выніку падзелу Рэчы Паспалітай, не хавалі сваіх сімпатыяў да Напалеона і спадзяваліся на адраджэнне дзяржавы двух народаў. Багата беларусаў ваявала на баку французаў супраць расійскіх войск.

У Магілёве праваслаўны арцыбіскуп Варлаам 14 ліпеня 1812 года ў кафедральным саборы прысягнуў на вернасць Напалеону і загадаў зрабіць гэта духавенству епархіі. Дзве траціны святароў падпарадкаваліся.

Па вяртанні ў Магілёў расійскай улады Варлаама адхілі ад арцыбіскупства і саслалі ў манастыр. Замест яго паставілі святара з Разані.

фота: pniva.by

Навіны пабрацімаў. Урад Латвіі вінаваціць самакіраванне Даўгаўпілсу ў сабатажы, бо яно адмаўляецца дэмантаваць савецкія мемарыялы

Навіна ад

Пад дэмантаж падпадаюць мемарыялы, якія, згодна з латвійскім заканадаўствам, услаўляюць акупацыйную ўладу СССР ці нацысцкую Нямеччыну, а таксама таталітарызм, гвалт, ваенную агрэсію ды ідэалогію або атрымоўваюць знакі савецкай улады ці нацызму.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

У краіне такіх помнікаў налічылі 69. У Латгаліі 22 і два з іх знаходзяцца ў найбуйнейшым горадзе рэгіёну Даўгаўпілсе. Яго самакіраванне адмаўляецца выконваць патрабаванне ўраду, бо лічыць, што Закон, які прадпісвае знос помнікаў, прыняты з парушэннем канстытуцыі. Акрамя таго, на такія працы мясцовая ўлада не мае сродкаў.

Кіраўнік думы Андрэй Элксніньш настойвае: яго калегам не зразумелыя крытэры выбару помнікаў, якія трэба зносіць.

«На наш погляд, – заяўляе ён – у Даўгаўпілсе няма помнікаў, якія ўслаўляюць савецкі рэжым, а ёсць помнікі і мемарыяльныя аб’екты ў гонар загінулых у Другой сусветнай вайне салдат, якія вызвалілі свет ад нацызму».

Кіраўнік Міністэрства аховы асяроддзя і рэгіянальнага развіцця ўраду Артурс Томс Плешс лічыць дзеянні Даўгаўпілскага самакіравання падобнымі да сабатажу латвійскага закона, што на ягоную думку, «у цяперашніх геапалітычных умовах зʼяўляецца асабліва трывожнай сітуацыяй».

Ён настойвае: гарадская дума не павінна марудзіць з выкананнем закону і цягам тыдня прадставіць міністэрству план дзеянняў па зносе помнікаў.

«Міністэрства без ваганняў прыме меры для выканання ўстаноўленых законам нормаў», падкрэслівае ўрадовец.

Даўгаўпілс горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгале, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск.

фота: la.lv

Расіян, прагных да модных брэндаў, паболее. Для іх арганізуюць рэгулярныя туры і правядуць інструктаж, як шукаць недаступныя на радзіме тавары

Навіна ад

Па ўварванні ва Ўкраіну Расіі з яе рынку сышло багата заходніх кампаніяў, якія прадавалі свае брэндаваныя тавары. У Беларусі яны ў свабодным продажы і сюды кінуліся на закупы расіяне.

Расійскія турфірмы фіксуюць рост заявак на паездкі ў Беларусь і павышаны попыт на туры выхаднога дня, у якія выпраўляецца моладзь. Гэтую катэгорыю пакупнікоў мясцовыя кампаніі пачалі запрашаць у арганізаваныя паездкі ў нашу краіну па модныя брэнды.

Пакуль прапрацаваны шоп-тур у Мінск мае толькі адзін расійскі тураператар, які прапануе рэгулярныя рэйсы ў сталіцу Беларусі. Заезды з Масквы ён плануе пачаць з 25 жніўня і рабіць іх шточацвер, а з закупаў будзе вывозіць кліентаў у нядзелі, піша рэсурс Myfin.

Расіянаў у Беларусі падрыхтуюць да «палявання» на брэнды, а побыт зробяць камфортным. Жыць будуць у чатырохзоркавым гатэлі з магчымасцю замаўлення экскурсію па Мінску. Яны пройдуць «інструктаж» па пошуку ў горадзе брэндаваных тавараў ад кампаніяў NIKE, ZARA і падобных ім.

Паводле Myfin, без уліку кошту пералёту, шоп-тур з Масквы ў Мінск на дваіх абыдзецца ў 33,5 тыс. расійскіх рублёў (больш за 1,4 тыс. беларускіх рублёў), а з уключанай у цану дарогай – больш за 57,8 тыс. расійскіх рублёў (2,45 тыс. беларускіх рублёў) на дваіх.

Вайна ва Ўкраіне. Расія атакавала Харкаў, шмат загінулых і параненых (абноўлена)

Навіна ад

У выніку абстрэлаў Харкава вечарам 17 жніўня і раніцай 18 жніўня ў больніцы гораду шпіталізавана 25 дарослых, з іх адзін у рэанімацыі. Загінула больш за 10 чалавек. Пад вечар колькасць забітых павялічалася да 17, а параненых да 42.

Паводле Абласной ваеннай адміністрацыі, піша выданне «Об’ектив», у больніцах знаходзяцца 4 дзіцяці: дзяўчынка 13 гадоў і хлопчык 12 гадоў, траўмаваныя ў выніку абстрэлу ў Слабадскім раёне Харкава (хлопчык – у цяжкім стане); дзяўчынка 12 гадоў, траўмаваная ў Салтаўскім раёне; яшчэ 1 дзяўчынка 12 гадоў, што пацярпела ў Краснаградзе.

Цягам дня ратавальнікі разбіралі зруйнаваныя дамы. У завалах адшукалі целы яшчэ 7 загінулых. Такім чынам, колькасць загінулых павялічыся да 17 чалавек. Сярод іх хлопчык 2009 года нараджэння. Параненых стала 42 чалавекі.

17 жніўня познім вечарам расійская крылатая ракета «Калібр» пацэліла ў інтэрнат, дзе пражывалі людзі з парушэннямі слыху. Загінулі 7 і атрымалі раненні 20 чалавек.

У інтэрнаце жыло больш за 30 чалавек, у тым ліку пенсіянеры і дзеці. У некалькіх пад’ездах мелі пакоі людзі з парушэннямі слыху.

На досвітку абстрэл Харкава працягнуўся. У выніку загінула яшчэ 3 чалавекі і 15 аказаліся параненымі.

Паводле старшыні Харкаўскай абласной ваеннай адміністрацыі Алега Сінягубава, расіяне сталі страляць па абласному цэнтру блізу 4 гадзінаў раніцы. Ракеты цэлілі ў адно з камунальных прадпрыемстваў, але трапілі ў жылы дом. 

«Загінулі 3 чалавекі, атрымалі раненні блізу 15. Там даволі значныя разбурэнні, і цяпер на месцы працуюць падраздзяленні ратавальнікаў, экстранай медычнай дапамогі, і мы прагназуем па гэтым абʼекце павелічэнне колькасці ахвяр» – каментуе сітуацыю Алег Сінягубаў, якога цытуе https://www.unian.net/ інфармацыйнае агенцтва «УНІАН».

Ён кажа, што два ракетныя ўдары зазнала культурная інфраструктура Харкава. Паводле папярэдніх звестак, ахвяр там няма.

Сінягубаў адзначае, што за апошнія содні зафіксавана каля 8 ракетных пускаў па Харкаве і вобласці.

Паводле яго ў райцэнтры Краснаград у выніку абстрэлу загінула сямʼя, у тым ліку 12-гадовае дзіця.

Расія прызнала абстрэл Харкаўскай вобласці. Заяўляецца, што «высокадакладнай зброяй наземнага базавання знішчаны пункт часовай дыслакацыі замежных наймітаў у Харкаве. Знішчана больш за 90 баевікоў».

Фота з рэсурсу: objectiv.tv

Навіны пабрацімаў. У Мікалеве расійскія войскі атакавалі ўніверсітэт

Навіна ад

У Чарнаморскі нацыянальны ўніверсітэт імя Пятра Магілы пацэлілі дзве ракеты. Атака адбылася ўначы з 16 на 17 жніўня. У будынку знаходзіўся толькі ахоўнік. Ён не пацярпеў.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Ракетамі пашкоджаны будынак навучальнай установы. Ад абломкаў і ўдарнай хвалі пашкоджаныя таксама дамы насупраць. Камунальнікі расчышчаюць тэрыторыю каля ўніверсітэту, каб вызваліць праезд.

«Гэта сапраўдныя тэрарысты, якія, прыкрываючыся сваёй прапагандай, працягваюць цынічна разбураць нашы навучальныя ўстановы» – адрэагаваў на чарговы абстрэл у сваім тэлеграм-канале мэр гораду Аляксандр Сянкевіч.

Ён адзначае, што днямі апублікаваў відэа, якое даказвае, што ў навучальнай установе няма вайсковых базаў.

«Там працуюць звычайныя спецыялісты ўніверсітэту: прымаюць дакументы абітурыентаў, падпісваюць абыходныя лісты, выдаюць дыпломы. А сёння ноччу туды прыляцелі дзве расейскія ракеты», – піша Сянкевіч.

Чарнаморскі нацыянальны ўніверсітэт – адна з наймалодшых вышэйшых навучальных устаноў Украіны. Самастойнай адзінкай у адукацыйнай сістэме краіны ён стаў у 2002 годзе. А ў 2015 – атрымаў статус Нацыянальнага. Да поўнамасштабнага ўварвання ва Ўкраіну расійскіх войск у ім вучылася 4,5 тысячы студэнтаў.

16 жніўня ў Мікалаве расійскія войскі ракетамі разбурылі мясцовую школу. У яе пацэлілі тры ракеты. Напад на навучальную ўстанову абышоўся без ахвяраў.

 

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: t.me/senkevichonline

Навіны пабрацімаў. У Мікалаеве расійскім абстрэлам разбураная школа (фота)

Навіна ад

За час поўнамаштабнай расійскай агрэсіі супраць Украіны ў Мікалаеве зазналі абстрэлы 49 мясцовых школ. З іх 4 разбураныя часткова або цалкам.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Апошнюю навучальную ўстанову, атакаваную расіянамі, інспектаваў мэр гораду Аляксандр Сянкевіч. На яе тэрыторыі ўзарваліся тры ракеты. Частка будынку цалкам разбурана, у астатняй – выбітыя вокны, дзверы, пашкоджаная маёмасць, піша Сянкевіч у сваім тэлеграм-канале. Па яго словах, да магчыма абстрэлу школу падрыхтавалі.

«Уся дарагая аргтэхніка са школы была эвакуявана аддзелам адукацыі ў першыя дні поўнамаштабнай вайны. У цяперашні час адтуль вывезена ўся ацалелая мэбля і навучальныя матэрыялы. Цяпер спецыялісты МНС (Міністэрства надзвычайных сітуацыяў – ММ) разбураць адну сцяну, аварыйную і небяспечную. На час вайны школу зачынілі» – адзначае  Сянкевіч.

Паводле яго, для педагагічнага калектыву, які застаўся ў горадзе, арганізуюцца працоўныя месцы ў іншых установах.

Тым часам, 68 мясцовых выпускнікоў здалі шматпрадметнае тэставанне на 200 балаў (максімальны паказчык ва Ўкране), паведамляе выданне Inshe.tv. Паводле яго, многія выпускнікі здалі рэспубліканскае шматпрадметнае тэставанне на бал, блізкі да максімальнага.

Пабрацімства Мікалаева з Магілёвам было замацаванае дамовай у 2009 годзе. 

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: t.me/senkevichonline

Навіны пабрацімаў. Рэкордныя аб’ёмы атрыманай з Украіны сельгаспрадукцыі экспартуецца з Клайпедскага порту

Навіна ад

Мясцовая марская грузавая кампаніі «Bega» наладавала танкер 15 тысячамі тон украінскага сланечнікавага алею. Гэта адна з найбуйнейшых партый украінскіх грузаў, якую адправілі з Клайпедскага порту.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Танкер, які вывез алей, унікальны, бо ім раней выпраўлялі ў свет буйную партыю нафты, экспартаванай Украінай.

«Bega» працягвае атрымліваць як вадкую, так і сыпкую сельгаспрадукцыю з Украіны. У порце кампаніі зарэзервавалі частку грузапад’ёмнасці для ўкраінскіх тавараў. Акрамя алею, вывезеныя ўкраінская кукуруза ды збожжа.

Паводле прадстаўнікоў кампаніі, з мая яна прымае чыгуначныя саставы з кантэйнерамі і аўтамабільны транспарт, які вязе з Украіны як нафту, так і сыпкую сельгаспрадукцыю, піша інтэрнэт-рэсурс Atvira Klaipeda.

«Рыхтуючыся да сезону экспарту літоўскага збожжа, мы прынялі пэўныя інвестыцыі і арганізацыйныя рашэнні, каб падзяліць украінскія і літоўскія грузапатокі і забяспечыць іх бесперабойны прыём і пагрузку», кажа прадстаўнік кампаніі.

Цяпер, паводле яго, кампанія прымае і захоўвае як украінскую, так і літоўскую сельскагаспадарчую прадукцыю новага ўраджаю.

«Мы ўжо загружаем на караблі першыя партыі сёлетняга ўраджаю літоўскага рапсу і іншых збожжавых культур» – адзначае прадстаўнік кампаніі ў інтэрвʼю выданню.

Atvira Klaipeda піша кампанія «Bega» кіруе некалькімі тэрміналамі ў Клайпедскім порце, у тым ліку наліўных грузаў, які адаптаваны для перавалкі ўкраінскай нафты, сыпкіх угнаенняў, мінеральных матэрыялаў, цэменту.

Тэрмінал лічыцца адным з найбуйнейшых і сучасных для складавання сельскагаспадарчай прадукцыі ў Балтыйскім рэгіёне. У ім адначасова можа захоўвацца да 450 тысяч тон сыпкіх сельскагаспадарчых прадуктаў, а за год ён можа прапусціць праз сябе блізу 4 мільёнаў тон грузаў.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: atviraklaipeda.lt

Навіны пабрацімаў. У Клайпедзе асаблівы круізны сезон, але частка суднаў праз вайну ва Ўкраіне абмінае парты краін Балтыі

Навіна ад

У красавіку ў Клайпедскім порце прагназавалі, што сёлетні сезон можа стаць рэкордным, але ў выпадку, калі геапалітычная сітуацыя не прынясе сюрпрызаў. На пачатку ліпеня планы былі адкарэктаваныя: з-за вайны ва Украіне частка караблёў з турыстамі змянілі маршруты, абыходзячы парты краін Балтыі, і направіліся ў Скандынавію.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

З пачатку круізнага сезону Клайпеду наведалі 39 судоў. Да кастрычніка чакаюць яшчэ 20.

У кіраўніцтве порту разлічваюць, што сёлета партовы горад наведвае больш судоў, якія прыходзяць сюды ўпершыню, таму гэты сезон называюць асаблівым, паведамляе выданне Delfi.

«Клайпеда звычайна прымае 5-6 новых круізных лайнераў кожны год, але сёлета праз вароты порта прайшло ўжо 9 судоў, якія заходзілі сюды ўпершыню», адзначае прадстаўнік порту Крысціна Ганцьер.

У маі Клайпедскі цэнтр турызму і культуры заяўляў, што мясцовы порт чакае 80 круізных суднаў. Летась жа праз пандэмію каранавірусу іх было два.

Першым літоўскі порт наведала судна з Нямеччыны, пісаў Магілёў.media. На борце круізнага лайнера было 300 нямецкіх турыстаў. Яны агледзелі стары горад Клайпеды, а таксама суседнія Палангу і Нерынгу.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: dcdn.lt

Навіны пабрацімаў. Апублікаваныя фота з наступствамі начнога абстрэлу расійскімі войскамі Мікалаева

Навіна ад

Мікалаеў атакавалі ўначы. Па прыфрантавым горадзе расійскія войскі звыкла страляюць гэтай парой, альбо на золку. У выніку начнога абстрэлу адзін чалавек атрымаў раненні. У адным з паселішчаў вобласьці адзін чалавек загінуў.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Паводле абласной ваеннай адміністрацыі, «праціўнік абстраляў жылы квартал гораду». Адзін чалавек атрымаў раненні. Пашкоджаныя лініі сувязі і цывільная інфраструктура.

Горад расіяне атакавалі рэактыўнай сістэмай залпавага агню «Смерч», а таксама зенітна-ракетнымі комплексамі С-300.

«Сітуацыя ў нашым аператыўным раёне застаецца складанай, напружанай, але кантраляванай. Праціўнік працягвае весці баявыя дзеянні ўздоўж занятай лініі абароны. Істотных зменаў у яе складзе і становішчы няма», – паведамляе пра сітуацыю на фронце аператыўнае камандаванне «Поўдзень».

Акрамя Мікалаева ноччу былі абстраляныя і паселішчы вобласці. Выданне Inshe.tv піша , што з-пад завалаў дому ў адным з пасёлкаў дасталі цела загінулага чалавека.

Кіраўнік абласной ваеннай адміністрацыі Віталій Кім запэўнівае, што гораду не пагражае аблога. Па ягоных словах, «падставаў для турбот няма», бо «каб акружыць горад, расійскім войскам спатрэбіцца некалькі месяцаў».

«У цяперашні час лінія фронту знаходзіцца за 45 кіламетраў ад Мікалаева, таму пагрозы акружэння няма», настойвае Віталій Кім.

За час пакуль трывае поўнамаштабная вайна ва Ўкраіне, Мікалаеў расійскія войскі не абстрэльвалі толькі 22 дні з 172.

80 працэнтаў жыхароў гораду беспрацоўныя. Усе буйныя і сярэднія прадпрыемствы спынілі сваю дзейнасць. Кіраўніцтва гораду лічыць, што з Мікалаева з’ехала больш за палову яго даваеннага насельніцтва. Ім жыло амаль паўмільёны чалавек.

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота з рэсурсу: facebook.com