Пад Магілёвам перакуліўся аўтамабіль з дзіцёнкам – хлопчык у лякарні

Кіроўца, 38-гадовы жыхар Быхава не справіўся з кіраваннем. Едучы па гомельскай шашы, каля вёскі Сідаравічы мужчына не ўпісаўся ў рэзкі паварот і яго аўтамабіль Kia вынесла на ўзбочыну. 11-гадовы хлопчык, які сядзеў на заднім сядзенні машыны ў дзіцячым крэсле, аказаўся не прышпіленым. З траўмамі яго даставілі ў лякарню – паведамляе прэс-служба абласнога УУС.

Фота: УУС

Паглядзіце, у якіх умовах возяць дачнікаў з Магілёва ў Сідаравічы – відэа

У сацсетках пашырылася відэа, знятае ў аўтобусе, які перавозіць людзей з Магілёва ў дачны кааператыў “Хімік” каля вёскі Сідаравічы. На відэа бачна, як людзі літаральна захлынаюцца ад пылу ў салоне аўтобуса.

На відэа, верагодна, трапіў рэйс прыгараднага аўтобуса, які запусцілі зімой, у снежні мінулага года – пра новы маршрут пісалі mogilev.media. Таксама ў дачны кааператыў з вясны па восень ходзіць аўтобус ад прадпрыемства “Хімвалакно”.

На фота: скрыншот відэа, з сацыяльных сетак