Tag: картошка

Пакралі бульбу з агарода, сабака загрыз курэй – дайджэст здарэнняў у магілеўскай глыбінцы

Навіна ад

У дзяжурную службу мсціслаўскага аддзела міліцыі за апошнія дні паступіла некалькі паведамленняў пра розныя здарэнні: крадзеж бульбы з агарода, няпрошаны нецвярозы госць і забіццё амаль двух дзясяткаў курэй чужой сабакай. 

У сезон паспявання гародніны і садавіны традыцыйна актывізуюцца злодзеі. Жыхар Мсціслава паведаміў у  міліцыю, што з яго агарода зламыснікі за ноч выкапалі шэсць кустоў бульбы.

Праваахоўнікам таксама трэба будзе пастарацца знайсці і ўладальніка сабакі, які ў жыхаркі Мсціслава задушыў 19 курэй.

Але самы цікавы выпадак здарыўся ў аграгарадку Мушына. Мужчына 1980 года нараджэння, у стане алкагольнага ап’янення не жадаў сыходзіць з дома незнаёмай жанчыны, так што яна выклікала міліцыю. У выніку праваахоўнікі не толькі прымусілі п’янага мужчыну сыйсці але і склалі адміністрацыйны пратакол. Цяпер яго чакае пакаранне ў выглядзе штрафу ў памеры да 8 базавых велічыняў, а гэта значыць мужчына можа заплаціць да 300 рублёў – паведамляе раённая газета “Святло кастрычніка”.

Фота ілюстратыўнае

Селекцыянеры ў Беларусі вывелі сенсацыйныя гатункі памідароў і бульбы

Навіна ад

Спецыялісты сельскагаспадарчай акадэміі ў Горках вывелі новы звышураджайны гатунак таматаў, а навукоўцы з Інстытута бульбаводства стварылі бульбу з ружовай і бэзавай мякаццю.

Новы гатунак памідораў пад назвай “Дывідэнд” спецыялісты ўжо называюць сенсацыйным – ён расце не ў парніку, а ў адкрытым грунце і не баіцца галоўнага ворага памідораў, фітафторы. Яшчэ адна яго перавага – высокая ўраджайнасць. З трох раслін можна будзе сабраць 12-13 кг – паўтара вядра.

Адна семечка новага віда тамата каштуе адзін еўра.

Над новымі гатункамі бульбы працуе ў Беларусі цэлы інстытут. Да канца 2023 года дзяржаўны рэестр папоўняць гатункі пад назвамі “Сапфір” і “Лекар”. У іх клубні з ружовай і бэзавай мякаццю. У абодвух гатунках адзначаецца павышанае ўтрыманне антыаксідантаў – больш за 2 тыс. адзінак, калі ў звычайнай бульбе іх 500-800 – паведамляе інфармацыйны партал “Мір-24”.

Яшчэ беларускія вучоныя распрацавалі новы сорт бульбы, які прыдатны для прыгатавання бульбы-фры ў прамысловых аб’ёмах.

Фота: “Мір-24”

Гуркі з часныком таннелі, а цыбуля з бульбай даражэла. Якія цэны здзіўлялі?

Навіна ад

Інфармацыйны рэсурс myfin.by прагледзеў кошты харчоў і тавараў, выстаўленых Нацыянальным статыстычным камітэтам. На чым жа пакупнік ашчаджаў і траціўся.

Паводле рэсурсу ў маі ў цэлым гародніна стала танней на 14,48 працэнтаў, а садавіна – на 5,36 працэнтаў. А інфляцыя склала 0,7%.

haradok.info
Патаннелі: Даражэла:
 

гуркі – на 47,91 працэнтаў;

часнык – на 21,02 працэнтаў;

памідоры – на 16,69 працэнтаў;

грушы – на 14,13 працэнтаў;

яблыкі – на 12,78 працэнтаў;

перац салодкі – на 10,92 працэнтаў;

вінаград – на 10,79 працэнтаў;

капуста – на 10,5 працэнтаў.

 малако згушчанае –  на 11,16,10,79 працэнтаў;

цыбуля рэпчатая – 8,99 на працэнтаў;

кукурузныя шматкі – 8,54 на працэнтаў;

алей – на 7,21 на працэнтаў;

халва – 6,48 на працэнтаў;

маргарын – на 5, 76 на на працэнтаў;

бульба – на 5,15 на працэнтаў.
pbs.twimg.com

Малако і малочныя прадукты падаражэлі на 1,92%, мяса і мясапрадукты – на 1,51%, хлеб і хлебабулачныя вырабы – на 4%, крупы і бабовыя – на 4,21%, рыба і рыбапрадукты – на 1,66%.

i.otzovik.com

Абеды ў сталоўцы даражэлі на 2, 39%, у рэстаране і кафэ – на 1, 76%, фаст-фуд – на 1, 15%.

Тытунёвыя вырабы падняліся ў кошце на 0,23%, алкагольныя напоі – на 3,28%.

 

 

Стравы з таркаванай бульбы ўганаруюць статусам гісторыка-культурнай каштоўнасці. Абяцае Міністэрства культуры

Навіна ад

235 народных рэцэптаў з таркаванай бульбы зафіксавана ў Беларусі.

Міністэрства культуры неўзабаве ўнясе традыцыі прыгатавання і спажывання такіх страў у Дзяржаўны спіс гісторыка-культурных каштоўнасцяў Беларусі, пра тое гаворыцца ў тэлеграм-канале ведамства.

Беларуская рэспубліканская навукова-метадычная рада ў пытаннях гісторыка-культурнай спадчыны пры Міністэрстве культуры, гаворыцца ў паведамленні, адзінагалосна падтрымала прапанову аб наданьні такога статусу ўлюбленай страве беларусаў.

«Шырокае распаўсюджванне страў з таркаванай бульбы – асаблівасць нацыянальнай кухні беларусаў, якая сфарміравалася ў канцы ХІХ стагоддзя і захоўваецца да цяперашняга часу», – цытуе тэлеграм-канал намесніка Міністра і старшыню рады Сяргея Саракача.

 

Гісторыя адносінаў беларусаў з бульбай: ад сабатавання да «другога хлеба»

Беларусы гатуюць з бульбы дранікі, бульбяныя бліны, бабкі. Паходзіць гэтая клубняносная травяністая расліна з Паўднёвай Амерыкі. Першымі каштавалі бульбу іспанскія маракі. Паводле гістарычных крыніцаў у Еўропу яе завезлі ў 16 стагоддзі.

У Беларусі гэту культуру сталі культываваць у 18 стагоддзі падчас каралявання Аўгуста III. Першапачаткова беларускае сялянства ставілася надзвычай недаверліва да новай расліны і нават сабатавала яе сяўбу.

Праз тры сотні гадоў бульба для беларусаў стала «другім хлебам» і нацыянальнай культурай.