Бобруйчанка с просроченными правами попыталась дать взятку сотрудникам ГАИ Кировского ОВД и заработала уголовное дело.
Легенда о вологодском страже дорог, никогда не берущем взяток, обретает реальные очертания в Беларуси. 10 марта сотрудники кировского ГАИ остановили бобруйчанку, которая управляла автомобилем, имея просроченное водительское удостоверение, сообщает информационный портал Kirovsk.by.
Женщина попыталась решить вопрос c помощью взятки и даже положила 100-рублевую купюру в отсек для хранения личных вещей служебного автомобиля сотрудников ГАИ.
Однако инспектор протер глазок нагрудного видеорегистратора “Дозор” и от взятки категорически отказался. Возбуждено уголовное дело.
Хацімчанін трапіў у непрыемную сітуацыю не проста так, бо падвозіў сябра ў нецвярозым стане. У бліжэйшыя гады вадзіць транспартны сродак ён не будзе.
Як паведамілі ва ўпраўленні Магілёўскага аблвыканкама, на адной з дарог у Хоцімскім раёне ўвагу супрацоўнікаў ДАІ прыцягнуў аўтамабіль Volkswagen. Пасля спынення транспартнага сродку інспектар звярнуў увагу, што ад вадзіцеля моцна пахне спіртным.
У выніку агляд 47-гадовага мясцовага жыхара паказаў 1,5 праміле алкаголю ў яго крыві. Мужчына растлумачыў, што знаёмы папрасіў падвезці яго дадому, а ён не стаў яму адмаўляць. Цяпер парушальніку пагражае штраф у памеры 200 базавых і пазбаўленне правоў на 5 гадоў — паведамляюць “Магілёўскія ведамасці”.
Цяпер мужчыне пагражае буйны штраф і пазбаўленне правоў на пяць гадоў.
Прэс-служба абласнога УУС выклала відэа, як 46-гадовы кіроўца аўтамабіля Volkswagen спрабуе ўцячы ад экіпажа ДАІ. Спачатку аўтамабіль прытармажвае каля ўзбочыны, пасля патрабавання спыніцца, але потым рэзка набірае хуткасць. На адным са скрыжаванняў кіроўца ледзь не збіў дзяўчыну, што пераходзіла дарогу на зялёнае святло. Паведамляецца, што У адносінах да яго складзена 6 адміністрацыйных пратаколаў, у тым ліку за адмову ад праходжання медыцынскага агляду. Цяпер мужчыну чакае вялікі штраф і пазбаўленне вадзіцельскага пасведчання на бліжэйшыя 5 гадоў.
Нецвярозы вадзіцель грузавіка быў затрыманы каля аграгарадка Вейна Магілёўскага раёна. У 29-гадовага мужчыны аказалася 1,7 праміле алкаголя паводле алкатэстара. Нягледзячы на тое, што супрацоўнікі ДАІ ў абавязковым парадку носяць нагрудныя камеры, кіроўца грузавіка паспрабаваў даць ім хабар у 30 000 расійскіх рублёў, паклаўшы грошы пад сядзенне міліцэйскага аўто. Супраць яго ўзбуджаная крымінальная справа – паведамляе прэс-служба абласнога УУС.
З 8 па 11 верасня ДАІ Магілёўскага раёна правядзе мэтавыя рэйдавыя мерапрыемствы і масіраваныя адпрацоўкі кіроўцаў мотатранспарта. У гэты перыяд інспектары ДАІ нададуць павышаную ўвагу матацыклістам, а таксама запланаваны адпрацоўкі месцаў масавага адпачынку грамадзян – паведамляе “Прыдняпроўская ніва”.
Амаль 11-тысячны горад у Мінскай вобласці, цэнтр раёна, на р. Уздзянцы. Цэнтр кальвінізму. У 1572 годзе тут жыў С. Будны ў сувязі з выданнем Бібліі. Працуюць кравецкая фабрыка, філіял Слуцкага сыраробнага камбіната.
1814 год. Памёр брытанскі мораплавацель Мэцью Фліндэрс (1774-1814).
Аўтар назвы Аўстралія.
Назва замацавалася за кантынентам пасля выхаду ягонай кнігі “A Voyage to Terra Australis” (выдадзена за дзень да смерці). Даследчык Аўстраліі.
1855 год. Памёр Тамаш Зан (1796-1855).
Беларускі і польскі паэт-рамантык, удзельнік вызваленчага руху, прыродазнавец, музеязнавец.
Даследчык прыродных багаццяў Урала, вынаходнік золата, аўтар карты Прыўральскага краю, дакладаў для геаграфічнага таварыства. Адзін са стваральнікаў таварыства філаматаў, філарэтаў, сябра А. Міцкевіча, Я. Чачота, І. Дамейкі.
Пахаваны на каталіцкіх могілках у Смалянах пад Оршай.
Яго імя носяць гара на Паўднёвым Урале, вуліца ў Гродне.
1869 год. У в. Дубейкава (зараз – Мсціслаўскі раён) нарадзіўся Лявон Вітан-Дубейкаўскі (1869-1940).
Дзеяч беларускага нацыянальнага руху, інжынер-будаўнік, паэт
Збіральнік беларускага фальклора.
Кіраваў аднаўленнем каталіцкіх храмаў у Мсціславе, Магілёве, Оршы, Крычаве, Свіслачы, Смальянах. Член Беларускага нацыянальнага камітэта, галоўны архітэктар БНР.
Памёр 6 лістапада 1940 года.
1877 год. Рускія і балгарскія войскі пад кіраўніцтвам М. Святаполк-Мірскага (уладальнік Мірскага замка; 1833-1898) адбілі ў турак Шыпку, адкрыўшы сабе шлях на Балканскі паўвостраў.
Адзначыліся гераізмам на Балканах і беларускія генералы Іосіф Рамейка-Гурка(1828-1901), выхаванец магілёўскай гімназіі Міхал Чарняеў (1828-1898).
1908 год. Нарадзілася фраза “Галоўнае – не перамога, а ўдзел”.
Падчас IV летняй Алімпіяды ў Лондане біскуп Пенсільваніі Этэльберт Талбот на службе ў саборы святога Паўла вымавіў вядомую фразу “Галоўнае – не перамога, а ўдзел” у сувязі з трагедыяй італьянскага бягуна Пьетры Дорандо.
Пьетры мэтанакіравана рыхтаваўся да марафону, разлічваючы на перамогу. Марафонскі забег праходзіў у вельмі спякотны дзень, прычым старт яго быў дадзены ў самае пекла – у 14:30.
Пьетры пачаў не вельмі хутка, паступова абганяючы канкурэнтаў. Да 32-га кіламетра ён выйшаў на другое месца, на 39-м “зламаўся” ранейшы лідэр, і паміж італьянцам і залатым медалём заставалася ўсяго 3 км дыстанцыі.
Далей разгулялася адна з найвялікшых драм у гісторыі спорту. Канчаткова знясілены Пьетры дабег да стадыёна, дзе яго віталі 75 000 гледачоў. Яму заставалася да фінішу некалькі сотняў метраў, але спартовец страціў арыентацыю і пабег не ў той бок. Калі суддзям удалося растлумачыць гэта атлету, той паспрабаваў разгарнуцца, але ўпаў. Падняцца яму ўдалося толькі пры дапамозе суддзяў, але ён працягнуў бег. Далейшае ўжо было падобным на гладыятарскія баі – на апошніх 200 м дыстанцыі Пьетры падаў 4 разы, паднімаўся з дапамогай суддзяў, але ўсё ж перасёк лінію фінішу.
Узрушаны Артур Конан Дойл, які працаваў на Гульнях рэпарцёрам, напісаў: “Найвялікшыя намаганні італьянца ніколі не будуць выкрэслены з гісторыі спорту незалежна ад рашэння суддзяў”.
Дэлегацыя ЗША заявіла пратэст і пераможцам быў прызнаны амерыканец Джоні Хейс, які прыйшоў другім. Праз 10 дзён адбылася ўрачыстая цырымонія ўручэння прызоў. Уручаць прызы павінен быў кароль Эдуард, але, раззлаваны паводзінамі амерыканскіх спартоўцаў, ён адмовіўся ўдзельнічаць у гэтым мерапрыемстве. Замест яго ўзнагароды ўручала ягоная жонка Аляксандра.
Каралева Аляксандра заказала для італьянца спецыяльны залаты кубак.
Лонданская трагедыя зрабіла Пьетры неверагодна папулярным. На працягу наступных 3 гадоў ён удзельнічаў у марафонскіх забегах у розных краінах свету.
1915 год. Нарадзіўся Антон Шукелойць (1915-2017).
Беларускі грамадскі дзеяч у ЗША, этнограф, педагог.
Скончыў Універсітэт С. Баторыя. Ва ўніверсітэце працаваў у этнаграфічным музеі, часта выязджаў для збору матэрыялаў у розныя мясціны Беларусі, быў сябрам розных беларускіх студэнцкіх арганізацый, спяваў у беларускім студэнцкім хоры пад кіраўніцтвам Рыгора Шырмы.
Працаваў настаўнікам на Ашмяншчыне, арганізаваў у Ашмянах першую беларускую сярэднюю школу, настаўніцкія курсы і каля 90 беларускіх школ на тэрыторыі былога Ашмянскага павета, быў загадчыкам гараддзела народнай асветы і школьным інспектарам-метадыстам.
23 чэрвеня 1941 года арыштаваны НКУС, вызваліўся ў выніку налёту нямецкай авіяцыі.
З 1944 года – у Германіі: адшукваў сляды беларускіх музейных каштоўнасцей.
У пачатку 1950-x гадоў пераехаў у ЗША. Старшыня Беларуска-Амерыканскага задзіночання, член рэдакцыі газеты «Беларус», член Беларускага інстытута навукі і мастацтва ў Нью-Ёрку.
1927 год. Нарадзіўся Міхась Саўка (1927-1990).
Беларускі і бельгійскі мастак-рэстаўратар. Доктар навук і мастацтва.
У 1944 годзе выехаў у Германію, у 1947 – у Бельгію, дзе вучыўся ў Мастацкай акадэміі, Лювенскім ўніверсітэце, быў членам Згуртавання беларускіх студэнтаў.
Працаваў у Каралеўскім інстытуце мастацкай спадчыны, рэстаўратарам абразоў і скульптур, спецыялізаваўся на рэстаўрацыі касцельных фрэсак.
Як практык, праводзіў з каралевай Бельгіі заняткі па маляванню.
Распрацаваў спецыяльную тэхніку рэстаўравання, пра якую пісаў у прафесійных часопісах. Асобна выдаў працы «Фіксацыя насценнага жывапісу полівінілавым спіртам: вопыт рэстаўратара», «Рэстаўрацыя насценнага пахавальнага жывапісу XIV ст. у склепе Варнятонскай царквы» і іншыя.
Памёр у Бруселі 10 верасня 1990 года. Пахаваны на могілках у Лондане побач з трагічна загінуўшым раней сынам Маркам.
1941 год. Апошні бой батальёна капітана К. Уладзімірава ў в.Гаі Магілёўскага раёна.
Зводны трохротны міліцэйскі батальён (міліцыянты, курсанты Мінскай, Гродзенскай школ міліцыі, Магілёўскай школы НКДБ) трымаў абарону з 13 ліпеня пад бесперапыннымі артылерыйскімі абстрэламі і бамбардзіроўкамі фашысцкай авіяцыі.
Падраздзяленне было спехам сфарміравана і слаба ўзброена, але яго байцы стаялі да смерці.
18 ліпеня Канстанцін Уладзіміраў быў забіты разрывам варожага снарада.
Пасля шасці дзён баёў у жывых з 250 міліцыянераў засталося ўсяго 19 чалавек.
1949 год. Амерыканскі ваенны самалёт, які рабіў аэрафотаздымку тэрыторыі Турцыі, сфатаграфаваў на гары Арарат дзіўны аб’ект – “Арарацкая анамалія”.
Анамалія ўяўляе сабой прадмет дзіўнай формы на вышыні каля 4725 м над узроўнем мора і каля 183 м у даўжыню. Пасля 1949 года анамалію фатаграфавалі ў 1973 годзе – амерыканскі спадарожнік-шпіён Keyhole-9 і ў 1976 годзе – разведвальны спадарожнік Keyhole-11.
Мяркуюць, што “Арарацкая анамалія” – парэшткі легендарнага Ноева каўчэга, які, паводле Бібліі (Ветхі Завет), прычаліў да гары Арарат па завяршэнні Сусветнага Патопу.
У апошні час з’явілася таксама версія, што каўчэг прычаліў у гарах на тэрыторыі сучаснай Чачні. Чачэнцы называюць сябя «нохчо» – «людзі», «людзі народа Ноя».
1957 год. Памёр Мікола Засім (1908-1957).
Беларускі паэт, журналіст.
Удзельнік рэвалюцыйнага руху ў Заходняй Беларусі, партызан. Працаваў у брэсцкіх газетах «Зара», “Зара над Бугам”, кіраваў абласным літаб’яднаннем.
Друкаваўся ў шэрагу газет і часопісаў, аўтар 5 зборнікаў паэзіі.
1980 год. У Маскве, у “Лужніках”, адкрыліся XXII летнія Алімпійскія гульні (19 ліпеня-3 жніўня).
Іх з прычыны ўводу войск СССР у Афганістан байкатавалі 30 са 111 краін-удзельніц.
Спаборніцтвы праводзіліся і ў Мінску (6 папярэдніх і чвэрцьфінальны матчы па футболу). У Мінску да Гульняў былі пабудаваны алімпійская вёска на р. Свіслач, гатэль “Планета”, мадэрнізаваны аўтадарога-«алімпійка» Масква-Брэст, чыгунка, гарадская інфраструктура.
20 ліпеня 1980 года трохразовы алімпійскі чэмпіён А. Мядведзь у моцны дождж запаліў агонь Гульняў на мінскім “Дынама” (50 067 месцаў, кошт квіткоў ад 0,90 да 2,20 тагачасных рублёў). Са 195 медалеў зборнай СССР, 31 заваявалі беларусы.
2010 год. Памёр Ігар Дабралюбаў (1933-2010).
Беларускі рэжысёр, сцэнарыст, акцёр. Народны артыст БССР. Працаваў на «Беларусьфільме». Рэжысёр шмалікіх фільмаў, у тым ліку «Іван Макаравіч», «Па сакрэту ўсяму свету», «Дзіўныя прыгоды Дзяніса Караблёва», «Белыя росы», «Плач перапёлкі».
2021 год. У в. Красніца адкрыты памятны знак “Спаленым вёскам Быхаўскага раёна”.
Красніцу разам з мірным насельніцтвам дашчэнту спалілі нямецка-фашысцкія карнікі 17 ліпеня 1942 года. У агні тады жыўцом загінула 857 чалавек. У асноўным старыя, жанчыны і дзеці.
Трагедыя адлюстравана ў кнізе пісьменніка Авідыя Гарчакова «Попел Красніцы» («Аповесць пра вогненнае сяло»).
У сацсетках вірусіцца відэаролік, зняты падчас гістарычнай рэканструкцыі, што прайшла пад Магілёвам каля вёскі Гаі. Тут абыгрывалі сюжэт з абаронай Магілёва батальёнам міліцыі на чале з капітанам К. Уладзіміравым.
Адзін з гледачоў проста падчас рэканструкцыі выбег на “сцэну” і стаў біць аднаго з актораў, што граў нямецкага салдата, захопніка. На відэа можна пабачыць, што немалады мужчына пачаў біць рэканструктара нагамі, адбіраць у яго “аўтамат”. Мужчыну адцягнуў іншы рэканструктар, у форме міліцыянера часоў вайны.
Вечарам 29 чэрвеня кіроўца аўтамабіля Peugeot, які вёз на лафеце яшчэ адзін аўтамабіль, BMW, не справіўся з кіраваннем і вылецеў на паласу сустрэчнага руху – паведамляе прэс-служба абласнога УУС. Там ён сутыкнуўся з мікраўтобусам Volkswagen, які ўдарам выкінула ў кювет. Пацярпелі і былі дастаўленыя ў лякарню чацвёра – кіроўцы і пасажыры абодвух аўтамабіляў.
Рух транспарту будзе перакрыты з 9:00 да 16:00 – паведамляе УУС аблвыканкама.
Гэта звязана з урачыстым адкрыццём пасля рэканструкцыі мемарыяльнага комплексу “Батальён міліцыі пад камандаваннем Канстанціна Уладзімірава”. Стаянка транспарту будзе арганізавана па вуліцы Шклоўская шаша Магілёва і ў вёсцы Гаі. Падвоз грамадзян будзе ажыццяўляцца з 10:00 да 15:00 ад Прывакзальнай плошчы (аўтобусамі №77 з шыльдамі “Чыгуначны вакзал – в. Гаі”) да павароту на в. Гаі.
Наведвальнікі мерапрыемства могуць карыстацца паслугамі грамадскага транспарту.
44-гадовы мужчына вырашыў у нецвярозым стане пакатацца на чужым аўтамабіле BMW, які яму пакінулі для афарбоўкі. Пры затрыманні аказалася, што ён садзіцца ўжо ў пяты раз кіраваць аўтамабілем у нецвярозым стане.
Магілёўца затрымалі супрацоўнікі дзяраўтаіснпекцыі і даставілі на агляд, які паказаў наяўнасць у яго 2,3 праміле алкаголю. Аказалася, што на рахунку мужчыны гэта ўжо пятая такая паездка, раней былі адміністрацыйныя пратаколы, а папярэдняя скончылася крымінальнай справай за паўторнае кіраванне транспартным сродкам у стане алкагольнага ап’янення – паведамляе ўпраўленне ўнутраных спраў Магілёўскага аблвыканкама.
На гэты раз за адну паездку ў дачыненні да мужчыны распачаты адразу дзве крымінальныя справы. Яму давядзецца адказаць за паўторнае кіраванне ў нецвярозым стане і выкраданне чужога аўтамабіля.
