Tag: Беларусь

Дзень у гісторыі. Гадавіна бітвы пры Грунвальдзе. Нарадзіўся паэт Ўладзімір Дубоўка, стваральнік літараў «дж» і «дз». Адноўлены Беларускі камітэт у Варшаве

Навіна ад

15 ліпеня 1410 года адбылася бітва пры Грунвальдзе.

Войскі Польскага Каралеўства і ВКЛ перамаглі войска Дзяржавы Тэўтонскага ордэна.

Палітычнае значэнне бітвы: спынена нямецкая экспансія на балтыйскія і ўсходнеславянскія землі.

Вялікае Княства Літоўскае атрымала выхад на балтыйскія гандлёвыя шляхі і ў Еўропу.

У гонар бітвы названы вуліцы ў Брэсце, Гарадку, Гродне, Полацку, Магілёве.

У гонар гадавіны бітвы ў Дудутках 23-24 ліпеня 2022 года пройдзе маштабны беларускі фестываль ваенна-гістарычнай рэканструкцыі «Наш Грунвальд».

15 ліпеня 1901 года нарадзіўся Уладзімір Дубоўка.

Паэт, празаік, перакладчык, крытык.

Паэт незалежніцкай арыентацыі, член кіраўніцтва літаратурнае аб’яднанняў «Маладняк», «Узвышша». Ініцыятар стварэння адмысловых літар для перадачы на пісьме ўнікальных гукаў беларускай мовы: «дж», «дз».

У 1926 годзе напісаў палітычны верш «За ўсе краі, за ўсе народы свету…», які быў надрукаваны ананімна ў часопісе «Беларуская культура». Савецкія спецслужбы выявілі аўтара верш і ён быў выкарыстаны для абвінавачвання паэта ва ўдзеле ў неіснуючым «Саюзе вызвалення Беларусі».

Быў арыштаваны ў 1930 года. Тройчы яго судзілі з абвінаваўчым прысудам. Па рэабілітацыі з 1958 году жыў у Маскве.

15 ліпеня 1925 года адноўленая дзейнасць Беларускага камітэту ў Варшаве.

Грамадска-палітычная арганізацыя, створаная ў верасні 1919 года пад старшынствам ураджэнца Мсціслаўшчыны Лявона Дубейкаўскага для «культурна-асветнай працы і дабрачыннасці на карысць беларусаў, якія жылі ў Польшчы.

Адноўлены камітэт узначалілі Лявон Більдзюкевіч і Янка Пачопка.

15 ліпеня 1938 года ў Гомелі адкрыўся Дзяржаўны тэатр лялек Беларусі.

У 1950 годзе пераехаў у Мінск.

Заслужаны калектыў Беларусь. Тэатр вядомы па гастролях гледачам у Балгарыі, Бельгіі, Германіі, Латвіі, Літве, Нідэрландах, Польшчы, Расіі, Сербіі, Славеніі, Францыі, Харватыі, Чарнагорыі, Эстоніі.

 

15 ліпеня 1949 года нарадзіўся Леанід Лісоўскі.

Географ, краязнавец, байкапісец.

Выхаванец геаграфічнага факультэту Магілёўскага педагагічнага інстытуту. Дацэнт Мазырскага педагагічнага ўніверсітэту. Даследчык прыроды Палесся, яго экалагічных праблем. Аўтар больш за 250 навуковых прац. Аўтар баек для часопісу «Вожык».

У публікацыі выкарыстаныя звесткі з рэсурсу «Вікіпедыі» і іншых адкрытых у інтэрнэце звестак

 

Рэйтынгавае агенцтва Moody’s аб’явіла пра дэфолт Беларусі. Горш эканоміцы і насельніцтву

Навіна ад

Міністэрства фінансаў Беларусі выплаціла $22,9 мільёнаў долараў па еўрааблігацыях у беларускіх рублях, што ў міжнародным рэйтынгавым агенцтве Moodyʼs ацанілі як нясплату доўгу.

Уладальнікі аблігацый не змаглі атрымаць у беларускіх рублях

Беларусь дапусціла дэфолт па знешніх даўгавых абавязацельствах, гаворыцца ў паведамленні  агенцтва.

Moodyʼs Investors Service – адно з вядучых сусветных рэйтынгавых агенцтваў, якое прысвойвае крэдытныя рэйтынгі, публікую аналітычныя даследаванні і матэрыялы па аналізе рызык.

13 чэрвеня скончыўся льготны перыяд, на працягу якога Беларусь мелася выплаціць 22,9 млн долараў па еўрааблігацыях Беларусь-27. Міністэрства фінансаў Беларусі правяло выплаты ў беларускіх рублях, уладальнікі аблігацый не змаглі іх атрымаць, што ў Moodyʼs расцанілі як дэфолт.

Мінфін: з «недружалюбнымі» краінамі будзем разлічвацца не ў той валюце, у якой бралі крэдыты, а ў беларускіх рублях.

Мінфін яшчэ ў сакавіку паведаміў, што ўлады Беларусі маюць намер разлічвацца па даўгах ураду, беларускіх банкаў і кампаніяў з «недружалюбнымі» краінамі не ў той валюце, у якой бралі крэдыты, а ў беларускіх рублях.

29 чэрвеня ўрад Беларусі пацвердзіў такія намеры. Паводле яго выкананне даўгавых абавязкаў па дзяржаўных каштоўных паперах, размешчаных на знешніх фінансавых рынках, будзе ажыццяўляцца ў беларускіх рублях паводле курсу Нацыянальнага банку на дату плацяжу.

Такую меру ўрадоўцы называлі вымушанай і абумоўленай немагчымасцю плацежнага агента і іншых удзельнікаў міжнароднай разьлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацыяў.

Урадоўцы сцвярджаюць: ёсць факты неатрымання асобнымі ўладальнікамі купоннага даходу па еўрааблігацыях, пералічанага Міністэрствам фінансаў у лютым.

Выпуск 10-гадовых эўрааблігацый Belarus-27 на $600 млн з прыбытковасцю 7,625% гадавых размешчаны ў чэрвені 2017 году. Агулам у абарачэнні знаходзіцца 5 выпускаў беларускіх эўрабондаў на агульную суму $3,25 млрд. Апошні раз Беларусь выходзіла на рынак эўрааблігацый у чэрвені 2020 году, калі размясціла 5-гадовыя эўрабонды на $500 млн пад 6,125% і 10-гадовыя на $750 млн пад 6,3.

Дэфолт – невыкананне абавязацельстваў па дамовам займу. Не своечасовая выплата працэнтаў або асноўнага доўгу.Тэрмін выкарыстоўваецца ў адносінах да прыватных асобаў, кампаніяў або дзяржаваў. Найчасцей асацыюецца з краінамі, бо наступствы такога падзеі закранаюць шмат людзей.

Дэфолт дзяржавы зніжае яго крэдытныя рэйтынгі. Краіне будзе цяжэй прыцягваць пазыковыя сродкі, што будзе тармазіць развіццё эканомікі. Магчымы рост інфляцыі, паслабленне нацыянальнай валюты, банкаўскі крызіс і гэтак далей. Грамадзяне могуць сутыкнуцца з ростам беспрацоўя, зніжэннем заробкаў, скарачэннем дзяржаўных ільгот.

Услед за Расіяй

Раней аб абслугоўванні свайго знешняга доўгу ў нацыянальнай валюце – расійскіх рублях – таксама аб’явілі ў Маскве.

27 чэрвеня заходнія СМІ паведамілі аб «сімвалічным» дэфолце Расіі па валютных дзяржаблігацыях з-за таго, што напярэдадні, 26 чэрвеня, скончыўся льготны перыяд па аплаце каля 100 млн долараў пратэрмінаваных плацяжоў па каштоўных паперах Масквы.

Згодна з дамовай Расія павінна была заплаціць у замежнай валюце, аднак у Крамлі настойваюць, што ўнеслі суму ў рублях, і на гэтай падставе называюць сцвярджэнні аб яе дэфолце неправамернымі.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

_______________________________________________________________

Юры Ганцарэвіч

Журналісту Intex-press прысудзілі 2,5 года за «садзейнічанне экстрэмісцкай дзейнасці». Нагодай для выраку стала фатаграфаванне ім расійскай тэхнікі і дасыланне фота ў незалежныя медыі.

Сваю віну журналіст у судзе прызнаў цалкам. Свой учынак патлумачыў тым, што «хацеў паказаць, што ў бок Украіны лятаюць не беларускія самалёты, а расійскія; хацеў даказаць, што Беларусь не ўдзельнічае ў ваенных дзеяннях».

_______________________________________________________________

Тамара Падымака, Марына Кіявец, Алена Пуцыковіч, Андрэй Беленькі

У Янаве на Брэстчыне сілавікі затрымалі прынамсі чатырох чалавек: Тамару Падымаку, Марына Кіявец і Алену Пуцыковіч, якая адбывае «хатнюю хімію» за два рэпосты з інфармацыяй пра міліцыянтаў. Зняволены таксама былы намеснік начальніка Іванаўскага РАУС Андрэй Беленькі.

Праўладныя тэлеграм-каналы паведамляюць, што ў горадзе праходзіць «шэраг кропкавых затрыманняў удзельнікаў »плана Перамога« ад польскіх спецслужбаў, актывістаў пратэстных акцый 2020 года і аматараў пісаць гадасці ў Інтэрнэце».

_______________________________________________________________

Ігар Леднік

Палітвязню зрабілі аперацыю ў жодзінскім СІЗА на страўнікава-кішачным тракце.

Сябар партыі БСДП з Барысава ідзе на папраўку і самастойна ходзіць.

Неўзабаве ягоную справу павінны перадаць у суд. Ледніка вінавацяць у «паклёпе на Лукашэнку».

_______________________________________________________________

Ігар Рубеж, Максім Жалязноў

62-гадовы Ігар Рубеж і 19-гадовы Максім Жалязноў памілаваныя.

Двое палітвязняў адбывалі пакаранне ў папраўчай установе адкрытага тыпу № 7.

Абодва былі асуджаныя за «абразу прадстаўніка ўлады» да 2,5 і 1,5 гадоў «хіміі» адпаведна.

«Беларусбанк» малюе муралы. Адзін з іх з’явіўся ў Бабруйску

Навіна ад

У Бабруйску манументальную мастацкую карціну назвалі «Адраджэнне».

Яе намалявалі ў межах праекту «Беларусбанка» – «Традыцыі дзеля будучыні». Ён задуманы да стогадовага юбілею фінансавай установы, як іміджавая кампанія.

Праект прадугледжвае стварэнне манументальных мастацкіх твораў у дзесяці гарадах Беларусі. Муралы акрамя Бабруйску ўжо зʼявілася ў Пінску, Мазыры і Полацку.

citydog.io

У кожным горадзе аўтары ў муралах ствараюць сучасныя сюжэты, якія натхняюць беларусаў рухацца наперад, абапіраючыся на багаты культурны бэкграўнд краіны.

У Бабруйску над муралам працавалі трое мастакоў. Ганна Дзюкава з Мінску стварыла эскіз, а перанёс яго на будынак пінскі мураліст Яўген Сасюра з калегам з Бабруйска Леанідам Ніфёдавым.

Агульная плошча іх бабруйскага твору – 400 квадратных метраў. Яго стварэнне было зрасходавана 300 кілаграмаў фарбы.

 

 

 

Суд над Дашкевічамі: Змітру далі 1,5 гадоў калоніі, Насце 3 гады – «хатняй хіміі»

Навіна ад

Змітра і Насцю Маскоўскі суд Мінска прызнаў вінаватымі ва ўдзеле ў акцыях пратэсту пасля выбараў у 2020 году.

Дзяржаўны абвінаваўца запрасіў абодвум па 1,5 гады калоніі.

Паводле праваабаронцаў суддзя Таццяна Пірожнікава пагадзілася з пракурорам наконт пакарання Змітру. Насце, якая месяц таму нарадзіла чацвёртае дзіця, прысудзіла тры гады «хатняй хіміі».

Падчас працэсу над Дашкевічамі амбасада ЗША назвала суд «чарговым прыкладам бесчалавечнасці рэжыму і яго жадання знішчаць усё добрае ў Беларусі».

Змітра і Насту Дашкевічаў сілавікі затрымалі сёлета 23 сакавіка. У момант затрымання Наста была цяжарная. Неўзабаве яе адпусцілі да суду дадому, сам Зміцер увесь гэты час заставаўся пад вартай. Працэс у справе сужэнцаў пачаўся ў Маскоўскім судзе Менску 11 ліпеня.

фота: dashkevichy.jpg.webp 

Праз санкцыі ў Расіі скараціўся продаж мясцовых грузавікоў. Беларускіх МАЗаў не сталі больш набываць

Навіна ад

Рэгістрацыі новых грузавых аўтамабіляў поўнай масай звыш 3,5 тоны за першае паўгоддзе знізіліся з 46.423 да 37.676 адзінак – рынак прасеў на 18,8%. Продажы новых МАЗаў упалі яшчэ больш – на 28,9%. «Кітаўцаў» на расійскім рынку наадварот сталі больш купляць.

Лідар расійскага рынку КАМАЗ з-за ўвядзення заходніх санкцый, скараціў продажы за паўгоддзе на 9,2% – з 16.569 да 15.050 адзінак. У чэрвені продаж у параўнанні з мінулых годам прасеў на 30 працэнтаў –  прадалі 2314 аўтамабіляў, паведамляе  рэсурс ABW.by, спасылаючыся на зьвесткі аналітычнага агенцтва «Автостат».

Рэгістрацыі новых грузавікоў ГАЗ па выніках першага паўгоддзя скараціліся з 4538 да 2989 адзінак. Падзенне склала 34,1%.

Як адзначае ABW.by, чаканага прарыву ў продажы беларускіх МАЗаў на расійскім рынку не адбылося. У параўнанні з аналагічным перыядам мінулага года рэгістрацыі новых грузавікоў МАЗ у Расіі скараціліся з 2850 да 2027 адзінак, ці на 28,9%.

Рэсурс піша, што кітайскі брэнд Shacman (Shaanxi) на расійскім рынку нарошчвае аб’ёмы продажу сваёй тэхнікі. Са студзеня па чэрвень дылеры гэтага вытворцы змаглі рэалізаваць у Расіі 2770 грузавікоў. Год таму было 890. Скачок – у 3,1 разы.

 

 

Дзень у гісторыі. Паўстала выдавецкае таварыства, друкавала творы беларускіх пісьменнікаў. Нарадзіўся Павел Пруднікаў, пісаў пра сталінскія рэпрэсіі. Памёр Пётр Конюх, оперны спявак, у яго рэпертуары быў гімн «Магутны Божа»

Навіна ад

14 ліпеня 1911 года нарадзіўся Павел Пруднікаў.

Пісьменнік, заслужаны работнік культуры. У Клімавіцкім і Браслаўскім краязнаўчых музеях працуюць экспазіцыі, прысвечаныя яму.

Аўтар твораў пра сталінскія рэпрэсіі. Сам ён быў рэпрэсаваным.

11 жніўня 1937 году яго арыштавалі. Некалькі месяцаў утрымліваўся ў ленінградскіх «Крыжах». Атрымаў восем гадоў ссылкі. Быў этапаваны ў Бурацію. Працаваў на будаўніцтве чыгунак, шыннага заводу ў Омску і горна-металургічнага камбіната ў Нарыльску, грузчыкам у рачным порце.

Аўтар зборнікаў вершаў, успамінаў аб беларускіх літаратарах.

Нарадзіўся ў вёсцы Стары Дзедзін (цяпер – Клімавіцкі раён).

14 ліпеня 1913 года ў Вільні заснаванае Беларускае выдавецкае таварыства.

Паўстала на базе выдавецтва «Нашай Нівы» і знаходзілася пад ідэйным уплывам Беларускай сацыялістычнай грамады. Галоўную мэту сваёй дзейнасці бачыла ў духоўным адраджэнні беларускага народу.

Існавала ў 1913-1915 і 1919-1930 гадах. Выдавала і распаўсюджвала творы беларускай літаратуры.

Спыніла дзейнасць у пачатку 1930-х гадоў пасля забароны ўрадам Польшчы легальных формаў вызваленчага руху.

14 ліпеня 1927 года нарадзіўся Георгій Штыхаў.

Археолаг, гісторык-медыявіст.

Даследчык старажытных гарадоў Полацкай зямлі, вытокаў беларускай народнасці. Узначальваў Беларускую асацыяцыю ахвяр палітычных рэпрэсій.

14 ліпеня 1992 года памёр Аляксей Карпюк.

Пісьменнік, грамадскі дзеяч.

Аўтар твораў пра жыццё Заходняй Беларусі ў 1-й палове 19 стагоддзя. Гэта тэма дазваляла ва ўмовах савецкай цэнзуры раскрываць старонкі нацыянальнай гісторыі

21 красавіка 1972 быў выключаны з КПСС па абвінавачванні ў нацыяналізме, кулацкім паходжанні, хлусні пра сваё мінулае. У 1970–1972 не мог нідзе ўладкавацца на працу.

У яго абарону пісаў Васіль Быкаў.

Імя Карпюка носіць адна з вуліц Гродна, усталявана Мемарыяльная шыльда на гродненскай вуліцы Алаізы Ажэшкі.

14 ліпеня 1994 года памёр Пётр Конюх.

Сусветна вядомы оперны спявак, бас,

Спяваў у операх усяго свету на беларускай, італьянскай, польскай, французскай, англійскай, нямецкай, рускай і ўкраінскай мовах. Жыў у ЗША, выконваў беларускія песні.

Запісваў на пласцінкі беларускія песні, сярод якіх быў гімн «Магутны Божа».

Падчас Другой сусветнай вайны ваяваў у польскім корпусе генерала Андэрса на поўначы Афрыцы і на поўдні Еўропы. Герой бітвы пры Монтэ-Касіна. Скончыў Рымскую акадэмію мастацтваў.

У 1975 г. прыязджаў у Беларусь. Памёр у ЗША.

У публікацыі выкарыстаныя звесткі з рэсурсу «Вікіпедыя» і з іншых адкрытых у інтэрнэце крыніц

 

 

Хроніка прыхаванай рэальнасці. Суды, зняволенні, вызваленні

Навіна ад

Кацярына Андрэева

Журналістка тэлеканалу «Белсат» паўторна асуджана на закрытым працэсе на 8 гадоў зняволення. Справу разглядаў суддзя Алег Харошка. Пра гэта стала вядома калегам Кацярыны Андрэевай.

5 верасня 2022 году яна мелася быць вызваленай па сканчэнні папярэдняга прысуду.

7 красавіка 2022 году сям’і палітзняволенай стала вядома, што ёй выстаўленае абвінавачанне ў «Здрадзе дзяржаве». Падставы для крымінальнага пераследу зняволенай застаюцца невядомымі

Журналістак Кацярыну Андрэеву і Дар’ю Чульцову затрымалі 15 лістапада 2020 года за стрым, падчас якога яны паказалі разгон акцыі памяці Рамана Бандарэнкі. За яго ім прысудзілі па 2 гады зняволення.

Зняволенне Андрэева адбывала ў папраўчай калоніі № 4 у Гомелі. 10 лютага яе этапавалі ў гомельскае СІЗА. Цягам 55 дзён сваякі не ведалі, у межах якой справы і ў якім статусе яе трымаюць.

_______________________________________________

Павел Аўчароў

Асуджанаму да пяці гадоў калоніі палітзняволенаму дадалі яшчэ паўтара года.

Паводле праваабаронцаў яго прызналі вінаватым у «злосным непадпарадкаванні патрабаванням адміністрацыі папраўчай установы».

Аўчарова затрымалі 8 кастрычніка 2020 года, а 20 мая 2021 года суд Маскоўскага раёну Мінска прызнаў яго вінаватым ва ўдзеле ў масавых беспарадках, (арганізацыі і падрыхтоўцы дзеянняў, якія груба парушаюць грамадскі парадак, а таксама за супрацьдзеянне супрацоўніку міліцыі.

_______________________________________________

Мікалай Бузько

У Брэсцкай вобласці жыхара райцэнтру Іванава аштрафавалі на 960 рублёў за рэпост у сацыяльных сетках, які ён зрабіў 5 гадоў таму.

Згодна з матэрыяламі справы Бузько 27 сакавіка 2017 году размясціў на сваёй старонцы ў Facebook у адкрытым доступе матэрыял «Радыё Свабода» і захоўваў яе.

У 2021 годзе публікацыя стала забароненай, бо выданне, якое апублікавала яе, трапіла ў спіс экстрэмісцкіх матэрыялаў.

Бузько прызналі вінаватым у распаўсюджанні заклікаў да экстрэмісцкай дзейнасці, або прапагандаванай такую дзейнасць.

_______________________________________________

Прафсаюзы

Вярхоўны суд Беларусі зліквідаваў Беларускі прафсаюз работнікаў радыёэлектроннай прамысловасці і Беларускі незалежны прафсаюз.

14 і 18 ліпеня суд разгледзець аналагічныя пазовы ў дачыненні да яшчэ трох незалежных прафсаюзаў: Свабоднага прафсаюзу металістаў, Свабоднага прафсаюзу Беларускага і Беларускага кангрэсу дэмакратычных прафсаюзаў.

Лідары двух зліквідаваных прафсаюзаў застаюцца пад вартай, як і прадстаўнікі тых, ліквідацыю якіх яшчэ будуць разглядаць.

Паводле прэс-службы Генпракуратуры дзейнасць незалежных прафсаюзаў з 2020 года нібыта «набыла палітызаваны характар», а іх кіраўніцтва і шараговыя сябры займаліся «дэструктыўнай дзейнасцю», удзельнічалі ў «несанкцыянаваных масавых мерапрыемствах», распаўсюджвалі «экстрэмісцкую прадукцыю».

Больш у медыкаў кавідных надбавак няма. Скасаваная адпаведная пастанова

Навіна ад

Міністэрства аховы здароўя скасавала пастанову аб кавідных надбаўках медыкам. Яна была прынятая 20 красавіка 2020 году, калі пандэмія толькі пачыналася.

Пастанова называлася «Аб устанаўленні пераліку інфекцыяў, за работу ва ўмовах, звязаных з якімі, вызначаецца штомесячная надбаўка»

Згодна з гэтай пастановаю на даплату медыкі маглі разлічваць пры працы з пацыентамі хворымі на каранавірус, халера, чума, гемарагічная ліхаманка, эболу.

На Нацыянальным прававым партале з’явілася рашэнне Міністэрства аховы здароў аб скасаванні пастановы аб надбаўках. Яно датавана 27 чэрвеня 2022 года. У ім напісана, што рашэнне набывае моц па афіцыйным апублікаванні.

21 чэрвеня прэсавай службы Лукашэнкі паведаміла, што медыкам будзе павышаная заработная плата, устанаўленнем стымуляваных выплат.

«Найбольшы яе памер прадугледжаны для дактароў і медычных сясцёр аддзялення анестэзіялогіі і рэанімацыі, участковай службы, прыёмных аддзяленняў, хуткай дапамогі, аддзяленняў для пацыентаў з інсультамі», – гаварылася пра надбаўкі.

Тады ж паведамлялася, што згодна з распараджэннем Лукашэнкі, скасоўваюцца ковідныя даплаты. Тлумачылася тое «стабілізацыяй у краіне эпідэміялагічнай сітуацыі па інфекцыі COVID-19».

Траіх заблуканых у лесе грамадзян міліцыя не можа адшукаць. Бывае, што знаходзяць парэшткі зніклых людзей

Навіна ад

У Беларусі за пяць апошніх гадоў 84 чалавекі міліцыя не змагла адшукаць. Супрацоўнікі кажуць, што бываюць выпадкі калі знаходзяць праз некалькі гадоў парэшткі людзей.

За апошнія два дні сёлетняга ліпеня ў органы ўнутраных справаў было пяць зваротаў аб зніклых у лесе людзях у Па двух усё яшчэ вядзецца актыўны пошук.

Паводле начальніка аддзелу арганізацыі вышуковай працы крымінальнай міліцыі Міністэрства ўнутраных спраў Дзмітрыя Крукава штогод паступае ад 150 да 400 заяў аб згубах людзей, піша інфармацыйнае агенцтва “Белта”.

«Як правіла, сезон пачынаецца ў ліпені, – апавядае міліцыянт. – У першым паўгоддзі 2022-га нам паступіла 14 заяў. На жаль, трох грамадзян мы так і не знайшлі. Калі браць ліпень гэтага года, то толькі за апошнія два дні было пяць такіх зваротаў у органы ўнутраных справаў. Па двух з іх усё яшчэ вядуцца актыўныя пошукавыя мерапрыемствы».

Па ягоных словах з 2017 года было разгледжана каля 2 тысячы такіх заяў аб знікненні людзей.

«На сённяшні дзень 84 чалавекі застаюцца зніклымі без вестак,  — адзначае ён. — Бывае, мы знаходзім парэшткі людзей праз некалькі гадоў, але ўвесь гэты час сваякі зніклых не ведаюць аб лёсе сваіх блізкіх».

фота з адкрытых крыніц