Новости по тегу "адключэнне"

На афіцыйным канале Магілёўэнерга апублікаваны графік адключэння гарачай вады ў горадзе на бягучы год.

Адключэнні пачнуцца з 11 мая і працягнуцца да 20 жніўня.

З 11 па 21 мая будуць адключаць раён Юбілейнага, Тэхнапрыбора, пр. Міра.
08 па 19 чэрвеня – зона ТЭЦ-1, а менавіта раёны Рабочы, Ямніцкі, Спадарожнік, Казіміраўка.
З 06 па 17 ліпеня – зона ТЭЦ-2, а гэта: Непакорных, Астроўскага, Маўчанскага, Шміта.
З 10 па 20 жніўня – зона ТЭЦ-3, гэта мікрараён “Саломінка”, 30 гадоў Перамогі, Турава, Кулібіна.

Фота ілюстрацыйнае, з адкрытых крыніц

Разам з пачаткам адключэння таксафонаў у папраўчых калоніях “Белтэлекам” пачаў абнуляць тэлефонныя карты ў вязняў.

З першых дзён новага 2026 года “Белтэлекам” пачаў адключаць паслугу карыстання таксафонамі і, адпаведна, тэлефоннымі картамі. Так, у Горацкай калоніі №9 і ў Івацэвіцкай калоніі №22 ўжо цалкам адключаны таксафоны. Пра гэта піша Mayday, мяркуючы, што тое ж самае адбылося і ў іншых калоніях Беларусі.

Ад 1 студзеня таксама ў многіх вязняў калоній былі заблакаваны тэлефонныя карты. Прычына тая ж – скасаваная паслуга карыстання гэтымі картамі і таксафонамі для іх.

Некаторым сваякам вязняў ужо прыйшлі лісты з просьбай зняць рэшту грашовых сродкаў з заблакаваных карт (грошы прапануецца перавесці ў кошт аплаты, напрыклад, хатняга тэлефона).

У якасці часовай меры адміністрацыя папраўчых калоній замест тэлефонных званкоў з таксафона прапануе асуджаным больш кароткі відэазванок. Аднак кампутарнай тэхнікі не хапае, таму і колькасць такіх званкоў будзе зменшана.

Фотаздымак з адкрытых крыніц