Category: Навіны Бабруйска

Бабруйчанка выйграла 30 000 рублёў на Каляды набыўшы слоік кавы

Навіна ад

Галіна з Бабруйска паўдзельнічала ў рэкламнай гульні сетцы крам “Санта” і выйграла прыстойны прыз з восьмай спробы, купіўшы Jacobs Coffee.

Жыхарка Бабруйска, як паведамляе bobr.by, стала ўладальнікам грашовага суперпрыза ў рэкламнай гульні “Час гуляць! Час перамагчы! ” ад “Санта”. Яна ўдзельнічала ў рэкламнай гульні з пачатку года, але ўдача стабільна праходзіла міма. А вось слоік Jacobs Coffee ў восьмым раўндзе аказаўся шчаслівым.

– Для нас сімвалічна, што пераможца жыве ў Бабруйску. У гэтым горадзе наша сетка даволі папулярная. Па колькасці крам “Санта” Бабруйск – першы ў рэгіёне. Ён нават наперадзе рэгіянальнага цэнтра, Магілёва. Любы пакупнік можа прыняць удзел у гульні. Прызавыя розыгрышы адбываюцца кожны дзень. – адзначыў прадстаўнік сеткі “Санта”.

Гульня праходзіць у крамах па ўсёй Беларусі. У галоўным розыгрышы маецца яшчэ больш уражлівыя прызы – дзве кватэры ў Мінску.

Фота: bobr.by

Бабруйскія хакеісты мясілі піцерскіх на хатнім матчы ў МХЛ

Навіна ад

Масавая бойка пачалася на 28-й хвіліне матча паміж камандамі “Дынама-Шыннік” з Бабруйска і Санкт-Пецярбурскім “Дынама” – калі капітан гасцявой каманды Леанід Бойкаў ткнуў клюшкай у галкіпера бабруйскай каманды. Суддзі прызначылі 204 хвіліны штрафу на ўсіх. 

Відэа МХЛ: https://youtu.be/7iTwEBJWuA4

Нягледзячы на гэта, бабруйскім хакеістам удалося вырваць валявую перамогу ў матчы Моладзевай хакейнай лігі, саступаючы 1:3 і давёўшы лік да 6:5 у овертайме. Усе чатыры хатнія гульні бабруйскай каманды ў розыгрышы турніра аказаліся пераможнымі а вікторыя над пецярбуржцамі – бадай, самай яркай. 

Нават міліцыя не змагла ўгаварыць пенсіянераў не аддаваць грошы махлярам

Навіна ад

Чарговы выпадак выманьвання грошай у пажылых людзей адбыўся ў Бабруйску. 

Пенсіянерцы патэлефанаваў незнаёмы, які пераканаў яе, што іх дачка стала вінаватай у ДТЗ, а для выратавання яе ад крымінальнай адказнасці патрабуецца 20 000 долараў. Для пераканаўчасці пенсіянерам таксама патэлефанавала “медсястра” з бальніцы, у якой нібыта ляжыць іх дачка разам з іншай пацярпелай, прычым тая ў рэанімацыі.

Як паведамляе  прэс-служба абласнога УУС, пенсіянеры нават звярнуліся ў міліцыю, каб спраўдзіць звесткі пра ДТЗ і пачулі ад аператара тлумачэнне, што гэта яны папаліся на звычайную махлярскую схему. Тым не менш, пажылыя людзі аддалі 10 000$ кур’ерам тэлефонных махляроў. 

Толькі пасля гэтага яны стэлефанаваліся з дачкой, зразумелі, што сталі ахвярамі махляроў і звярнуліся ў міліцыю.

Аператыўнікі праз некалькі гадзін затрымалі кур’ераў. Імі аказаліся мясцовыя жыхары: 24-гадовы малады чалавек і 21-гадовая дзяўчына. Палову сумы яны ўжо паспелі перавесці арганізатарам злачынства, астатняе вернута пацярпелым.

Фота ілюстрацыйнае, узята з адкрытых крыніц.

У Бабруйску на пажары выратавалі жанчыну

Навіна ад

Сёння раніцай, у 07:21 выратавальнікі атрымалі сігнал пра задымленне ў адной з кватэр па вуліцы Ракасоўскага ў Бабруйску.

Работнікі МНС знайшлі на падлозе ў калідоры кватэры 60-гадовую жонку гаспадара кватэры, якая знаходзілася без прытомнасці. Жанчына была вынесена на свежае паветра, а затым шпіталізавана ў рэанімацыйнае аддзяленне з атручэннем прадуктамі гарэння.

У выніку пажару пашкоджана маёмасць, закураны сцены і столь у кватэры. Работнікамі МНС з суседніх кватэр эвакуіравана 7 чалавек. Прычына пажару высвятляецца – паведамляе прэс-служба МНС.

Фота: МНС

Набілі сумкі абуткам – маладая пара спрабавала абакрасці краму ў Бабруйску

Навіна ад

Бясхітрасны спосаб крадзяжа спрабавалі правярнуць 23-гадовыя хлопец і дзяўчына ў раённым цэнтры. Яны зайшлі ў краму і затаўкалі шэсць пар абутку а таксама некалькі пальчатак у свае сумку і заплечнік. Агульная сума крадзяжу склала 3250 рублёў – паведамляе Тэлеграм-канал прэс-службы абласнога УУС.

Прадаўцы абутковай крамы заўважылі няладнае, паколькі ў магазін парачка заходзіла з пустымі сумкай і заплечнікам, а выходзіла з поўнымі. Узбуджана крымінальная справа.

Фота ілюстрацыйнае

Па Магілёву ў суботу Дзеды Марозы паедуць на аўтамабілях, а па Бабруйску пойдуць пехатой

Навіна ад

У Магілёве сёлета запланавана не шэсце, а больш сучасны аўтапарад Дзедаў Марозаў. У Бабруйску ўсё пройдзе больш традыцыйна. 

Дзядулі Марозы 17 снежня праедуць на аўтамабілях па Магілёву ў 12.00 ад плошчы Леніна па Першамайскай у парк Падміколле. Там адкрыецца казачны дом Санта-Клаўса, пройдзе казачна-гульнявая праграма “У гасцях у Дзеда Мароза” і выстава яго аўтамабіляў.

А вось шэсце бабруйскіх Дзедаў Марозаў 17 снежня пройдзе больш традыцыйна. Яно пачнецца ў 16.00 ля абласнога тэатра Дуніна-Марцінкевіча і завершыцца на плошчы Леніна, дзе дзядулі запаляць ялінкавыя ліхтары.

Будынкі ўсяго цэнтра Бабруйска будуць узяты пад ахову як помнікі культуры

Навіна ад

Рашэннем Магілёўскага аблвыканкама статус гістарычнага цэнтра Бабруйска павысіўся да ўзроўню нерухомай гісторыка-культурнай каштоўнасці трэцяй катэгорыі. Ён забяспечвае не толькі захаванасць аб’ектаў, але і доступ да іх спецыялістам і грамадзянам.

Будынкі, як паведамляе сайт Bobrlife, размешчаныя паміж цэнтральным рынкам і тэатрам. Іх поўны спіс можна знайсці на старонцы выдання.

Уладальнікі і арандатары гістарычных будынкаў Бабруйска ў адпаведнасці з артыкулам 75 Кодэкса Рэспублікі Беларусь па культуры павінны падпісаць абавязацельствы па іх ахове да 27 снежня 2022 года.

Будаўніцтва новай і самай паўночнай вуліцы Бабруйска павінна распачацца ў пачатку 2023 года

Навіна ад

Вуліца Пухоўская пашырыць горад на поўнач у сёмым мікрараёне горада. 

Рашэнне ад 11 жніўня 2009 г. пра будаўніцтва вуліцы Пухоўская нарэшце падыходзіць да стадыі рэалізацыі. Як паведамляе “Коммерческий курьер”, у мінулым годзе гарадская тэрыторыя павялічылася на 70 га. Рост адбыўся за кошт лесу і зямель, якія прылеглыя да Моладзёвага (альбо сёмага) мікрараёна. Праект нядаўна прайшоў экзамен, тэндар на выбар генеральнага падрадчыка адбудзецца неўзабаве.

Плануецца, што працы распачнуцца ў студзені 2023 года. Пры своечасовым фінансаванні трафік па новай вуліцы адкрыецца да канца наступнага года. Яе разліковая даўжыня будзе каля аднаго кіламетра. Усяго ўздоўж вуліцы, паводле агульнага плана, будуць пабудаваны дзесяць шматпавярховых жылых будынкаў.

Пухоўская стане самай паўночнай вуліцай Бобруйска, яна злучыць вуліцу Дняпроўскай флатыліі, праспект Будаўнікоў і Прыбярэзінскі бульвар.

Фота: Коммерческий курьер

Вось такія яміны на вуліцы ў цэнтры Бабруйска – відэа

Навіна ад

Для вымярэння аўтару відэа прыйшлося выкарыстаць вогнетушыцель.

Ролік з ямінай на вуліцы Валадарскага ў Бабруйску з’явіўся ў папулярных пабліках у беларускіх сацыяльных сетках.

Інклюзіўны конкурс творчасці людзей з абмежаванымі магчымасцямі пройдзе ў Бабруйску

Навіна ад

Конкурс творчасці людзей з інваліднасцю “Мы шукаем таленты” пройдзе ў Палацы мастацтваў Бабруйска 13 снежня.

Спаборніцтвы будуць праводзіцца па некалькіх намінацыях – сольны вакал, вакальны ансамбль, харэаграфія, мастацкае чытанне, дэкаратыўна-прыкладная творчасць. 

Удзельнічаць у конкурсе талентаў можна як індывідуальна, так і калектыўна. Пераможцы атрымаюць дыпломы і каштоўныя падарункі.

Арганізатарамі конкурсу выступілі Палац мастацтваў Бабруйска сумесна з Бабруйскай гарадской арганізацыяй грамадскага аб’яднання “Беларускае таварыства інвалідаў”. Гэта ўжо будзе другі падобны конкурс у Бабруйску.

Інклюзія (ад inclusion – уключэнне) уяўляе сабой працэс уключэння людзей з фізічнай і ментальнай інваліднасцю ў паўнавартаснае грамадскае жыццё, а таксама распрацоўку і прыняцце канкрэтных рашэнняў для гэтага.

Фото Pixabay