Category: Здарэнні

Найбуйнейшая чыгуначная катастрофа ў Грэцыі, загінулі 32 чалавекі, дзясяткі параненых

Навіна ад

Сутыкненне цягнікоў адбылося ў аўторак уначы каля горада Ларыса. 32 чалавекі загінулі, 85 паранены, ратавальныя работы працягваюцца – паведамляюць еўрапейскія інфармацыйныя агенцтвы.  

У Грэцыі сутыкнуліся грузавы цягнік, які рухаўся з Салонікаў у Ларысу, і пасажырскі, які ехаў насусрач з Афін у Салонікі. Загінулі і пацярпелі дзясяткі пасажыраў. Вагоны пасажырскага цягніка, у якім размяшчаліся 350 чалавек, з’ехалі з рэек, а адзін з іх загарэўся. 

Паводле словаў ратавальнікаў, першыя чатыры вагоны пасажырскага цягніка з’ехалі з рэек, а галаўны і другі вагоны амаль цалкам знішчаны. Колы і іншыя дэталі вагонаў раскіданы на дзясяткі метраў.

Ратавальныя работы працягваюцца. Цяжкая тэхніка для разбору расплюшчанага металу адпраўляецца на месца здарэння. Армію прыцягнулі на дапамогу.

Па колькасці ахвяр, гэта самая вялікая чыгуначная катастрофа ў Грэцыі за апошнія дзесяцігоддзі. У выніку трагедыі прынамсі 32 чалавекі загінулі, а 85 паранены. Стан 25 параненых ацэньваецца як вельмі цяжкі. 

Фота з адкрытых крыніц. 

На аэрадроме пад Мінскам узарвалі расійскі ваенны самалёт – СМІ

Навіна ад

На аэрадроме Мачулішчы, што ў Мінскім раёне, раніцай 26 лютага прагучалі два выбухі, быў пашкоджаны расійскі ваенна-транспартны самалёт і снегаўборачная тэхніка. Зараз у ваколіцах аэрадрома назіраецца павышаная актыўнасць сілавікоў, праводзіцца праверка на дарогах – паведамляюць СМІ. Чакаецца, што падрабязнасці здарэння стануць вядомымі да заўтрашняй раніцы.

Фота з адкрытых крыніц.

Ужо 35 тысяч ахвяр землятрусу ў Турцыі і Сірыі

Навіна ад

Па стану на 13 лютага колькасць загінуўшых у выніку землятрусу толькі ў Турцыі дасягнула 31 643 чалавек – паведамляюць СМІ. З улікам ахвяр у Сірыі – больш за 35 000. З пацярпелых рэгіёнаў Турцыі эвакуіраваны 158 165 чалавек.

Віцэ-прэзідэнт Турцыі Фуат Октай называў раней колькасць загінуўшых у Турцыі і Сірыі ў 28 192 чалавек, у тым ліку ў Турцыі – 24 617, – паведамляла 12 лютага CNN. 

Па дадзеных валанцёрскай групы «Белыя каскі», агульная колькасць пацверджаных смерцяў у Сірыі складае 3 575.

Прэзідэнт Турцыі Рэджэп Таіп Эрдаган назваў землятрус найбуйнейшым стыхійным бедствам для краіны  з 1939 года. Тады землятрус забраў жыцці 17 500 чалавек. Зараз ужо амаль у 2 разы болей.

Нагадаем, што ў Турцыі ў выніку землятрусаў утварылася гіганцкая шчыліна 30 на 200 метраў.

Землятрус магнітудай 6,7–7,8 у Малай Азіі адносіцца да ліку аднаго з самых магутных.

За апошні час па колькасці ахвяр, землятрус у Турцыі саступае толькі Гаіцянскаму. На Гаіці 18 сакавіка 2010 года загінула 222 570 чалавек, атрымалі раненні  311 111, прапалі без вестак – 869.

Новы землятрус у Турцыі

Навіна ад

У Турцыі 7 лютага адбыўся новы землятрус магнітудай 5,6 балаў. Пагроза цунамі на міжземнаморскім узбярэжжы пры гэтым адсутнічае.

Ахвярамі ўчорашняга стыхійнага бедства ў Турцыі сталі 3 381 чалавек, колькасць параненых 20 426, у Сірыі адпаведна загінула больш за 1300, паранена звыш 1 400. У Турцыі больш за 7 300 чалавек выратаваны з-пад завалаў у ходзе пошукава-выратавальных работ, якія працягваюцца ўжо больш за суткі – інфармуе БЕЛТА. Гэта не канчатковыя дадзеныя, паводле экспертаў канчатковая лічба ахвяр можа вырасці ў разы.

У сірыйскіх правінцыях Алепа, Ідліб, Латакія і Хама дзясяткі людзей пакуль застаюцца пад заваламі, бо выратавальным работам перашкаджае штармавое надвор’е і праліўны дождж. На поўначы краіны спынены чыгуначныя зносіны. Мясцовыя ўлады называюць сітуацыю, якая склалася ў краіне, гуманітарнай катастрофай.

Прэзідэнт Турцыі Рэджэп Таіп Эрдаган назваў учорашні землятрус найбуйнейшым стыхійным бедствам для краіны  з 1939 года. Тады землятрус забраў жыцці 17 500 чалавек. У Турцыі аб’яўлена агульнанацыянальная жалоба да 12 лютага.

Сотні загінулых і параненых у выніку моцнага землятруса ў Турцыі і Сірыі

Навіна ад

Ратавальнікі шукаюць тых, хто выжыў пад абломкамі разбураных будынкаў у многіх гарадах у Турцыі і Сірыі.

Уранні 6 лютага магутны землятрус магнітудай 7,8 ускалыхнуў поўдзень Турцыі і поўнач Сірыі. Землятрус адчуваўся нават у егіпецкім Каіры, на тэрыторыі Ізраіля, у Грэцыі, Іраку, Румыніі і Грузіі – паведамляе The Times of Israel.

Разбураны дзясяткі будынкаў па ўсім рэгіёне. Па папярэдніх дадзеных больш за 360 чалавек загінулі і многія сотні параненыя. Чакаецца, што колькасць ахвяр узрасце. 

Ратавальнікі і мясцовыя жыхары працягваюць пошукі тых, хто выжыў пад абломкамі разбураных будынкаў у некалькіх гарадах па абодва бакі мяжы, прабіраючыся праз нагрувашчванні металу і кавалкі бетону.

На дадзены момант ад землятрусу магнітудай 7,7 бала загінула як мінімум 912 чалавек, параненых каля 5385. Гэтыя лічбы істотна павялічацца пасля разбору ўсіх завалаў. На поўдні Турцыі не засталося неразбураных дамоў. 

Абноўлена: Новы яшчэ больш магутны землятрус магнітудай 7,8 бала зафіксаваны ў цэнтральнай частцы Турцыі ў 13:24.

У Турцыі навукоўцы заклікаюць мясцовыя улады неадкладна праверыць плаціны рэгіёну на наяўнасць расколін, каб прадухіліць патэнцыйна катастрафічныя паводкі. У Ізраілі затрыманы рэйсы з аэрапорта Бэн-Гурыён у Стамбул.

На “Магатэксе” жанчыне заціснула руку ў сушыльны станок

Навіна ад

Ратавальнікам прыйшлося пры дапамозе спецыяльных інструментаў дэблакаваць руку работніцы прадпрыемства “Магатэкс” 1991 года нараджэння – паведамляе прэс-служба МНС. Руку жанчыне заціснула ў аддзелачным цэху, у станку сушыльна-шырыльнай стабілізацыйнай машыны. Здарэнне адбылося вечарам 3 лютага. Жанчына шпіталізаваная з траўмамі.

Фота: МНС

Каля Воршы раварыст патрапіў пад цягнік, яму адрэзала ногі

Навіна ад

Трагедыя адбылася вечарам 23 студзеня на чыгунцы каля вёскі Пагост Аршанскага раёна. 55-гадовы жыхар горада Барань, які нідзе не працаваў, ляжаў на рэйках побач са сваім веласіпедам – паведамляе БелТА. Паводле папярэдняй інфармацыі, ён быў цвярозы.

У 19.35 яго пераехаў таварны поезд, які рухаўся па маршруце Баранавічы – Орша – Смаленск. Машыніст заўважыў на пуцях мужчыну, падаў гукавы сігнал, спрабаваў экстрана затармазіць састаў, але сутыкнення пазбегнуць не ўдалося. Мужчына атрымаў смяротныя раненні, у тым ліку цягніком яму адрэзала ногі.

Фота ілюстрацыйнае, з адкрытых крыніц.

Белы мядзведзь разарваў маці з дзіцём на Алясцы

Навіна ад

У самым заходнім населеным пункце ЗША Уэльсе, побач з Палярным кругам у штаце Аляска, белы мядзведзь накінуўся на 24-гадовую Самер Міёмікі яе гадавалага сына Клайда Онгтаварука – паведамляе Metro. 

Жанчына з-за моцнай завеі не бачыла драпежніка, які непрыкметна падышоў практычна ўпрытык да людзей і напаў на ахвяр за 100 метраў ад мясцовай школы. Дзеці, якія знаходзіліся ўнутры будынка, сталі сведкамі нападзення.

ахвяры – маці Самер Міёмікі  і яе сын Клайд Онгтаварук

Адміністратару школы цудам удалося зачыніць дзверы школы за некалькі секунд да таго, як жывёла паспрабавала пракрасціся ў памяшканне.

Відавочцы трагедыі спрабавалі адпудзіць мядзведзя рыдлёўкамі і клікалі на дапамогу. На іх крыкі прыбег мужчына са стрэльбай з суседніх дамоў і застрэліў драпежніка, які раздзіраў ахвяр.

Навукоўцы ў апошні час канстатуюць павялічэнне колькасці канфліктных сітуацый паміж мядзведзямі і чалавекам на фоне скарачэння харчовай базы жывёл.

Фота носіць ілюстрацыйны характар

Невядомыя напалі на магілёўскі касцёл святога Станіслава – што вядома

Навіна ад

Як паведамляе партал Каталіцкага касцёла на Беларусі catholic.by у ноч з 19 на 20 студзеня быў здзейснены акт вандалізму супраць адной з галоўных каталіцкіх святынь у краіне. Невядомымі былі пабітыя вокны катэдральнага касцёла Унебаўзяцця Найсвяцейшай Панны Марыі і святога Станіслава ў Магілёве.

Былі пашкоджаныя вокны прэзбітэрыя, таксама разбітыя наскрозь шыбы капліцы Маці Божай Бялыніцкай і святога Антонія Падуанскага, у тым ліку пашкоджаныя вокны памяшканняў, дзе адбываюцца сустрэчы Легіёна Марыі і групы АА. Разбітыя вокны падвальных памяшканняў пад капліцай Маці Божай Бялыніцкай.

Парафія звярнулася з адпаведнай заявай у РАУС Ленінскага раёна горада Магілёва для расследвання акта вандалізму і прыцягнення да адказнасці невядомых зламыснікаў, якія яго ўчынілі.

“Хрысціянская візія” звяртае ўвагу на тое, што за апошнія гады выпадкі вындалізму супраць каталіцкіх храмаў пачасціліся. У красавіку 2021 г. невядомыя праніклі ў касцёл у Навалукомлі і напісалі зняважлівыя словы на сценах прэзбітэрыя. Гэта быў адзіны выпадак, калі вінаватыя былі знойдзены. 

У маі 2021 г. невядомыя пералезлі праз агароджу курыі Мінска-Магілёўскай архідыяцэзіі і пашкодзілі дамафон, выбілі шыбу ў аўто, перавярнулі кветкі, зламалі ліхтар. У ліпені 2021 г. быў абакрадзены касцёл св. Ігнацыя Лаёлы ў Віцебску. Невядомыя праніклі ў будынак і скралі правады электраправодкі і акустычнай сістэмы. Злачынцы не былі знойдзены.

Фота: catholic.by

Магілёўскі дальнабой, экс-баец без правілаў загінуў у Падмаскоўі

Навіна ад

Яўген Дваракоў знік у ноч з 7 на 8 снежня пад Нара-Фамінскам. Там, на стаянцы мытні “Сяляціна” знайшлі яго грузавік з усімі дакументамі, асабістымі рэчамі і тэлефонам, а сам кіроўца адсутнічаў. 

У мінулым Яўген Дваракоў трэніраваўся разам са знакамітым магілёўскім байцом Мікітай Варажбітавым і меў дачыненне да каляфутбольнага руху. Цяпер жа працаваў дальнабойшчыкам.

Доўгі час пошукі былі беспаспяховымі. Як аказалася, большасць відэакамер на трасах Маскоўскай вобласці проста не працуюць. Разглядалася нават версія, што атлета маглі затрымаць па мабілізацыі ў расійскае войска – такое цяпер у Расеі здараецца рэгулярна.

Аднак 14 студзеня стала вядома, што хлопец загінуў. Разглядаецца версія забойства. Яўгену было 29 гадоў, ён вёў здаровы лад жыцця, быў жанаты, меў дзіця.