Апошнія сельскагаспадарчыя кірмашы ў гэтым годзе пройдуць у Магілёве з 3 па 7 лістапада. Яны будуць працаваць у мікрараёне Саломінка, каля гандлёвага цэнтра “Форум” па вуліцы Крупскай, 119, а таксама ў мікрараёне Юбілейны на пляцоўцы па вуліцы Каралева, у раёне дома № 25). 4-5 лістапада кірмашовы гандаль арганізуюць на пляцоўцы ў раёне парка атракцыёнаў на Пушкінскім праспекце.
Фота ілюстрацыйнае
Tag: восеньскі кірмаш
Дзе пройдуць восеньскія сельскагаспадарчыя кірмашы ў Бабруйску
Традыцыйныя кірмашы сельскагаспадарчай прадукцыі “Залатая восень” стартуюць у Бабруйску ўжо ў гэту суботу – паведамляецца на сайце выканкама.
Кірмашы ў верасні – лістападзе 2023 года будуць працаваць з 09.00 да 15.00.
16, 17, 23, 24, 30 верасня, 1, 7, 8, 14, 15, 21, 22, 28, 29 кастрычніка і 4, 5 лістапада па вуліцы Максіма Горкага (праезная частка ўздоўж дома 41). Таксама кірмашы выхаднога дня будуць праходзіць на адкрытых пляцоўках рынкаў горада Бабруйска: «АўтаБудПрэстыж» (вуліца Мінская, 123/1-4), «СадаводБудМаркет» (вуліца Дзяржынскага, 4), «Бабруйскі рынак» (вуліца Карла Маркса, 49). Паўночны» (вуліца Дняпроўскай Флатыліі, 40).
Фота ілюстратыўнае.
Першы восеньскі кірмаш на Магілёўшчыне пройдзе ў Чавусах
Пад свята ўраджаю прыбяруць цэнтральную плошчу горада. Восеньскі кірмаш сельгаспрадукцыі пройдзе ў Чавусах 16 верасня пачынаючы з 10:00 – паведамляе раённая газета “Іскра”. У астатніх рэгіёнах Магілёўшчыны, як і ў самім абласным цэнтры пра правядзенне восеньскіх кірмашоў пакуль не аб’яўлялася. Звычайна іх пік прыходзіцца на кастрычнік.
Фота: “Іскра”
Восеньскія кірмашы запрацавалі ва ўсіх буйных мікрараёнах Магілёва і Бабруйска
Пераважна прадаецца бульба і саджанцы самых розных гатункаў. Іншай садавіны і гародніны значна менш.
Бульбы шмат. Фермеры прадаюць яе вялікімі сеткамі. Кошт за кіло вагаецца ад 80 капеек да 1 рубля ў залежнасці ад памераў і гатунку. Сетка бульбы важыць каля 30 кіло. Дастаўку да дому, як правіла, абяцаюць.
Найбольш жа прапануюць саджанцаў усяго, што расце ў садах і на градах беларускіх дач. Што патрэбна любому дачніку і што зусім непатрэбна, але вельмі заманліва выглядае. Тутака галоўнае мець цвярозую галаву на плячах і падумаць. Выбар дакладна ёсць.