Суд Бабруйскага раёну і Бабруйска вырашыў, што сайт і старонка ў Фэйсбуку Рады міністраў Паўночных краін і Усходнееўрапейскага дэмакратычныга цэнтру – гэта экстрэмісцкія матэрыялы.
Згодна судоваму рашэнню ад 2 кастрычніка 2025 года, цяпер экстрэмісцкія матэрыялы – гэта “информационная продукция группы “The Nordic Council of Ministers and The Nordic Council”, размещенной в социальной сети “Facebook” с идентификатором https://www.facebook.com/nordenen; интернет-сайта “The Nordic Council of Ministers and The Nordic Council” с идентификаторами www.norden.org и https:/nordicmediagrantsbelarus”.
Рада міністраў Паўночных краін – гэта міжурадавы форум, створаны пасля Хельсінкскага дагавора. Мэта Рады міністраў Паўночных краін – садзейнічаць супрацоўніцтву паміж Паўночнымі краінамі (Данія, Фінляндыя, Ісландыя, Нарвегія, Швецыя).
Тэлеграм-канал «Витебск, я гуляю!» выказаў меркаванне, што бабруйскі суд, верагодна, хацеў прызнаць «экстрэмісцкім» грантавы аддзел гэтай Рады – Nordic Media Grants Belarus, але размахнуўся так, што па сутнасці прызнаў «экстрэмісцкім» рэсурс цэлага міжурадавага органа некалькіх скандынаўскіх краін.
Фотаздымак з адкрытых крыніц