Ноччу 6 красвіка трагедыя адбылася ў прыватным доме па вуліцы Кутузава ў Бабруйску. У пажары загінуў мясцовы жыхар 1967 года нараджэння. Сігнал пра ўзгаранне паступіў у МНС у 2 гадзіны ночы. Прычыны пажару высвятляюцца.
Фота ілюстрацыйнае.
Tag: МЧС
Два лабавых сутыкнення на Магілёўшчыне, але ўсе выжылі
Адразу дзве аварыі з лабавымі сутыкненнямі аўтамабіляў адбыліся 5 красавіка на Магілёўшчыне.
Як паведамляе прэс-служба МНС, раніцай 5 красавіка адбылося сутыкненне аўтамабіляў “Iveco” і “МАЗ” на трасе Магілёў-Чавусы каля вёскі Мядведаўка (на фота). Кіроўца “Iveco” быў заціснуты ў машыне і змог выбрацца толькі з дапамогай ратавальнікаў.
Каля 17 гадзін 5 красавіка ў Крычаўскім раёне паблізу вёскі Сакольнікі жыхарка Касцюковіч на аўтамабілі “Volkswagen Boro” сутыкнулася з “Газэллю”. Яе пасажыр, 66-гадовы муж быў у выніку аварыі заціснуты на пасажырскім сядзенні. Яго дэблакавалі ратавальнікі пры дапамозе спецыяльных інструментаў. Мужчына шпіталізаваны.
Фота: МНС
У Магілёве на пажары выратавалі чалавека
Як паведамляе прэс-служба МНС, пажар здарыўся вечарам 4 красавіка ў кватэры на чацвёртым паверсе пяціпавярховага жылога дома па Пушкінскім праспекце. Работнікамі МНС выратаваны гаспадар 1979 года нараджэння, непрацуючы, які з атручэннем прадуктамі гарэння быў шпіталізаваны. Прычына пажару высвятляецца.
Фота ілюстрацыйнае
Дзве машыны гарэлі ў Магілёве
Вечарам 3 красавіка адразу два ўзгаранні аўтамабіляў здарыліся ў абласным цэнтры. На вуліцы Якубоўскага загарэўся “Opel Meriva” 2004 года выпуска, які належыць магілёўцу 1995 года нараджэння (на фота). На вуліцы Дарвіна загарэўся “Renault Logan” 2019 года выпуска, які належыць 61-гадовай жыхарцы горада. Паводле папярэдніх дадзеных, пажары адбыліся з-за парушэнняў правіл эксплуатацыі электрасетак і абсталявання – паведамляе прэс-служба МНС.
Фота: МНС
Жыхарка Асіповіч атрымала апёкі на пажары
Увечары 2 красавіка ў дзевяціпавярховым доме па вуліцы Чарняхоўскага ў Асіповічах у кватэры на чацвёртым паверсе здарыўся пажар. Гаспадыня кватэры 1957 года нараджэння атрымала апёкі і была шпіталізаваная – паведамляе прэс-служба МНС. Прычына пажару высвятляецца.
Фота ілюстрацыйнае.
Пад Талачыном мужчына падпаліў сябе
31 сакавіка ў пасёлку Байкал Талачынскага раёна мужчына 1972 года нараджэння здзейсніў самападпал – паведамляе прэс-служба МНС. Спроба суіцыда адбылася вечарам, каля 19.30. З апёкамі мужчына дастаўлены ў лякарню. Падрабязнасцяў здарэння пакуль не паведамляецца.
Фота ілюстрацыйнае.
Крычаў змагаецца з адлігай, надзвычайшчыны ўжо менш
Крытычная сітуацыя была ліквідаваная за ноч, ратавальнікі і камунальнікі працуюць ва ўзмоцненым рэжыме – паведамляе прэс-служба МНС.
На вуліцы Куйбышава аказаліся падтопленымі 6 шматкватэрных жылых дамоў і 2 прыватныя дамы. Вада аказалася і ў падвалах дамоў. Работнікі МНС адпампавалі ваду з падворкаў і падвалаў.
Ратавальнікі і камунальнікі праводзяць падворны абход – жыхарам падтопленых дамоў пры жаданні прапануецца часова перасяліцца ў жыллё падменнага фонду або свабоднае арэнднае жыллё.
Фота: МНС
Паводка ідзе па Магілёўшчыне – фота
Затопленыя шэсць мастоў і дзесяць участкаў аўтадарог, гароды і прыдамавыя тэрыторыі ў Чэрыкаве, Крычаве – паведамляе прэс-служба МНС. Нагадаем, што з-за затаплення прыватных гаспадарак у Крычаве абвясцілі рэжым надзвычайнай сітуацыі.
Пасля снегападу, што прайшоў па Магілёўшчыне 29 сакавіка, варта чакаць далейшага пад’ёму грунтовых вод, улічваючы пацяпленне ў бліжэйшыя дні.
Фота: МНС
Амаль на паўметра затапіла мост пад Мсціславам
Паводка на Магілёўшчыне ўсё павялічваецца. Як паведамляе прэс-служба МНС, каля вёскі Калодліва Касцюковіцкага раёна з-за павышэння ўзроўню вады ў Бесядзі на 100 метраў затапіла ўчастак аўтамабільнай дарогі. Тут глыбіня падтаплення невялікая, да 15 сантыметраў. У Мсціслаўскім раёне каля вёскі Красны Бераг на 45 сантыметраў затапіла мост праз раку Віхра.
Фота ілюстрацыйнае.
Зноў будуць сірэны ў Магілёўскай вобласці
Сірэны грамадзянскай абвесткі будуць уключаны ў населеных пунктах Магілёўскай вобласці з 28 па 30 сакавіка, паведамілі ў рэгіянальным упраўленні МНС.
Ратавальнікі адзначаюць: праверка сістэмы абвесткі – планавая, таму турбавацца не трэба.
«Магчымыя ўключэнні гукавых сірэн і правядзенне СМС рассылання. Просьба захоўваць спакой. Ніякіх дзеянняў рабіць не варта» – гаворыцца ў паведамленні.