Tag: Хоцімск

На Магілёўшчыне ўпершыню афіцыйна заўважылі птушку каравайку

Навіна ад

У Хоцімскім раёне сёлета была заўважана незвычайная для Магілёўшчыны птушка каравайка.

Як адзначае Хоцімская раённая інспекцыя аховы навакольнага асяроддзя, птушку ўдалося заўважыць у аграгарадку Бярозкі.

Нягледзячы на тое, што, па чутках, каравайку ўжо сустракалі на Магілёўшчыне, дагэтуль у афіцыйных крыніцах і навуковых публікацыях не было пацверджаных звестак пра рэгулярныя сустрэчы або гнездаванне гэтага віду ў рэгіёне. Асноўны арэал каравайкі ў Беларусі сканцэнтраваны ў паўднёвых і паўднёва-заходніх раёнах, асабліва на Палессі, дзе ёсць адпаведныя водна-балотныя ўгоддзі.

Нягледзячы на тое, што на Магілёўшчыне ёсць сваё Палессе, у цэлым Магілёўская вобласць характарызуецца менш спрыяльнымі ўмовамі для пражывання каравайкі, што і тлумачыць яе рэдкасць у гэтым рэгіёне. Тым не менш, у перыяд міграцый магчымыя выпадковыя залёты асобных асобін. Такія выпадкі патрабуюць пацверджання і фіксацыі ў арніталагічных базах даных.

Каравайка занесена ў Чырвоныя кнігі Расіі і Казахстана,

Фотаздымак: Хоцімская раённая інспекцыя аховы навакольнага асяроддзя

Пад Нарвай знайшлі лыжку салдата з Хоцімска

Навіна ад

Пошукавікі знайшлі ў Эстоніі лыжку, якая належала сяржанту савецкай арміі, ураджэнцу Хоцімска.

Чыноўнікі хоцімскага райвыканкама і старшыня ветэранскай арганізацыі наведалі мясцовага жыхара Мікалая Скачкова, каб уручыць яму кранальны падарунак — алюмініевую лыжку. Яна належала бацьку Мікалая Скачкова — сяржанту Мікалаю Андрыянавічу Скачкову. На ёй выдрапана прозвішча салдата. 

Гэтая каштоўная рэліквія была знойдзена пошукавым атрадам “Front Line” каля Нарвы ў Эстоніі, дзе ваяваў сяржант.

Мікалаю Андрыянавічу пашчасціла вярнуцца на Радзіму жывым і здаровым, паведамляе раённая газета “Шлях кастрычніка”.

Фота: “Шлях Кастрычника”.

Хоцімск мяняецца на вачах – па вуліцах стала можна спакойна ездзіць на ровары

Навіна ад

У горадзе з’явіліся роўныя дарогі, а пасля “Дажынак”, як сцвярджае мясцовы дэпутат, змянілася мысленне людзей. 

У Хоцімску пачалося будаўніцтва сучаснага комплексу па вырошчванні фарэлі — адной з самых каштоўных парод рыбы. Як паведамляе тэлеканал «Магілёў-4», магутнасць новага аб’екта складзе да тысячы тон прадукцыі штогод.

Праект рэалізуецца ў межах дзяржаўнай праграмы «Адзін раён — адзін праект». Развіваюцца не толькі прамысловыя аб’екты, але і сацыяльная сфера. У раённай бальніцы з’явіўся дзіцячы пакой, а матэрыяльна-тэхнічная база мясцовага аддзялення МНС была значна ўмацавана. 

Паводле слоў аднаго з мясцовых жыхароў, удзячнага ўладам, цяпер па вуліцах можна спакойна ездзіць нават на ровары — настолькі якасным стала дарожнае пакрыццё.

Як адзначае старшыня раённага савета “дэпутатаў” Яўген Мікалаенка, штуршком да ўсіх гэтых змен сталі праведзеныя ў Хоцімску абласныя «Дажынкі». Пасля гэтага ў раёне пачалося новае жыццё: з’явіліся ініцыятывы і змянілася мысленне людзей.

Страшна нават падумаць, што здарылася б з “жамчужынай” усходу Магілёўшчыны, калі б не “Дажынкі”.

Фота з адкрытых крыніц.