Tag: Белпошта

Белпошта пераблытала магілёўскую ратушу з пажарнай каланчой у Гродне

Навіна ад

Карыстальніца lesja_rud у Threads выявіла недарэчную памылку ад “Белпошты” – піша выданне Hrodna.life. На фірмовай каробцы арганізацыя збіралася выявіць магілёўскую архітэктурную каштоўнасць – адноўленую ратушу. Але замест сімвала нашага горада, размясціла на каробку пажарную каланчу, што знгаходзіцца ў Гродне. 

Гродзенская каланча была пабудаваная ў 1902 годзе недалёка ад Старога замка. Зараз яна з’яўляецца адным з улюбёных турыстычных аб’ектаў і працягвае выкарыстоўвацца па прамым прызначэнні – будынак займае пажарная аварыйна-выратавальная частка № 1 Ленінскага раёна Гродна.

Пажарная каланчаФота з адкрытых крыніц

Паштовыя маркі са зніклымі жывёламі надрукавалі ў Бабруйску

Навіна ад

19 траўня 2025 года Міністэрства сувязі і інфарматызацыі выпусціла ў абарачэнне чатыры паштовыя маркі з серыі «Жывёлы, якія зніклі з тэрыторыі Беларусі».

Як паведамляе РУП «Белпошта», маркі выйходзяць накладам па 24 тыс. штук. Мастак – Аляксандр Міцянін, дызайнер – Марына Крэзо.

Маркі друкаваліся ў РУП ” Бабруйская ўзбуйненая друкарня ім. А.Т. Непагодзіна».

У дзень выпуску паштовай маркі ў абарачэнне на паштамце Менска прайшло спецыяльнае гашэнне на канверце «Першы дзень».

Дарэчы, на 2025 год запланавана чарговае, пятае, выданне Чырвонай кнігі Рэспублікі Беларусь. Нацыянальнай акадэміяй навук ужо падрыхтаваны папярэднія спісы раслін і жывёл, якія ўвойдуць у яе. Навукоўцы хочуць уключыць 305 відаў раслін і выключыць 26 відаў. Таксама ў том “Жывёлы ” плануецца ўключыць 211 відаў, у тым ліку 21 новы, і выключыць 13. Пра гэта піша “Мінская праўда”.

Фота: Белпошта