Category: Палітыка і грамадства

Мядзведзі запаланілі лясы Магілёўшчыны? Разбіраемся

Навіна ад

Памятаеце відэа з Бялыніцкага раёна, калі трактарыст засняў бойку двух медзвядзёў на лясной дарозе? Гэта адбылося каля вёскі Карытніца Бялыніцкага раёна, за 60 кіламетраў ад Магілёва. Але яшчэ зусім нядаўна мядзведзі не жылі на Магілёўшчыне.

Відэа можна пабачыць тут.

Яшчэ зусім нядаўна вучоныя лічылі, што на ўсёй тэрыторыі Беларусі жыве не болей за 80-100 мядзведзяў і не меней за 40. І гэта на тэрыторыю ў 207,6 тысяч квадратных кіламетраў. Меркавалася, што мядзведзь часам нават не мог знайсці сабе мядзведзіцу.

А на тэрыторыю Магілёўскай вобласці ў 2000-х гадах мядзведзі толькі заходзілі – з Бярэзінскага запаведніка і з Браншчыны. 

Але на працягу 2020-2022 гадоў колькасць сустрэч людзей з мядзведзямі па Беларусі павялічалася ў дзясяткі разоў. Такія сустрэчы зафіксаваны і на Магілёўшчыне.

Калі падлічылі, то ахнулі

Так, 13 жніўня 2021 года ў розных СМІ паведамлялася, што  400 кілаграмовы мядзведзь выйшаў у поле, а потым залез на лецішча ў в. Галубаўка Магілёўскага раёна. 

6 ліпеня 2022 года паведамлялася пра фіксаванне драпежніка каля в. Шапялевічы-Падар Круглянскага раёна. 

Аб яшчэ 4-5 сустрэчах у гэтым годзе распавядалі грыбнікі, якія не мелі магчымасці сфатаграфаваць мядзведзя.

Апошняе нападзенне мядзведзя на чалавека зафіксавана вясной 2018 года ў Віцебскім раёне. 

Мядзведзі фіксуюцца фота- і відэакамерамі ва ўсіх абласцях краіны.

Апошнія 20 гадоў колькасць чырвонакніжнх мядзведзяў не падлічвалі. А калі падлічылі ў 2021 годзе, то ахнулі. Іх аказалася не ад 40 да 100, а аж 580.

Вучоныя лічаць, што праз 5-6 гадоў іх колькасць дасягне 1000.

Мядзведзяў мяркуюць выключыць з Чырвонай кнігі

Начальнік аддзела паляўнічай гаспадаркі Міністэрства лясной гаспадаркі Аляксандр Казарэз распавядае: “Мы прапануем выключэнне з Чырвонай кнігі і дазвол палявання. Не таму, што мы такія тут усе крыважэрныя і жадаем мядзведзяў страляць. Мядзведзь наш, беларускі, з трафейнага пункта гледжання слабенькі, небуйны, для паляўнічых асаблівай цікавасці не ўяўляе. Ён расце кілаграмаў да 130–200. Для параўнання: на ўсходзе Расіі ёсць асобіны па 500-600 кілаграмаў, гэта значыць наш – малютка. Таму мы гаворым пра паляванне толькі з пункту гледжання кіравання рэсурсам”.

Буры мядзведзь жыве пераважна ў старых, глухіх лясах, якія чаргуюцца з балотамі, высечкамі і поймамі рэк.

 

Зварот жыхаркі Асіповіцкага раёна да Лукашэнкі набраў ужо больш за паўмільёны праглядаў

Навіна ад

З усіх названых ёй праблем удалося вырашыць толькі адну.

Як пісалі Магілёў.media, пачуўшы заклікі «аб малой радзіме і, што трэба падымаць сяло» мінчанка Ксенія Палаш з сям’ёй пераехалі ў Асіповіцкі раён, у вёску Коханаўка. Праз два гады спроб вырашыць актуальныя праблемы, яна запісала на сваім Youtube-канале відэазварот да Аляксандра Лукашэнкі з просьбай дапамогі. Галоўных праблем, якія назвала Ксенія Палаш, аказалася тры – іх сям’я не можа павялічыць зямельны ўчастак, у суседняй вёсцы зачыняецца дзіцячы садок, а таксама на гаспадарку немагчыма правесці высокахуткасны інтэрнэт.

Ролік Ксеніі Палаш ужо набраў каля 550 тысяч праглядаў, пра турботы сям’і паведамілі шматлікія беларускія СМІ, у тым ліку абласное тэлебачанне.

Днямі Ксенія запісала новы відэаролік, у якім агучыла афіцыйны адказ на яе зварот, што прыйшоў з магілёўскага аблвыканкама. Высветлілася, што праблема з атрыманнем яшчэ аднаго зямельнага надзела не была вырашана па віне аднаго з супрацоўнікаў “Магілёўгіпразема”, які ўжо атрымаў за гэта вымову. Цяпер сям’я Палашаў мае магчымасць павялічыць свае ўладанні што і было неабходна ім дзеля ўстойлівага развіцця гаспадаркі.

Іншыя праблемы, аднак, аказаліся невырашальнымі. Падвядзенне высокахуткаснага інтэрнэту ад “Белтэлекам” у вёску Коханаўка магчыма толькі ў вельмі далёкай перспектыве. Зараз прадпрыемства праводзіць аптавалаконныя лініі толькі да населеных пунктаў, дзе зарэгістравана больш за 100 жыхароў. Як праходзіць рэалізацыя гэтай праграмы, можна пабачыць тут, дарэчы. Пасля завяршэння гэтага працэсу, будуць падключаць вёскі з колькасцю жыхароў 50+. У Коханаўцы жыве ўсяго каля дзесяці чалавек. Падключэнне ж аднаго толькі дому Палашаў каштавала б “Белтэлекаму” 28 000 рублёў. Таму сям’і даводзіцца задавальняцца нестабільным мабільным інтэрнэтам і надалей.

У сваіх каментарыях да відэаролікаў Ксенія Палаш тлумачыць, што іх сям’я падключылася да паслуг інтэрнэт-перадачы ўсіх трох мабільных аператараў Беларусі, але якасць трансляцыі ні ў аднаго з іх не дазваляе выкарыстоўваць сістэму “Разумны дом”. 

Што ж да праблем з дзіцячым садком і транспартам да яго, адказ абласнога чынавенства зафіксаваў факт ліквідацыі дзіцячага садка ў суседнім паселішчы і канстатацыю, што перыядычнасць транспарту, што ходзіць да вёскі, здавальняючая.

Дзяржаўны дэпартамент ЗША ухваліў вызваленне некалькіх палітзняволеных у Беларусі

Навіна ад

Паведамленне пра гэта паявілася на афіцыйнай старонцы ўстановы. За подпісам Нэда Прайса, прэс-сакратара Дзяржаўнага дэпартамента ЗША, гаворыцца, што “Злучаныя Штаты вітаюць вызваленне некалькіх палітвязняў у Беларусі, у тым ліку журналіста Алега Груздзіловіча.”

– Нягледзячы на ​​тое, што вызваленне гэтых палітвязняў з’яўляецца крокам у правільным накірунку, занадта шмат палітычных зняволеных застаецца за кратамі ў Беларусі. – гаворыцца далей у дакуменце – Мы заклікаем да неадкладнага і безумоўнага вызвалення ўсіх палітычных зняволеных.

Журналіст Алег Груздзіловіч быў вызвалены 21 верасня, пасля 9 месяцаў арышту. Большую частку свайго тэрміну ён правёў у магілёўскай турме №4. У сакавіку 2022 года ён быў асуджаны на паўтары гады калоніі агульнага рэжыму за “арганізацыю масавых беспарадкаў і ўдзел у іх”. 

Трыумф магілёўскага сямікласніка Дзмітрыя Шыяна на міжнародным конкурсе баяністаў

Навіна ад

Ён быў адзіным удзельнікам ад Беларусі.

Юбілейны XX Міжнародны конкурс “Віват, Баян!” у Самары скончыўся пераканаўчай перамогай навучэнца Магілёўскай дзяржаўнай гімназіі-каледжа мастацтваў імя Яўгена Глебава.

Дзмітрый Шыян сёлета адзін прадстаўляў Беларусь на конкурсе. Тым не менш, сямікласнік трыўмфальна перамог адразу ў дзвюх намінацыях. Ён стаў лаўрэатам I ступені ў намінацыі “Вар’етэ” і лаўрэатам II ступені ў намінацыі “Класіка”.

Дзмітрый разам з педагогам Аляксандрам Кобравым цэлае лета рыхтаваўся да гэтага прэстыжнага спаборніцтва і вывучыў 2 конкурсныя праграмы для розных намінацый. Неверагодная працавітасць, артыстызм, любоў да сваёй прылады і велізарная падтрымка сям’і – вось складнікі поспеху Зміцера, паведамляе Веснік Магілёва.

Дзмітрый не прывык спачываць на лаўрах. Цяпер ён старанна рыхтуецца да новых спаборніцтваў. Наперадзе ўдзел у другім туры прэстыжнага конкурсу ў Маскве, дзе Дзмітрый Шыян таксама будзе адзіным баяністам ад Беларусі. 

Магілёўскія фельчары – адны з лепшых у Беларусі

Навіна ад

На Рэспубліканскіх спаборніцтвах брыгада хуткай дапамогі з Магілёва спаборнічала сярод 15 каманд і заняла трэцяе месца.

Удзельнікі сутыкаліся з мадэляванымі экстраннымі сітуацыямі і здарэннямі. Каманда статыстаў разыгрывала выпадкі, максімальна набліжаныя да рэальных.

Медыкам прыйшлося паказваць камандную работу, здольнасць прымаць аптымальныя рашэнні для выратавання жыцця пацыента ва ўмовах, абмежаваных часам і прасторай. А таксама – зладжанасць пры ліквідацыі наступстваў надзвычайных сітуацый, уменне спецыялістаў аналізаваць атрыманую аб здарэнні інфармацыю, аператыўна прымаць тактычныя рашэнні аб парадку арганізацыі і аказанні дапамогі, паўнату аказання дапамогі пацыентам. 

Другія адкрытыя Рэспубліканскія спаборніцтвы брыгад хуткай медычнай дапамогі праходзілі ў Мінскай вобласці 21–23 верасня. Фельчарская брыгада з Магілёва заняла ганаровае 3 месца ва ўпартай барацьбе – паведамляе магілёўская рэдакцыя тэлеканала “Беларусь-4”. Магілёўчане спаборнічалі са зборнымі ўсіх абласцей Беларусі, горада Мінска, а таксама расійскімі камандамі з Валгаграда і Новасібірска. Усяго ў “медычных гульнях” прынялі ўдзел 15 брыгад хуткай медыцынскай дапамогі. 

Правядзенне спаборніцтваў арганізавалі Міністэрства аховы здароўя Рэспублікі Беларусь і Рэспубліканскі камітэт беларускага прафсаюза работнікаў аховы здароўя.

У магілёўскім Інстытуце МУС праходзіць тыдзень роднай мовы

Навіна ад

Выкладчыкі і курсанты падыйшлі да яго крэатыўна, цяжкасцяў з разуменнем беларускай мовы ў будучых міліцыянераў не ўзнікала. 

Тыдзень роднай мовы ў Інстытуце іністэрства ўнутраных спраў распачаўся з рэспубліканскай дыктоўкі, якую пісалі першакурснікі. Большасць курсантаў паспяхова справілася з заданнем. Творчая частка тыдня роднай мовы праходзіла ў выглядзе конкурсаў. А на занятках па беларускай мове курсанты стваралі ўласныя літаратурныя творы – эсэ і пейзажныя замалёўкі па матывах карцін нашага земляка, мастака В.К. Бялыніцкага-Бірулі.

Выкладчыкі кафедры чыталі на беларускай мове асобныя лекцыі і адзначылі, што цяжкасцяў з разуменнем іх зместу не ўзнікла. Курсанты здолелі хутка зарыентавацца і плённа пазаймацца, адказваючы на пытанні выкладчыка таксама на роднай мове.

Тыдзень роднай мовы праводзіцца па ініцыятыве Міністэрства адукацыі ва ўсіх навучальных установах краіны з 17 па 23 верасня. Ён прадугледжваў мноства самых разнастайных акцый – выстаў, анлайн-чэленджу «Льецца мова», творчага марафону «Мова родная – мова модная», паказу адзення «Будзь у трэндзе», анлайн-акцыі «Натхнёныя Бацькаўшчынай», рэспубліканскую дыктоўку і г.д.

Тыдзень беларускай мовы праходзіць ва ўсіх установах адукацыі Магілёўскай вобласці. Але агульнанацыянальная акцыя засталася збольшага слаба заўважнай за шлейфам мерапрыемстваў новаўведзенага свята – Дня народнага адзінства. 

Найбольшы рэзананс у сацыяльных сетках Магілёва выклікаў удзел курсантаў Інстытута Міністэрства ўнутраных спраў у мерапрыемствах тыдня. Гэта нядзіўна, бо ў інстытуце МУС прайшло багата цікавых імперэзаў. У ім спушчаную зверху ініцыятыву падтрымала кафедра сацыяльна-гуманітарных дысцыплін і аднеслася да яе з душой – нефармальна.

Працаваць над моўнай культурай кафедра сацыяльна-гуманітарных дысцыплін працягне на наступным тыдні, калі для першакурснікаў пройдзе конкурс, прысвечаны Дню еўрапейскіх моў.

Адзначым, што ў свой час на слыху былі выпадкі, калі работнікі сілавых структур не маглі пісьмова запісаць беларускамоўныя паказанні ці сведчанні, скласці элементарныя беларускамоўныя пратаколы. 

Строительство 137 тысяч квадратов жилья на Могилевщине в 2022 году: достижение или провал?

Навіна ад

Данные статистики показывают, что темпы нового строительства упали в 2,6 раза.

Главное управление статистики Могилевской области опубликовало данные по вводу жилья в январе-августе 2022 года.

Эти данные показывают, что в области введено в эксплуатацию 136,7 тысяч кв. метров жилья, или 5,89% от республиканского уровня, в том числе 39,9 тысяч кв. метров с господдержкой, или 5,07% от национального объема.

Определенное удивление вызывают площади введенного общего жилья в ряде районов, таких как Глусский (644), Хотимский (626), Краснопольский (532), Дрибинский (210). Если взять средние современные параметры однокомнатной квартиры в 40-50 квадратов, то получается, что на весь Дрибинский район построено за 8 месяцев 4-5 квартир. 

Несмотря на явную нехватку рабочих рук в строительной отрасли области, за 8 месяцев построено 136,7 тысяч кв. метров жилья при плане 143 тысячи, т.е план выполнен на 95,6%, согласно информации начальника отдела жилищной политики комитета по архитектуре и строительству Могилевского облисполкома Александра Марфонова.

Этот чиновник в начале января 2022 года заявил: «В Могилевской области при задании в 2021 году 90 тыс. кв.м введено в эксплуатацию около 110 тыс. кв.м, построенных с государственной поддержкой. Это на 22% больше, чем предполагалось.  В планах на 2022 год – возвести 143 тыс. кв.м. К слову, количество построенного с господдержкой жилья ежегодно составляет около трети от всех введенных в эксплуатацию на территории области квадратных метров».

Является ли огромным достижением цифра в 143 тысяч квадратных метров? Это увеличение объемов? Оказалось, что наши чиновники многого не договаривают. 

Если обратиться к официальному сборнику «Регионы Беларуси. Основные социально-экономические показатели городов и районов. 2021. Статистический сборник. Том 2», то можно обнаружить весьма интересную статистику по вводу жилья в Могилевской области в 2015 и 2020 гг. и сделать вывод, что к 2022 году объемы введения в эксплуатацию жилья упало в 2,6 раза.

Показатели 2015 2020
Ввод в эксплуатацию жилых домов за счет всех источников финансирования, тыс. кв. м общей площади 325,5 369,0
В т.ч. в сельских населенных пунктах  66,1 67,5

 

Рух па пуцеправодзе на Чалюскінцаў у Магілёве адкрыюць з 1 кастрычніка

Навіна ад

Рамонт маста пачаўся яшчэ ў маі, а завяршыць усе працы плануецца да канца года.

Рух па пуцеправодзе праз чыгунку па вуліцы Чалюскінцаў будзе поўнасцю запушчаны з 1 кастрычніка, паведаміў намеснік генеральнага дырэктара па будаўніцтве Упраўлення камунальных прадпрыемстваў Сяргей Зяцькоў.

Капітальны рамонт гэтага пуцеправода на адной з галоўных і інтэнсіўных дарожных артэрый горада доўжыўся з 10 мая бягучага года і суправаджаўся частковым перакрыццём руху транспарту. 

Рамонт псаваў настрой, нервы, уносіў карэктывы ў жыццёвыя планы шматлікім гараджанам і гасцям горада, скарэкціраваў час руху грамадскага транспарту і адбіўся на зменах маршрутаў.

Па інфармацыі С. Зяцькова, агульная гатоўнасць аб’екта складае 80%. На пуцеправодзе ўжо завяршылася серыя самых складаных і працаёмкіх работ. “Аб’ект будзе поўнасцю ўведзены ў эксплуатацыю да канца бягучага года. Тут таксама з’явяцца новыя тратуары і агароджы, будзе добраўпарадкавана прылеглая тэрыторыя”, – дадаў ён.

Пад Магілёвам рэалізуецца першы ў Беларусі праект у племянным казаводстве

Навіна ад

На паліцах магілёўскіх крамаў хутка з’явіцца пажыўнае і гіпаалергеннае малако.

Першая дзяржаўная казіная ферма створана ў Магілёўскім раёне – паведамляе афіцыйны сайт аблвыканкама.

Казінае малако па карысці пераўзыходзіць каровіна і з’яўляецца крыніцай комплексу незаменных біялагічна актыўных рэчываў, якія выдатна ўплываюць на імунітэт і агульны стан здароўя чалавека, павялічваюць пажыўнасць штодзённага рацыёну.  Але на сёння казінае малако – дэфіцытны тавар.

Першая дзяржаўная казіная ферма створана на базе Магілёўскага дзяржплемпрадпрыемства у вёсцы Чаромушкі ў рамках рэалізацыі дзяржаўнай праграмы “Аграрны бізнес” на 2021-2025 гады. Ужо зараз закуплены 150 жывёл альпійскай і зааненскай парод, падрыхтаваны жывёлагадоўчыя памяшканні, домікі для маладніка, даільная зала на 24 месцы. Завяршаюцца работы па ўладкаванні радзільнай залы.

Акрамя таго, што створаная ферма будзе даваць племянную жывёлу і насенны матэрыял высокай генетычнай каштоўнасці, тут будуць вырабляць высокаякаснае малако. Яно будзе перапрацоўвацца на Шклоўскім масларобным заводзе.

У планах племпрадпрыемства – будаўніцтва рэпрадуктара штучнага абнасеньвання коз, павялічэнне маткавага пагалоўя да 500 коз. 

– Гэта дазволіць закрыць поўную патрэбнасць у краіне ў племянным маладняку. – адзначыў гендырэктар РУСВП «Магілёўскае дзяржплемпрадпрыемства» Мікалай Арлянок – Племянны статак ужо завезены, пачата работа па развядзенні жывёл. Літаральна за некалькі месяцаў на магілёўскай зямлі ўжо з’явіліся 35 казлянят”.

Коз кормяць якаснымі кармамі,якія нарыхтоўваюцца на ўласных палях прадпрыемства.

Ужо на сёння кожная каза першага года жыцця з 36 галоў статку дае каля 2,5 літраў малака ў дзень. У перспектыве надой можа скласці болей васьмі літраў. Верагодна, што праз 2-3 месяцы першая прадукцыя магілёўскага казаводства ўжо з’явіцца на паліцах крамаў. Гэта будзе пажыўнае і гіпаалергеннае малако, расфасаванае ў ПЭТ-бутэлькі па 0,9 літры.

фота: Белта

У Бабруйску з’явіліся станцыі зарадкі электратранспарту

Навіна ад

Устанавілі першыя 2 электразапраўкі. Буйнейшы не абласны горад Беларусі зрабіў важны крок да электрыфікацыі гарадскога транспарту. 

Зарадныя станцыі для электратранспарту атрымліваюць усё большае распаўсюджанне на Магілёўшчыне, але да апошняга часу заправіць электрамабіль у Бабруйску было немагчыма. Найбліжэйшая станцыя зарадкі AE Charging Station знаходзілася каля вёскі Сычкава непадалёк ад скрыжавання вуліцы Мінская шаша і бабруйскай акружной дарогі. 

Натуральна, што напачатку найвялікшы попыт на станцыі быў у буйных гарадах Беларусі, але цікавасць да такога транспарту пашырае сваю геаграфію. З’явіўся попыт на электразапраўкі і на Бабруйшчыне.

Як паведамляе рэсурс bobr.news, 21 верасня ў Бабруйску ўстанавілі адразу 2 зарадкі для электратранспарту. Электразапраўкі ўсталявала фірма Маланка непадалёк ад гандлёвага цэнтра Карона (вул. 50 год УЛКСМ). 

Зарадная станцыя (або электразаправачная станцыя) — прадстаўляе электраэнергію для зарадкі акумулятарнага электратранспарту, такога як электрамабілі, электробусы, электраскутары, электрасамакаты, гіраскутары, сігвеі, электравеласіпеды і г. д.

Калі ў Бабруйску новы від транспарту робіць толькі першыя крокі, то ў Магілёве электразапраўкі здзіўляюць толькі турыстаў з расійскіх рэгіёнаў. Магілёўцы да іх даўно прызвычаіліся. Толькі найбуйнейшая сетка электразарадных станцый Malanka мае ў горадзе больш за 10 заправак. 

Адрасы папулярных электразаправак у Магілёве: М-8 232-гі км, вул. Карла Маркса 11, вул. Чалюскінцаў 8, вул. Першамайская 146, вул. Будзёнага 15/34, вул. Цярохіна 11, пр-т Пушкінскі 7, вул. Прывакзальная 2а, каля будынку Тэхнапарку і г.д.