Category: Гарады-пабрацімы: навіны

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў: гатоўнасць да ацяпляльнага сезону і прыёму бежанцаў

Навіна ад

Украінскі Мікалаеў гатовы да пачатку ацяпляльнага сезона, аднак пакуль тэмпература паветра не дазваляе запусціць кацельні, распавёў першы намеснік мэра Мікалаева Віталь Лукаў. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Па словах чыноўніка, цяпло можна будзе запускаць пасля таго, як сярэдняя сутачная тэмпература будзе трымацца на працягу 3 дзён на ўзроўні нарматыўных 8 градусаў. Але ў горада ёсць асцярогі наконт абстрэлаў з боку расійскіх акупантаў: яны чакаюць, калі цяпло пачне выходзіць з нашых кацельняў, гэта будзе для іх мішэнню.

Сярэднемесячная тэмпература кастрычніка ў Мікалаеве складае 10,9°С, лістапада – 4,6°С. У папярэднія гады цяпло падавалі ў жыллёвы фонд 20-31 кастрычніка.

Існуюць і праблемы з водазабеспячэннем. «Мікалаеўводаканал» патрабуе правядзення тэрміновых аварыйна-аднаўленчых работ на водазаборы з Бужскага лімана. Таму, напрыклад, уранні 29 кастрычніка вада ў Мікалаеве будзе падавацца са слабым напорам, напэўна, у некаторых дамах яна ўвогуле будзе адсутнічаць.

Нягледзячы на праблемы з крытычнай інфраструктурай у Мікалаеве і гарадах Мікалаеўскай вобласці, рэгіён дае прытулак для сотняў сем’яў з акупаваных абласцей  Украіны. 

Ільвіная доля перасяленцаў з Херсонскай вобласці. Пра гэта паведаміў кіраўнік Мікалаеўскай абласной ваеннай адміністрацыі Віталь Кім. 

«Што да вызваленых тэрыторый і перамяшчэння людзей з акупаваных тэрыторый, то больш за два месяцы перакрытыя каналы, якія перасякаюць лінію судакранання. Гэтая лінія праходзіць толькі праз Запарожскую вобласць, і гэта вельмі дрэнна. Што тычыцца вызваленых тэрыторый: так, мы прымаем людзей» — сказаў ён.

Акрамя таго, Кім адзначыў, што Мікалаеўская вобласць атрымала вопыт размяшчэння перасяленцаў з іншых рэгіёнаў Украіны.

«Мы падстаўляем плячо і дапамагаем Херсонскай вобласці прыняць людзей з яе. У сваю чаргу іншыя вобласці, такія як Львоўская, Цярнопальская, Хмяльніцкая, падстаўляюць нам плячо» – адзначыў кіраўнік вобласці.

Зараз у вобласці зарэгістравана 911 часовых перасяленцаў. Але Мікалаеўская вобласць рыхтуецца прыняць яшчэ большую колькасць украінцаў з вызваленых ад акупантаў тэрыторый.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

 

Керч: на паромнай пераправе запрацаваў мабільны комплекс для надгляду, кругласутачна ідзе аднаўленне Крымскага моста

Навіна ад

На паромнай пераправе ў Керчы запрацаваў мабільны надглядальны комплекс, паведамляе прэс – служба акупацыйнага Ураду Крыма.

kerch.fm

«Мабільны інспекцыйна-надглядны комплекс прызначаны для інспекцыі і даследавання грузавога транспарту, грузаў і багажу, якія перавозяцца, з дапамогай спецыяльнага праграмна-апаратнага забеспячэння і рэнтгенаўскага выпраменьвання» – гаворыцца ў паведамленні.

Апарат паспявае сканаваць адзін грузавы аўтамабіль прыкладна за 10 хвілін

Пішам, як агрэсіўныя дзеянні Расіі, вайна ва Ўкраіне ўплываюць на жыццё гарадоў, якія маюць партнёрскія дачыненні з гарадамі Магілёўскай вобласці.

Паромная пераправа пачала працаваць у сувязі з разбурэннем часткі Крымскага аўтамабільнага моста 8 кастрычніка. Мост быў узведзены ў 2018 годзе.

Рух грузавога транспарту па аўтамабільнай частцы Крымскага моста будзе адкрыты не раней за 1 снежня 2022 года.

На сёння на мосце размясціўся цэлы будаўнічы гарадок. Да гэтага часу на закрытай частцы Крымскага моста ўсталяваны будаўнічыя бытоўкі, працуюць дзясяткі адзінак тэхнікі і сотні працоўных. Работы ідуць кругласутачна.

kerch.fm

Гранічны тэрмін завяршэння капітальнага рамонту пашкоджанай часткі Крымскага моста – 1 ліпеня 2023 года. Адпаведнае распараджэнне падпісаў старшыня ўрада РФ Міхаіл Мішусцін. Згодна з распараджэннем, адзіным выканаўцам работ па праектаванні і аднаўленні разбураных элементаў моста вызначана ТАА “Ніжнеангарсктрансбуд”.

Керч – з 1988 года горад-пабрацім Магілёва. Заснаваны ў 610-590 гг. да нашай эры грэцкімі каланістамі з Мілета. У розныя эпохі горад называўся Панцікапей, Чаркіа, Васпора, Корчаў, Баспор. У 480 г. да н.э. Пантыкапей стаў сталіцай Баспорскай дзяржавы. Знаходзіўся пад уладай Усходняй Рымскай (Візантыйскай) Імперыі ў VI і ў XI -XII стагоддзях, у VIII стагоддзі патрапіў у сферу ўплыву Хазарскага каганата. У канцы X-XI стагоддзях уваходзіў у склад рускага Тмутараканскага княства. У 1318 годзе горад увайшоў у склад Генуэзскіх калоній. У 1475-1774 у Асманскай, у 1774-1917 – у Расійскай імперыі, у 1917-1954 гадах у складзе РСФСР, у 1954-2014 – у складзе Украіны. У 2014 годзе Крым анэксаваны Расіяй. Сучаснае насельніцтва горада 155 тысяч чалавек.

Ацяпляльны сезон у Клайпедзе пачынаецца 26 кастрычніка

Навіна ад

Мэрыяй Клайпеды прынята рашэнне аб пачатку ацяпляльнага сезона 26 кастрычніка. І гэта нягледзячы на ​​тое, што сярэднесутачная тэмпература паветра пакуль перавышае нарматыўныя 10 градусаў цяпла, але ўзмацняюцца вецер і вільготнасць.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

У 2021 годзе ацяпляльны сезон у партовым горадзе стартаваў 12 кастрычніка. Апошні раз ацяпленне ў Клайпедзе ўключылі ў канцы кастрычніка толькі ў 2008 годзе, калі было цёплае надвор’е.

У Клайпедзе з 18 кастрычніка гэтага года ацяпляюцца дашкольныя і агульнаадукацыйныя ўстановы, установы сацыяльнага абслугоўвання. Клайпедскі раён пачаў ацяпляльны сезон 20 кастрычніка, прыгарадная Крэтынга – 21-га.

Па дадзеных Klaipėdos energijа, да гэтага часу самастойна ацяпляльны сезон ужо пачалі 10 прыватных прадпрыемстваў і адзін шматкватэрны дом.

Нагадаем, што цяпло ў магілёўскіх кватэрах з’явілася амаль ўжо тры тыдні назад. 

На кастрычнік прадпрыемства цэнтралізаванага цеплазабеспячэння Klaipėdos energijа ўстанавіла тарыф у памеры 10,06 еўрацэнта/кВтч без падатку на дадатковую вартасць. Рост склаў амаль 250%: у кастрычніку мінулага года ён быў 4,85 цэнта. Лістападаўскі тарыф пакуль яшчэ не аб’яўлены.

Нагадаем, што 1 квт гадзіна у Беларусі складае каля 9 еўрацэнта, у дамах пераведзеных на электраацяпленне – 3.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: atviraklaipeda.lt

Мікалаеў: здраднік арыштаваны на нарадзе ў мэра. Асуджана чарговая калабарантка

Навіна ад

У Мікалаеве Служба Бяспекі Украіны арыштавала здрадніка, расійскага шпіёна публічна, каб усе яго бачылі. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

21 кастрычніка падчас сустрэчы з мэрам Мікалаева быў затрыманы расійскі агент – кіраўнік камунальнага прадпрыемства «Мікалаеўская рытуальная служба».

Чыноўнік перадаваў акупантам персанальныя дадзеныя вайскоўцаў Узброеных Сіл Украіны і інфармаваў расійцаў аб працы аб’ектаў крытычнай інфраструктуры ў Мікалаеве.

Акрамя таго, здраднік збіраў разведдадзеныя аб размяшчэнні і маршрутах перамяшчэння падраздзяленняў узброеных сіл на тэрыторыі Мікалаеўскай вобласці, а таксама распавядаў ворагу аб сітуацыі з інфраструктурай Мікалаева. 

Таксама ў яго задачы ўваходзіла арганізаваць магутную агентурную прарасійскую сетку на тэрыторыі Мікалаеўшчыны.

Пазней пра падрабязнасці затрымання распавёў мэр Мікалаева Аляксандр Сянкевіч. Аказваецца, СБУ папярэдзіла яго аб маючым адбыцца затрыманні і было вырашана публічна арыштаваць, каб усе бачылі здрадніка.

У гэты ж дзень у Мікалаеве абралі меру стрымання 49-гадовай жанчыне, якая падазраецца ў распаўсюджванні інфармацыі аб дыслакацыі падраздзяленняў ВСУ і апраўдванні ўзброенай агрэсіі Расіі, пра што паведамілі ў Цэнтральным раённым судзе горада.

Жанчына далучылася да некалькіх тэлеграм-каналаў, выкарыстоўваючы псеўданім, які павінен быў схаваць яе пол і ўзрост. Пры гэтым яна дакладна ведала, што названыя каналы выкарыстоўваюцца спецслужбамі Расіі для збору інфармацыі аб размяшчэнні ўзброеных фарміраванняў Украіны.

У далейшым яна неаднаразова публікавала там інфармацыю аб перамяшчэнні падраздзяленняў ВСУ ў Мікалаеве і Мікалаеўскай вобласці, у тым ліку, далучаючы да паведамленняў адпаведныя фотаматэрыялы. Акрамя таго, падчас зносін у названых каналах, яна апраўдвала ўзброеную агрэсію Расіі, выказвала надзею на хуткую акупацыю Мікалаева.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: lenta.ua

Расія прагне “вярнуць” Клайпедскі край, хоць юрыдычныя падставы зразумелыя толькі Пуціну

Навіна ад

Яшчэ ў 2005 годзе Уладзімір Пуцін тлумачыў, што Клайпеда са старажытных часоў з’яўляецца спрадвечнай рускай зямлёй. Такая «дробязь» як тое, што Клайпеда (Мемель) 700 гадоў належала германцам, а да гэтага балтам, рускага дыктатара не бянтэжыць – піша atviraklaipeda.lt

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Расійскі правадыр сказаў недарэчнасць, але слова яго святое для рускіх прапагандыстаў. Таму гэтае глупства стала расійскай дактрынай. Беспрынцыповая расійская прапагандысцкая машына, якая атрымлівае на распаўсюджванне хлусні за мяжой каля 2 мільярдаў долараў ЗША ў год, нясе глупства аб тым, што ёсць магчымасць вярнуць Клайпеду ў абдымкі Расіі прававым шляхам.

«Дзе дакументы, якія дазваляюць перадачу Віленскага краю ці Клайпедскага порта Літве? Вярхоўны Савет СССР такога рашэння не прымаў. Давайце сфармуем камісію і вырашым. Вярніце Клайпеду, вярніце Віленскі край. У іх была канстытуцыя: усяго тры гарады – Каўнас, сталіца Літвы, Шаўлі, Панявеж. Што ж, тры гарады вашыя, усё астатняе трэба вярнуць. Гэта наша тэрыторыя. Мы атрымалі гэта дзякуючы вайне. А Сталін быў добры і аддаў. Узяў у беларусаў, аддаў літоўцам. Ён забраў у немцаў Памеранію і Сілезію і аддаў іх палякам…» – так у 2018 годзе заяўляў цяпер ужо нябожчык дэпутат расійскай Думы і лідэр ліберальна-дэмакратычнай партыі Расіі, Уладзімір Жырыноўскі.

Як прапаганда хлусіць

Расійская прапаганда ставіць пад пытанне прыналежнасць Клайпедскага краю Літве сыходзячы з таго, што на момант заканчэння Другой Сусветнай вайны ён не належыў Літве. Але ігнаруецца той факт, што Германія аддзяліла гэты край ад Літвы ў сакавіку 1939 года пасля заключэння Пакта Молатава-Рыбентропа. 

У 2014 годзе, пасля таго, як расійскія вайскоўцы ціха ўвайшлі ва ўкраінскі Крым, дзейная ў Літве грамадская ўстанова Būkime vieningi падзялілася апублікаванай парталам «avaaz.org» петыцыяй са зваротам на рускай мове да рускамоўных жыхароў Літвы, заклікаючы іх запатрабаваць далучэння Клайпеды да Расіі.

Ці існуюць дакументы, што Клайпеда належыць Расіі? 

Што такіх дакументаў няма, пацвердзіў і сам В. Жырыноўскі, заявіўшы, што “мы атрымалі яе дзякуючы вайне”. І ні ў адным міжнародным судзе Расія не зможа прад’явіць ніякіх дакументаў, якія пацвярджаюць яе правы на Клайпеду і Клайпедскі край. Калі б такія юрыдычныя дакументы і аргументы існавалі, Расія ўжо даўно б пачала судзіцца.

Асуджэнне Пуціным пакта Молатава-Рыбентропа. 

Яшчэ ў 2005 годзе падчас прэс-канферэнцыі, адказваючы на пытанне латвійскага журналіста, прэзідэнт Расіі пацвердзіў, што ў 1989 годзе “ім начыста было запісана”, што З’езд народных дэпутатаў Расіі асуджае пакт Молатава-Рыбентропа і лічыць яго юрыдычна несапраўдным.

Нібыта гэты акт не адлюстроўваў меркаванні савецкага народа, а быў асабістай справай Гітлера і Сталіна. “Вы хочаце, каб мы паўтаралі гэта кожны год?” – рытарычна пытаўся тады У. Пуцін. І сказаў, што «гэтае пытанне закрытае. Усё. Мы больш не будзем вяртацца да гэтага пытання».

Рэвізія адносінаў Расіі да пакту Молатава-Рыбентропа. 

Пуцін не жадаў вяртацца да пакту, аднак вярнуўся. Адразу ж пасля таго, як увёў войска ў Крым і адарваў яго ад Украіны. А ўжо ў лютым гэтага года, калі пачалі забіваць украінскіх дзяцей, старых, усіх жыхароў, бамбаваць іх гарады і вёскі, расійская прапаганда, якая ўслаўляе свайго правадыра, стала лямантаваць аб тым, што яны імкнуцца вярнуць сабе ўсе свае старыя, “спрадвечныя” землі.

У апошняе дзесяцігоддзе пуцінская Расія захапіла частку Грузіі, Украіны. Украіну рабуюць, яе людзей забіваюць з жахлівым энтузіязмам. Скаляць зубы і на краіны Балтыі, і на ўвесь постсацыялістычны свет. Не ў сілах выхаваць агульначалавечыя каштоўнасці, яны мабілізуюць жывёльны інстынкты свайго народа і кажуць: ідзіце, бярыце сілай і рабуйце ўвесь свет. Ён – ваша законная здабыча.

Аб тым, што свет не бачыць у сённяшняй расійскай агрэсіі ні сэнсу, ні законных падстаў, сведчыць той факт, што ў кастрычніку 2022 года Генеральная Асамблея ААН галасамі 143 краін асудзіла анексію Расіяй акупаваных тэрыторый Украіны. А Расію падтрымалі толькі яна сама і чатыры дзяржавы, якія не маюць нічога агульнага з дэмакратыяй – Сірыя, Нікарагуа, Паўночная Карэя і Беларусь.

Юрыдычныя падставы прыналежнасці Клайпеды Літве. 

Літоўскія гісторыкі падкрэсліваюць, што юрыдычнай падставай прыналежнасці Клайпедскага краю з’яўляюцца прынятыя ў 1923-1924 гадах рашэнні Канферэнцыі Амбасадараў, якімі Клайпедскі край у 1924 годзе быў перададзены Літве. Іншых міжнародна-прававых актаў, якія гавораць аб чыіх-небудзь правах на Клайпеду, няма.

migration.lt

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: seanews.ru

Мікалаеў: ноччу збілі дзесяць “шахідаў”, загінуў адзін чалавек. Субота пачалася без электрычнасці

Навіна ад

Гэтай ноччу над Мікалаеўскай вобласцю сіламі і сродкамі СПА паветранага камандавання “Поўдзень” збілі 10 ударных беспілотнікаў-камікадзэ “Shahed-136” іранскай вытворчасці, гаворыцца ў паведамленні Укрінформ. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Усяго за мінулыя суткі падраздзяленні ЗСУ выканалі 220 ракетна-артылерыйскіх заданняў.

Паведамляецца, што ў выніку варожых абстрэлаў аднаго з прыгарадных населеных пунктаў Мікалаеўскай вобласці загінуў адзін чалавек і адзін атрымаў аскепкавыя раненні. Пашкоджаны электрасетка, газаправод. Частка населенага пункта засталася без святла і газу. 

У выніку абстрэлаў Мікалаева, горад  і шэраг паселішчаў вобласці суботнюю раніцу 22 кастрычніка пачалі без электрычнасці. Месцамі парушана работа водазабеспячэння і каналізацыі.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: novosti-n.org

Мікалаеў: рэкі алею, атакі дронаў, ракетныя абстрэлы

Навіна ад

Па вуліцах Мікалаева двое сутак цякуць сапраўдныя рэкі высакаякаснага сланечнікавага алею, паведамляе “Мікалаеўская праўда”. Ён цячэ з разбуранага падчас ракетных абстрэлаў з іранскіх дронаў-камікадзэ армейскага склада, і выцякае ў велізарнай колькасці.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Мікалаеўцы ўжо некалькі дзён збіраюць каштоўны харчовы прадукт у каністры, пляшкі і іншыя вялікія ёмістасці. 

Каб пажаранебяспечны харчовы прадукт не заліў прыдамавыя тэрыторыі і не патрапіў у вадаёмы, у горадзе мабілізаваны ўсе выратавальныя сілы. 

У ноч на 19 кастрычніка над Мікалаеўшчынай знішчана 13 дронаў-камікадзэ іспанскага паходжання Shahed-136. Адзінаццаць з іх збіты сіламі і сродкамі супрацьпаветранай абароны паветранага камандавання “Поўдзень”, яшчэ два – воінамі Нацыянальнай гвардыі Украіны і Дзяржаўнай пагранічнай службы Украіны.

У другой палове дня 19 кастрычніка двума ракетамі С-300 акупанты нанеслі ўдар па Бярэзнегувацкай грамадзе Мікалаеўшчыны. Паведамляецца, што абыйшлося без чалавечых ахвяр.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: wp.com

Навагоднюю ёлку ў Клайпедзе будуць прапаноўваць самі жыхары

Навіна ад

Гэта дазволіць сэканоміць сродкі, таксама для эканоміі яе запаляць на тыдзень пазней. 

Да новага года застаецца 73 дні, да Калядаў 67. І па традыцыі да зімовых святаў Клайпеда збіраецца ўпрыгожыць жывую ёлку. Вітаюцца прапановы клайпедчанаў і жыхароў раёна, паведамляе Klaipėdos šventės. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

За два месяцы да зімовых свят грамадзянам даюць магчымасць прапанаваць свае ўласныя ёлкі, якія стануць галоўным калядным сімвалам партовага горада.

Жыхароў Клайпеды ўпершыню запрасілі падарыць елкі сем гадоў таму. Такая ініцыятыва атрымала станоўчыя водгукі і стала візітнай карткай каляднага перыяду ў горадзе.

Клайпедчане поўныя рашучасці ахвяраваць елкі, якія растуць не адзін дзясятак гадоў, таму што яны, напрыклад, ім надакучылі, загароджваюць сонечнае святло або электрычны дрот, займаюць шмат месца.

Арганізатары абяцаюць вырашыць усе праблемы, якія звязаны з высечкай дрэва, яго перавозкай і ўборкай месца, дзе яно расце.

Елка павінна быць не менш за 10 метраў вышынёй, з шырокай і багатай кронай галін. Усе прапанаваныя варыянты будуць правераны, ацэнены і прадстаўлены грамадскасці.

Створаная камісія абярэ самае прыдатнае і дастойнае звання Клайпедскай гарадской елкі дрэва.

Падбор святочнай елкі і яе ўстаноўка на такіх умовах значна эканоміць гарадскі бюджэт, сродкі кожнага гараджаніна.

У мэтах эканоміі энергарэсурсаў галоўны сімвал зімовых свят на Тэатральнай плошчы запаляць на тыдзень пазней, чым было запланавана — вечарам 10 снежня.

Прапановы з фатаграфіямі арганізатары просяць накіроўваць да 25 кастрычніка.

Тым часам мэр Вільні прадставіў планы эканоміі на Каляды. Ён прапануе ўсталяваць сціплую ёлку, а астатнія грошы ахвяраваць братэрскай Украіне. 

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: dcdn.lt

Новыя разбурэнні ў Мікалаеве

Навіна ад

У ноч 13 кастрычніка  працягнуліся ракетныя абстрэлыі рускімі акупантамі жылых раёнаў горада Мікалаева, паведаміў мэр горада Аляксандр Сенкевіч. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

У выніку ўдараў пашкоджаны пяціпавярховы дом: разбураны два верхніх паверхі, астатнія аказаліся пад заваламі. 

Каля 10 гадзін ранку з-пад завалаў выратавалі 12-гадовага хлопчыка, ягога перадалі ўрачам. Пад абломкамі дома да абеда знаходзіліся яшчэ сем жыхароў. Выратавальная аперацыя працягваецца.

Яшчэ адна ракета С-300 патрапіла ў выратавальню лодачную станцыю. Пад заваламі знаходзіцца супрацоўнік станцыі.

Нягледзячы на ўвесь драматызм сітуацыі на Паўднёвым фронце, ВСУ працягваюць паспяховае наступленне на суседні Херсон. Расійская акупацыйная адміністрацыя ўжо вывозіць грамадзянскіх асоб з Херсона, бо баіцца ўзяцця горада.

Па дадзеных брытанскай разведкі, фланг акупацыйных войск больш не абаронены ракой Інгулец. Большасць расійскіх войскаў на гэтай лініі фронту застаецца недаўкамплектаванымі часткамі паветрана-дэсантных войск.

Абаронцы Мікалаева, усёй Украіны чакаюць хуткага ажыццяўлення праекта «Нябесны шчыт» па стварэнню сістэмы супрацьпаветранай абароны краін НАТА і Украіны, аб чым заявілі прадстаўнікі паўночна-атлантычнага альянсу.

v5.ua.news

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Мікалаеў – абстрэлы працягваюцца

Навіна ад

Досвіткам 11 кастрычніка над Мікалаеўскай вобласцю збілі пяць беспілотнікаў “Шахід-136”, яшчэ тры – над суседняй Адэскай вобласцю, паведаміла украінскае камандаванне  “Поўдзень”.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

На большай частцы Мікалаеўскай вобласці, за выключэннем Снігіроўкі і некалькіх дзясяткаў сёлаў каля яе, няма расійскіх акупантаў, аднак вобласць фактычна прыфрантавая, паколькі на яе тэрыторыі вядуцца баявыя дзеянні. 

Акупанты не адмаўляюцца ад планаў паспрабаваць зноў захапіць Мікалаеў.

Учора сіламі супрацьпаветранай абароны над Мікалаеўшчынай былі знішчаны 14 крылатых ракет, паведамілі ў камандаванні «Поўдзень». 

Але ж асобныя ўдары па горадзе адбыліся. У абласным цэнтры пашкоджаны дамы, складскія памяшканні, разбураны адзін з корпусаў універсітэта караблебудавання імя Макарава.

t.me/senkevichonline/

У Мікалаеве з вечара 10 кастрычніка ўведзены меры па эканоміі электраэнергіі. У ноч не ўключалася асвятленне горада, з 17:00 былі выключаны ўсе святлафоры, скарочана колькасць электратранспарту на вуліцах. У шматлікіх населеных пунктах вобласці абмяжоўваецца праца транспарту, гандлёвых кропак.

Так, у Вазнясенску ў мэтах бяспекі жыхароў абшчыны 11 кастрычніка не будзе працаваць рынак, будзе абмежавана праца гарадскога транспарту і не будзе праводзіцца прыём лекарамі ў амбулаторыях і шпіталі. Транспарт будзе курсіраваць толькі раніцай і вечарам, забяспечваючы рабочую перавозку, сярод дня па кожным з маршрутаў будзе курсіраваць адзін аўтобус без пэўнага графіка.

Да канца бягучага працоўнага тыдня, 14 кастрычніка, усе ўкраінскія навучальныя ўстановы ў мэтах бяспекі пераходзяць на дыстанцыйны фармат навучання.

Нягледзячы на складаную абстаноўку, злажана працуюць пракуратура, паліцыя, СБУ. У суд накіраваны абвінаваўчыя акты ў дачыненні да двух жыхароў Мікалаева па факце калабарацыйнай дзейнасці .

Устаноўлена, што прарасейскі настроеныя грамадзяне – 40-гадовая жанчына і 64-гадовы мужчына, нягледзячы на сістэматычныя абстрэлы акупантамі Мікалаева, у сацсетках неаднаразова распаўсюджвалі паведамленні з падтрымкай дзеянняў агрэсара. Акрамя гэтага, СБУ выкрыла двух расейскіх агентаў – яны «злівалі» месцы дыслакацыі і звесткі пра перамяшчэнне ВСУ.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».