Вечарам 14 ліпеня жыхары дома па вуліцы Каралёва ў Асіповічах убачылі мужчыну, што ляжыць на даху магазіна, прыбудаванага да шматпавярховага жылога дома, на ўзроўні другога паверху. Відавочцы адзначылі ратавальнікам, што ён упаў на дах з пятага паверха. Мужчына 1955 года нараджэння, пенсіянер, патлумачыў ратавальнікам, што выйшаў пакурыць на балкон сваёй кватэры, самлеў і ўпаў з балкона. З траўмамі ён шпіталізаваны – паведамляе прэс-служба МНС.
Фота: МНС