Tag: уголовное дело

Хронікі рэпрэсій – палітвязню не даюць лекаў, затрымалі архівіста, супрацоўніцу Крычаўскай бальніцы

Навіна ад

У магілёўскай турме журналісту і палітзняволенаму Сяргею Сацуку (на фота) не даюць лекаў у неабходнай колькасці – паведамляюць праваабаронцы са словаў родных. Сваякі Сяргея Сацука атрымалі ад яго два лісты запар, у якіх ён скардзіцца, што па-ранейшаму не мае патрэбнага лячэння:

– Моцна захварэў, паднялася тэмпература і абвастрыўся гаймарыт. Піша, што гэтым разам прыхапіла грунтоўна. Але толькі калі адкрыўся рэзкі кашаль, лекар даў антыбіётык і нават дазволіў два дні пасцельнага рэжыму – само па сабе небывалае паслабленне. Па-ранейшаму праблемы з сэрцам, здарыўся прыступ мярцальнай арытміі, бо для эканоміі таблетак, якія заканчваюцца, ужывае толькі палову ад неабходнага. Лекі, што мы высылалі раней, не аддаюць, хоць ён рэгулярна звяртаецца. На жаль, хваравіты стан ігнаруюць.

Супрацоўнік архіва Магілёўскай вобласці затрыманы сілавікамі. Інфармацыя пра гэта з’явілася 27 студзеня ў набліжаным да ГУБАЗіК тэлеграм-канале. На камеру мужчыну прымусілі расказаць, што ён з’яўляецца супрацоўнікам дзяржустановы, і прызнацца ў тым, што ў 2021 годзе ён «уступіў у забароненае экстрэмісцкае фармаванне».

За каментары і пасты ў сацыяльных сетках на спецыяліста раённай бальніцы ў Крычаве ўзбуджана крымінальная справа па ч. 2 арт. 367 і ч. 1 арт. 368 Крымінальнага кодэкса Рэспублікі Беларусь. У выніку жанчына гарантавана пазбавіцца свайго працоўнага месца і ў лепшым выпадку павінна будзе заплаціць штраф. Пры горшым раскладзе яе могуць асудзіць і даць рэальны турэмны тэрмін. 

Фота з адкрытых крыніц

Суценёрка схіліла да прастытуцыі дзяўчыну з Магілёўшчыны, але вывесці ў Расію яе не змагла

Навіна ад

Абодвух жанчын затрымалі на аўтавакзале ў Віцебску, адкуль яны спрабавалі з’ехаць на аўтобусе ў Расію.

42-гадовая жыхарка Віцебску пазнаёмілася з 20-гадовай жыхаркай Магілёўшчыны ў сацыяльных сетках і ўгаварыла заняцца прастытуцыяй. Дзяўчыне былі абяцаныя добрыя ўмовы пражывання ў апартаментах і зарплату ад двух тысяч долараў штомесяц, паведамляе тэлеграм-канал «МВД Беларуси».

Супраць суценёркі, якую праваахоўнікі называюць «трафікёршай» узбуджана крымінальная справа.

 

З нажом арандатар возера бараніў яго ад рыбакоў. Цяпер з ім разбіраецца міліцыя

Навіна ад

Арандатар возера парэзаў шыны прыватнага легкавіка за тое, што без яго дазволу ўладальнік вудзіў рыбу.

Такі інцыдэнт адбыўся ў Бялыніцкім раёне на возеры ля вёскі Галоўчын. Сям’я з малымі дзецьмі прыехала адпачыць. Бацька ўзяўся вудзіць. Да іхнай машыны падбег з нажом мужчына, нічога не кажучы парэзаў шыны і з’ехаў на сваёй.

Як аказалася, нападнік быў арандатарам вадаёму. Яго абурыла, што адпачывальнікі без дазволу сталі лавіць рыбу на падрыхтаваным ім для рыбаразвядзення возеры, піша бялыніцкая раёнка «Зара над Друццю».

Супраць арандатара распачата крымінальная справа за «Хуліганства». Яму пагражае да 3 гадоў пазбаўлення волі.

фота: intex-press.by

У Бялынічах з больніцы спрабаваў збегчы расіянін з нарказалежнасцю. Супраць яго ўзбуджаная крымінальная справа, а сам ён у СІЗА

Навіна ад

У адзежы хворага міліцыя адшукала папулярны ў моладзі хімічны наркотык – альфа-PVP. Супраць яго распачатая крымінальная справа за незаконны абарачэнне наркатычных сродкаў.

Паводзіны 21-гадовага пацыента бялыніцкай больніцы тамтэйшыя медыкі называюць неадэкватнымі. Ён кідаўся на ўрачоў і спрабаваў уцякаць, кажуць яны.

З цяжкай інтаксікацыяй хворага перавезлі ў лякарню абласнога цэнтру і да ложка прывязалі спецыяльнымі рамянямі. Аналіз пацвердзіў падазрэнні медыкаў, што пацыент – солевы наркаман, піша газета «Зара над Друццю».

У адзежы маладога чалавека міліцыянты адшукалі 0,051 грамаў альфа-PVP, які маладзёны называюць «хуткасць»і «зомбі». Супраць яго распачалі крымінальную справу па 1 частцы 328 артыкулу – «Незаконныя без мэты збыту выраб, перапрацоўка, набыццё, захоўванне, перавозка або перасылка наркатычных сродкаў, псіхатропных рэчываў або іх прэкурсораў або аналагаў».

На допыце малады чалавек прызнаўся, што перыядычна ўжывае солевыя наркотыкі.

«Паколькі малады чалавек – грамадзянін Расіі, каб ён не схаваўся за мяжой напярэдадні суда, парушальніка беларускага заканадаўства з бальнічнага ложка пад вартай адправілі ў Магілёўскае СІЗА», – піша бялыніцкая раёнка.

Расіяніну пагражае да 5 гадоў пазбаўлення волі.

фота: medlux.net.ua

Рэаліі сельскай гаспадаркі. На Магілёўшчыне здохла 897 дзяржаўных кароў, кантралёры знайшлі вінаватых

Навіна ад

Недалічыліся такой колькасці жывёлаў у адной з гаспадарак Глускага раёну. Тут выяўленыя сістэмныя правапарушэнні на сельгаспрадпрыемстве. Распачатыя крымінальныя справы, многіх кіраўнікоў прыцягнулі да адміністрацыйнай адказнасці.

Каровы дохлі і іх спісвалі, ці прадавалі

Паўтара года кіраўнік адной з гаспадарак, імя і назва якіх не называюцца, патрабаваў ад загадчыц фермаў уносіць ілжывыя звесткі ў справаздачнасць. Рэальныя дадзеныя аб непрадукцыйным выбыцці буйной рагатай жывёлы ў бухгалтарскіх дакументах не адлюстроўваліся, а «спісаныя» тушы прадавалі прыватным асобам.

Пра сітуацыю ў сельгаспрадпрыемстве стала вядома, як паведамляецца, «з аператыўнай інфармацыі». Была арганізаваная комплексная праверка, якая і выявіла нястачу 897 галоў.

telegra.ph

Высветлілася, што цяляты і маладняк дохлі праз парушэнні ветэрынарна-санітарных правіл, тэхналогіі кармлення, умоваў утрымання. Акрамя таго, захламлёнасць памяшканняў станавілася прычынай траўмавання жывёлаў, а ветэрынарная дапамога на належным узроўні не аказвалася.

«Ведаючы, што адбывалася, кіраўнік не толькі не рабіў захадаў для прадухілення шкоды, але імкнуўся любымі спосабамі схаваць нястачу. У выніку прадпрыемству нанесена маёмасная шкода на суму звыш паўтара мільёна рублёў», – апавядае газеце «На страже», прадстаўнік Магілёўскай абласной міліцыі Дзяніс Лугін.

Пракуратура Глускага раёну ў снежні 2021-га распачала чатыры крымінальныя справы: тры супраць загадчыкаў ферм за ўтойванне фактаў сканання жывёлы і іх рэалізацыі. Адна ўзбуджаная за перавышэнне паўнамоцтваў дырэктарам.

Кароў кралі…

Паводле Лугіна, аператыўнікі выкрылі схему крадзяжу буйной рагатай жывёлы. Загадчык малочнатаварнага комплексу на працягу паўгода рэалізоўваў дойных кароў жыхару абласнога цэнтру, а атрыманыя сродкі выкарыстоўваў на асабістыя патрэбы: пагашэнне крэдытаў, аплату камунальных паслуг.

komkur.info

Ім было прададзена 6 кароў за 16 тысяч рублёў. Супраць яго распачата пяць крымінальных спраў за крадзеж шляхам злоўжывання службовымі паўнамоцтвамі.

Па словах Лугіна, трое аграрнікаў прыцягнутыя да крымінальнай адказнасці, у дачыненні да яшчэ аднаго працягваецца расследаванне.

Адміністрацыйныя пакаранні накладзены на трох кіраўнікоў гаспадарак, а яшчэ на пяцярых рыхтуюцца матэрыялы. У суд накіравана сем пазоваў аб кампенсацыі шкоды.

 

У Расіі загінула дачка філосафа і палітолага Аляксандра Дугіна, ідэолага расійскага імперыялізму

Навіна ад

Машына, якою яна ехала, выбухнула ў Падмаскоўі ўвечары 20 жніўня. Следчыя распачалі крымінальную справу аб забойстве Дар’і Дугінай. Паведамляецца, што ў гэтай машыне разам з дачкой мусіў ехаць і бацька, але ў апошні момант перадумаў.

Аляксандра Дугіна лічаць ідэолагам так званага «рускага свету», рашызму. Ён заснавальнік і лідар «Міжнароднага еўразійскага руху». Аўтар «рашысцкай» геапалітычнай кнігі «Асновы геапалітыкі: геапалітычная будучыня Расеі». З 2014 году ўнесены ў санкцыйны спіс Еўрасаюзу, а з 2015 года і ў санкцыйны спіс ЗША і Канады. Ён таксама у спісе асобаў, якія ствараюць пагрозу нацыянальнай бяспецы Украіны. Фігурант базы цэнтру « Міратворац».

Паводле следства, 20 жніўня прыкладна ў 21:00 у машыне Toyota Land Cruiser спрацавала, як мяркуецца, выбуховае прыстасаванне. Асоба загінулай устаноўлена – гэта журналіст і палітолаг Дар’я Дугіна. Расійскія мэдыя паведамляюць, што справа ўзбуджана па факце забойства, учыненага агульнанебяспечным спосабам. 

Расійскія «Известия» пішуць, што са словаў сябра Дугінай Сяргея Аляксандрава, ёй пагражалі. Галоўнымі яе ворагамі Аляксандраў называе «прадстаўнікоў ліберальнага лобі, антырасійскага».

Дар’я Дугіна нарадзілася ў 1992 годзе. Скончыла філасофскі факультэт Маскоўскага дзяржаўнага ўніверсітэту і працавала палітычным аглядальнікам Міжнароднага еўразійскага руху. У ліпені 2022 года была ўключана ў санкцыйныя спісы Вялікай Брытаніі.

фота з рэсурсу cdn.iz.ru

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Ірына Прыгава

Асуджаная на 1,5 гады калоніяў агульнага рэжыму.

57-гадовую жанчыну звінавацілі ў развешванні бел-чырвона-белых стужак і нанясенні антываенных надпісаў, якія, як сцвярджала следства, яна наносіла на сценах дамоў алоўкам. Акрамя таго ў «абразе прэзідэнта» і «хуліганстве».

Працэс праходзіў у судзе Берасцейскага раёну пад старшынствам суддзі Таццяны Лаўранюк.

Іван Супрунчык

Асуджаны на пяць гадоў калоніі агульнага рэжыму.

Паводле праваабаронцаў, нагодаю для крымінальнага пераследу стала, нібыта, перадаванне «дэструктыўнаму» тэлеграм-каналу дадзеных пра сваяка міліцыянта.

Судзілі Супрунчыка ў Мінскім абласным судзе, дзе прызналі вінаватым у «падрыхтоўцы да злачынства», «распальванні расавай, нацыянальнай ці іншай сацыяльнай варожасці ці варажнечы», «незаконных дзеяннях з інфармацыяй аб асабістым жыцці і асабістых дадзеных».

Старшыняваў на працэсе суддзя Анатоль Дабрадзей.

Яўген Радкевіч і Фёдар Саўцін

Асуджаныя на тры гады абмежавання волі, з адбываннем «пакарання» у калоніях адкрытага тыпу, паведамляюць праваабаронцы.

Нагодай для крымінальнага пераследу стаў іх удзел у пратэстах 2020 году.

Суддзя Савецкага раёна Мінска Вольга Емельянчанка прызнала абодвух вінаватымі ў «арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх».

Эдуард Пальчыс

Зарабілі больш жорсткімі ўмовы ўтрымання, перавёўшы яго з калоніі ў турму.

Пра тое стала вядома ад жонкі асуджанага.

«Суд быў 5 хвілін па скайпе» – паведаміла яна пра працэс.

Паводле яе, мужа будуць утрымліваць у Магілёўскай турме №4.

Эдуард Пальчыс прызнаны праваабарончай супольнасцю палітзняволеным. Яго асудзілі да 13 гадоў пазбаўлення волі ў калоніі строгага рэжыму. Ён абвінавачаны паводле чатырох артыкулаў крымінальнага кодэксу. Сярод якіх традыцыйныя для палітычных працэсаў «арганізацыя масавых беспарадкаў» і «распальванне варожасці ці варажнечы».

Марфа Рабкова

Праваабаронцу ўтрымліваюць у няволі 23 месяцы.

Каардынатарку Валанцёрскай службы «Вясны» затрымалі 17 верасня 2020 года і інкрымінуюць больш за дзясятак артыкулаў Крымінальнага кодэксу за падзеі 2016-2020 гадоў. Сярод іх удзел у масавых беспарадках, стварэнне экстрэмісцкага фармавання, стварэнне злачыннай арганізацыі або кіраўніцтва ёй. Ёй пагражае да 20 гадоў зняволення.

Суд над Марфай і яшчэ 9 палітвязнямі пачаўся 25 красавіка, аднак у той жа дзень яго зрабілі закрытым. Яе калегі дапускаюць, што цяпер адбываюцца спрэчкі бакоў і неўзабаве можа быць абвешчана прысуд.

Генеральная пракуратура Латвіі абвінаваціла грамадзяніна Беларусі ў шпіянажы

Навіна ад

Ён, паводле ведамства, збіраў у Латвіі звесткі для беларускай ваеннай разведкі.

У пракуратуру з просьбай распачаць крымінальную справу звярталася Служба дзяржбяспекі Латвіі

Абвінавачанне выстаўленае паводле артыкулу «Шпіянаж». Згодна з Крымінальным законам Латвіі, за гэтае злачынства прадугледжана пакаранне да 10 гадоў.

Ад каментароў Генпракуратура пакуль устрымліваецца. Справа можа быць перададзена ў суд у верасні 2022 года, перадае  агенцтва «Delfi».

Раней паведамлялася, што беларуса затрымалі 15 лютага 2022 года. Падчас расследаванняў было ўстаноўлена, што ён на даручэнне беларускай ваеннай разведкі таемна фатаграфаваў і здымаў на відэа аб’екты сістэмы абароны Латвіі, крытычнай інфраструктуры электразабеспячэння, а таксама важныя абʼекты грамадзянскай інфраструктуры.

Інфармацыя, атрыманая ў ходзе расследавання, сведчыць аб тым, што асоба атрымала разведвальную інфармацыю як мінімум па 17 абʼектах дзяржаўнай важнасці.

У пракуратуру з просьбай распачаць крымінальную справу ў адносінах да грамадзіна Беларусі, падазраванага ў шпіянажы, звярталася Служба дзяржбяспекі Латвіі, пісаў Магілёў.media.

Паводле спецслужбы, атрыманыя беларусам звесткі, якія былі перададзеныя службе ваеннай разведкі Беларусі, патэнцыйна могуць нанесці істотную шкоду забеспячэнню асноўных функцый латвійскай дзяржавы і абароназдольнасці ва ўмовах ваеннага канфлікту.

 

фота ілюстрацынае, узятае з адкрытых у інтэрнэце крыніцаў

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Сяргей Сацук

Следчы камітэт перадаў супраць рэдактара выдання «Ежедневник» крымінальную справу ў пракуратуру для далейшага накіравання ў суд.

Журналіст за кратамі ад 8 снежня 2021 года. Першапачаткова яго абвінавацілі ў «Атрыманні хабару». У траўні сканчаўся максімальны тэрмін утрымання рэдактара пад вартай па гэтай справе, і яму выставілі абвінавачанні па новых артыкулах: «Распальванне варожасці з выкарыстаннем службовых паўнамоцтваў» і «Перавышэнне службовых паўнамоцтваў з карысных ці іншых памкненняў».

Ірына Слаўнікава

Дзяржаўны абвінаваўца патрабуе для журналісткі 4 гады пазбаўлення волі.

Пра гэта даведаліся яе калегі. Працэс над Слаўнікавай праходзіць у закрытым рэжыме ў Гомелі.

Журналістку затрымалі разам з мужам 30 кастрычніка ў мінскім аэрапорце. Яе судзяць за «арганізацыю і падрыхтоўку дзеянняў, якія груба парушаюць грамадскі парадак», або «актыўны ўдзел у іх, а таксама за стварэнне ці ўдзел у экстрэмісцкім фармаванні».

Аляксандр Казакевіч

Музыку і экс-палітвязня затрымалі ў Маладзечне

Праваабаронцы паведамляюць, што прычына невядомыя.

19 ліпеня Вольга Дубовік прызнала яго вінаватым за «абразу прадстаўніка ўлады» і прысудзіла 1,5 гады «хатняй хіміі», а таксама выплаціць 2 тысячы рублёў на карысць трох «пацярпелых».

У лясгасе прэміямі працоўных сплачвалі выкрытую кантралёрамі шкоду ад махінацыяў адміністрацыі

Навіна ад

У Бялыніцкім лясгасе падраблялі накладныя і сумысля завышалі нормы расходавання сыравіны на вытворчасць піламатэрыялаў, каб утоіць прапажу прадукцыі. Сума шкоды ацэненая ў 33 тысячы рублёў (амаль 12 тысяч долараў).

Гэтыя парушэнні выявілі кантралёры яшчэ ў сакавіку. Як вынікае з публікацыі інфармацыйнага агенцтва «Белта» адміністрацыя паабяцала сплаціць шкоду і скарысталася хітрыкамі.

Частка шкоды ў 10,5 тысяч рублёў была кампенсаваная за кошт выдачы прэміяў работнікам, якія не былі прыналежныя да выкрытых парушэнняў. Гэтыя прэміі ў іх забіралі, а далей накіроўвалі на пагашэнне шкоды.

Імя кіраўніка лясгасу не называецца. На сайце прадпрыемства пазначана, што ў ім начальствуе Аляксандр Ходас.

У 2016 годзе ў інтэрв’ю Беларускай лясной газеце на пытанне пра поспехі аднаго з падраздзяленняў лясгасу адказаў: «Галоўнае ў працы прадпрыемства – гэта атрыманне прыбытку ад вырабленай прадукцыі і скарачэнне затрат на яе вытворчасць».

фота: yandex.net