Tag: санитария

60 зон рэкрэацыі вобласці гатовы да купальнага сезона, але на некаторых ёсць абмежаванні і забароны

Навіна ад

Рашэннямі мясцовых адміністрацый у маі 2023 года на Магілёўшчыне вызначана 61 месца адпачынку з арганізацыяй купання на водных аб’ектах – пісалі mogilev.media. 

Па стане на 15 чэрвеня пашпарты гатоўнасці пляжаў падпісаны для 60 зон рэкрэацыі. Не падпісаны такі дакумент толькі для пляжа на вуліцы Казлоўскай у горадзе Асіповічы – паведамляе Магілёўскі абласны цэнтр гігіены, эпідэміялогіі і грамадскага здароўя.

За апошні тыдзень праверана 173 пробы вады вадаёмаў для купання. Не адпавядаюць гігіенічным нарматывам па мікрабіялагічных паказчыках – 15 вадаёмаў для купання. 

Эпідэміёлагі прапануюць абмежаваць купанне дзяцей на пляжах на р. Дняпро ў  Палыкавічах, на затоцы ў раёне вуліцы Фаціна, на Пячэрскім вадасховішчы ў Магілёве, на Чыгірынскім вадасховішчы каля в. Падлужжа. 

А таксама – забараніць купанне дзяцей, дарослых на сажалцы Броды, на Святым возеры ў Магілёве, на Дняпры ў раёне Шклоўскага гарадскога пляжа, на сажалцы вёскі Путнікі Шклоўскага раёна. 

Пры гэтым, нагадаем, што ў Горацкім раёне здымаецца абмежаванне купання дзяцей на базе адпачынку “Мярэя” ў Леніно. 

Фота з адкрытых крыніц.

 

Парушэнні санітарыі на кожным трэцім аб’екце – санслужба

Навіна ад

Прэс-служба Магілёўскага абласнога цэнтра гігіены, эпідэміялогіі і грамадскага здароўя канстатуе, што парушэнні санітарыі выяўлены на 28% з усіх правераных аб’ектаў, а колькасць звалак не менее.

За чатыры месяцы 2023 года санітарнымі службамі абследавана 22 274 тэрыторыі, аб’екты, парушэнні выяўляліся на 6 247 аб’ектах – гэта 28%. 

Па выніках нагляду за выяўленыя парушэнні, у тым ліку паўторна, вынесена 79 пастаноў аб накладанні штрафу. Для ўстаранення парушэнняў кіраўнікам арганізацый выдадзена 975 прадпісанняў, рэкамендацый. Ліквідавана 207 несанкцыянаваных звалак. Да дысцыплінарнай адказнасці прыцягнута 51 вінаватая асоба.

Як і ў прапярэднія гады парушаюцца правілы ўтрымання кантэйнерных пляцовак, прылеглых да іх тэрыторый, несвоечасова вывозяцца адкіды.

Фота: “Голас Касцюкоўшчыны”

Парушэнні – ў кожнай краме, альбо – як купіць курачку-грыль «з будучыні»

Навіна ад

За першы тыдзень красавіка 2023 года санітарнай службай Магілёўскай вобласці былі абследаваны 32 гандлёвыя аб’екты – “Еўраопт”, “Тройка”, “Ноеў каўчэг” і іншыя.  І на ўсіх выяўлены парушэнні – інфармуе абласны цэнтр гігіены, эпідэміялогіі і грамадскага здароўя.

У 28 выпадках рэалізоўвалася прадукцыя ўласнай вытворчасці з пратэрміноўкай, з недакладнасцямі маркіроўкі, без адпаведных дакументаў.

Выяўлены факты рэалізацыі больш як 50 найменняў прадукцыі з маркіроўкай, якая ўводзіць пакупнікоў у зман – кулінарныя мясныя, рыбныя, агароднінныя, кандытарскія і хлебабулачныя вырабы.

Устаноўлена, што нярэдка ў свежапрыгатаваную прадукцыю дадаецца старая, заляжалая сыравіна, старая прадукцыя маркіруецца як свежая. Напрыклад, падчас адной з праверак, што праходзіла ў 13.00, была выяўлена «курачка-грыль» з часам вырабу 18.00 гэтага ж дня – такая сабе курачка «з будучыні».

Ёсць і парушэнні тэмпературных рэжымаў захоўвання прадукцыі – у выніку ў адным з магазінаў аднамомантна была забаронена рэалізацыя 14 найменняў розных кандытарскіх вырабаў.

Толькі за першы тыдзень красавіка спецыялістамі санітарнай службы забаронена рэалізацыя больш як 270 кг прадукцыі ўласнай вытворчасці гандлёвых сетак.

Фота з адкрытых крыніц.

У кожнай трэцяй з чатырох школьных сталовак выяўлены парушэнні

Навіна ад

Больш за 620 парушэнняў санітарыі і гігіены ў І квартале 2023 года ўстаноўлены ў 74% аб’ектаў харчавання ўстаноў адукацыі – паведамляе Магілёўскі абласны цэнтр гігіены, эпідэміялогіі і грамадскага здароўя. Гэта пры тым, што маніторынгам было ахоплена толькі 60% іх наяўнай колькасці. 

У кожным чацвертым выпадку (25%) у сталоўках не вытрымліваецца прыкладнае меню па асартыменце страў, выяўлены абвесы (заніжаны выхад страў), не выконваюцца 

нормы харчавання па асобных прадуктах. 

У 15% сталовак выяўлены бруд на харчаблоках, амаль ў 5% выпадкаў – парушэнні тэрмінаў рэалізацыі, захоўвання харчовых прадуктаў, амаль у 4%  выпадкаў стравы не адпавядалі нарматывам па каларыйнасці. 

Праверкі паказалі, што  некаторым сталоўкам (1,2%) бракуе чысціні абсталявання, інвентара, тары, рук работнікаў харчаблокаў. 

Прычыны парушэнняў санітарыі і гігіены ў дзіцячых сталоўках вядомыя: абыякавасць, крадзёж.

Фота з адкрытых крыніц, носіць ілюстрацыйны характар

Парушэнні санітарыі – на кожным пятым аб’екце ў вобласці

Навіна ад

Магілёўскай санэпідслужбай на 22,3% правераных аб’ектаў вобласці выяўлены парушэнні добраўпарадкавання і санітарнага ўтрымання тэрыторый – паведамляе сайт ведамства.

У 1 квартале 2023 года санэпідслужба абследавала 14 599 тэрыторый і аб’ектаў. Рознага роду парушэнні выкрыты на 3 254 аб’ектах (гэта 22,3%). 

Вынесена 56 пастаноў аб накладанні штрафу. Кіраўнікам арганізацый, прадпрыемствам выдадзена 565 прадпісанняў, рэкамендацый. Да дысцыплінарнай адказнасці прыцягнута 18 вінаватых асоб. Ліквідавана 37 несанкцыянаваных звалак.  

У многіх месцах вобласці – нездавальняючы стан па ўтрыманню кантэйнерных пляцовак і прылеглых да іх тэрыторый, несвоечасова вывозяцца камунальныя адкіды. І такая сітуцыя назіраецца штогод.

Фота мае ілюстрацыйны характар

Антысанітарыя пануе на траціне тэрыторый Магілёўскай вобласці

Навіна ад

Паводле апублікаваных дадзеных Магілёўскага абласнога цэнтра гігіены, эпідэміялогіі і грамадскага здароўя, на 27,2% правераных аб’ектах выяўлены парушэнні санітарна-эпідэміялагічнага дабрабыту насельніцтва.

Супрацоўнікі Цэнтра ў 2022 годзе абследавалі 82 389 тэрыторый і аб’ектаў. Парушэнні выяўлены на 22 371 (на кожным трэцім аб’екце). 

За парушэнні, у тым ліку паўторна, санітарна-эпідэміялагічнага дабрабыту насельніцтва вынесена 543 пастановы аб накладанні штрафу, да дысцыплінарнай адказнасці прыцягнута 120 вінаватых асоб, кіраўнікам арганізацый, прадпрыемстваў выдадзена 5 969 прадпісанняў, рэкамендацый. 

Акрамя гэтага ліквідавана 623 несанкцыянаваныя звалкі.  

З года ў год парушаюцца правілы ўтрымання кантэйнерных пляцовак, прылеглых да іх тэрыторый, несвоечасова вывозіцца смецце, адыходы, утвараюцца несанкцыянаванныя звалкі.

Дарэчы, у найбліжэйшы час бабруйчане атрымаюць новы смеццеперапрацоўчы завод. 

Фота носіць ілюстрацыйны характар

На кожным пятым аб’екце вобласці – парушэнні санітарных норм

Навіна ад

На 800 аб’ектах з абследаваных 4382 тэрыторый Магілёўскай вобласці ў студзені бягучага года а гэта 18,3% – выяўлены парушэнні патрабаванняў санітарна-эпідэміялагічнага дабрабыту насельніцтва, паведамляе санэпідслужба.

Традыцыйнымі ўжо становяцца неахайныя адносіны да ўтрымання кантэйнерных пляцовак і прылеглых да іх тэрыторый, несвоечасовы вываз камунальных адкідаў, утварэнне несанкцыянаваных звалак, несвоечасовая ачыстка снегу, прымяненне супрацьгалалёдных мер. 

Вынесена 12 пастаноў аб накладанні штрафу, выдадзена 168 прадпісанняў, рэкамендацый, ліквідавана 7 несанкцыянаваных звалак.

Да дысцыплінарнай адказнасці прыцягнуты толькі 1% вінаватых: 8 асоб на 800 аб’ёктаў.

Фота мае ілюстрацыйны характар

На кожным трэцім аб’екце вобласці – парушэнні санітарна-эпідэміялагічнага дабрабыту

Навіна ад

Санслужбай Магілёўскай вобласці выяўлены парушэнні (у тым ліку паўторна) заканадаўства ў галіне санітарна-эпідэміялагічнага дабрабыту насельніцтва на 19 106 аб’ектах (27,6% ад агульнай колькасці) за 10 месяцаў 2022 года . Усяго абследавана 69 218 тэрыторый.

За выяўленыя парушэнні вынесена 478 пастаноў аб накладанні штрафу. Для ліквідацыі парушэнняў патрабаванняў санэпідзаканадаўства кіраўнікам арганізацый і прадпрыемстваў выдадзена 5 309 прадпісанняў, рэкамендацый.

За 10 месяцаў па вобласці ліквідавана 607 несанкцыянаваных звалак.

Па хадайніцтвах органаў дзяржсаннагляду да дысцыплінарнай адказнасці прыцягнута 111 вінаватых асоб, дзеянні (бяздзеянні) якіх прывялі да парушэнняў.

Санэпідслужбы адзначаюць, што тыповымі парушэннямі заканадаўства ў галіне санітарна-эпідэміялагічнага дабрабыту з’яўляюцца нездавальняючае ўтрыманне кантэйнерных пляцовак, прылеглых да іх тэрыторый, несвоечасовы вываз камунальных адходаў, іх размяшчэнне ў неўстаноўленых месцах.

 Але вядомы і выпадкі з аб’ектамі, да якіх не дайшоў маніторынг служб. Так, Магілёў.media пісалі пра тое, што ў Быхаве дзядуля з унукам праваліліся ў калодзеж, а драўляную капліцу на крычаўскіх могілках ператварылі ў сметніцу.

фота: depositphotos