Неўтаймаваная прага да ўрачыстага адкрыцця ледзьве не кожнай дробязі не пакідае тэрыторыю Магілёўшчыны. Гэтым разам яна дала аб сябе знаць на Буйніцкім полі.
Пафасны тэкст да “знакавай” падзеі апублікваў тэлеграм-канал “Весніка Магілёва”. Паколькі ўрачыста адкрываць QR-код неяк нязручна, яго вырашылі перайманаваць у “лічбавую зорку”.
“Торжественное открытие цифровой звезды Музея Славы Могилевщины стало символом нового этапа в сохранении истории. Буйничское поле и Музей Славы Могилевщины – это живая книга-история. Благодаря проекту «Цифровая звезда» эти страницы становятся доступны всем в любой точке страны и мира. Проект «Цифровая звезда» создан по инициативе белорусских студенческих отрядов”, – гаворыцца ў паведамленні.
На дошцы з QR-кодам таксама паведамляецца, што “Музей славы Магілёўшчыны” быў алічбаваны 1 жніўня 2025 года. Таксама вельмі “важная” для гісторыі інфармацыя, якая, напэўна, па думцы яе распаўсюднікаў, мусіць жыць, пакуль жывуць людзі, бо гэта ж “новы этап у захаванні гісторыі”.
Дарэчы, здаецца, розным кавярням, рэстаранам і магазінам варта падумаць, ці не ўзяць на ўзбраенне правядзенне такіх урачыстых мерапрыестваў з адкрыццём QR-кода ў якасці рэкламнай акцыі.
Фотаздымак “Весніка Магілёва”