Tag: могилев

Лукашэнка расказаў пра затрыманне гендырэктара “Бабушкінай крынкі” і яшчэ 14 чалавек

Навіна ад

Кіраўнік прадпрыемства Генадзь Скітаў, па яго словах, сабраў вакол сябе каманду з самых блізкіх і “цалкам замкнуў на сябе фінансавыя патокі”.

Пра затрыманні ў кіраўніцтве “Бабушкінай крынкі” і на некаторых іншых прадпрыемствах малочнай галіны раней паведамлялі незалежныя беларускія СМІ. Цяпер жа Аляксандр Лукашэнка расказаў падрабязнасці справы падчас нарады, прысвечанай пасажырскім грузаперавозкам. 

«У верасні 2019 года на пасаду дырэктара прызначаны спадар Скітаў, сфармаваў сваю каманду. Шмат хто любіць пра гэта казаць: „Каманда, мы, тут…“ Я заўсёды вас ахоўваў ад гэтага – ніякіх каманд. Павінна быць структура кіраўнічая, іншае. Сваю каманду менеджэраў, цалкам замкнуў на сябе фінансавыя патокі» – паведаміў Лукашэнка. Не абыйшлося без абвінавачванняў у кумаўстве. Так, Скітаў прызначыў начальнікам  вытворчасці сыроў свайго кіраўцу, іншымі прызначэнцамі былі “стрыечны пляменнік, стрыечны брат і сын. Ну як жа без гэтага.”.  

Генадзь Скітаў. Фота: БелТА

Кіраўнік КДБ Іван Церцель паведаміў на нарадзе, што ўсяго на “Бабушкінай крынцы” і на іншых прадпрыемствах малочнай галіны былі затрыманыя 26 чалавек. 15 з іх арыштаваныя, уключаючы Скітава.

У выніку аператыўна-вышуковых мерапрыемстваў узяты ў распрацоўку восем камерцыйных груп, якія ўстанавілі кантроль на выгадных для сябе ўмовах над экспартам у Расію прадукцыі шэрага айчынных малакаперапрацоўчых прадпрыемстваў – прагучала на нарадзе.

Паводле заяўленняў Лукашэнкі, у Расіі былі створаны падкантрольныя суб’екты гаспадарання, што дазваляла прадаваць малочную прадукцыю з мінімальнай нацэнкай, а затым рэалізоўваць тавар канчатковаму спажыўцу па больш высокай цане.

Фота з адкрытых крыніц

Беспрацоўны магілёвец зняў кватэру, а калі скончыліся грошы, распрадаў рэчы гаспадыні

Навіна ад

44-гадовы магілёвец, які нідзе не працуе, распрадаў рэчы са здымнай кватэры на 1 500 рублёў – паведамляе прэс-служба абласнога УУС.

Мужчына папрасіў сваю сястру адшукаць яму кватэру для доўгатэрміновай арэнды. Тая парэкамендавала яго сваёй знаёмай, 60-гадовай пенсіянерцы. Калі ў мужчыны скончыліся грошы, ён пачаў адну за адной распрадаваць рэчы з чужой хаты. Першую прапажу пенсіянерка заўважыла, калі зайшла да кватаранта, каб забраць свой танометр. Магілёвец паабяцаў, што хутка яго прынясе, а сам уцёк. Як высветлілася, усяго ён накраў рэчаў на 1 500 рублёў. Узбуджана крымінальная справа.

Фота ілюстрацыйнае

Магілёвец паабяцаў знайсці пакупніка на антыкварную манету, а сам уцёк з ёй у ламбард

Навіна ад

Двое мужчын пазнаёміліся на вуліцы і вырашылі выпіць. Адзін з іх валодаў рэдкай калекцыйная манетай, якую ацэньваў прыблізна ў 1000 рублёў. Яго новым знаёмым аказаўся 58-гадовы раней судзімы магілёвец.

Засядаючы ў бары з новым прыяцелем, уласнік манеты хвастаўся, за які вялікі кошт яе можна прадаць. 58-гадовы мужчына прапанаваў паказаць яе іншаму знаёмаму, што жыве непадалёк. Узяўшы манету быццам бы для таго чалавека, магілёвец насамрэч проста кінуўся з ёй уцякаць а саму каштоўнасць здаў у ламбард – паведамляе прэс-служба абласнога УУС. Зараз калекцыйная рэдкасць вернута ўласніку, супраць злодзея ўзбуджана крымінальная справа.

Фота: УУС

Самыя папулярныя імёны – Аляксандр і Ганна. Сярод рэдкіх – Лявон, Дабрыня, Лея

Навіна ад

ЗАГС Магілёўскага раёна падсумаваў статыстыку за 2023 год, як часцей за ўсё называюць сваіх дзетак бацькі ў ваколіцах абласнога цэнтра. Сярод імёнаў хлопчыкаў на першым месцы – Аляксандр. Іншымі папулярнымі імёнамі сталі Марк, Мацвей, Дамір, Максім, Сцяпан і Цімафей. Рэдкімі імёнамі аказаліся Давід, Лявон, Дабрыня, Юлій і Ціхан.

Сярод дзявочых імёнаў для нованароджаных самым папулярным стала імя Ганна. Іншыя самыя распаўсюджаныя – Сафія, Ева, Ксенія, Соф’я і Стэфанія. Рэдкімі імёнамі для дзяўчынак сталі Асміна, Лея, Каміла, Евангеліна, а таксама Яраслава і Міраслава – піша “Прыдняпроўская ніва”.

Фота з адкрытых крыніц

Мокры снег і каля нуля – надвор’е на новы тыдзень

Навіна ад

На пачатку тыдня надвор’е на Беларусі будуць вызначаць атмасферныя франты ад цыклона, што рухаецца з Бранскай вобласці Расіі ў Валагодскую – адзначае Белгідрамет. 13 лістапада чакаецца перавага воблачнага надвор’я. У многіх раёнах пройдуць дажджы, часам з мокрым снегам. Тэмпература днём да +6°С.

14 лістапада Беларусь апынецца пад уплывам вільготнай няўстойлівай паветранай масы і атмасферных франтоў, якія перамяшчаюцца з Заходняй Еўропы. Будзе воблачна з праясненнямі. Уначы, днём месцамі – дождж, мокры снег. Уначы і раніцай чакаюцца слабыя туман і галалёд, на дарогах месцамі галалёдзіца. Вецер пераменных напрамкаў умераны, месцамі парывісты. Тэмпература паветра мінімальная ноччу -3 +2°С, максімальная днём +1 +8°С.

15 лістапада прыйдуць прахалодныя няўстойлівыя паветраныя масы.  Будзе воблачна з праясненнямі, месцамі чакаюцца ападкі – снег, мокры снег. Уначы і раніцай слабы туман і галалёд, на дарогах месцамі галалёдзіца. Тэмпература паветра ночу каля 0, днём +1°С.

Такое ж надвор’е чакаецца таксама ў чацвер і пятніцу – кая 0, дождж і мокры снег. У выходныя крыху пахаладае – да -2°С ноччу. Днём +1 +2°С, без істотных ападкаў.

Фота: mogilev.media

Gastrofest у Магілёве ўжо з наступнага чацвярга – 38 рублёў за сэт, 12 рэстаранаў

Навіна ад

Шосты беларускі Gastrofest стартуе 16 лістапада і працягнецца да 3 снежня. Сёлета ён праходзіць ва ўссіх абласных цэнтрах і Мінску. Кошт за адзін сэт у сталіцы – 47 рублёў, тады як у іншых гарадах 38. У Магілёве ўдзел у фэсце бяруць дванаццаць рэстаранаў – “Эдысан”, “101”, “Карчма на Шклоўскім базары”, “Амазонка”, “Цокаль”, “Churchill”, “Дзве палачкі”, “Рахмат”, “Ван Гог”, “Белы ліс”, “Хінкальня” і “Луна”.

Большасць прапанаваных сэтаў сумарна важаць больш за кілаграм. Падрабязнасці пра ўсе прапановы можна знайсці тут – у праграме фестываля.

Gastrofest – гэта серыя гастранамічных фестываляў, якая прыйдзецца даспадобы ўсім аматарам смачнай ежы і якасных напояў. Ва ўсіх фестываляў розная тэма, але адна механіка. Установы прапануюць свае лепшыя сэты па фіксаваным кошце ў пэўны адрэзак часу, а наведвальнікі аддаюць свае галасы за лепшы пачастунак. 

Фота: Gastrofest.by

“Шчырасць адзіноты” Базыля Камарова – куды схадзіць у Магілёве на кароткім выхадным

Навіна ад

У Выставачнай зале Музея гісторыі Магілёва на вуліцы Болдзіна праходзіць юбілейная выстава вядомага мастака Базыля Камарова “Шчырасць адзіноты”. Гэтая выстава ўключае некалькі мастацкіх цыклаў і серый, а таксама асобных твораў жывапісу і графікі, сабраных ў адной зале.

Творчасць Базыля Камарова адрозніваецца глыбокай праработкай гістарычнай і архітэктурнай спадчыны роднага краю. Яго творы з выявамі старажытнага Магілёва лічацца ў шэрагу лепшых рэканструкцый сярэдневяковых беларускіх гарадоў.

Базыль Камароў нарадзіўся 12 ліпеня 1953 года ў в. Міхайлаўск Магілёўскага раёна. З 1965 г. вучыўся ў Рэспубліканскай школе-інтэрнаце па музыцы і выяўленчым мастацтве. У 1972 годзе скончыў аддзяленне графікі Беларускага тэатральна-мастацкага інстытута (сёння Беларуская дзяржаўная акадэмія мастацтваў). 

Фота: mogilevnews.by

Магілёвец на запраўцы двойчы пабіў мужчыну, што нібыта падглядваў за яго жонкай

Навіна ад

Прычым у другі раз п’янага хулігана не змаглі стрымаць супрацоўнікі міліцыі, якія прывялі яго на запраўку для разбіральніцтва.

На аўтазапраўцы ў вёсцы Карытніца Бялыніцкага раёна 45-гадовы жыхар Магілёва двойчы напаў на мужчыну, дадзеныя якога не паведамляюцца. Першы напад адбыўся каля 22 гадзін 55 хвілін. У стане алкагольнага ап’янення, магілёвец двойчы ўдарыў мужчыну – у твар і шыю. На судзе ён прызнаў віну часткова, патлумачыўшы, што першапачаткова наносіў удары пацярпеламу, паколькі той, са слоў жонкі абвінавачанага, абражаў яе, не прапусціў у туалет і падглядваў за ёй, калі яна там знаходзілася.

Гісторыя са збіццём працягвалася і далей – піша “Зара над Друццю”. Трохі пазней у гэты ж дзень, быўшы ў стане алкагольнага ап’янення, знаходзячыся на тэрыторыі АЗС N°69 “Беларуснафты”, куды прыбыў па патрабаванні супрацоўнікаў міліцыі для разбіральніцтва, ён ізноў нанёс пацярпеламу ўдар рукой у вобласць твару.

Магілёўца асудзілі да абмежавання волі на тэрмінам на адзін год без накіравання ў папраўчую ўстанову адкрытага тыпу. З абвінавачанага на карысць пацярпелага спагнана 700 рублёў маральнай шкоды.

Фота ілюстрацыйнае

У Магілёве дэфіцыт цэмента

Навіна ад

Чытачы mogilev.media паведамляюць пра праблемы з пакупкай цэмента ў будаўнічых крамах абласнога цэнтра. Рэдакцыя пацвярджае – практычна ва ўсіх спецыялізаваных магазінах, якія ўдалося наведаць у цэнтры горада і на ўскрайках, цэменту ў продажы няма, што ў малых пакунках, што ў мяшках па 25 кілаграмаў. Няма яго і на запраўках – але ў першую чаргу таму, што тут яго продаж у зімні перыяд забаронены.

Спецыялісты тлумачаць дэфіцыт цэмента нізкімі вытворчымі магутнасцямі на беларускіх прадпрыемствах. У Беларусі працуе тры заводы па вырабе гэтай прадукцыі – у Крычаве, Касцюковічах і пасёлку Краснасельскі. Сумарна яны пастаўляюць каля 3 мільёнаў тон штогод, тады як народная гаспадарка ў Беларусі патрабуе ў сярэднім 2,5 – 3 тоны на год і яе попыт кожны год вырастае. Улічваючы, што значная частка цэмента ідзе таксама на экспарт, атрымліваецца недахоп на ўнутраным рынку.

“Магілёўскія ведамасці” пры гэтым пішуць пра рост вытворчасці на прадпрыемстве “Крычаўцэменташыфер” – “адгрузка прадукцыі вырасла на 4,1 працэнта ў параўнанні з аналагічным перыядам мінулага года, а запасы цэменту скараціліся больш як у 4 разы. На знешні рынак адгружана больш за 700 тыс. тон цэменту, што больш, чым за аналагічны леташні перыяд у 1,8 разоў.”

Але, як бачым, рост вытворчасці на адным прадпрыемстве на нязначныя 4,1% мала ўплывае на забяспечанасць унутранага рынка. Вось як тлумачаць спецыялісты перыядычны дэфіцыт цэмента ў краіне: “Праблема ў тым, што цэмент сёння – гэта адзін з галоўных экспартных тавараў Беларусі. За год за межы краіны вывозіцца прыкладна каля 1 млн тон цэменту. Вось вам і прычына дэфіцыту на ўнутраным рынку. Не памылюся, калі скажу, што сёлета, калі ў “Беларуськалія” ўзніклі праблемы са збытам угнаенняў, экспарт цэменту стане другім значэнню пасля нафты і нафтапрадуктаў крыніцай паступлення грошай у дзяржбюджэт.”

Фота: mogilev.media

Хакеісты “Магілёва” прайгралі 8:0 лідарам чэмпіяната і застаюцца на апошнім радку

Навіна ад

Вечарам 8 лістапада прайшла выязная гульня хакейнага клуба “Магілёў” у Чэмпіянаце Беларусі па хакеі. У Салігорску магілёўская каманда прайграла “Шахцёру”, які займае першы радок у розыгрышы Экстралігі. Пасля 23 гульняў у “Магілёва” 13 ачкоў і ён працягвае знаходзіцца на самым апошнім радку турнірнай табліцы.

– Сёння няма чаго каментаваць. – так выказаўся пра гульню галоўны трэнер “Магілёва” Аляксандр Мацерухін – Нешта пайшло не так. Заўтра разбярэмся.

Фота: ХК “Магілёў”