У росце інфляцыі да 17,6 працэнтаў абвінавачаныя знешнія фактары

Рост цэн на сыравіну ды аслабленне беларускага рубля да расійскага – асноўныя прычыны, якія, як лічаць Міністэрства антыманапольнага рэгулявання, прывялі да росту інфляцыі. Цяпер яна сягае 17, 6%.

«Захоўваецца ціск на спажывецкі рынак ад павелічэння сярэдніх коштаў імпарту на фоне росту сусветных коштаў, коштаў у сумежных краінах, краінах – асноўных гандлёвых партнёрах», – тлумачаць сітуацыю ведамства.

Паводле яго мяса і мясапрадукты за год, у параўнанні з леташнім чэрвенем, падаражэлі на 17 працэнтаў, хлеб і хлебабулачныя вырабы – 14,7 працэнтаў, малако і малочныя прадукты – 12,7%, мыйныя сродкі – 21,5%, электратавары – 25,7%.

Цэны на аўтамабільнае паліва за мінулыя дванаццаць месяцаў вырасла на 25%.

У снежні 2021 году, за два месяцы да ўварвання Расіі ва Ўкраіну, якое прывялося да нестабільнасці сусветнага рынку, Міністэрства антыманапольнага рэгулявання тлумачыла рост коштаў на харчовыя тавары павышэннем цэн на сыравіну на знешніх рынках, што негатыўна сказалася на фармаванне рознічных цэн у краіне.