З будоўлі – ў ламбард. Электрык магілёўскага прадпрыемства краў і здаваў у ламбард будаўнічыя матэрыялы са склада.
Супрацоўнікі БЭП Ленінскага РУУС Магілёва затрымалі 46-гадовага магілёўчаніна. Ён працаваў электрыкам на адным прадпрыемстве і патроху выносіў са склада дарагія будаўнічыя матэрыялы. Іх ён здаваў у ламбард.
Кошт украдзенага – 1000 рублёў. Супраць былога ўжо электрыка ўзбуджана крымінальная справа.
Назва пацярпелага прадпрыемства не ўдакладняецца, аднак і без гэтага зразумела – з аховай там відавочна не ўсё ў парадку.
Фота ілюстрацыйнага характару з адкрытых крыніц.