Туман над ракою не пакідалі без увагі многія беларускія літаратары. Яны пазнаходзілі плойму эпітэтаў гэтай прыроднай з’яве: туман-блакіт, туман-імжа, туман-малачай, туман-тугадум.
Гараджане, занятыя клопатам аб будзённасці, зрэдку зважаюць на яе, але дарма.
Фотаздымак з відам на пойму Дняпра ў ранішнюю пару даслала Магілёў.media чытачка.
«Раніцай ужо так… Лета заканчваецца…», пракаментавала яна свой твор.
Наш горад вечны, пакуль праз яго цячэ велічны Дняпро. Ён асноўны сімвал Магілёва. Многія з нас, тлумачачы, дзе месціцца горад, пасля згадкі пра Беларусь, абавязкова называюць Дняпро. Ён сёлета хоць і абмялелы, але сваім лёсам абнадзейвае нас і запэўнівае, што найлепшае наперадзе.
0:7 – такі лік магілёўскі стадыён «Спартак» бадай і не ўзгадае. Каманда Юрыя Лукашова можа супакойваць сябе толькі тым, што прайгралі дзейснаму чэмпіёну краіны, камандзе, якая ідзе на другім радку турнірнай табліцы. Але пры гэтым салігорскі «Шахцёр» ганебна вылецеў з еўракубкаў – тыдзень таму іх з трэцяга раўнда кваліфікацыі Лігі канферэнцый выбіў сціплы румынскі «Клуж».
Салігорскі клуб здолеў вярнуць сабе баявы настрой, а магілёўскі – атрымаў гучную аплявуху пасля валявой перамогі над бабруйскай «Белшынай» у мінулым туры. Тады канчатковы лік 4:3 на карысць «Дняпра» быў усталяваны на апошняй хвіліне.
Сем удараў – сем галоў
«Калі верыць статыстыцы – піша адзін з заўзятараў на старонцы клуба ў VK – то было зроблена 7 удараў у створ варот. Цікава, калі паставіць мех бульбы, то «Шахцёр» перамог бы з лікам 6:0 пры такой колькасці ўдараў?»
Наведнікі гульні, якія сачылі за матчам на стадыёне, у адзін голас вінавацяць варатара каманды, Пяцігорца, якога тут жа паспелі празваць «Сямігольцам».
«Колькі яшчэ гэтае… (адрэдагавана) будзе стаяць у браме? У гэтым матчы як мінімум яго тры галы. З «Белшынай» два як мінімум варатарскіх. – піша іншы карыстальнік форума – Увесь матч маўчыць, хоць бы абароне нешта падказаў.
Іншыя ставяць у віну памылкі трэнера.
«Вось я быў на матчы. Трэнер проста… (адрэдагавана) назіраў за гульнёй. У «Шахцёра» два высокіх абаронцы, а мы ім – пастаянныя навесы. Незразумела, чаму».
Не здымае з сябе віны і сам галоўны трэнер «Дняпра» Юрый Лукашоў.
Галоўны трэнер: «Магчыма, я недзе паспяшаўся з заменамі»
sun9-69.userapi.com
На пасляматчавай прэс-канферэнцыі Юрый Лукашоў разгромную паразу “Дняпра” назваў “кашмарным днём для ўсяго магілёўскага футбола ў цэлым і для мяне ў прыватнасці”.
“Каментаваць тут асабліва няма чаго, – адзначыў ён. – Не думаю, што мы заслугоўвалі такога рахунку па гульні. Сёння зрабілі вельмі шмат памылак, якія сапернік не дараваў. Магчыма, я недзе паспяшаўся з заменамі. Таму што многія не ўзмацнілі гульню, а толькі аслабілі яе. Хаця хацелася асвяжыць, але атрымалася наадварот”.
Юрый Лукашоў узначаліў каманду роўна месяц таму – пра гэта пісала Магілёў.media. З ім каманда ўжо двойчы вылятала з вышэйшай лігі, а ў гэтым годзе ў каманды і яе кіраўніка ёсць усе шанцы на «хет-трык» – «Днепр» замыкае турнірную табліцу з 9 баламі пасля 17 гульняў.
Наступны свой паядынак каманда Юрыя Лукашова праводзіць з яшчэ адным лідарам чэмпіянату. 21 жніўня магілёўцаў будзе прымаць барысаўскі БАТЭ.
Вада не адпавядае гігіенічным і санітарна-хімічным патрабаванням на:
– Грабянеўскім і Пячэрскага вадасховішчах;
– Дняпры на гарадскім пляжы ў Магілёве, а таксама вёсцы Палыкавічы;
– Вадаёме ля вёскі Вільчыцы Магілёўскага раёну.
Занальны цэнтр гігіены і эпідэміялогіі адправіў у Магілёўскі гарадскі і раёны выканаўчыя камітэты хадайніцтвы аб неабходнасці ўвядзення забароны на купанне дзяцей, дарослых і заняткі відамі воднага спорту на згаданых вадаёмах.
Звесткі пра пераслед паводле праваабаронцаў, мэдыяў і родзічаў тых, хто зазнае яго.
Алесь Бяляцкі, Валянцін Стэфановіч, Уладзімір Лабковіч
Тром палітзняволеным праваабаронцам падоўжаная меру стрымання пад вартай яшчэ на тры месяцы, да 14 кастрычніка.
За кратамі яны ўжо год. Як паведамляць іхныя калегі, увесь гэты час ідзе следства, невядома, на якой яно стадыі, бо з адвакатаў узятыя падпіскі аб неразгалошванні.
Юлія Каценя
Асуджаная да 3 гадоў «хіміі» за, нібыта, групавыя дзеянні, што груба парушаюць грамадскі парадак.
26 гадовую жанчыну тры месяцы ўтрымлівалі на «Валадарцы». Суд адправіў яе ў калонію адкрытага тыпу. Яна вызваленая з-пад варты і будзе чакаць пакуль ёй не вызначаць месца адбыцця пакарання на волі.
Дзмітрый Марозаў
Яе дэпартуюць з Расіі ў Беларусь, дзе, паводле праваабаронцаў, яе чакае да 20 год зняволення.
Рашэнне пра дэпартацыю прыняў суд у Санкт-Пецярбургу 21 ліпеня.
Праваабаронцы нагадваюць, што Камітэт па правах чалавека ААН забараніў Расіі выдаваць Пінчук Беларусі.
25-гадовай грамадзянцы Беларусі пагражае да 20 гадоў калоніі за адміністраванне тэлеграм-чата, які прызнаны экстрэмісцкім.
Дзмітрый Марозаў
Застаецца ў зняволенні за, нібыта, распаўсюджванне «экстрэмісцкіх матэрыялаў».
Паводле праваабаронцаў урача-анестэзіёлага затрымалі 18 ліпеня ў Магілёве ў анкадыспансеры.
Цяпер ён у ізалятары часовага ўтрымання чакае суду.
Амаль два месяцы Бярэзіна мялела. Падзення ўзроўню вады выклікала праблемы з суднаходствам. Пра тое Белгідрамет паведамляў напачатку ліпеня.
Цяпер жа Белгідрамет паведамляе пра адваротнае. Паводле ведамства на рэках краіны назіраюцца ваганні ўзроўню вады, якія маюць тэндэнцыю да павышэння.
«У выніку на Дняпры ў Рэчыцы і Бярэзіне ў Бабруйску палепшыліся ўмовы для працы рачнога транспарту, а на Віліі ля аграгарадка Сцешыцы ўзровень вады на непрацяглы час перавысіў адзнаку выхаду вады на пойму», – кажуць у Белгідрамеце.
Што тычыцца Дняпра ў Магілёве, то сітуацыя тут пакуль застаецца без зменаў, піша быхаўская раёнка «Маяк Прыдняпроўя»
«Неспрыяльныя ўмовы для працы рачнога транспарту адзначаюцца на Заходняй Дзвіне ў Віцебску, Нёмне ў Гродне, Дняпры ў Магілёве і Жлобіне», – канстатуе Белгідрамет і дадае, што тэмпература вады ў рэках і вадаёмах павысіцца.
фота: komkur.info
Магілёўская каманда займае апошні радок у турнірнай табліцы, маючы па выніках 14 гульняў у Вышэйшай лізе ўсяго 6 ачкоў. Верагодна, менавіта гэта стала прычынай ратацыі ў трэнерскім штабе.
Папярэдні галоўны трэнер, Яўген Молчан, які ўзначальваў “Днепр” са студзеня 2022 года паніжаны ў статусе, але захаваў месца ў трэнерскім штабе. На яго месца прызначаны Юрый Лукашоў, які займаў пасаду асістэнта Молчана – паведамляе прэс-служба магілёўскага клуба.
Характэрна, што Лукашоў ужо двойчы з’яўляўся галоўным трэнерам “Дняпра”, у сезонах 2014-2015 і 2018-2019, і абодва разы клуб пакідаў Вышэйшую лігу. Тады Лукашову адводзілася роля “пажарнага”, які павінен быў выратаваць каманду ад паніжэння ў статусе, і кожнага разу цуда не адбывалася.
16 ліпеня “Днепр” правядзе хатнюю сустрэчу з мозырскай “Славіяй”, што месціцца на восьмым радку – роўна ўсярэдзіне турнірнай табліцы.
Абмяленне Дняпра ў Магілёве, хоць і крытычнае, але да рэкорднага не дацягвае. Разам з тым, за апошні дзень глыбіня ракі стала меней на 7 сантыметраў.
Да канца тыдня спад вады ў рэках Беларусі будзе працягвацца з інтэнсіўнасцю ад 1 да 22 сантыметраў за суткі.
Паводле Рэспубліканскага цэнтру па гідраметэаралогіі, радыеактыўнага забруджвання і маніторынгу навакольнага асяроддзя Мінпрыроды на Дзвіне ў Віцебску, Нёмне ў Гродна, Дняпры ў Магілёве і Бярэзіне ў Бабруйску назіраюцца неспрыяльныя ўмовы для працы рачнога транспарту, піша інфармацыйнае агенцтва Белта.
Аб праблемах на Дняпры для суднаходства Белгідрамет яшчэ месяц таму. Тады гараджане заўважылі, што прагулачнае судна, якое курсуе па рацэ, вымушанае было скарэктаваць маршрут.
Паводле рэсурсу Allrivers Дняпро змялеў на 32 сантыметры. За апошнія суткі на сем.
Абсалютны мінімум абмялення фіксаваўся ў 2015 годзе. Тады Дняпро «скінуў» 46 сантыметраў глыбіні.
На абмяленне ракі звяртаюць увагу жыхары Магілёва. Яны спадзяюцца, што яе выратуе дождж, які абрынуўся 21 чэрвеня на горад.
10 чэрвеня Белгідрамет папярэджваў аб праблемах з суднаходствам. Тады гараджане заўважылі, што прагулачнае судна, якое курсуе па рацэ, вымушанае было скарэктаваць маршрут.
20 чэрвеня Белгідрамет паведаміў ужо пра неспрыяльныя ўмовы для працы рачнога транспарту.
Падобная сітуацыя была на іншых буйных рэках вобласці. На Сажы ў Крычаве і Слаўгарадзе ўзровень вады апусціўся ніжэй адзнакі, што лімітуе суднаходства. А на Бярэзіне ў Бабруйску ўзровень сягнуў яе.
Белгідрамэт адзначае: на рэках вобласці наагул пераважае абмяленне.
Тым часам тыя хто назірае за зменамі клімату і сітуацыямі на рэках адзначаюць, што ў мінулыя гады абмяленне было большым.
Бліжэйшымі днямі нас чакаюць неспрыяльныя гідраметэаралагічныя з’явы. Абвешчаны аранжавы ўзровень небяспекі. Чакаюцца моцныя дажджы, узмацненне ветру.
У працяг тэмы. Занальны цэнтр гігіены і эпідэміялогіі забараніў купацца дзецям і дарослым на гарадскім пляжы, піша “Веснік Магілёва”.
Узятыя пробы вады з Дняпра не адпавядаюць гігіенічным нарматывам і мікрабіялагічным паказчыкам. У рацэ забароненыя заняткі воднымі відамі спорту.
Тое ж тычыцца пляжам на Пячэрскага і Грабянёўскага азёраў.
У Магілёве Дняпро затапіў гарадкі пляж і страшыць выйсці на выкладзеныя ўздоўж яго ходнікі. Гараджане навыперадкі посцяць у сацыяльныя сеткі фотаздымкі з падужэлай ракой. Не адставаць ад землякоў вырашылі і мы. Для чытачоў падрыхтавалі вечаровы фотарэпартаж з галоўным героем – Дняпром.
Старажылы пра сёлетнюю паводку скажуць, што яна мізэрная і абавязкова згадаюць, як некалькі дзесяцігоддзяў таму Дняпро даходзіў да хат на Падміколлі. Да «вялікай зямлі» тады дабіраліся на чаўнах. Прыгадаюць і тагачасны крыгаход. Сёлета яго не было.
Згодна са звесткамі, апублікаванымі на рэсурсе Allrivers, узровень вады ў Дняпры, у межах Магілёва, 25 красавіка складаў – 474 cм. За апошнія 24 гадзіны рака «папаўнела» на 9 сантыметраў.
Адзнака, якая лічыцца небяспечнай для падтаплення жылых памяшканняў сягае 620 см.
Паводле архіўных дадзеных рэсурсу Allrivers 25 красавіка максімальны ўзровень паводкі ў Магілёве фіксаваўся ў 2013 годзе – 596 см. Мінімальны: 54 см – у 2020-ым.
