Пачалі з’яўляцца новыя падрабязнасці па справе магілёўскага маньяка-”ліфцёра”, пра затрыманне якога ўчора паведаміў Следчы камітэт. Як высветлілася, міліцыя схавала ад грамадскасці шакуючы факт – Юрый Дзям’янаў у 2001 годзе не проста “трапляў у поле зроку спецслужбаў”, як паведамілі сілавікі на прэс-канферэнцыі, а садзіўся на “хімію” за спробу згвалтавання.
Гэтую інфармацыю здабыла “Наша Ніва” пры дапамозе “Белпол”. У маі 1997 года Дзям’янаў спрабаваў згвалтаваць грамадзянку М. К. каля магілёўскага Палаца піянераў, пагражаючы ёй нажом – паведамляе выданне. У 2001 годзе пачаўся суд над ім, у выніку якога мужчына атрымаў хімію з накіраваннем амаль на чатыры гады. У 2003 годзе Дзям’янаў выйшаў на свабоду па амністыі. Выглядае, што на датычнасць да забойстваў і іншых згвалтаванняў яго проста не праверылі.
Фота з адкрытых крыніц