шклоўскай службе таксі выставілі штраф больш чым на 50 тысяч

Пасля праверкі шклоўскай службе таксі выставілі штраф больш чым на 50 тысяч

Падатковая інспекцыя правяла праверку прыватнай арганізацыі, што прадстаўляла паслугі таксі ў Шклове. Праверка выявіла, што на працягу двух кварталаў 2022 года фірма выкарыстоўвала наяўныя грошы, атрыманыя ад кліентаў, у абыход афіцыйнай справаздачнасці. Работнікам таксама выплачваліся зарплаты ў канвертах.

Усяго арганізацыі выстаўлена патрабаванне кампенсаваць у бюджэт 53,9 тысяч рублёў, у тым ліку больш за 30 тысяч – падаходнага падатку за атрыманую супрацоўнікамі зарплату, пішуць “Магілёўскія ведамасці”.

Фота ілюстрацыйнае.