Category: У Беларусі

Вось такія напоі забаранілі ў Беларусі

Навіна ад

Беларускі санітарны нагляд выявіў утрыманне фарбавальнікаў, не прамаркіраваных на прадукцыі Ярцаўскага камбіната алкагольных і безалкагольных напояў з горада Пушкіна Маскоўскай вобласці.

У складзе сокаўтрымальнага напою з сумесі садавіны і ягад «Фруктова-ягадная паляна» і сокаўтрымальнага напою з яблыкаў, вішні, чарнаплоднай рабіны «Спелая Вішня» гандлёвай маркі «Yesta» для харчавання дзяцей дашкольнага і школьнага ўзросту (з 3-х гадоў) былі выяўлены сінтэтычныя фарбавальнікі, не заяўленыя вытворцам на маркіроўцы.

Уся гэтая прадукцыя забароненая для продажу ў Беларусі – паведамляе Магілёўская абласная санстанцыя.

Фота: yesta.ru

“Спорцікі” кінулі “кактэйль Молатава” у акно пенсіянеркі – відэа

Навіна ад

У Магілёўскім раёне сышчыкі пры падтрымцы АМАПа затрымалі 15 і 17-гадовага мінчан, якія памыліліся адрасам і кінулі бутэльку з бензінам у вакно пенсіянеркі – паведамляе МУС.

Устаноўлена, што падлеткі па ўказанні наймальніка прыбылі са сталіцы, каб “пакараць” закладчыка, які не выканаў заданне куратара. Вырабіўшы запальную сумесь, яны кінулі яе ў вакно кватэры, здымаючы адбывалае на відэа для справаздачы перад працадаўцам.


Як пазней высветлілася, фігуранты памыліліся адрасам і напалі на жыллё пенсіянеркі. Жанчына самастойна патушыла ўзгаранне, пацярпелых няма, агнём толькі часткова пашкоджана падлога.

Следчымі ўзбуджана крымінальная справа за наўмыснае знішчэнне або пашкоджанне чужой маёмасці, учыненую агульнанебяспечным спосабам. Санкцыя артыкула прадугледжвае да 10 гадоў пазбаўлення волі.

Фота: МУС

Ад 5 да 30 капеек – зноў выраслі кошты на цыгарэты

Навіна ад

Некаторыя маркі цыгарэт сталі даражэйшымі ў Беларусі з 1 верасня. Пра гэта паведамляецца на сайце Міністэрства па падатках і зборах.

Гродзенская тытунёвая фабрыка “Нёман” павысіць цэны на 5 капеек на цыгарэты “Магнат”, “Магнат 7”, “Мінск”, “Мінск 7”, “Мінск Superslims”, “Мінск 5 Superslims”, “Minsk city MS”, Minsk сapital MS, “Прэм’ер”, “Прэм’ер 7”, “Прэм’ер QS”, “Фэст”, “Фэст 7”.

На 5 капеек стануць даражэй і некаторыя віды цыгарэт Dove, Credo, а таксама Minsk city, Minsk capital, Minsk city QS, Minsk capital QS, Matrix Blue, Queen, Portal, Rigins Original, RB Perliamutr. На 5-10 капеек вырасце кошт на некаторыя віды NZ.

“Тытунь-інвест” на 10 капеек павысіць кошт на некаторыя віды цыгарэт “Карона”. А некаторыя віды Winston стануць даражэй на 5-25 капеек. Шэраг цыгарэт Sobranie падаражэе на 20 капеек.

У «Інтэр-Табака» на 20-25 капеек вырасце кошт на некаторыя цыгарэты Red Bor.

Цэны на ўвазныя ў Беларусь кампаніяй “Беларусьгандаль” цыгарэты маркі Chapman стануць вышэйшымі на 30 капеек.

Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.

Фота з адкрытых крыніц

Ад заўтрашняга дня – з бліжнім святлом фар

Навіна ад

З 25 жніўня па 5 верасня кіроўцы на аўтадарогах Беларусі павінны ўключаць бліжняе святло фар. Гэта звязана з завяршэннем летніх канікул і правядзеннем акцыі “Увага – дзеці!”.

Фота з адкрытых крыніц

Пачаўся сезон палявання на лася, аленя і лань

Навіна ад

Ад 20 жніўня і да канца верасня на Беларусі дазволена паляваць на адну з самых папулярных дзічын – ласёў, аленяў, лань, паведамляе Дзяржаўная інспекцыя аховы жывёльнага і расліннага свету. Дазволена здабываць дарослых самцоў, у тым ліку трафейнай якасці, а таксама селекцыйных жывёл без уліку полу і ўзросту.

Таксама паведамляецца, што паляванне прымеркавана да пачатку перыяду размнажэння аленевых, калі ў іх пачынаецца гон. Такое паляванне праводзіцца, як правіла, з прынаджваннем самцоў на вабу. Падчас такога палявання ўдзельнічаюць прафесійныя вабільшчыкі, якія пры дапамозе спецыяльнай прылады – вабы – імітуюць роў жывёлы, каб прывабіць яго бліжэй да паляўнічых. Вабіць – значыць клікаць звера яго голасам.

Фота з адкрытых крыніц

Вершы Дуніна-Марцінкевіча і іншых беларускіх класікаў прызнаныя экстрэмісцкімі

Навіна ад

Пракуратура Мінска прызнала “экстрэмісцкімі” два вершы Вінцэнта Дуніна-Марцінкевіча, класіка беларускай літаратуры, паэта, драматурга, тэатральнага крытыка, заснавальніка беларускай драматургіі і нацыянальнага тэатра – піша “Настоящее время Беларусь”.

Таксама ў спіс экстрэмісцкіх матэрыялаў трапілі кнігі Ларысы Геніюш, Наталлі Арсенневай, Лідзіі Арабей і Уладзіміра Някляева з серыі “Беларускі кнігазбор”.

Паводле заявы пракуратуры Мінска, 17 жніўня “экстрэмісцкімі матэрыяламі” прызнаны “вершы “Плывуць вятры” (“Плывуць ветру”) і “Гутарка старога дзеда” (“Размова старога дзеда”), якія крытыкі прыпісваюць Дуніну-Марцінкевічу, а таксама прадмова Язэпа Янушкевіча да кнігі “Вінцэнт Дунін-Марцінкевіч. Выбраныя творы” (Выбраныя творы).

В. Дунін-Марцінкевіч нарадзіўся ў Бабруйску ў 1808 годзе.

На фота: помнік яму ў родным горадзе.

Вярхоўны суд ліквідаваў Партыю БНФ

Навіна ад

Вярхоўны суд Беларусі задаволіў іск Міністэрства юстыцыі і ліквідаваў апазіцыйную Партыю БНФ – паведамілі Sputnik у Мінюсце.

Сёлета ліквідаваны партыі «Зялёных», «Беларуская сацыял-дэмакратычная партыя «Грамада», Рэспубліканская партыя, Сацыял-дэмакратычная партыя Народнай згоды.

Партыя БНФ – адна з найстарэйшых апазіцыйных партый у Беларусі. Яна была заснавана ў 1993 годзе Зянонам Пазняком. З верасня 2017 да красавіка 2022 года кіраваў Партыяй БНФ Рыгор Кастусёў, якога вярхоўны суд прызнаў вінаватым ў «змове з мэтай захопу дзяржаўнай улады неканстытуцыйным шляхам» і даў яму 10 гадоў калоніі.

Усе лясы Беларусі адкрыты для наведвання

Навіна ад

Абмежаванні захаваліся толькі ў двух раёнах Брэсцкай вобласці – Пінскім і Іванаўскім.

На мапе забарон на наведванне лясоў амаль уся Беларусь зялёнага колеру. Выключэнне – два раёны на поўдні краіны.

Тут можна наведваць лясы, але нельга распальваць вогнішча і праводзіць масавыя мерапрыемствы ў лясах, і канечне – кідаць пад ногі недапалак.

Фота з адкрытых крыніц

Расклад спаборніцтваў II Гульняў краін СНД у Магілёве

Навіна ад

Сёння а 14:40 ў Мінску спаборніцтвамі па мастацкай гімнастыцы распачнуцца II Гульні краін СНД. Урачыстая цырымонія адкрыцця пройдзе заўтра а 16:30 у Мінск-Арэне. 

Гульні краін СНД – мерапрыемства ў сферы фізічнай культуры і спорту, якое ахоплівае нацыянальныя віды спорту, найбольш папулярныя ў дзяржавах – удзельніцах СНД, алімпійскія і неалімпійскія віды спорту. I Гульні краін СНД прайшлі ў Казані з 4 па 11 верасня 2021 года.

Сёлета з 4 па 14 жніўня спартыўныя спаборніцтвы запланаваны ў Мінску, Барысаве, Брэсце, Віцебску, Гомелі, Гродна, Жлобіне, Маладзечна, Оршы, Салігорску і Магілёве.

У Магілёве пройдуць спаборніцтвы ў двух відах: каратысты будуць змагацца ў спарткомплексу “Алімпіец”, а лучнікі адстраляюцца на стадыёне “Спартак”.

Вашай увазе расклад спаборніцтваў у Магілёве:

6 жніўня

Стральба з лука(г. Магілёў) 11.00 кваліфікацыя практыкаванне «70м раунд»
(мужчыны, жанчыны) АВ		 Стадыён «Спартак»
12.05 кваліфікацыя практыкаванне «70м раунд»
(мужчыны, жанчыны) АВ

7 жніўня

Стральба з лука(г. Магілёў) індывідуальныя спаборніцтвы:
10.30 1/16 фіналу (мужчыны, жанчыны) Стадыён «Спартак»
10.45 1/8 фіналу (мужчыны, жанчыны)
11.00 1/4 фіналу жанчыны (1-я пара)
11.15 1/4 фіналу жанчыны (2-я пара)
11.30 1/4 фіналу жанчыны (3-я пара)
11.45 1/4 фіналу жанчыны (4-я пара)
12.15 1/2 фіналу жанчыны (1-я пара)
12.30 1/2 фіналу жанчыны (2-я пара)
12.45 1/4 фіналу мужчыны (1-я пара)
13.00 1/4 фіналу мужчыны (2-я пара)
13.15 1/4 фіналу мужчыны (3-я пара)
13.30 1/4 фіналу мужчыны (4-я пара)
13.45 1/2 фіналу мужчыны (1-я пара)
14.00 1/2 фіналу мужчыны (2-я пара)

8 жніўня

Стральба з лука(г. Магілёў) камандныя спаборніцтвы:
10.30 1/4 жанчыны, мужчыны Стадыён «Спартак»
10.45 1/2 фіналу жанчыны (1-я пара)
11.15 1/2 фіналу жанчыны (2-я пара)
11.15 1/2 фіналу мужчыны (1-я пара)
11.30 1/2 фіналу мужчыны (2-я пара)
змешаныя пары:
11.45 1/4 фіналу Стадыён «Спартак»
12.00 1/2 фіналу мужчыны (1-я пара)
12.15 1/2 фіналу мужчыны (2-я пара)

9 жніўня

Стральба з лука(г. Магілёў) асабістыя і камандныя фіналы:
10.30 бронза жанчыны Стадыён «Спартак»
10.45 бронза мужчыны
11.00 золата жанчыны
11.15 золата мужчыны
змешаныя пары
11.30 бронза Стадыён «Спартак»
11.45 золата
індывідуальныя дуэлі
12.00 бронза жанчыны Стадыён «Спартак»
12.15 бронза мужчыны
12.30 золата жанчыны
12.45 золата мужчыны

12 жніўня

Каратэ(г. Магілёў) папярэднія паядынкі
09.00 ката інд. мужчыны СК «Алімпіец»,
гульнявая арэна
кумітэ інд. мужчыны да 60 кг
кумітэ інд. жанчыны да 50 кг
кумітэ інд. мужчыны да 67 кг
кумітэ інд. жанчыны да 55 кг
кумітэ інд. мужчыны да 75 кг
фіналы
16.00 ката інд. жанчыны СК «Алімпіец»,
гульнявая арэна
кумітэ інд. мужчыны да 60 кг
кумітэ інд. жанчыны да 50 кг
кумітэ інд. мужчыны да 67 кг
кумітэ інд. жанчыны да 55 кг
кумітэ інд. мужчыны да 75 кг

13 жніўня

Каратэ(г. Магілёў) папярэднія паядынкі
09.00 ката інд. мужчыны СК «Алімпіец»,
гульнявая арэна
кумітэ інд. жанчыны да 61 кг
кумітэ інд. мужчыны да 84 кг
кумітэ інд. жанчыны да 68 кг
кумітэ інд. мужчыны +84 кг
кумитэ инд. жанчыны +68 кг
финалы
16.30 ката інд. мужчыны СК «Алімпіец»,
гульнявая арэна
кумітэ інд. жанчыны да 61 кг
кумітэ інд. мужчыны да 84 кг
кумітэ інд. жанчыны да 68 кг
кумітэ інд. мужчыны +84 кг
кумітэ інд. жанчыны +68 кг

Фота: афіцыйны сайт II Гульняў Краін СНД

У Беларусі знайшлі парэшткі маманта

Навіна ад

Гомельскія вадалазы пры праверцы акваторыі ракі Бесядзь знайшлі, па іх меркаванні, парэшткі маманта – паведамляе прэс-служба МНС.

На месца знаходкі прыбылі спецыялісты з музея Гомельскага палацава-паркавага ансамбля і пацвердзілі гэтую гіпотэзу.

Загадчык аддзела археалогіі і аховы гісторыка-культурнай спадчыны музея Юрый Панкоў пракаментаваў знаходку.

“Чэрап практычна цэлы, хоць і адсутнічаюць некаторыя фрагменты, а некаторыя ўчасткі – у месцы біўняў – крыху разбураны. Чэрап старажытнай жывёліны мог захоўвацца ў гэтай мясцовасці, як мяркуецца, больш за 20 тысяч год. Гэта ўнікальная для Гомельскай вобласці знаходка”, – сказаў ён.

Фота: МНС