Category: Навіны Магілёва

Магілёўскую “Строммашыну” прадалі. Новы ўласнік – фірма, што здае памяшканні ў арэнду

Навіна ад

Па выніках аўкцыёна 70 000 квадратных метраў у цэнтры горада прадалі за 1,76 мільёны даляраў.

21 верасня адбыўся аўкцыён па продажы магілёўскага завода “Строммашына” – паведамляе realt.by. Першапачаткова маёмасць завода выставілі на таргі ў ліпені за 26,7 млн рублёў. Прычына – даўгі прадпрыемства. Але на некалькі таргоў не было заявак. У выніку цана знізілася на 80%. Лот выставілі за 8 млн рублёў з паніжэннем цаны да мінімальнай у 5,34 млн рублёў.

У аўкцыёне было два ўдзельнікі, але адзіную стаўку зрабіў удзельнік № 1 у 15.30 – гэта значыць за поўгадзіны да заканчэння таргоў. Ім аказалася кампанія «Тведас», якой маёмасць завода дасталася за 5 738 812 рублёў або каля 1,76 млн даляраў.

Фірма “Тведас” спецыялізуецца на тым, што здае ў арэнду свае памяшканні (ёй належыць, напрыклад, гандлёвы цэнтр на рагу Бульвара Непакораных і Астроўскага) альбо памяшканні, якія арандуе сама. Заснавальнікам і кіраўніком фірмы фігуруе Сяргей Лапін.

Кампаніі дасталіся аб’екты нерухомасці, энергетычнай інфраструктуры і добраўпарадкавання. Плошчы – больш за 70 тысяч квадратных метраў. Яно размяшчаецца на ўчастку ў 13,5 гектара ў цэнтры Магілёва.

Участак былой “Строммашыны” паводле заканадаўства можа забудоўвацца пад грамадзянскую, жылую, транспартную інфраструктуру.

Фота: mogilev.media

Памятнае месца ахвярам сталінскіх рэпрэсій у Магілёве пераробліваюць, будзе новы крыж

Навіна ад

Рэканструкцыя праспекта Дзімітрава ў Магілёве закране таксама месца ўшанавання памяці ахвяр сталінскіх рэпрэсій. Яр насупраць сучаснага Мясакамбіната быў месцам расстрэлаў у 1930-х гадах. У канцы 1980-х грамадскасць усталявала тут памятны крыж, потым яшчэ адзін, большы.

Зараз вялікі крыж выкапаны, а на самім месцы памяці пракладаецца новая дарожка. Як расказалі нам будаўнікі, замест ранейшага крыжа будзе новы, але які канкрэтна – пакуль невядома.

Характэрна, што ўсталяваны грамадскасцю вялікі крыж – шасціканцовы, ён паўтарае форму крыжа Еўфрасінні Полацкай.

Год таму, на восеньскія Дзяды прадстаўнікі грамадскасці традыцыйна ўскладалі кветкі да гэтага крыжа – пісалі mogilev.media. А ў лютым гэтага года прадстаўнікі праваслаўнай абшчыны арганізавалі да памятнага крыжа хросны ход.

Фота: mogilev.media

Жуткія пробкі – пачалася рэканструкцыя праспекта Дзімітрава ў Магілёве. Фота, відэа

Навіна ад

У Магілёве праходзіць рэканструкцыя аднаго з самых ажыўленых праспектаў горада. З 21 па 26 верасня тут будзе праводзіцца ўкладка асфальтабетоннага пакрыцця. На бягучы момант чатыры паласы з шасці на праспекце перакрытыя дзеля правядзення дарожных работ. Астатніх дзвюх палос яўна бракуе для пропуску ўсяго транспарта. Пробкі ўтвараюцца адразу на выездзе на праспект з дзясяткаў аўтамашын.

Рэканструкцыя прадугледжвае стварэнне новых кішэняў для грамадскага транспарта. Таксама памяняецца схема мясцовых пераездаў – некаторыя ўжо закладзеныя бардзюрамі, а замест іх прабіваюцца новыя.

Нязручнасцяў хапае і карыстальнікам грамадскага транспарту. З-за немагчымасці спыняцца на прыпынках, аўтобусы высаджваюць пасажыраў проста на вільготнае дарожнае палатно, па якім катаюцца нетаропкі я асфальтаўкладчыкі.

 

Посмотреть эту публикацию в Instagram

 

Публикация от Навіны Магілёўскага рэгіёну (@mogilev.media)

Фота, відэа: mogilev.media

Тралейбусы ў Магілёве будуць хадзіць да кальца Мясакамбіната – ад заўтра і на тыдзень

Навіна ад

У сувязі з уладкаванне асфальтабетоннага пакрыцця на праспекце Дзімітрава, з 21 па 26 верасня тут плануецца адключыць кантактныя лініі электраперадач. Тралейбусы нумар 4, 6 і 7, што курсіруюць з горада ў бок Любужа, будуць у гэты час хадзіць па скарочаным маршруце – да кальца Мясакамбіната. Замест іх ад кальца і на Любуж будуць запушчаныя дадатковыя рэйсы аўтобуса нумар 42 – паведамляе “Веснік Магілёва”. Праязныя на тралейбусы ў Магілёве дзейнічаюць і ў аўтобусах да канца верасня.

Фота з адкрытых крыніц

Магілёўцы змогуць стаць членамі журы сусветнага фестываля кароткаметражак

Навіна ад

26-ты Манхэтанскі фестываль кароткаметражнага кіно “Manhattan shorts” будзе праходзіць пачынаючы з 28 верасня ў 500 гарадах свету для 100 000 гледачоў.

Кожны аматар кіно можа далучыцца да галасавання ў выбары пераможцаў фестываля. Усяго на суд гледачоў будуць прадстаўленыя 10 карцін з васьмі краін свету. 9 кастрычніка будуць абвешчаныя вынікі галасавання ў Беларусі.

Манхэтэнскі Фестываль кароткаметражнага кіно сёлета падрыхтаваў праграму фільмаў, аб’яднаную адной агульнай тэмай, якая блізкая ўсім – як чалавек сустракае цяжкасці і нягоды, і тыя, якія ён стварыў сваімі рукамі, і тыя, ад якіх ніхто не застрахаваны.

Усе кароткаметражныя фільмы фіналісты аўтаматычна атрымліваюць кваліфікацыю на “Оскар”. Усе фільмы паказваюцца на мове арыгінала з субцітрамі. Падрабязную праграму фестываля можна знайсці тут. У Магілёве паказы пройдуць у кінатэатры “Радзіма”.

Фота з адкрытых крыніц

Пьяны кіроўца спрабаваў даць хабар ДАІшнікам пад Магілёвам

Навіна ад

Нецвярозы вадзіцель грузавіка быў затрыманы каля аграгарадка Вейна Магілёўскага раёна. У 29-гадовага мужчыны аказалася 1,7 праміле алкаголя паводле алкатэстара. Нягледзячы на тое, што супрацоўнікі ДАІ ў абавязковым парадку носяць нагрудныя камеры, кіроўца грузавіка паспрабаваў даць ім хабар у 30 000 расійскіх рублёў, паклаўшы грошы пад сядзенне міліцэйскага аўто. Супраць яго ўзбуджаная крымінальная справа – паведамляе прэс-служба абласнога УУС.

Фота: УУС, скрыншот

Пракуратура знайшла незаконную рэкламу на дамах па ўсім Магілёўскім рэгіёне

Навіна ад

Аб’явы пра мікракрэтыды, развешаныя на пад’ездах жылых дамоў у Асіповічах, Бабруйску, Магілёве парушалі дзейснае заканадаўства – выявілі ў Генпракуратуры. Так, у аб’явах адсутнічалі звесткі аб памеры гадавой працэнтнай стаўкі, інфармацыя аб нарматыўных прававых актах, згодна з якімі рэкламадавец дае наўзаем грашовыя сродкі – як патрабуе заканадаўства.

У Магілёве выяўлены 21 выпадак размяшчэння індывідуальнымі прадпрымальнікамі аб’яў з тэкстам: «Деньги. Заем по договору. Официальное трудоустройство не обязательно» на пад’ездах і інфармацыйных дошках жылых дамоў, дзе былі пазначаны толькі мабільныя тэлефоны і ўліковыя нумары плацельшчыкаў.

Адзначаецца, што мясцовыя органы ўлады пакідалі падобныя аб’явы без ніякай увагі. Па патрабаванні пракурора горада Магілёва ў дачыненні да асоб, якія размясцілі аб’явы, Магілёўскі гарвыканкам ініцыяваў адміністрацыйныя працэсы па артыкуле 13.9 Кодэкса Рэспублікі Беларусь аб адміністрацыйных правапарушэннях.

Фота: Генпракуратура

У Магілёве ў чацвёрты раз пройдзе Міжнародны марафон

Навіна ад

1 кастрычніка ў Магілёве пройдзе традыцыйны марафон. Забег запланаваны на трох дыстанцыях – класічная марафонская ў 42 кіламетры і 195 метраў, а таксама два кароткія маршруты на 4 і 10 кіламетраў.

Пераможца марафона атрымае грашовую прэмію ў 3 000 рублёў. На гэты час у марафоне зарэгістраваліся ўдзельнікі з Беларусі, Расіі і Кітая – піша “Веснік Магілёва”.

Магілёўскі марафон пачаў праводзіцца з 2017 года. У час пандэміі каронавіруса яго адмянялі, папярэдняе легкаатлетычнае спаборніцтва адбывалася ў маі 2022 года.

Фота ілюстрацыйнае

З пачатку года на Магілёўшчыне зарэгістравана больш 130 новых выпадкаў ВІЧ

Навіна ад

Пераважная большасць новых выпадкаў захворвання адбыліся полавым шляхам. Большасць хворых – людзі старэйшыя за 30 гадоў.

Усяго за восем месяцаў гэтага года на Магілёўшчыне зарэгістраваны 132 новыя выпадкі ВІЧ-інфекцыі. Паказчык захворвання – 11, 7 на 10 тысяч чалавек. 

Максімальная колькасць новых выпадкаў (261) зарэгістравана ў Гомельскай вобласці, мінімальная – у Віцебскай (77). Усяго ў краіне за гэты перыяд зарэгістравана 1004 выпадкі ВІЧ-інфекцыі.

У эпідэмічны працэс уцягнуты ўсе ўзроставыя групы насельніцтва, аднак, асноўная доля грамадзян, у якіх упершыню выяўляюць вірус – людзі старэйшыя за 30 гадоў – больш за 87,5%. За студзень-жнівень 2023 г. удзельная вага асоб, інфікаванне якіх адбылося палавым шляхам, складае 82,9%, доля парэнтэральнага шляху перадачы ВІЧ складае 14,8%. Большасць (удзельная вага), уцягнутых у эпідэмічны працэс па ВІЧ-інфекцыі за студзень-жнівень 2023 года – мужчыны (больш за 60%) паведамляюць “Магілёўскія ведамасці”.

Фота ілюстрацыйнае

Сезон восеньскіх кірмашоў стартуе ў Магілёве з наступных выходных

Навіна ад

Пачынаючы з 23 верасня ў Магілёве кожную суботу і нядзелю будуць праводзіцца сельскагаспадарчыя кірмашы. Першыя такія кірмашы пройдуць 23 і 24 верасня каля гандлёвага цэнтра “Крыніца” ў мікрараёне “Саломінка” (з 10.00 да 16.00) і каля спартыўнага комплекса “Н2О” на вуліцы Златавустоўскага (з 9.00 да 15.00).

Восеньскія кірмашы ў абласным цэнтры будуць праходзіць на розных пляцоўках кожныя выходныя цягам да 5 лістапада ўключна. Поўны спіс пляцовак і часу працы можна знайсці тут.

Фота ілюстрацыйнае